🍂احوالات حضرت علی اکبر(علیه السلام)🍂
بهشت باغلارینی چکمیون منیم گوزومه
بهشتیدن ده گوزل کربلاسی وار آقامون
(آی کربلانی گورنلر آی کربلانی گورمینلر گیدنون مین آرزوسی وار گیدمینون بیر آرزوسی وار گیتمین دیور بیردفعه گیدیب آقامون قوناقی اولیدیم اما گیدن دیور الهی همیشه قسمت اله آقامون زواری اولام)
بهشت باغلارینی چکمیون منیم گوزومه
بهشتیدن ده گوزل کربلاسی وار آقامون
دیولر هر یاراسی گوز یاشیلا تئز ساغالار
اورکده بیرجه ساغالماز یاراسی وار آقامون
(بیر عالم یاتدی عالم رویاده امام حسین آقانی درک اله دی گوردی بدنی یارالیدی آقانون بدنینین یارالارون گورنده دیور یوخودا اوقدر آغلادیم اوقدر گوز یاشی توکدوم من آغلیورام گورورم آقانون بدنینده اولان یارالار ساغالور اوندا بولدوم بو گوز یاشلاری دوادی امام حسینون یارالارنا اما دییر امام حسینون بدنده بوتون یارالاری ساغالدی اما اورگینده بیر یاراسی ساغالمادی دیدیم آقا آتام آنام سنه قربان بدنینده بوتون یارالارون ساغالدی اما اورکده کی یاران نیه ساغالمادی؟ دیدی بو اورکده علی اکبرون داغیدی علی بالامون یاراسیدی منیم پیغمبره بنزین بالامی دوغرادولار
فَقَطَعُوهُ بسُیوفَهُم اِرباً اِرباً
تکه تکه بدنین دوغرادلار )
ساغالمیان یارا حتما جوان اوغول داغیدی
قولاق ایشیدسه وای اوغول وای صداسی وار آقامون
(علی اکبر آقا میداندادی امام حسین ده بالاسنون یولون گوزلور بیر دفعه گیتدی خیمه لره بابا چوخ سوسوزام بابا جان بدنیمده طاقتیم قالمیوب چاغردی گل بالا قوجاخلادی مبارک دیلین سالدی بالانین آغزنا یعنی بالا من سنن ده سوسوزام نیلیم بالا سویوخدی علی علی یورولان جانوا قربان اولوم علی گیتدی میدانا آتانین بالاینان وداع الینده اله آخر سوزلری بو اولار)
علی نقدر خیمه ده سن هیچ کیمه باخما منه باخ
(آیرلدی آقادان گیتدی بیر آز گچمیشدی چاغردی بابا یاحسین علی اکبرونن سنه سلام اولسون آقا بولدی وضعیت نجوردی میندی آتنا گیدیر میدانه اله کی یاخنلاشدی اوغلونون دوغرانان بدنینه گوردولر امام سورونه سورونه گلیر علی اکبر جنازسینه طرف یوزون قویدی بالانون دوغرانان بدنینه علی اکبر جنازه سی اوسته مرثیه خوان سیدالشهدائیدی اوجا سسیلن چاغردی علی «ولدی علی عَلَی الدنیا بعدک العفا» بالا کول اولسون سندن صورا دنیانون باشنا)
دیدی
هجرون ایلوب منی مغموم علی یا ولدی
انت مظلوم انا مظلوم یعنی بالا سنده مظلومسان منده مظلومام
هجرون ایلوب منی مغموم علی یا ولدی
انت مظلوم انا مظلوم علی یا ولدی
گوزلرون آچ دلبریم
باتما قان دریا سنا
باتما ماه انوریم
دوشموسن زهرا مارالی خیمه لردن چوخ آرالی
سن باشوندان من اورکدن اولموشوخ اوغلوم یارالی
دو گیدک ایندی آنان قان آغلیور
خیمه لرده دمبدم اکبر چاغرور
دوغرانوب باشون علی
قاندی گوز یاشون علی
کیم چخاردوب بو سیاق
نظمیدن قاشون علی
دای باشون نه باشه بنزیر
آخ نه قاشون قاشه بنزیر
صاق گوزون انگشتر ایچره
پارچالانموش قاشه بنزیر
صبریمی وضعیتون کسدی علی
دور بو دردون دای منه بسدور علی
(اورگی بئله سخلور؛ آخی گوزل اولار آتا جان ویرنده باشی جوان بالانین دیزینده اولا اما کربلاده بئله اولمادی گوردولر قوجا آتا گلیر جوان بالانین باشی اوسته)
باغدا باغبان بئل ایر
قزل گلی یل ایر
اوغول ئولسه ایو یخار
قارداش ئولسه بئل ایر
(آقا اله شدتیلن آغلیور اوندا گوردی بیر نفر گلدی دالدان قوجاخلادی حسینی حسین آغلاما حسین دشمنلر سونور آغلاما باخدی گوردی ابوالفضلیدی اورگی بئله آرام اولدی اماابوالفضلین باشی اوسته گلنده گوردی دای بیر نفر یوخ حسینی آرام الیه او دوغرنان بدنی قویدولار بیر عبایه گتیردیلر خیمه لره)
دیدی علی
آلمارام یوسفی گرچه اونی دنیا بینوب
حسنی مشهوریدی صدقیله زلیخا بینوب
او زلیخا بینندی سنی زهرا بینوب
(خانملار گلدیلر جنازه نین باشی اوسته بالا)
قان گلور یاراسینان
عبانین آراسینان
بالامین گورون ساق قالان یری قالب
اوپوم من هاراسینان
گوزونده قانا قربان
یارالی جانا قربان
رقیه باجون گلدی
علی دانشدر سنه قربان
فکر وذکریم بویودی من بوهوسده بیر آنیدیم
سرو تک قامتیوون سایه سینه دالدالانیدیم
ئولمه میش باری گلیدین باشیوه بیر دولانیدیم
🇮🇷 🇮🇷 🇮🇷 🇮🇷 🇮🇷 🇮🇷 🇮🇷
↙️↙️↙️↙️↙️↙️↙️↙️
💠کانال وابرگروه نوای ذاکربن💠
کانال↙️
Eitaa.com/navayehzakerin2
ابرگروه↙️↙️
https://eitaa.com/joinchat/954466766C8b9b885ce9
خادم↙️
@Aaramesh42