ای حجت الهی عرض ارداتیم وار #مهدیه ✨✨🍀🥀✨✨🍀🥀 #عبادی طارمی . ای حجت الهی عرض ارداتیم وار سنلن اقا بوگونده بیر ایری صحبیتیم وار . . عمریم گچیر عزیزِ زهرا عنایت اِیله قبل از جزا محبّون آقا شفاعت ایله قویما دوشم شراره اهل سعادت ایله لطفیله دوز مسیره سن گل هدایت ایله . . هر ذره نی سالولار بی شک اگر حسابه بو سنجش عملدن سالک دوشر عذابه عالمده سرّ واسرار دوشموش هامی حجابه بو سرّیدن نقدری بیلمم که قسمتیم وار . . سن نور ذات یکتا من بیر محبّ غافل سن شاه با کرامت من کاسه الده سائل الله شاکرم که عشقون اولوبدی حاصل سیز خاندادن نوره همّیشه زحمتیم وار . . گوزلر گوزوم اُولنده انوار مصطفانی هم فاطمه حبیبین دلبند مرتضانی مظلوم حسین شهید عطشان کربلانی یوخدور غمیم جزاده گوز یاشی ثروتیم وار . . چولررده اغلیارسان جدّین حسینه یکسر بیر شمعی تک یانارسان یاده دوشنده اصغر درک ایلمک چتیندی اسرارِ و سرّ سرور فخریم بودور جهاندا عشقونله الفتیم وار . . سیز خاندان پاکه هر کس دخیل اولوبدور هر کیم خیانت ائتدی خوار و ذلیل اولوبدور اود ایچره اهل عرفان مثل خلیل اولوبدور حب ولایتیم وار بیر عالی نعمتیم وار . . آدم که آدم اولدی بنیادی محکم اولدی دللرده قالدی عشقی بیر شخص اعظم اولدی بیر اشتباهه خاطر حالاتی بر هم اولدی اللهینه بویوردی عرض ندامتیم وار . . امر ایلدی خداوند ای بنده ی خطاکار چیخدون اطاعتیمدن ایش اولدی سخت ودشوار اُول کار ناپسندون اَوّلده ایله اقرار چون کار ناپسنده راه شفاعتیم وار . . اُوچ امره عامل اولسان عالی مقام اولارسان خالق یانیندا بی شک صاحب سلام اولارسان سرّ وجوده آگه پیکِ پیام اولارسان من خالقم جهاندا هر امره قدرتیم وار . . اوّلده توبه ایله اعماق قلبیدن سن خیرالعملدی دوّم بو یولدا مثل جوشن سوم حسینه آغلا هر روز شب اورکدن اهل اطاعت اولسان تاج نبوّتیم وار . . مسرور اُولوبدی آدم عرض ایلدی خدایا توبه اورکدن ائتدیم تایید ائله الها صالح عمللریمنن دنیا اولوبدی زیبا اما اوچومجی شرطه میل شهادتیم وار . . پیک امین دییَنده اخبار کربلانی اُول قصه ی حزینی بیر قانلی ماجرانی گوردوم یانیخلی سوزلر برهم ویرور هوانی عطشان اُولن شهیلن هر گونده خلوتیم وار . . اشکی آخوردی گوزدن قانه دونوردی گاهی بو نه سوزیدی یاندی کل وجود الهی فرزند مرتضادور عالملرین پناهی احسان ائدیب حسینون نور ولایتیم وار . . آدم ابوالبشردور بیزده اونون بالاسی هر یول که گئتدی آدم امر ایلیوب خداسی اجرا اولا گرک بو شرط شفا بناسی هرکس حسینه اغلار حقدن بشارتیم وار . . اوچ شرط آدمیّت اُولدی بیزه وظیفه هر کوچک و کباره یا مرد و یا ضعیفه عرض سلامیم اولسون بو هییت شریفه احسن بو عشق وشوره میل محبتیم وار . . مردان بیت الاحزان عشقوز اولوب جهانی مهدی حمایت اییلر حتما بو کاروانی فاش اولسا سرّ پنهان مشکلدی چوخ بیانی اقرار ائیدور (عبادی) بو جَمعه حیرتیم وار . . . #مهدیه #عبادی_طارمی #ای_حجت_الهی_عرض_ارداتیم_وار #ترکی