اسم القصيدة : السيد الجميل اسم الرادود :#محمد_الجنامي اسم الشاعر :#وسام_الشويلي المناسبة :عاشوراء محرم الحرام 1443 🏴🏴🏴🏴🏴🏴🏴🏴🏴 بجروحي اجيك شايلي رمح عودني عليك يااغله جرح يااغله حبيب وبكلشي غريب لو عني تغيب مايبقى صبح يالماوصل عشگك عشگ لاوالله مستحيل من الحجي قليل حسين انت بإختصار السيد الجميل انت السهل واأنت الصعب ياجامع الحب والحرب بيدك ود والدم يصب ومخجل السيوف ياظامي منك ارتوي اضعف وأنه بحبك قوي خليني اكثر انچوي من جمرة الطفوف ............................. تارسني خضار وبصحره چنت تنطيني نهار لو ظلمه عشت تتركني محال وتگلي تعال تسگيني زلال يالظامي متت تصنع وطن من غربنك وامفهم السهام ان الحقد ظلام ع الغبره من تطبح يترجم القيام هذا الوجود.اباكمله ترسم مساره ابكربله عن دينك ومستقبله ابصدرك تصد رماح يمضحي من اجل الشعب دمك رسالة حب كتب ابآلامك وذاك التعب رايدنه نستراح ............................ بعيوني ذبيح ماشوفه نحر واجدامي اصيح لا هذا بحر متلمه جروف غرگانه سيوف وبجسمك اشوف كل طبره نهر عندك يمگطوع النحر وي ربك اتصال ماتحجبه النبال صورة عشگ عجيب ترسم على الرمال بحافر فرس من تنسحگ وي الكسر نسمع عشگ وي السهم گلبك يدگ ويسولف الغرام عندك يقائد مصرعك وي ربك وكان معك سمعته حب وسمعك ياقائد السلام 🏴🏴🏴🏴🏴🏴🏴🏴🏴 القصاید المکتوبه للرادودين حسن الصالحي و محمد الجنامي (صوت+کتابة)

📜قصيدة: مثلك يجدي ✒الشاعر : #راضي_الفيصلي 🔖:شهادة الإمام محمد الجواد ع ليلة 29 ذوالقعدة 1440 🕌: موكب عزاء خاتم الأئمة عجل الله فرجه مثلك يجدي ملتهب جبدي بحشاي أحس نار الضمه من وادي الطفوف متوسد جروح بس ماني مذبوح بحشاي أحس نار الضمه من وادي الطفوف محد كسر مني ضلع ولحد قطع مني صبع من وادي الطفوف 🏴🏴🏴🏴🏴🏴🏴🏴 وحدي وأكابر بالأجل لاجار يمي ولا أهل يسمع ونيني حالي جرح يحضن ملح اتلوه مثل المنذبح محد يجيني واتذكرت جدي الغريب واعلى الرمل خده التريب هيج حنيني لاخيل داست جثتي ولا دم يخضب شيبيتي بس تجري عيني بس عندي عنوان جن جدي عطشان بس عطش يفرق عن عطش وقت المنيه مو مثله بلواي ضامي بكتر ماي بس عطش يفرق عن عطش وقت المنيه ولا مثله واقع منصرع ولحد قطع مني صبع من وادي الطفوف 🏴🏴🏴🏴🏴🏴🏴🏴 أتقلب بنار الألم واتذكرت نار الخيم وجدي وحريمه كلما نهض وبنهضته يوقع كتر من جثته والله هضيمه لمن نخاها لوحده فزعت عليه خيل العده وزادت جريمه وعمتي تشوفه وتسمعه وتنذبح مثله بمصرعه واشقد عظيمه هم أنسه حالي وانسى الجرالي احاه يمحنت عمتي بين الاجانب بين الحوافر وقعت ستاير احاه يمحنت عمتي بين الاجانب بجعب الرمح من تندفع ولحد قطع مني صبع من وادي الطفوف 🏴🏴🏴🏴🏴🏴🏴🏴 بنار العطش