شهادت حضرت موسی بن جعفر علیه السلام نور پیمبرم من موسی ابن جعفرم من از نسل کوثرم من موسی ابن جعفرم من فرزند حیدرم من موسی ابن جعفرم من دنیایه رهبرم من موسی ابن جعفرم من صادق آتام جهانی ترک ایلیین زماندان وئردیم خبر جهانه یر گویدن، آسماندان شاگرد درسیم اولدی هم جِن و اِنسیاندان اوچدوم سمایه گئچدیم بو مرز کهکشاندان جِبریله شهپَرم من موسی ابن جعفرم من دوقوز رواقین آلتدا من نورِ منجلیّم یِدّیمجی آسمانین یِدّیمجی مشعلیّم عصمتده مصطفایم الله بیلور ولیّم من جانشین حیدر اصلاً خودِ علیّم زهرایه دلبرم من موسی ابن جعفرم من موسی آدیمدی گویا سینایه چیخوشام من سرپنجه ی ولانی غیرتله سیخموشام من الله یولوندا نفسِ شیطانی یخموشام من نفسین بوقوب وجودین قهریله سیخموشام من شیر غضنفرم من موسی ابن جعفرم من رسم وفا یولوندا بو رسم انتخابیم صبر اوسته پایهَ ریزی اولموش بو انقلابیم توهین و ناسزاده گورموب بیری عتابیم کاظم آدیمدی غیظه، احسان اولوب جوابیم احسانی گُسترم من موسی ابن جعفرم من من یادگار حیدر میراث مصطفایم فرزند پاک صادق اوغلوم کیمی رضایم دوقوز فلک الیمده معصومیه آتایم قانیم حسین قانیندان تزریق اولوب آقایم مولای دیگرم من موسی ابن جعفرم من بین خلایق ایندی صاحب نتایجم من بازار صبره گئتسَن چون سکه رایجم من بازار غیظ و غمدن مردانه خارجم من دریای جود و رحمت باب الحوائجم من مین حاتمه سرم من موسی ابن جعفرم من اللهه عبد صالح دنیاده اولموشام من گنجینه ی معارف دنیایه من گلَندن علم و علومه واقف تعریف ائدوبدی دشمن زنداندا قالدیم امّا بوینومدا سنگین آهن کونینه لنگرم من موسی ابن جعفرم من اوتّوز بش ایل بو خلقه دنیاده من امامم یاریم اولیدی بیر آز آماده قیامم گویلرده با کرامت دارای احترامم یرده ولی غریبم امّت بودور پیامم طاهایه منظرم من موسی ابن جعفرم من قسمت حسین آتامه تیر و سِنان اوخیدی جان وئردی قوملار اوسته حتی کفن یوخیدی ظاهرده یاری اندک باشین کَسن چوخیدی یورقون سوسوز آجیدی دشمنلری توخیدی گریانِ اصغرم من موسی ابن جعفرم من آند اولسون ای جماعت وحیِ حَقَه نُزوله مسماره توش اولان دم زهرا آنام بتوله پیغمبرین عزیزین باشین کَسَن عقوله! عقل بشر وله دی، بالله آتام رسوله حیران بی سرم من موسی ابن جعفرم من صد حیف اولا جماعت من اولمادیم او ساعت کربُبلا چولونده عرشه چیخوب خیانت قرآن ورقلنوبدی پا مال اولوب شرافت عباس عموم ائشیتدیم طوفان سالوب قیامت عباسه بنزرم من موسی ابن جعفرم من بو خاطراته ایندی زنداندا من سفیرم سِندین الینده قالموش یورقون اولان اسیرم اللی نچه1یاشیم وار دوخسان یاشیندا پیرم قدیم کمان اولوبدی قامت خمیده شیرم جان اوسته مضطرم من موسی ابن جعفرم من سِندابن شاهِک الده قمچی وراندا بیرآن یاد ایلَرَم آنامی اول کوچه نی پریشان هی سسلَرم اورکدن زهرا آنامه قربان برپا قیامتیموش مسمار یاناندا یاران محزونِ مادرم من موسی ابن جعفرم من ای «سیدی» امام مظلومه آغلا سنده آهو کیمی دوشوبدی زندان غم کمنده غربت مکاندا اُلدی، معصومه سی وطنده بیر تخته پاره اولدی تابوتی جان وئرنده سن سانما ابترم من موسی ابن جعفرم من کانال رسمی سیدی ۰۹۹۰۱۴۱۳۸۶۲ @seyedizanjani

