✨بسم الله النور✨ #مربع_ترکیب #روضه_نوحه_ترکی #شهادت_حضرت_زینب_سلام_الله_علیها ـ ـ ـ ــــــــ⊰𑁍⊱ــــــــ ـ ـ ـ زینبم قارداش! فراقونده بؤکؤلدی قامتیم سن سیز اما بیر ائیله دؤندی منیم هر ساعتیم گؤزلریمده قالمیوب سو ، دیزده یوخدور طاقتیم گَل اؤزون یوم گؤزلریم جان اؤسته یم الان،حسین زینبم سن نن صورا گؤز یاشی قانه قاتمیشام عالمین داشین  حسین ! سن سیز باشیمنان آتمیشام گلسون ایندی باشیم اؤسته  آرزومه چاتمیشام بیر جانیم وار ائتمیشم چوخدان سنه قوربان،حسین سن نن آیری دؤشموشم گؤل تک سارالموش صولموشام باخمیشام بس یوللارا غملی بولود تک دولموشام من نجور سن نن صورا بیر ائیل یاریمدی قالموشام تئز گل آی قارداش دوداقیمه گلیبدور جان،حسین کربلاده خیمه لر اودلاندی یاندی خرمنیم بیر یاریم گؤنده خزانه دؤندی قارداش گلشنیم اولدی هر تیر مصیباته نشان ، باشیم منیم ظالمی خوار ایلدیم ای شاه مظلومان،حسین هر گؤرنده باشیوی نیزه باشیندا آغلادیم نوحه خوان اولدیم دالونجان غملی سینه داغلادیم کربلادن شامه جک اشکیم عذاره باغلادیم یاره لی قلبیم فراقوندان اولوب شان شان،حسین چوخ سؤوَردیم کربلایه بیر ده بلکه یول سالام نینوا نین غملی دشتینده گئجه گؤندؤز قالام عطریوی هردم گلیب اول قانلی تپراقدان آلام قالدی بو حسرت منه باغریم اولوبدور قان،حسین چوخ مصیبت گؤردیم اما صبریم الدن گئتمه دور کربلانین خاطراتی قلبیمی ترک ائتمه دور هئچ بلا شامین بلاسی تک منی اینجیتمه دور گل گدیر شامه دوباره زینبون گریان، حسین کیم دِییَردی بیر ده زینب شهر شامه یول سالا منتظردی چون آخی ویرانه ده یورقون بالا قویمارام نازلی رقیه م شامیده یالقوز قالا عزم ائدیب  زینب اولا مَه پاره وه مهمان، حسین اَیمَدیم باش، ذلتــه تا ظلمیــلن  قانون باتا قویمادیم شاماتیده سن قوزیان پرچم یاتا تا اُمیـّـه خــاندانی بِیـــلَه مقصـــوده چاتا کاخ ظلم اولدی یزیدین باشینا ویران، حسین بند آخرده قســـم وئررم خدانی زینبه زینبی که گئچدی جاننان دؤز یولا دؤز مکتبه چوخ چتین دورانیدی دیللر دؤشوب تاب و تبه ایله سین امضا ظهور مهدی دوران،حسین ـ ـ ـ ــــــــ⊰𑁍⊱ــــــــ ـ ـ ـ ✍رقیه سعیدی(کیمیا) ۱۴۰۳/۱۰/۲۶ لینک کانال اشعار در ایتا↶ https://eitaa.com/joinchat/1259143275Ce3f7c12047

✨بسم الله النور✨ #مخمس_ترکیب #مدح_ترکی #حضرت_زینب_سلام_الله_علیها #سروده_رقیه_سعیدی_کیمیا ـ ـ ـ ــــــــ⊰𑁍⊱ــــــــ ـ ـ ـ شوکت اهـل آسمان زینبین اللرینده دی زیور ســر درِ جِنــان زینبین اللرینده دی مکتب فاطمی نشان زینبین اللرینده دی گنــج حقیقت عیان زینبین اللرینده دی محشــره نامهٔ امان زینبین اللرینده دی ـ ـ ـ ــــــــ⊰𑁍⊱ــــــــ ـ ـ ـ کیمـدی خانم ؟ عالمــهٔ کاملهٔ عقیله دور شیـــر زن هاشـــمی و شـاکلهٔ قبیله دور عرشده فرشده خانم شوکتی وار جلیله دور حیدری دورشجاعتی فاطمیه سَلیله دور صــلابتِ بو خاندان زیینبین اللرینده دی ـ ـ ـ ــــــــ⊰𑁍⊱ــــــــ ـ ـ ـ الله اونی قارداشینا یار مُسلّم یارادیب سایه سین اهل حرمه پناه محکم یارادیب قلبینی غمخانه ائدیب حسینه مَحرم یارادیب ناشرِ نهضت غمِ ماه مُحَــرم یارادیب یاریِ شاه تشنگان زینبین اللرینده دی ـ ـ ـ ــــــــ⊰𑁍⊱ــــــــ ـ ـ ـ ذلته اَیمه دی باشین قیامه وئردی اعتبار قامتی خم اولدی ولی سینمادی شوکت و وقار قدرت و استقامتی داغلاری ائتدی بیقرار دشمن ایچینده غملرین ائتمدی بیر دم آشکار صبر و قرار ، بی گمان زینبین اللرینده دی ـ ـ ـ ــــــــ⊰𑁍⊱ــــــــ ـ ـ ـ گوهر ناب عفتــه مثــل صدفدور بو خانم مظهر عصمت و حیا کنز شرفدور بو خانم جان بتــول و زینت شاه نجفدور بو خانم تا به ابد قــوم ظلامیلن طرفدور بو خانم ذلّــت کــل ظالمـــان زینبین اللرینده دی ـ ـ ـ ــــــــ⊰𑁍⊱ــــــــ ـ ـ ـ پیمبر اولدی کربلاده دینی احیا ائله دی ابن زیادی یاندیریب کوفه ده غوغا ائله دی باشلادی بیر قیامتی شامیده برپا ائله دی خطبهٔ غرا اوخودی یزیدی رسوا ائله دی قدرت خطـبه و بیان زینبین اللرینده دی ـ ـ ـ ــــــــ⊰𑁍⊱ــــــــ ـ ـ ـ بیر گؤن اولار بو تزلیگه غم یِتیشَر نهایته الله اؤزی لطف اِلییَر بشـر چاتار ســعادته زینبین احتــرامینه وئــرر خــاتمـه غیبته دعــای منتـــظر لری تئــز یتــیرر اجــابته پرچم صاحب الزمان زینبین اللرینده دی ـ ـ ـ ــــــــ⊰𑁍⊱ــــــــ ـ ـ ـ ✍رقیه سعیدی(کیمیا) ۱۴۰۳/۱۰/۲۷ لینک کانال اشعار در ایتا↶ https://eitaa.com/joinchat/1259143275Ce3f7c12047