اسم القصیده : هالسفر يبن امي صعب اسم الشاعر : #عطيه_الجمري اسم الرادود : #محمد_الجنامي المناسبة : مصاب عاشوراء 1442 الهجري المكان : بغداد / هيئة عاشوراء 🏴🏴🏴🏴🏴🏴🏴🏴 اویلاه اویلاه یا زینب المسبیه ویا الغرب یحسین ولله صعب ممشای ش البصر ياهو اللي يباري الحرم وياي جسمك رمية والكريم ابرمح منصوب جابو هوازلهم ومدري القصد ياصوب للكوفه لا للشام وين احنه و هلدروب وين اليساعدني على ضيمي وكثر بلواي عريان جسمك بالفله ومشيت عنه ساقوا الضعينه ولليتامى غدت حنه وما تسمع الذاك لمقيد غير ونه كلما جذبها نحّل جسمي و فتت حشاي هالسفر يبن امي صعب والحادي اصعب الحرمه متقدر لو خفقها الصوط تنحب وامّا الذي تنخى علي الكرار تنسب والدرب شب لاهوب لارايح ولا جاي لو طاحت الطفله يخوية امتحن بيهه محد يركبها ولا يشفق عليها ماغير حادي ظعونا ابسوطه يجيبها ايورم متنها وتنتخي ولاتشوف حماي صعبه يخويه اويه الغرب ممشه الغريبه والگوم مافيهم زكي وأمه نجيبه وكل ما مشينه گالوا الكوفه جريبه والنوگ يزجرها الرجز لو گلت بهداي 🏴🏴🏴🏴🏴🏴🏴🏴🏴