موسی ابن جعفر جان وئروب کنج زنداندا جانین حَقه قربان وئروب اوج ایماندا گَل رضا تنهادی ............... زنداندا غوغادی اللی بش ایل عمرونده شه چکدی محنت لر اهل جهانه اورگدوب چوخلی حکمت لر دینِ حَقی ترویج ائدوب وار روایت لر دینه گوره چکدی ولی چوخ اذیّت لر عاشقلری باشه وئروب سوزِ هجراندا باب الحوائجدور آقا عالمه سلطان هم عبد صالح جلوه ی مظهر سبحان موسی ابن جعفر کاظمه صبر اولوب احسان اللی بش ایل عمر ایلیوب قالدی جاویدان عمرون آقا صرف ایلدی نشر قرآندا غربت مکاندا بارِها اولدی زندانی معصومه دن دوشدی اوزاق قالدی طولانی معصومه نی نالان قویوب سوزِ هجرانی سسلردی هی مظلوم بابا سیل بو مژگانی بو گوزلریم هجرینده باخ محو اولوب قاندا سِندابن شاهِک حضرتین اولدی مأموری مولانی مسموم ایلدی نَقلِ مشهوری خرمانی زهرآگین ائدوب اولدی مقدوری مولانی اُلدورمک اونون اصل منظوری الله عجب مولا قالوب حالِ بحراندا جبراً او خرمانی گورک میل ائده حضرت تبعید و زنداندان هدف قالمیا عترت واردور یری ایندی یقین درس آلا امّت جسمین اَریتدی جسمیده اِتمدی بیعت روحی ولی معراج ائدوب گزدی کیهاندا باب الحوائج باشینه اَسدی مین طوفان مشکل گشا اوز دردینه تاپمادی درمان اوغلو رضانی یاد ائدوب سسلنوب ای جان معصومه یه اول سن کمک اولماسن نالان امّا بابان بیل جان وئروب حال عطشاندا اول دم دوشوب بیل یادمه روز عاشورا اصغر سوسوز قزلار سوسوز موج ائدور دریا بیر مشکِ سو اوسته وئروب قولارین سقّا اوج شعبه اوخ آندین یاروب قوپدی واویلا یالقوز قالوب جدیم حسین قانلی میداندا اوغلوم رضا شُکرت ائت بالا جنگ و دعوا یوخ یوخدور اسارت هم، بالا دلده پروا یوخ غارت اثاثین اولمویوب قانلی صحرا یوخ جان وئرموشم وار کوینگیم عریان اعضا یوخ اوچ گون ولی جدیم قالوب چولده عریاندا ای «سیدی»گون تک باتوب روحِ وارسته تشیع اولوب قبره طرف چوخلی آهسته سن فکری قیلما بیر زمان چیخدیلار دسته ایکّی غلامیلن آقا نردبان اوسته تدفین اولوب بغدادیده بیر بیاباندا کانال رسمی سیدی ۰۹۹۰۱۴۱۳۸۶۲ @seyedizanjani

هفتم امام امّت موسای کاظمم من یدّی سمایه زینت موسای کاظمم من مندندی چوخ سیادت موسای کاظمم من صبریم اولوبدی شهرت موسای کاظمم من من نور پاک حیدر فرزند مصطفایم صادق آتام امامِ فرزانه مقتدایم معصومه نین آتاسی من حجت رضایم مست می ولایت موسای کاظمم من دئی ناعلاجه گَلسون درده معالجم من هر دردی اولسا وئررم کان نتایجم من عالم بیلور که ایندی باب الحوائجم من سن گلسن آلما نوبت موسای کاظمم من من شیریلن دانیشدیم گوردوم تانور آقاسین عرض