#مهدیه_مدح_و_مرثیه
#تا_نگار_مهوشيم_زلفون_پريشان_ايلدي
عقليمي آشفته قيلدي باغريمي قان ايلدي
بير باخيشدا آلدي الدن دينمي، ايمانمي
سونكي بير ديداريده سرمست و حيران ايلدي
گوستروب نازيله تاميگون لبون اول ميپرست
گويلومي مست ايليوب مشتاق جانان ايلدي
گوز گوروب تا گوزلرين سرمست اولوب دل، سويلدي
اول كمان ابرو مني آماج مژگان ايلدي
تا تبسّم ايلدي اول ماه كنعان، گويلومي
سرخوش و سرگشتة چاه زنخدان ايلدي
باغلاموشدوخ عهد وصل اول نازنين دلداريله
بولمديم مندن نه گوردي نقض پيمان ايلدي
سيل اشگيمدن حذر ايله گوررسن ناگهان
موجه گلدي عالم امكاني ويران ايلدي
وصلنه بير عمر اولار مشتاقيديم ليك اول پري
عمرومون سرمايهسين هجرينده تالان ايلدي
هارداسان اي نازنين امداده گل دل غصّهدن
درّ اشگي مَه يوزومده قانه غلطان ايلدي
تاكي فاني سويليوب عشقنده باشدان گچموشم
عشق ميداننده باشين گوي چوگان ايلدي
#فانی_تبریزی
https://eitaa.com/madhvmarsiye