رفیق خوشبخت ما/ زرنقی
؟ عشقیمیز تا گلیب تجلایه دایانیبدور جهان تماشایه آخمیشیک منتظر باخیشلاردان دونموشیک قطره قطره دریایه  عشق لیلی ده بیرده مجنونلار  دسته دسته دوشوبله صحرایه "ارنی" سسلیروک کی موسی تک گلمیشیک بیزده طور سینایه گورموشوک بوردا بیز خدانی...اگر "لن ترانی" دئیوبدی موسایه اربعین یا کی روز محشردور باخ اورکلرده شور و غوغایه اربعین دور یئنه آچیب معشوق قاپیسین عاشقان شیدایه اوپمگه زائرین ایاقینی ،یئر... هر قدم ده گلیر تمنایه یول وئریر آستانه سینده حسین نه فقط شیعه یه، کی ترسایه آپاریبدور اورک مسیحادن او کی بیر یول گئدیب کلیسایه وصل جانانه جان فدا ائدیروک اولا جانلار فدا بو سودایه دوشموشوک او باشین دالیجان کی عالمین باشینه سالیب سایه بیز پریشانیلر بو قانلی باشین بیر توکون وئرمریک بو دونیایه @h_zarnaghi  
229 مشاهده