هواسی شامین آلیب قلبیدن توان عمه منی قوجاقیوه آل باغریم اولدی قان عمه دوشوب خیالیمه خوش گونلریم صفای وطن دوشوبدی باشیمه ویرانه ده هوای وطن نه دور گناه میز اولدوق بی بی جلای وطن بو روحیمین قوشونا یوخدی آشیان عمه خرابه شامه کی گلدیک چوخالدی نیسگیل لر نه وقت اولار خبریم یوخ هایاندادیر اکبر بیله گمان ائدیرم کی کوسوب علی اصغر رباب آنامین ائدیب صبرینی تالان عمه بو شامین اهلی بیزیم روزگاری ائتدی قرا امان شمادت الیندن اورگیم اولدی یارا زمانه گور بیزی هاردان چکیب گتیردی هارا یئریم خرابه دی دشمن دی میزبان عمه یانیر اورک غم و اندوه و دیل یاراسیندان نولوب بابام داخی دوتمور خبر بالاسیندان هایاندادور سوروشا لشگرین جفاسیندان نه لر گلیب باشیما ائلییم بیان عمه بابامی گورسم اگر چوخ حکایتیم واردی بو شام و کوفه لیلردن شکایتیم واردی قولوما قمچی وروبلا جراحتیم واردی گرک وئرم باباما بیر به بیر نشان عمه بابامی ایستییرم یانمیشام فراقینه نقدر یانمالیام حسرت احتراقینه اگر گله منی اول آلار قوجاقینه داریخمیشام گله جاق بس بابام هاچان عمه باشیم بلالیدی اینجیتمیشم همیشه سنی یئتیب دی جان دوداقا عمه جان باغیشلا منی غم ائتمه یوخدی اگر چی رقیوین کفنی بو قاره کوینگه بوک ائتمه چوخ فغان عمه اجل گلیب اولورم قالدی انتظار گوزوم بابام اگر گله وار دیلده چوخ گلایه سوزوم داریخمیشام گله گر باشینا دولانام اوزوم بو آروزده وارام وار نقدری جان عمه #محرم_۱۴۰۳ #اسارت #شام_بلا #حضرت_رقیه_سلام_الله_علیها