🍁 نجه گلدی نجه گئتدی 🍁 دنیایه بو انسان نجه گلدی نجه گئتدی سرگشته وحیران نجه گلدی نجه گئتدی عمرون ناقیلی شَرحه گلر ثانیه لرده اُول نقطهء پایان نجه گلدی نجه گئتدی بیر قافله دی سیری اونون قبره طرفدی کس بیلمدی کَروان نجه گلدی نجه گئتدی رستملَری آغوشه چکوبدور قَره تپراق باخ سام نریمان نجه گلدی نجه گئتدی مقصدده هامی شاه وگدا یان یانا یاتمیش حیرتده دی لقمان نجه گلدی نجه گئتدی عمرون اولا نوح عمری گنه فانیدی فانی نوحیله اوطوفان نجه گلدی نجه گئتدی غفلتده مینن توسَن جَهلی یخیلار تِز حلقومه چاتان جان نجه گلدی نجه گئتدی بیرگون دانیشوردی ئوزئوزیلن بوسوزی مور یارب بو سلیمان نجه گلدی نجه گئتدی بیصاحب اولوبدورنچه مین تخت سلیمان گور یوسف کنعان نجه گلدی نجه گئتدی (نادر) گوزون آچ اویما بو دَجّال جهانه کس گورمَدی سامان نجه گلدی نجه گئتدی 🌸🌸🌸🌸🌸🌸🌸🌸 شعر از استاد حاج نادر بابایی ┅┅┅┅┄❅💠❅┄┅┅┅┅┄ #کانال_وگروه_تخصصی_نوای_ذاکرین #اشعار_مذهبی #نَشـــــــر=صَــــدَقِہ جاریِہ 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ↙️#خادم_الذاکرین_آرامش↙️ 💠کانال وابرگروه نوای ذاکربن💠 Eitaa.com/navayehzakerin2 #ابرگروه⬇️ https://eitaa.com/joinchat/954466766C8b9b885ce9 @Aaramesh42 مدیرکانال ╚═══💫💎═╝