بسم الله الر حمن الرحیم موضوع : ابوالفضل العباس کیمده جرات واردی سقادن یازا قطره لر عاجز دی دریادن یازا الله آشدی فتح باب صحبتین نازل ادی مومنینین آیتین بعضی مومن لر گچللر جانیدن اما گچمزلر سر پیمانیدن چوخلاری جان وردیلر با اختیار بعضی ده ثابت قدم در انتظار گون چاتاندا کربلاده هیبته باخدی میدان ایچره ماه غیرته گوردی میداندا یل ام البنین یول گدیر همچون امیرالمومنین گوردی ساقی آغلیر گیزلینده چوخ گوزلرینده واردی سو مشکینده یوخ شمعیدی قیزلار اونون پروانه سی پهلواندی اما تیتریر شانه سی خیردا قیز سسلیر سنه قربان عمو مشکیده یوخ لااقل بیر ذره سو ای شجاعتده نظیر بوتراب قارداشیم اصغر یانیر آغلیر رباب باخدی سرلشکر شه بی لشکره بیرده باخدی پاره پاره اکبره عرض ادیب سینم آقا تنگه گلیر ته گمان اکبر کیمین جنگه گلیر دوغرانایدیم کاش من اکبر کیمین پارچالانسین کاش باشیم حیدر کیمین ساقیم یوخ مشکیده بیر ذره سو بوندان آرتیخ قویما گدسین آبرو آندی ورم روح زهرایه سنی قویما قارداش غیرت اولدورسون منی چکدی تیز آغوشه قارداش قارداشی قانلی یوزلردن یول آشدی گوز یاشی سن سپاهین تهجه پرچمداریسن سن حسینین با وفا سرداریسن دوزدی سردار سپاهیم سن منیم هم امیدیم هم پناهیمسن منیم آخرین فرمان علمداره بودی انتظاریم تهجه بیر مشکی سودی ظاهرا مشکی وریب عباسینه باخ حسینین امرینین معناسینه یانماسان داشلاردا الماس اولماسان شانیده عباس عباس. اولماسان دوشمسن لب تشنه نهر القمه قدروی گورسدمز الله عالمه سو کنارینده لب عطشان سولماسان عالمه باب الحوائج. اولماسان دوردی عباس آتدی مشکی چینینه تا بو یولدا حامی اولسون دینینه تا فراته حضرت اولدی پر شتاب خیمه نین آغزیندا دورموشدی رباب حیدر اوغلی ایلدیریملار تک شاخیر سو کیمین دشمن آراسینن آخیر تیریدور گویا کمانینن چیخیب کیم گچیب میدانه میدانان چیخیب سس دوشوب پیکار پرچمداره باخ حیدر کراریده تکراره باخ غیرت و حریت و احساسه باخ هامی سسلیر قهرمان عباسه باخ گوزلری تا دوشدی نهر القمه قوغزانیب تکبیری کل عالمه دوشدی آتدان مشکی سیر آب ایلدی ایشمیب سو غیرتی باب ایلدی نهر القم سسلدی ای با ادب تشنه لب گلدین گدیرسن تشنه لب ساقی لب تشنه سن کیمسن مگر هیچ سنه لب تشنه لیخ ادمیر اثر ایشمدین سو لااقل دیندیر منی بیرده یا قسمت گورم ساقی سنی باخما ظاهرده بیله اولدوم روان آندولا. اللهه قلبیم قاندی قان سن حسینین. با وفا سرداریسن کربلا دشتینده پرچمداریسن ور منه فرزند کوثر دن خبر ور منه شبه پیمبردن خبر ور منه قاسمله جعفر دن خبر ور منه شش ماهه اصغر دن خبر قویما عالمده بیله حیران اولوم سن ابالفضل سن سنه قربان اولوم با ادب سقا سویا ادی خطاب سن آخیرسان تشنه دور طفل رباب سنن ایشدی دشمنین حیوانلاری تشنه جان وردی حسین قربانلاری القمه شهریزده مهماندی حسین اوچ گیجه گوندوزدی عطشاندی حسین من ابالفضلم امیر لشکرم زاده ام البنین و حیدرم کوسموشم سنن دانشدیرمام سنی جاندا ورسم لبلره وورمام سنی فرصتیم آزدی سوزوم چوخ علقمه مشکیدن چوخ زحمتیم یوخ علقمه آندولا پاک و مقدس صبریمه تا قیامت یولدا سالسان قبریمه من بابام حیدر سوزونن گچمرم تا حسین سو ایشمسه من ایشمرم ایلشیب زین عقاب اوسته عقاب مین امیدیلن گدیر عین شهاب رد اولوب میدانداکی طوفانیدن یول سالیب بیراهه نخلستانیدن گوهر نابی نجور ساخلار صدف گیزلدیبدی مشکینی از هر طرف حائل ادی مشکینه اوز پیکرین حلقه ادی دوره سینده اللرین یاغدیلار گویدن یاغیش تک تیریلر تا یاغیش کسدی چیخیب شمشیریلر ساغ سولونان گچدی مشکی ساخلادی ساغ گوزونن اوخ دیب قان آغلادی کیمسه جرات سیزدی جراتدار اولوب دوره سی جولانگه کفتار اولوب هر کسین وار قلبیده حیدر کینی تیز گلیر دشت ایلسین اوز سهمینی مشکی ده اوخلاندی اولدی ناامید ایندی تفسیر اولدی قران مجید باشی اوسته دوشدی داشلار اوستونه آخدی قان گوز یاشی قاشلار اوستونه دوشدی آتدان قان قاریشدی اشکینه یاره لر قان آغلیردی مشکینه بنزدی باشدان یاراسی حیدره اوخشادی پهلو لرینن مادره گوزلرین تا دوتدی بیر قان پرده سی گوردی میدانان گلیر ناله سسی گوردی ال پهلوده زهرادور گلیر سسلیری عباسی گوز یاشین الیر فاطمه قربان سنون گوز یاشین تک قالیبسان ور خبر قارداشین من قیامتده قانینان گچمرم من سنی اوغلانلاریمنان سشمرم ایستدی قارداشدا زهرایه باخا سسلدی ادرک اخا. ادرک اخا تک علمدار سپاه مشرقین سسلنیب قارداش حسین قارداش حسین گل حسین قارداش گل طاهایه باخ باشیم اوستونده ننم زهرایه باخ قوغزادی ملعون عمود آهنین وا محمد وا امیرالمومنین قوغزادی ملعون عمود آهنین ساغ اولا باشین سنون ام البنین قبری ده شاهدی دوغراندی قمر بیر اولوب پایین پا بالای سر #حضرت_ابوالفضل #حضرت_عباس 🆔 @SherealiHabibi