قلبي ألتهب جن جدي الساني خشب وقلبي تفطر بس ماشفت ذاك الشمر قام وتربع عالصدر وابأيده خنجر وحدي رحت من الشمل محد ذبح مني طفل وابدم تعفر ساعه ومصيبة كربله تتعادل بهالمعضله وصبري تصبر ماشفت الجفوف طاحت على جروف والساقي ضامي ومنصرع وبجربته الماي عايف خواته ومخدراته والساقي ضامي ومنصرع وبجربته الماي بونينه ونه تنسمع محد قطع مني صبع من وادي الطفوف 🏴🏴🏴🏴🏴🏴🏴🏴 نايم أنا بحر الشمس باجر وهاليوم وأمس بحر الظهيره حر الصحاري مجندله مصرع عشيره بكربله بس ياعشيره نار وسبي وخوف وهَضم والتنخه اهلها تنلطم حيرتها حيره بعد السترها برايته وبعد الكفلها بذمته ماتبقه غيره مابين الارجاس تندب يعباس انظر خواتك باليسر ماعدها والي هم تقدر تشوف تسترها بجفوف انظر خواتك باليسر ماعدها والي احاه يجف المنقطع ولحد قطع مني صبع من وادي الطفوف 🏴🏴🏴🏴🏴🏴🏴🏴 عندي وصيه لشيعتي لمن تنوح مصيبتي انسوا المصيبه نوحوا لبنات المصطفى والمنذبح من القفه وجثته سليبه صبح ومسى نوحوا بوجل للبقت حرمه بلا أهل وراحت غريبه وذكروا الفواطم من مشت وبيا دروب تغربت ماهي جريبه بهاي الرزيه ذكروا رقيه بين الخرايب تندفن ياهو الدفنها بذيج الخرابه وتندب يبابه بين الخرايب تندفن ياهو الدفنها وبخدها سطرة تنطبع ولحد قطع مني صبع من وادي الطفوف #محمد_الجنامي.

بسم الله الرحمن الرحیم یقیم موکب الکمیل الحسینی مجالس العزاء (الیوم الرابع بمشارکة) الرادود محمد الجنامي الشیخ زمان الحسناوي القارئ ٱسامه الکربلائي الرادود علی الفرطوسي 11صفر المصادف 2023/8/28 سیبث المجلس علی قناة الکمیل الفضائیه الوقــت 9:00 کربلاء المقدسه قرب نفق الامام العباس(علیه السلام) #محمد_الجنامي

قصیدة ؛ فتح‌الزینبی الرادود ؛ ملامحمدالجنامي الشاعر ؛ عبدالله‌القرمزی،فاضل‌مقدم #یبقیٰ_الحسیـن #محمد_الجنامـے #صاحـب‌الونّـہ‌الحزینـہ #صاحـب‌الحنجـࢪه‌الذهبیّـہ ┄┅┄┅┄ ❥❥ ┄┅┄┅┄ ⁦♡الرادود الحسینی محمد الجنامی⁦⁦⁦♡

اسم القصيده : زيارة الحسين اسم الشاعر : #كرار_حسين_الكربلايي اسم الرادود : #محمد_الجنامي المناسبه : شهادة الامام الباقر و مسلم بن عقيل ١٤٤٣ المكان : حسينية الامام السيستاني | البصرة - الزبير 🏴🏴🏴🏴🏴🏴🏴🏴🏴🏴 ربي ارزقني زيارة كربلاء .. كربلاء .. كربلاء ربي اختم لي حياتي بالعزاء .. بالعزاء .. بالعزاء □■□■□♡♡♡□■□■□ يل موفقني ... و دمع رازقني ربي لا تحرم عيوني من بجيها نعمة النعمه ... الطم و الخدمه الوادم الطمت الف هنيال اديها يا الهي حسين لا تبعدني عنه بعيني كل الدنيه نار وهوه جنه هوه جرحي الينزف دموع ومحنه ما اعيش بلا نياحه ولا بكاء .. ولا بكاء .. ولا بكاء ربي اختم لي حياتي بالعزاء .. بالعزاء .. بالعزاء □■□■□♡♡♡□■□■□ ربي يا ربي ... دعوه من كلبي ياحسين يصيح لاخر نفس صوتي بس هل حجايه .. وطلبتي هايه كون بين الحرمين يصير موتي لو وانه الطم يربي وتطلع الروح خل يسموني شهيد الدمعه و النوح ما اعيش بدتيه بيها حسين مذبوح يا حلات سنيني تكضي بس رثاء .. بس رثاء .. بس رثاء ربي اختم لي حياتي بالعزاء .. بالعزاء .. بالعزاء □■□■□♡♡♡□■□■□ كربله روحي ... بيها مذبوحي زياره حسين اغله من عمري و حياتي تروه ايامي ... بشوفة الضامي لا تخلي زيارته من امنياتي اجعلني من ناس الصدك تتسمه خدام واربعين حسين اتوفقله كل عام خدمة الزوار اجمل كل الايام حسين تتمنه تزوره انبياء .. انبياء .. انبياء ربي اختم لي حياتي بالعزاء .. بالعزاء .. بالعزاء □■□■□♡♡♡□■□■□ نحضر قرايه ... نروح مشايه نخدم بموكب ونلطم كل عمرنه دوم خلينه ... يم ابوسكينه حسين دنيه واخره بيده امرنه خل يمشينه عل كيفه شلون ماجان الما شرب من نهر هاي الخدمه عطشان الما بجه على حسين كل العمر خسران رايه الخدام تعله بسماء .. بسماء .. بسماء ربي اختم لي حياتي بالعزاء .. بالعزاء .. بالعزاء □■□■□♡♡♡□■□■□ نبقه لتالي ... بخدمة الغالي يظل عهدنه نعيش ونموت على بابه نصيح عل فطره ... بخدمة الزهراه للنهايه اه يحسين ومصابه شلون ننسه حسين من كطعوا وريده حركو خيامه وبقت زينب وحيده اجت يمه ودورت عن اصبع ايده وما نسينه انخضب شيبه بدماء .. بدماء .. بدماء ربي اختم لي حياتي بالعزاء .. بالعزاء .. بالعزاء 🏴🏴🏴🏴🏴🏴🏴🏴🏴

اسم القصيده : اخذتي فرحتي اسم الشاعر : #حمزه_السماوي اسم الرادود : #محمد_الجنامي المناسبه : استشهاد الامام الحسن المجتبى ١٤٤٤ المكان : هيئة الزهراء للعزاء المركزي | النجف الاشرف 🏴🏴🏴🏴🏴🏴🏴🏴🏴🏴 اخذتي فرحتي وحياتي وكلبي وروحي يدنيا قريبي و حبيبي بسكوته يحجي جروحي يدنيا بعدماشوفه يمي ... جبير و ريحة امي يدنيا ... يدنيا ●□●□●□●□●□●□●□●□● يدنيا راجع ودافن اعز واحلى سنيني نفس ما باقي بيه وباقي بيه بس ونيني اباوع بالوجوه وماكو بيهم ماي عيني دفنت الجان بالنظرات يفهمني وافهمه دفنت الما اسولف سالفه واله وبيها اسمه الهوه ماشامه جنت الحسن يوميه اشمه يدنيا شطالبتني وي العزاز اخذتي الشوفته بكل ليله اعتاز و من دون اابشر خليتي حسين يوميه بكلب طالعله جناز حسافه وسافه شسولف عنهم شحجي قليله الاحبهم بتربهم اخوي وياهم شبجي قليله وكف مايمشي دمي ... جبير و ريحة امي يدنيا ... يدنيا ●□●□●□●□●□●□●□●□● رجعت ايدي وره ظهري دفنت الجان كلشي اليمشي بدفنت المحبوب شيب براسه يمشي من الصدمه والتفكير مارف حتى رمشي يا دنيا ركضي على الحسن ماشفتي غيره ما دافن اخو بترابه دافنلي عشيره بعد الدار وجهه وراح وجهي المن اديره ولا اذكر