🎤#بانوای_حاج_علی_سیفی_افشار جلوۀ پنج تنِ آل عبا فاطمه دی پایۀ عرش و حجابات خدا فاطمه دی نور رحمت دی تلالو ائلیوب مشرقدن بانی مرحمت هر دو سرا فاطمه دی . یوخ سوزوم هاجرومریمدیله محبوب قلوب لیک محبوبۀ درگاه خدا فاطمه دی . گرچه عیسی دمی هر درده دوا ایلردی بانی اصلی دم گور اودی یا فاطمه دی؟ . دئنه عیسایه کی نازایله مه،سن ئوزدمیوه دم وئرن هم ئوزیوه هم آناوا فاطمه دی . هاجرین اوغلو گئدوب مَسلخ قربانگاهه خنجر ائتمزدی اثر، ذکری چو یا فاطمه دی . واژۀ عشقی ولی فاطمه تعریف ائله دی بالالارین ائلین عشقه فدا فاطمه دی . عرصه محشره وارد اولاجاق ناقه سوار شافع اهل ولا یوم جزا فاطمه دی . تاج ِ نوری قویاجاق باشینه زهرای بتول کائناتین گوزونه نور و ضیا فاطمه دی . سس گلر گوزلریزی باغلیون اهل عرصات پردۀ عصمته آئینه نما فاطمه دی . باغلیار گوزلرینی کلّ خلایق او زمان عرصیه وارداولان شمسِ ضُحی فاطمه دی . امر اولار پیرو زهرا چکیله بیرطرفه جنّته داخل اولون چونکی رضا فاطمه دی . ایش یتنده بورا زهرا اله بیرکوینگ آلار سسلنر منتقم آل عبا فاطمه دی . ایستیرم عدل اولا جاری بالامین قاتلینه سیل ائدن طلعتینه فوج بُکا فاطمه دی . کربلاده پوزولان قافله نین ماتمینه ایکی دنیاده قوران بزم عزا فاطمه دی . سخن فاطمه جاری اولونار محشرده صاحب مصلحت قوم دغا فاطمه دی . آغلیا کیمسه حسینون غمینه دنیاده وئرن هرقطره سینه اجروبها فاطمه دی . دردیوی فاطمیه سویله «مصّیب» هر آن اذن حقّیله ائدن درده دوا فاطمه دی