‍ #یادش_بخیر_جان_ننه #در_فراق_مادر_دلگویه_مازنی 🏴😭🏴😭🏴😭🏴😭 یادش بخیر دَیّه نَنه                چَنّه صفا داشته خنه وِنه دَس نون فَتیر                اَتا لقمه مِـره وِنـه کوجان مارکوحِرمه نون                شه جان مار قروون(2) خنه که جان مار دَره                آرامش و قرار دره اون خنه که مار دَنیبو                دیگه ندارنه سِک وسُو مه ناله بُورده آسمون                شه جان مار قروون(2) اِسا دیگه ای جان مار                کجه بَهیرم تِه سراغ مِره بَکوشته نَنه جان                تِه درد دوری و فراق نالِمبه تِسّه مِهربون                شِه جان مار قروون 2 ته که بَعی تابوت سوار                وَردنه قبرسون کنار ته پشت سر زومه شه سر                بُورده مه آروم و قرار مه دلّه غم دَکرده خون                شه جان مار قروون(2) تا که ته بوردی جان مار                غم مـره رو بیارده تِه غم وغصه و ته داغ                مه دلّـه تـو بیارده گوم نَونه تِه نام ونشون                شه جان مار قروون 2 🏴😭🏴😭🏴😭🏴😭