✍️بسم الله الرحمن الرحیم💎 📕موضوع: اربعین ( درد دل حضرت زینب سلام الله و سید الشهدا ) تاپشیرمیشام رقیه یه شاماتی یا حسین شاماتین اولدی قبله حاجاتی یا حسین فتح ایلینده شامی علمدار اولوب منه آز سنیده چوخ اولدی کراماتی یا حسین تعطیل دگیلدی مکتب قران خرابه ده تفسیر اولوندی کوثرین آیاتی یا حسین پیغمبر اولدی خلقا و خلقا کی اکبرین اولدی رقیه فاطمه مرآتی یا حسین گیزلینده آغلاماخلاری ال یوزده قالماغی یاندیردی والله ارض و سماواتی یا حسین خردایدی سنی ظلمیلی دنیانی سومدی اصغر کیمین بیندی او جناتی یا حسین اللرده اولدی سن کیمی دفن اولدی بی کفن اورگدی شامه معنی هیهاتی یا حسین طوفان سالیبدی شامه رقیه شهادتی قورتاردی ظلم الینده کی ساداتی یا حسین من هیچ حسین ، ربابی دانیشدیرماسان اولر دردی چتیندی خوشدی مراعاتی یا حسین بازار شامیدن هامی هر بیر زاد آلمیشیخ هیچ کس کاش آلمیا بیله سوغاتی یا حسین ان شاالله کی عمه بالا شامی ساخلاریخ تاریخ اولار بو سوزلرین اثباتی یا حسین بیر گون " مدافعین حرملر " ظهور ادر واجب بوللر حفظ مقاماتی یا حسین قارداش بو شعری زینبه خاطر قبول اله گوز یاشیلن یازیلدی عباراتی یا حسین بیر ذره دور حبیبی ولی عشقی وار سنه عشقین گون ایلیر هامی ذراتی یا حسین _____________________________ #حضرت_زینب #حضرت_رقیه #اربعین ✅برای مشاهده بیشتر اشعار کربلایی علی حبیبی بر روی لینک زیر کلیک کنید: 🆔 https://eitaa.com/joinchat/1882849555C5481b786a3