‍ باب الحوائج حضرت موسی ابن جعفر (علیه السلام) اولورم تنگه دوشوب روح و روانیم آنا گل یغشوب سینمه ایستور چیخا جانیم آنا گل دیمورم منله گلوب سجن محنده اولاسان دیمورم پیک اجل داده گلنده اولاسان دئورم باشیم اوستنده ئولنده اولاسان گورم اؤل سنی اوندان چیخا جانیم آنا گل معمولا بیلسوز آتاجان وررنده گوزقارقاپیدا الله نوولا اهل عیالیم گله بالاریم گله پاشیم الالاردیزاوسته امااناگوزم گالیب قاپیداجوان اولن ننه گل ای ننه الله هیچ آتانی غریب ایلمه آدامسیز ایلمه آخرین دم باخا یورقون گوزوم آغلار گوزوه قولاقیم سامع اولا سن دانشاندا سوزوه گورسدیم قمچیلرین ردینی بیر بیر اوزوه چوخ یوبانما قوتاروب تاب و توانیم آنا گل قوری یرده دونورم صاق صولا جان اوسته اوزوم ولی دوندوقجه گوزتلور در زندانی گوزوم ئوز وجودیم کیمی زندانی اولوب دلده سوزوم دیه بلمور سوزومی اوتلی زبانیم آنا گل آدوی ورد ایلیوب راز و نیاز ایلیورم در امیدی بو پاک آدیله باز ایلیورم گرچه پیرم گنه احساس نیاز ایلیورم سسلنور جسمیده یورقون ضربانیم آنا گل جسمیده پیکریم آز قالدی که جاندان دوشسون یورولوب مرغک روحیم طیراندان دوشسون شریانیمده کی قانیم جریاندان دوشسون هله شریانیده سیرینده دی قانیم آنا گل بوقرانلوقدا نه احوالیمی دل اهلی بلور نگران گوزلریمون اشگینی بیر کیمسه سیلور نفسیم تنگه دوشوب گاه گلور گه کسیلور قصدون اولسا گله سن آزدی زمانیم آنا گل سن که یاده سالوسان غربیده بیگانه لری روحون آواره گزور شرقیده ویرانه لری آدوی یوزده یازوب گوزیاشیمون دانه لری من سنون ئوز بالوام دلده فغانیم آنا گل نگرانم اودی که ترک ایلمور جسمیمی جان اینجدور ئوز نفسیم روحیمی چیخمور آسان رو به قبله ایلین وار نه الیمدن یاپشان واردی نه قاری٬نه ده فاتحه خوانیم آنا گل چوخ ائلیم واردی وار آغلیانیم کیم اولاجاق گوروب احوالیمی دل داغلیانیم کیم اولاجاق جان چخاندا گوزومی باغلیانیم کیم اولاجاق سنه چاتدی گنه جان اوسته گمانیم آنا گل من او ماهم باتورام تاپمورام اولدوزلاریمی قویمشام گوزلری یوللاردا آدامسیزلاریمی سالمورام یادیمه حتی نگران قیزلاریمی انتظارم سنه آی نام و نشانیم آنا گل او قدر آغلامیشام غم قاریشوبدور قانما قصدلله ائله جان اوسته ننه گل یانما نجه گور رخنه ایدوب رنج رطوبت جانیما سالدی دلدن بو رطوبتلی مکانیم آنا گل #شهادت_امام_کاظم_علیه_السلام #ماه_رجب