ائتدی ناعلاجم وئردیم اونون شِفاسین بیر پنجه سین آچوبدی روشن دئدی دعاسین آمین دئدیم او ساعت موسای کاظمم من سُویلوبدی هر کیم اولسا دنیاده با ولایت ایمنده دور الیمدن نسلیمده تا قیامت شیر ایلدی کلامین جانانله ضمانت مقبول اولوب بو صحبت موسای کاظمم من حُبِّ ولی اورکده هر کیمده واردی الان هیچ قورخماسین جماعت تضمین ائدوب بو حیوان سوز سوزدی مشکل اولسا صادق دگول مسلمان احساندی بو کرامت موسای کاظمم من شیعه امامه ایندی فرق ایلمز کرامت سن بو کلاس عشقین درسینده تاپ صداقت شک ایلمه خدایه شک ائتمیوبدی عترت بیز معدن سخاوت موسای کاظمم من علم و شهود و غیبه واقف جهاندا کیمدی اسرار کائناته عامل زماندا کیمدی فاتح چیخان بلادن بو امتحاندا کیمدی من سُویلَورم امامت موسای کاظمم من گون سِیر ائدنده باخمور کافرده یوخدی ایمان یاخسا یاقیش سوروشماز بو گَبریدی، مسلمان تنها بشردی ایلَر ذات خدایه طغیان روشندی درس حکمت موسای کاظمم من من عبد صالح اولدوم طاعتده بی نظیرم مولای جِن و اِنسم عالملره امیرم حلّال مشکلاتم جاء الحقه سفیرم یر گوی وئرر شهادت موسای کاظمم من هارون منی جهاندا زنجیره باغلیوبدی فرزند مصطفانی زنداندا ساخلیوبدی زندان اَریتدی جسمی معصومم آغلیوبدی آگاهی دی جماعت موسای کاظمم من مأمور ائدوبدی سِندی گونده ویرا امامی هیچ وئرمدی سلامی هیچ آلمادی سلامی سیلی وراندا یاندیم سیندیردی احترامی جوشه گلوبدی غیرت موسای کاظمم من زهری وئرنده ویردی جبریله تازیانه زهر جفا گَتوردی کاظم امامی جانه هارونه لعن اولیدی قویموب قالا نشانه یعنی ائدوبدی رحلت موسای کاظمم من الله بیلور که ایندی قربانی نمازم زندان غمده قالدیم اغیاره بی نیازم حمّالیلن گِئدوبدی قبره ولی جنازم تابوت وئرر شهادت موسای کاظمم من تابوتیمه نشانه بیر تخته پاره اولدی ای «سیدی» اینانما مولایه چاره اولدی زهرین اثرلریندن دل یاره یاره اولدی قلبیمده وار جراحت موسای کاظمم من کانال رسمی سیدی زنجانی ۰۹۹۰۱۴۱۳۸۶۲ @seyedizanjani

السلام علی المعذب فی قعر السجون و ظلم المطامیر ذی الساق المرضوض .🏴🏴🏴🏴🏴 🏴🏴🏴🏴 ◼️◼️◼️◼️◼️ ◼️◼️◼️◼️

🌹🌹من عاشق محمدم 🌹🌹 قسم به عشق بی ریا من عاشق محمّدم به نام پاک مصطفا من عاشق محمّدم به نُه فلک به ماسوا من عاشق محمّدم به عرش و فرشِ کبریا من عاشق محمّدم بگویم این سخن رسا من عاشق محمّدم 🌹🌹🌹🌹 محمّد آخرین نبی زنسل پاک آدم است خلیل وهم کلیم و نوح ز انبیای اعظم است نبی ز قبل ماخلق نظاره گر بر عالم است هَمو که بر جهانیان معلم است و مَحرم است امین و پاک و کیمیا من عاشق محمّدم 🌹🌹🌹🌹 محمّد آن نبی بُوَد که اعتبارکائنات زمین،زمان،ز بودِ او ز بودِ او بُود کُرات کنون کنم توسلی به واژه ها دهم حیات به لوح دل نوشته ام نبی دهد مرا نجات دلم ربوده دلرُبا من عاشق محمّدم 🌹🌹🌹🌹 رسانده بر دلم صبا ز پیک حق چنین پیام به غیر اونفس زنم، نفس کشیدنم حرام به نَفسِ خود بگفته ام به صبح و ظهر و عصر و شام تو ای عصاره ی وجود عَلیکَ مِنِّی السلام از ابتدا به انتها من عاشق محمّدم 🌹🌹🌹🌹 چه گویم از مرام او چه گویم از کلام او جهان اگر شود قلم نویسد از مرام او نمی شود به عالمی نشان دهد مقام او بشر بُود ولی زده خدا جهان به نام او بُود امیر و مقتدا من عاشق محمّدم 🌹🌹🌹🌹 ز عمق کینه و جفا شنیدم این سخن شبی که بر مقام مصطفا عدو نوشته مطلبی شکسته حرمت نبی زبان گشوده عقربی که افکند به جان هم فدائیان مذهبی به کینه بسته افترا من عاشق محمّدم 🌹🌹🌹🌹 اَیا گروه هرزه گو عیان شده اهانتت شکسته قلبِ مسلمین از این همه جسارتت به روح و جان ما زده شراره ی جنایتت رِسَد زغُصه مرگتان از این همه حسادتت به مرگِتان کنم دعا من عاشق محمّدم 🌹🌹🌹🌹 به عشق راه دلبرم وجود خود سپر کنم اگرنباشد این چنین ز عُمرِخودضررکنم ز منکران مصطفا به عمق جان حذرکنم به وقت مُردنم شود زکوی او گذرکنم؟ خدا شود ز من رضا من عاشق محمّدم 🌹🌹🌹🌹 محمّد هرچه گویم اش به ادّعا که عاشقم جفا به خود نموده ام ز ادّعای سابقم چرا که حُبِّ او شده نصیب من ز خالقم به مدح مصطفا مرا زبان بداده ناطقم که می زنم کنون صدا من عاشق محمّدم 🌹🌹🌹🌹 تولدش به معجزه نبوّتش عسل بُود کلام دلنشین او فراتر از غزل بُود ز راه بندگیِّ حق زبان زد و مثل بُود به لطف و مِهرو معرفت رئوف و بی بدل بُود گره گشای انبیا من عاشق محمّدم 🌹🌹🌹🌹 محمّد عشق مسلمین محمد عین و شین و قاف محمّد آن نبی که دل به دور او کند طواف بشر بدون نام او رِسد به اوج انحراف عرب،عجم به نام او کند همیشه ائتلاف به هر زبان به هر نوا من عاشق محمّدم 🌹🌹🌹🌹 به نُه فلک گذر کنی بُود ز پای او اثر نبی به عرش و ماسوا نموده بارِها سفر وجود ختمُ الانبیا به کهکشان بُود ثمر بُود حدیث مستند نبی به ماخلق پدر به یُمن این سخن بجا من عاشق محمّدم 🌹🌹🌹🌹 کنون که سیدی عدو زبان گشوده برحرام از آن جفای نحس او به مسلمین دهم پیام که بلکه قلب مسلمین کمی بگیرد التیام پل زمین و آسمان محمد است و والسلام بشر به درگهش گدا من عاشق محمّدم 🌹🌹🌹🌹 تنها مرجع رسمی نشر اشعار و سبک های شاعر اهل البیت علیهم السلام #سید_باقر_سادات_پور انتقادات، پیشنهادات و سبک های اجراء شده را از طریق لینک زیر اعلام و پیگیری فرمائید @seyedizanjani 09901413862

شعر مبعث رسول اکرم صلی الله علیه و آله و سلم @seyedizanjani حضرت احمده فخر ایلسه داور یری وار هم سلام ائتسه اونا گونده ملک لر یری وار حَمدُلِلّه قلمیم گورنجه اعجاز ائله دی یاد ائدوب ذات حَقی سوزلرین آغاز ائله دی ذات حق لطف ائلییوب نطقومو دم ساز ائله دی روح طبعیم پـَر آچوب مکّه یه پرواز ائله دی جَبَلُ النّـوری گوروب کـوه منـوّر یری وار او داغین سینه سینه جلوه وئروب غار حرا معرفت اهلینه خلـوت گَه اولـوب، درده دوا کیم گئدوب خلوت ائدوب اوردا تاپوب حال دعا واردی اول غارین