زبانحال دختر از ناقه افتاده با سر امام بعد از رسیدن به کاروان اُسرا @Navayebikas 🌘🌘✳️✳️🌘🌘 @Navayebikas عجب کَرَم قیلوب بابا بو کاروانی ساخلادون یارالی باشیله نجه بو ساربانی ساخلادون قیزون فدا اولا سنون گوزونده اشک آلوه خدایه شکر اولا گینه یتشمیشم وصالوه @Navayebikas 🌘🌘✳️✳️🌘🌘 @Navayebikas خدا بولور بو چولده من اَسفلی حاله قالمیشام قاچاندا داشلار اوسته من ئولومی یاده سالمیشام ایاقیمه تیکان باتوب غم اوستونه غم آلمیشام باتاندا خارلر دیمم حصار صبری یخمادی یر ایلیوبدی بعضی سی ایاقدا قالدی چخمادی @Navayebikas 🌘🌘✳️✳️🌘🌘 @Navayebikas ندن بو آیدا چخمادی بیر آز ایشیقدا آغلیم ایاقیمون تیکانلارین چکوب جهانی داغلیم نه وقتیمیدی آی بابا اوزوم یارامی باغلیم بو خیردا جا قیزین ایله باتوبدی قورخودان سسی سفارش ایله عمه مه منِ غریب و بیکَسی @Navayebikas 🌘🌘✳️✳️🌘🌘 @Navayebikas شکایت ایلرم بابا خدایِ حیّ و داوره مصادف اولموشام ندن گروه پَست و کافره بیری قوور بیری سویور بیری دوتور وورور یره خدا بولور کی قوم دون نقدری دویدولر منی بو قدر غصه و جفا یقیندی ئولدورر منی @Navayebikas 🌘🌘✳️✳️🌘🌘 @Navayebikas بو چولده زجر دون منی زبس قوووب اویان بویان حیاتیدن اوسانمیشام ئولومدی آرِزوم اینان اوقدر سیلی لر ووروب گوزومده تار اولوب جهان وورانمورام یوزومه اَل دگنده اینجیری بابا دوشوب مَحاقه صورتیم آناوا بنذیری بابا @Navayebikas 🌘🌘✳️✳️🌘🌘 @Navayebikas گلایه ایتمرم بابا اوزون قضاوت ایت ولی یانار ایشیتسه غصه می نجفده مرتضی علی نه نسبتی کیچیک یوزون بوزجر کافرین اَلی گوروم شل اولسون ای بابا بو زجر شوم و کافری اَلو چکور یوزوم بابا زبس آغیردی اللری @Navayebikas 🌘🌘✳️✳️🌘🌘 @Navayebikas فلک سالوب بلالره بو بینوا یتیمه نی اسیر ایدوبدی دشمنه سالوبدی وحشته منی دوشوبدی قورخی جانیمه هرایه سسلدیم سنی زبس بو چولده قاچمیشام صاقا صولا منِ غریب یانیبدی قلب فاطمه هرایمه آنان گلیب @Navayebikas 🌘🌘✳️✳️🌘🌘 @Navayebikas اگر چه (بیکَسا) سنون یوخوندی قدرت بیان کَرَم لَه لطف ایدوب سنه امیر مُلک انس و جان اجازه ویردی یازمیسان بو نچّه خطی بس دایان بورسمدور غلاملر سوزون دیوب دورار گیدر غلام دردینه ولی امیرلر دوا ایدر @Navayebikas 🌘🌘✳️✳️🌘🌘 @Navayebikas #راه_شام #محرم #شور #جلالت #عرض_ارادت #زیارت التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas