اسم القصيده : ياكمر ياكافل اسم الشاعر : #راضی_الفیصلی اسم الرادود : #محمد_الجنامي المناسبة : محرم الحرام ١٤٤٤ المكان : حسينيه و موكب ام الحسن | الفاو 🏴🏴🏴🏴🏴🏴🏴🏴🏴 ياكمر ياكافل ... يمينك شايل كربله كربله ... علكتها ابجودك ■□■□■□■□■□■□■□ علت بيدك رايه .. عله الشاطي و مايه .. تعتلي و ما تكصر سلام الله اعليها .. الطفوف اتغطيها .. راية الله و حيدر علي جنه حاضر يشاهد نظيره نزل شبله وحده يعادل عشيره النهر كام اله و شاف وكفته الجبيره اخو زينب الماي شرب منه غيره صاحت الملزومه ... هله بعلومه يا علي ياعلي ... هذا انته ابزودك ■□■□■□■□■□■□■□ حلف يم الحره .. ابضلع امي الزهره .. انتي خويه ابختي انه وحدي رايح .. اسكّت هالصايح .. لا يهمج يختي نفخ نفخه الصور لمن شد عليها صدك سكت الكوم خلس كل حجيها نست مشرد الخيل ركضها و مشيها طوه كاع الطفوف طبك كلشي بيها نادت اخته زينب ... عسه لا تتعب كافلي كافلي ... منهو يدنه احدودك ■□■□■□■□■□■□■□ كطب رحّه وتفتر .. زلم بيها وعسكر .. كلشي صار ابأيده سحب كاع الحومه .. و صحت حته النومه .. من هتف لعضيده اقلعت باب الطفوف يخويه ابأديّه اذكر دفعة الباب عله امنه الزجيه يبواليمه ارجوك دخلهم عليه ضلع صاحي ميضل من اعلوج اميه كله خويه ابكيف ... تطالب حيفك والحرب والحرب .. واحد من اشهودك ■□■□■□■□■□■□■□ رجع واخته اتنادي .. درع بيت الهادي .. انته رب الغيره عله حيدر طالع ..بدر انته و ساطع .. ما تلمك ديره عله الظالم انته نظرتك مخيفه يظل دايم الواك نصر بس حليفه احركت يوم الطفوف مباني السقيفه و اهلها و شملها لئن مو نظيفه تسلم النه جفوفك ... يظل معروفك ياكمر ياكمر ... ما كصر مجهودك ■□■□■□■□■□■□■□ ابوفاضل وحده .. سند يوم الشده .. والحسين الشاهد اخوي ابلا ثاني .. ابصموده الايماني .. وحده و يظل واحد نذر روحه عباس حياته الحياتي توذر عله الماي سبكني ابمماتي وكبل كربله اسنين يدلل بناتي درع اسمه كافي ستر عن خواتي والكمر ناداني ... ابهمس حتداجاني شيمتي شيمتي ... كلها من اوجودك ■□■□■□■□■□■□■□ يجي الموعد باجر .. بدايه ابلا آخر .. من تجي المشايه وعدهم يتكرر .. عهد لو نتوذر .. ما تطيح الرايه للطفوف نجي ازحوف عله باب الحسين لجل كطع الجفوف كبل ننطي ايدين تظل صرخه لبيك حجيج المجانين ويظل بيرق حسين يجول الميادين نوصل احنه البابك ... نشم اترابك بالمشي بالمشي ... مانسينه اعهودك 🏴🏴🏴🏴🏴🏴🏴🏴🏴