ائچینده نَه دئیم آیری صفا اهل دل اوپسه اونون داشینی پیدر یری وار اودا طاهـا ائلییوب ذاتـه حَقـه راز و نیاز خالقه سجده ائدوب ویژه تاپوب حال نماز چوخ اویاق قالدی، باخوب کعبیه هم یاتدی بیرآز بیر گئجه نازل اولوب گلدی ملک الده جواز اللرین اوپدی سالوب عالمه محشر یری وار دئدی ای ختـم رُسُـل جبرئیلم دلـده پیام ذات حقـدن سنه مأمورم ائـدم ایندی سلام سَنـی الله بَگَـنوب درگهینه خَیـرُالانـام ایندی عالمده سنن جلـوه فقط، خـتم کلام ختم مُرسـَل آقاسان، عالـمه سـرور، یری وار @seyedizanjani حالیـنه جنّ و ملک جمـله تماشایه گلوب چوخلاری توشـه آلا باخماقـا سیمایه گلوب جبرئیل سویلدی (اِقـرَ)، اوخـی سن آیـه گلوب بـو ملک لَـر باشیوا سالماقا، شـه، سایه گلوب سـوزوم الله سوزودی ائتگیله ازبـر یری وار بیر دولی گـوز آقامیز باخدی حـرا داغ داشینا وقت او ساعتدی نبی قویدی قدم قرخ یاشینا آیه لـر نـازل اولوب آخدی تَـری، گـوز؛ قاشینا رجب آینده قـویوب تـاج رسـالت باشینا آقاما قـربان اولـوم کیم اولا نوکـر یری وار سـاده باخما سوزومه گَنجِ خـدا سینه سدی سـوزی الله سـوزودی آللهـین آئینه سدی عالمـین رحمتیدی عاطفـه کابینه سدی قلـبی اسـرار حَقین مخـزن گنجینه سدی قلبینه سـوره گلـوب اولـدی مظفـر یری وار غاریدن ایندی اَنیر دای نظـری فـرق ائلییوب پـرده رد اولدی گوزوندن بصـری فـرق ائلییوب بو سفـر آیـری سفـردی خبـری فـرق ائلییوب تاریخه ثبت اولونوب چون سفـری فـرق ائلییوب بـو سوزومده حسدیندن اُلـه کافـر یری وار @seyedizanjani قلبی ویردقجا گوروب قلبیده بیر شـور واری کعبیه باخدی گـوروب عـرشه کیمین نـور واری یـر، گـویه بیـر نظـر ائتدی دل مسرور واری عـربستانی گـوروب بیـر نچـه مغـرور واری اولالار منـکر اعجـاز پیمـبر، یری وار؟ بـو، نبـی کـه اوزی باشـدان ایاقا رحمتیدی گـوردی بـو امـر رسـالت نَقَدر زحمتیدی آقانین دردین آلوب، درده سـالان امّتـیدی اورگین آلـدی علـی، وئـردی الیـن بیعتیدی هـم خدیجه دئدی ای رحمـتی گستر یری وار اولیـن مـرد و زن اسلامه قـیام ایلـدیلر احمده جـان دئدیلـر کُفـری حـرام ایلـدیلر دیـن یـولوندا، نـه گلـوب قلـبه دوام ایلـدیلر احمـده صبـح و مسـا گـونده سـلام ایلـدیلر بو سـلامی وئـروب الله ائلـه بـاور یری وار اینـدی ای امّـت آزاده گلـون همّـت ائـدون احمدی سمبل وحدت تانین وحـدت ائـدون یـامحمّد چـاغیـریـن بـو آدیـلان بیـعت ائـدون کُفـری قـدرتله یخـوب شیطانادا لعـنت ائـدون بـو جهـان اولسـا مسلمان هـامی یکسر یری وار روز مبعثدی جمـاعت وئـروب الله درجـات یـره، گویلـردن اولار نـازل الهــی بـرکات هـر کیم ایستیر محشر گونی آسوده نجـات گـوندرین روح نبـی احمـده عالـی صلـوات بـو بـلادنده آلار درسیـنی کشـور یری وار مـدح احمـده قلـم فـاطمه دن توشـه آلار حضـرت فـاطمه نـی واسطـه ی فیضـه سـالار سـوز یـازان اونـدا اوزون منبـع انـواره چـالار جـوهـر جـان قـوتـولار سـوز ولـی اوّلـده قـالار «سیدی» یازسـا اگـر میـن بئلـه دفـتر یری وار @seyedizanjani تنها مرجع رسمی نشر اشعار و سبک های شاعر اهل البیت علیهم السلام #سید_باقر_سادات_پور انتقادات، پیشنهادات و سبک های اجراء شده را از طریق لینک زیر اعلام و پیگیری فرمائید @seyedizanjani ۰۹۹۰۱۴۱۳۸۶۲

