باقری گلزار: 🍃🌺🍂 🌿🍂 🍂 شهادت حضرت علی ابن ابی طالب اولین امام شیعیان جهان ✍️ حاج اصغر فرشچی (عدلی تبریزی) بوگون حیدرشهید اولدی شهید کربلا آغلار ا یدرآه و فغان زینب امام مجتبی آغلار حسین آغلارحسن آغلار یتیم لرسینه سین داغلار علی مظلوم علی مظلوم علی مظلوم علی مظلوم بوگون خورشیدعالم تاب غروب ایلوبدی تزباتدی ایدوب ترک جهان حیدر گوزوندن عترتین آتدی یورولموشدی جفالردن یارالی قبریده یاتدی بوهجرانه توکرقانیاش تمام اهل ولا آغلار بوگونده کوفه شهرینده فضانی غم مِحَن آلدی بابام ایوای دیور زینب فغان عرش حَقَه سالدی یتیملر بیوه لر سویلورعلی سنده گوزوم قالدی سرا سرکوفه ایتامی ایدرناله نوا آغلار یاغاربو کوفه شهرینده ندن غملرهواسیندن علی قبره گیدورالله آخورقانی یاراسیندن نچون که دویمیوب زینب وفالی اوز آتاسیندن دیرایوای بابام ایوای ایدرمحشربپا آغلار غم هجرانی آغلاتدی یتیملر گوزلری دولدی حسینون رنگ رخساری سارالدی گل کیمی سولدی گلوب فریاده زینب گل آنا زهرا نه لراولدی مَحَندن گللرون پرپر بوحاله مصطفی آغلار بابام حقین آنا زهرا ندندی بوعدو داندی بوغمده اودلانوب قلبیم شرار ظلمده یاندی سنه واضحدی یاندیردی قاپون ثانی الولاندی علی مظلوم اولوب مادردیر ایوای بابا آغلار فلک آخرعلینی سن حسینیندن جدا ایتدون عدالت خواه دنیانی سن اولدوردون جفا ایتدون تاپوب ارکان دین صدمه عجب شوری بپا ایتدون علاوه زینب و کلثوم بوگون صاحب لوا آغلار فلک راضی نجه اولدون توکه حیدر قانین اعدا سالا بیر شورش اعظم بو گون محشراولا برپا مزارایچره ایده ناله یارالی سیندن زهرا دوشه دورون مداریندن قدرآغلار قضا آغلار علی علمه مدینیدی علی هر حکمته دارا نمازاوسته قلج ویردون سالوبسان محشرصغرا اولونجان محشر کبری دیر شیعه علی مولا توکرگوزدن یوزه اشکین دیر وا مرتضی آغلار مه صوم وعبادت دورآچولموش سفرۀ احسان سزاواراولسا گر کیمسه بغیشلر قادرومَنّان بوآی بیرظلم ایدوب مُلجَم اولوب (عدلی)گوزی گریان دیرخالق عطا ایتسون برات کربلا آغلار حسین آغلارحسن آغلا یتیملرسینه سین داغلار علی مظلوم علی مظلوم علی مظلوم علی مظلوم ‍┅┅┅┅┄❅💠❅┄┅┅┅┅┄ 🇮🇷اللّٰهمَّ عَجِّلْ لِوَلِیِّكَ ٱلْفَرَجَ🇮🇷 دعوتید: به کانال ماندگاروبروز #تخصصی_نوای_ذاکرین #اکبر_آرامش_اشعار_مذهبی ایتا↙️ Eitaa.com/navayehzakerin2 @Aramesh113