زبانحال حضرت رباب (سلام الله)
اوغول علی آغلاما یات سنده یانموسان منده
آنان ئولسون چاره ندور منده سوسوزام سنده
سو یوللارون باغلادیلار فرقه ی جفا گستر
بهاریمیز اولدی خزان سولدی غنچه وش‌گوللر
بوحالتون بیکس آنان یاندیروب کباب ایلر
سنون تک هئچ غنچه ی گل سولمیوبدی گلشنده
آزآغلا‌یاندیردی غمون کایناتی نسگلدن
یوزون خراش ایتمه بالا اودلادون منی دلدن
نه منده سود واردی نه سو بو ایکی مشکلدن
آنان اولیدی علی کاش اولمییدی شرمنده
مگردگول آب فرات فاطمه آنان مهری
سنه حرام اولدی ندن بوشریعه نون نهری
ندن بوقومی بولمورم دوتموری خدا قهری
یهود‌وترسایه دگول بیله ظلم زیبنده
اوغول نجه روادی بوبحرتک فرات آخسون
غریب آنان حسرتیله بوآخارسویا یاخسون
بوحالیله سوز عطش یاندیروب سنی یاخسون
سوسوز اوشاقلار ملشه شامیان ایده خنده
من ایسترم آغلامیام گورم آغلورام های های
قرارسیزوردیم اولوب سودامر بالام ایوای
بوآغلاماق ویرمور امان من سنه دیم لایلای
زبس دلیم چوخ دوتولور آزقالور دوشه بنده
جهانی یاندیردی داخی سوز آه وافغانون
تاپولموری سوبیر ایچیم آزقالور چخا جانون
ویرر سنه ایمدی سو اوخ سوکیمی آخار قانون
قضا سنه حاضر ایدوب سوخدنگ دشمنده
بوحالیله قویمیه جاق حرمله سنی بی شک
ایچیردی قانون سو کیمی جان زاریوی گورجک
خسوف ایدر سن قان آرا قرص ماه انور تک
دوشر تلوتلدن اوغول بوجمال رخشنده
(ذهنی) اگر ذهنون اولامحو بو مصیبتده
اوسانما هرگز دیمه بس ور قلم بو محنتده
ویرر بوشهزاده سنه اجر ومزد جنتده
اینانمابی فیض اولا بو آستانده بنده
شاعر : مرحوم ذهنی زاده
#اشعار_ترکی┅┅┅┅┄❅[﷽❅┄┅┅┅┅┄
#اَللّهُمَّ‌عَجِّلْ‌لِوَلِيِّکَ‌الْفَرَجَ
#اللَّهُمَّاشْفِکُلَّمَرِیض
#کانال_وگروه_تخصصی_نوای_ذاکرین
#اشعار_مذهبی
#نَشـــــــر=صَــــدَقِہ جاریِہ
↙️#خادم_الذاکرین_آرامش↙️
💠کانال وابرگروه نوای ذاکربن💠
Eitaa.com/navayehzakerin2
#ابرگروه⬇️
https://eitaa.com/joinchat/954466766C8b9b885ce9
@Aaramesh42خادم کانال
╚═══💫💎═╝