من عاشق محمّدم مبعث رسول مهربانی بر همه ملت ایران مبارک باد 🙏🙏🙏👇👇👇👆👆👆 تنها مرجع رسمی نشر اشعار و سبک های شاعر اهل البیت علیهم السلام #سید_باقر_سادات_پور انتقادات، پیشنهادات و سبک های اجراء شده را از طریق لینک زیر اعلام و پیگیری فرمائید @seyedizanjani جهت عضویت در کانال 09901413862 👆👆👆👆👆

شعر مبعث 🌴🌴🌴🌴 حراده نو عیاندور یا محمد گلنلر عرشیاندور یامحمد 👆👆👆👆👇👇👇✍💐 تنها مرجع رسمی نشر اشعار و سبک های شاعر اهل البیت علیهم السلام #سید_باقر_سادات_پور انتقادات، پیشنهادات و سبک های اجراء شده را از طریق لینک زیر اعلام و پیگیری فرمائید @seyedizanjani

القصه ختم اولوبدی برنامه ی رسالت با اینکه اولدی احیا دینِ حق و شریعت گئشدی غدیرخُم دا تعیین اولوب امامت یالواردی چوخ عربلر طاهایه ایسته قیمت چوخ اولموشان اذیّت یامصطفی محمّد(ص) طاها دئدی عبادت یکتایه ایلیون سیز آننان گَلون محبّت طاهایه ایلیون سیز بعد از نبی مودّت زهرایه ایلیون سیز اولاد مرتضایه مولایه ایلیون سیز بو سوزده وار قَرابت یامصطفی محمّد(ص) بیر بیله تعریفیله مسموم اولوب جماعت ظالم توکوبدی زهرین آخر ائدوب خیانت درگاهِ حقّه ظالم اوت چکدی با جسارت سیلی له ایلیوبلر زهرایه چوخ محبّت دوشدی نفاقه امّت یامصطفی محمّد(ص) ای «سیدی» قارشدی برنامه برهم اولدی رحلت ائدوب پیمبر عالمده ماتم اولدی امر ایلدی او ظالم هیزم فراهم اولدی همراه اولان امامه چوخ چوخ دئیوم کم اولدی یالقوز قالوب امامت یامصطفی محمّد(ص) 🌴🌴🌴🌴🌴👇👇👆👆 تنها مرجع رسمی نشر اشعار و سبک های شاعر اهل البیت علیهم السلام #سید_باقر_سادات_پور انتقادات، پیشنهادات و سبک های اجراء شده را از طریق لینک زیر اعلام و پیگیری فرمائید @seyedizanjani

وفات حضرت ابوطالب پدر مومن ،مسلم و خداپرست مولا امیرالمؤمنین علیه السلام بر همه عاشقان، رهروان و شیعیانش تسلیت باد 👆👆👆👆👇👇👇🌴✍ الله آدی مطلع هرنامه دی حمدُللهَ سوز نه سوز هنگامه دی مطلبی یازسّام ازل عشق ایلَروز من دئسم حیدر آتاسی نیلروز رمز و راز عشقینه بی غالبم عشق عمراندان یازام چوخ طالبم ای علینون عمرونون سرمایه سی حیدرون باشدا اولان باش سایه سی ای ابوطالب آدین دیللرده دی سایه لطفون سنون گسترده دی ای سخاوت ملکونه دارا اولان هم قضاوت علمینه معنا اولان احمده حامی اولان بی واهمه ایستدون اولدی عروسین فاطمه حامی دین رسول اللهیدون چوخ خطرلردن ئوزون آگاهیدون زاده ی عبدالمناف ای بافا سن اولوبسان بانی مروه، صفا ای ابوطالب شجاعت معدنی