لطفا در ایتا مطلب را دنبال کنید
🌸غدیر جرعه سی 🌸
✍️به قلم: استاد غلامی سرای
هوا آرام و یئر ایسدی
گونون الوان شعاعی یئر گویه جاری
زمان یورقون اورگ تک دم به رم چرپور
ندای وحی گلدی یا رسول الله...
ادا ایله بوگون تکلیفوی بوردا
وگرنه کشتی دین ورطه لرده لنگرین سالماز
بودین بی سرپرست اولماز
رسول الله سسلندی
گوزل الله آدینان باشلانار ایشلر
اولار که یول گدیر دورسون..
اولار که یول گدیر دورسون
بوگون تقدیر عالم بوردا روشن دی
بو گون شرمنده و بی قدر و بس آواره دشمن دی
آچان عالم ده گلشن دی
بوگون من سیزلری دریا یانیندا موجا تاپشوررام
بوگون اولدوزلاری من کهکشانه موجا تاپشوررام
اگر من گون اولام مردم علی آی دی
سزیلتی سسلره های دی
علی سیز امته وای دی
نه جور گون اوز مدارین سیر ائدر مردم
نه جور آی نور سَپَر مردم
علی ده دین حق اوسده اَسَر مردم
الا ای اهل عالم سیز اولون شاهد
بوگون من دینی ائتدوم خالص و کامل
الهی ای کریم وقادر والا
الهی خالق یکتا
منه یار اول بوگون ای مهربان معبود
الا ای اهل عالم هرکسه من اولموشام مولا
علی دی اونلارا مولا
علی دی بنده ی والا
علی دی علم های عالمه دارا
بوگون سرّ ولایت اولدی جان حیدره جاری
بوگون هموار اولور گول مقدمینده عرش یوللاری
مبادا باغلانا ظلمیله قوللاری
علی نی هاممی سویسیدی جهنم دای یارانمازدی
علی نین نوری قالسیدی گونینن آی یارانمازدی
گلون بیعت ائدون امر خدایه ای مسلمانلار
بوگون دست علی دست خدا افلاکه قوزاندی
بوگون عالمده نور مرتضی منشور اولوب یاندی
بوگون تفسیر اولان هرلحظه ده آیات قرآن دی
خلایق هاممی شادان دی
بوگون دریا دییر مولا
بلوت صحرا دییر مولا
بوگون زهرا دییر مولا
بوگون طوبی دییر مولا