غافل انسانلار، دیور مشرک سنی بی حیالر بیلموری دلداه سن اصلیوه باخمور پیمبر زاده سن سن همان دین حنیفون اصلی سن بانی کعبه خلیلون نسلی سن قلبیده گیزلتموسن ایمانیوی مرحبا سیندیرمادون پیمانیوی قورخودان گیزلتمیوب ایمانینی ایستدی قالسون پیمبر جانینی ای رفادت ای سقایت منصبی سن بیلورسن راه و رسم مذهبی سن پیمبر عشقینه عشق ائتموسن دم به دم گویچک آدون مشق ائتموسن خلق آرا ای کعبه ده داور اولان دینِ حقِّ خالقه یاور اولان تاپشیروبسان هم علیّ و جعفره اقتدا سیز ایلیون پیغمبره هم عقیل و طالبه هردم سوزون امر ائدردون راه تقواده دوزون قویمویون پیغمبره چاتسون خطر چپ باخا اُلَّم رسوله بیر نفر من مرید حضرت پیغمبرم چون اطاعت درسینه من ازبرم چوخ جانیمدان ایستَرم پیغمبری بسلرم اُلسون یولوندا حیدری گرچه پیرم باخمارام قدرت یوخوم من حمایت ایلرم منّت یوخوم مست دین، دیندن حمایت ایلیر قامتون اگمز قیامت ایلیر صبریدن آلدی ابوطالب شرف اوغلو اولدی مرتضی شاه نجف افتخار ایتدی گل رخسارینه جانفدایم حیدر کرارینه مرتضانی بسلیوب پیغمبره احترام ایلوب اوز اوغلی حیدره هی دئیردی عمرومه معنادی بو جانشین حضرت طاهادی بو قانینه تزریق اولوبدور قانیمی ایسته سه مین دفعه وئررم جانیمی بستر طاهاده یاتدی مرتضی فکر جانین باشدان آتدی مرتضی گون دولاندی گئچدی گونلر سِیر اولوب آخر عمری ولی چوخ خِیر اولوب زینت نام علی باشینده تاج هم غریبه آشنادن آلدی باج سسلدی من احمده وابسته یم سیندیم آچدی دوقسانی جان اوسته یم ایستیرم افلاکه من سِیر ایلییم آخر امری بو، دم خِیر ایلییم راضیدی مندن گورن پیغمبریم؟ جانشین مصطفادی حیدریم جان وئروب یاسینده احمد آغلادی گوزلرون غسلون وئرنده باغلادی اللریم گلمور عبا تندن سویوم غسلوی وئردوم نئجه قبره قویوم سویلدی منزل مبارک آی بابا خِیر عملّردن منه دور سای بابا سن علینو بسلدون عالملره بی نظیر ائتدون بوتون آدملره گئتگیلن جناتیده مأوا ایله آل هاشمدن دانیش غوغا ایله باغ فردوس بریندور منزلون خِیر عملده چوخ واریدی چون اَلون گئتگیلن اللهه تاپشوردوم سنی جان طاها سن دعا ایله منی ای ابوطالب سنه جانیم فدا اللریم بوشدی ائله چاره آقا «جعفری» اولدی بو دم بانی منه1 «سیدی» یازدی بو اشعاری سنه «حیدری ده»2 دوز قاتوب آلسون بتول بو شراکت نامه نی ایله قبول 🌴🌴🌴🌴🌴🌴🌴🌴 دوبیتی بوجهاندا اورگیم خوشدی فقط یاره منیم گیمَرَم جامه الوان دئموشم قاره منیم کل دنیا سیزون اولسون منه خوشدور حرمین وار امیدیم نظرِ حیدرِ کراره منیم 👆👆👆👆🙏🙏🙏🌴✍ آقای مجید جعفری مداح اهل بیت (ع)بانی و شاعر از استان قم آقای شیر الله حیدری شاعرو مداح اهل بیت (ع) از استان قم 🌴🌴🌴🌴🌴🌴🌴👇👇 تنها مرجع رسمی نشر اشعار و سبک های شاعر اهل البیت علیهم السلام #سید_باقر_سادات_پور انتقادات، پیشنهادات و سبک های اجراء شده را از طریق لینک زیر اعلام و پیگیری فرمائید @seyedizanjani