ولاجانت بالحساب انه والحسن بيناتنه اغياب اول مره يكست من احاجيه وشيرجعه الدفنته جوه التراب بحركتي بدمعتي انادي كافي ارجع يخويه بشعوري ضروري اريده يدري ويسمع يخويه جبل شيطيح همي ... جبير و ريحة امي يدنيا ... يدنيا ●□●□●□●□●□●□●□●□● ما لحكت اعيش وياه بالباب انكسرنه جنهه امس امي اتنوح نسمعهة بزغرنه وهذاك اليوم جنه اطفال وشبسرعه كبرنه ومن انعصرت امي هناك ضل لازم اديه كدامي وكف للنار لا توصل عليه يدنيا كون اكعده يشوف فكده اشسوه بيه ولا اندل طريقي برجعتي منين رحيلي الجان عيني وتارس العين و جانت باختصار صار العشره وياه الحسن من الهوه يخاف اعله الحسين عضيدي وريدي غيابه هدم حيلي عليه شيرجعه واسمعه سوالف هجمت ليلي عليه رحيل الخوه يعمي ... جبير و ريحة امي يدنيا ... يدنيا ●□●□●□●□●□●□●□●□● راح اكضي بدمعتي الليل وجه الغالي غايب اعتب على الوكت مرات لو عالدنيا اعاتب مكتوبه الك يحسين تدفن بالحبايب وكلما تطلع الحسرات روحي وياهه تطلع صوت الحسن من اليوم مراح ابقه اسمع يا ريت الوكت ياناس بالايام يرجع ونرد نكعد سويه نقره قران شيخلص الليل على الفاكدله خوان وبيه جروح من الحسن للموت مو للماي انه الوجهه عطشان بزماني اعاني اعيشن بعده ميت تراني يظهري يذخري اصيحن وارجع اسكت تراني الحسين الفاكد اسمي ... جبير و ريحة امي يدنيا ... يدنيا ●□●□●□●□●□●□●□●□● الحسن بعده شبقه بالروح ضل بالضيم عمري تركض كربله والخيل من هسه اعله صدري اذكره الحسن من السيف يكطع مني نحري شما مر الوكت على البال مافد لحظه ناسي جبده بالطشت بالعين شفته وارد اواسي بسابع صفر هم بالطشت راح يصير راسي ردته بكربله من تلتم الناس يساعدني اعلى حزني فراك عباس بس شاء القدر ولوحدي ضليت واضل انعاه لو فوك الرمح راس تركني وهجرني بديه دافن راحة حياتي اساهر واناطر عيوني بهجرك كرهت حياتي جفني الصار مدمي ... جبير و ريحة امي يدنيا ... يدنيا 🏴🏴🏴🏴🏴🏴🏴🏴🏴

اسم القصيده : لو تتعب رجليني اسم الشاعر : #راضی_الفیصلی اسم الرادود : #محمد_الجنامي المناسبة : ليالي محرم الحرام ١٤٤٤ المكان : حسينية الحاج عبدالزهره الفرطوسي | ميسان 🏴🏴🏴🏴🏴🏴🏴🏴🏴🏴 لو تتعب رجليني ... عباس امشيلك بيديني ... عباس عهدي بكل سنيني ... عباس ■□■□■□■□■□■□■□■□ ها يعباس الك جاي كطعت الدرب امشي عالجمر مو صعب .. هذي تضحيات المحب لو تفرشني اجروح ازحف ايكون عله الراس اجي عالوعد بدمومي اجدد عهد .. وابجدمي ادكن وتد وابسط يمّك الروح كالوا الصيف هوه الحار كلت فدوه اله حافي وامشي مومشكله .. لو جان الوطن كربله ريت اوصله مذبوح اوفي اعهود من اسنين واجيلك حبي واتلكه بنات النبي .. ردن من دروب السبي سهم النايبه ايلوح وياهن امشيلك ... عباس اشكيلك وابجيلك ... عباس بس خادم سميني ... عباس ■□■□■□■□■□■□■□■□ تسمع الصوت يناديك يحامي الظعن كلبك اوسع من الصحن .. غربه وانته النه وطن جنك حامي الدخيل هاي الحشود يبوالجود اجتك زحف رايات الهواشم ترف .. كد الدنيه ماتنوصف جرت جرة السيل رافع جفوف منارات جفوفك علم قدوه للوفه والشيم .. واكف يبقه عندك سهم شاهدلك يالجفيل ابهبة الريح صده ايصيح مثل وكفتك تعله وماهوت رايتك .. رافعها عمد غيرتك لاتوكع و لتميل لو احسب خطواتي ... عباس احسبهه ابدمعاتي ... عباس خطواتي تبجيني ... عباس ■□■□■□■□■□■□■□■□ اوداعة حسين والاكبر عله كل عمد صوت اهلا وسهلا صعد .. لا كدر المواكب برد و ايرحب بالضيوف تكصر ادروب بالجدام المسه بالعشك شمعه وللدرب يحترك .. بس هاي المحبه صدك حبك بيها موصوف الحب الحسين يعباس طحت عالنهر تسلم غيرتك يا كمر .. فوك الرايه صاير وذر مو بس تنطي جفوف بجانب الماي يوفاي تعلم درس للرايد معزة نفس .. بالدم الشرف ينحرس ويذبح بالسيوف اشتمك بانفاسي ... عباس يا مالك احساسي ... عباس جايبني موديني ... عباس ■□■□■□■□■□■□■□■□ هذا بس يوم حسبناه نعده ابدهر واحنه نمشي اعله الاثر .. جنه المهدي بيها حضر ماشي بهالمسيره انتابع اوياه نماشيه نحس خطوته بكل خطوه اثر دمعته .. نار وتلتعب حسرته ايتابع ديره ديره ابجاهك نريد يصنديد عنايه ونظر من المهدي المنتظر .. لا يدنه المشينه خطر واحنه اشدنه غيره شارتك سيف يالجفيل وقايه وحمه باب الحضرتك مرحمه .. بي نشتم عطر فاطمه يا بدر العشيره محلاها اباعتابك ... عباس لو نسجد يم بابك ... عباس بس يمك خليني ... عباس 🏴🏴🏴🏴🏴🏴🏴🏴🏴

اسم القصيده : يا ناس اسم الشاعر : #كرار_حسين_الكربلائي اسم الرادود : #محمد_الجنامي المناسبه : استشهاد الامام زين العابدين ١٤٤٤ المكان : موكب خدمة اهل البيت | ايران - سربندر 🏴🏴🏴🏴🏴🏴🏴🏴🏴🏴 يا ناس تدرون منين مخلوقه الخدم امن تراب تل و دمعات زينب والخيم الف سنه و بعد نتحسر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● موعد من طه منطي للزهره يخلق اله شيعه يجروله العبره و احنه توفقنه بهالحب عالفطره يعني ابطينه الخدام تربة كربله تلكه من جمر الخيم يا ناس ربك خالق الحركه لتلوم اليون و يموت لجل حسين من حكه حسيني ... حسيني ولله لو من حركه تموت من حكها النفس سمرات شيبات حسين من حر الشمس عشك يظل ولا يتغير ... لطم بجي وحزن للمحشر للمحشر ... للمحشر °•○●°•○●°•○●°•○●°•○● امسلّب بس فصّل ثوب الخدّامه الدمعه النجريها امن ادموع ايتانه و لون الاسود من دخان اخيامه عابس جدنه وبدمنه جيناته الوراثيّه مجنون ابأثر مجنون بالخدمه الحسينيه حته البعده ما مخلوق تلكه عنده جنسيه حسيني ... حسيني ونموت لكن ميموت بدمانه العشك جذاب كل حب بالكون بس حبنه الصدك قسم و حد دمه كل منحر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● حسين امدلّلنه انتيه من انعوفه وعباس علّمنه نلهج بحروفه ما جان يلطمله كطّعله جفوفه واتعلمنه من عباس كون نموت منّ انحب لو هذا الزمن موجود جا تلكاه ابو موكب بدرب الخدمه للزوار تشوفه واكف معزّب حسيني ... حسيني ديوان جفّ عباس ما رجّع بشر و اطباع هاي الخدام ترجع للكمر وفه الكمر نهر ظل يكبر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● العاشك من يعشك كل شي يتحمل هوه الحب جمره يجوينه و نذبل نتعب نتعذّب بس ما نتبدّل احنه الغالي منعوفه لو مهما تعذبنه احنه اهل الصدك والناس ماتكدر تجذبنه احنه نحب وابد منخون ونعلن للخلك حبنه حسيني ... حسيني ماشين بدروب الشوك وادروب الوفه الما باع صاحب للموت واضح موقفه الكلب عله البعد ما يكدر ... لطم بجي وحزن للمحشر للمحشر ... للمحشر °•○●°•○●°•○●°•○●°•○● الخادم بالدنيه ايحس زينب امه كلمة مسبيه يا ناس اتهضمه لتلوم عيونه من تبجي و تعمه هاي امخدرة عدنان محد ما لمح ظلها زينب توكف بديوان هذي منهو يعقلها ما ذلت اخت عباس موقف بالسبي الها حسيني ... حسيني والناس اخذوا قرآن بدروب السبي بشام جانت تنشاف مو زينب نبي الخلك تصد علي عالمنبر ... لطم بجي وحزن للمحشر للمحشر ... للمحشر 🏴🏴🏴🏴🏴🏴🏴🏴🏴

اسم القصيدة : اخذيني يا ناكه اسم الرادود : #محمد_الجنامي اسم الشاعر :#وسام_الشويلي المناسبة : محرن الحرام ١٤٤٤ المكان :جامع الامام الرضا عليه السلام | البصره 🏴🏴🏴🏴🏴🏴🏴 اخذيني ياناگه من الكوفه للشام دمعاتي تتلاكه وي دمعات الأيتام حادي الحزن ويه الظعن يوديني يوميه ادخلي وطن يبچيني ■◇■◇■◇■◇■◇■◇■ ما اگول اتذكرت آنه ابد ماناسي كربله ابروحي نبض عايشه بأنفاسي عالذي راسه انگطع شيبي تارس راسي لكن امصاب السبي يجرح بأحساسي أنه ابهذا الزمن موجود يااناس لكن للسبي وداني الأحساس اريد اعرف اشصار اويه اخت عباس من جسمي ياروحي طلعي وتبعي الظعون خل تنظر اجروحي زينب حالها شلون دمعي مثلهن من مشن يمشيني يوميه ادخلي وطن يبچيني ■◇■◇■◇■◇■◇■◇■ ابعالم احساسي أنه چن ركبت الناگه وأبو اليمه ابداخلي يچوي نار افراگه بالدرب اسمع بچي وونه للمشتاگه اتصيح اريدن والدي ياوكت نتلاگه رقيه اتناشد ابزينب على حسين تگللها يعمه والدي وين وليش آنه يضربوني على العين انظر على خدها دم ودمع مخلوط تتنخه والدها كلما تنضرب سوط ترفه ايديها وورمت عمت عيني يوميه ادخلي وطن يبچيني ■◇■◇■◇■◇■◇■◇■ چني امشي اويه الظعن والحرم مچتوفه چم مصيبه مؤلمه شاهدت بالكوفه ال إلها لا صوت انسمع لا گبل مشيوفه هسه طول الها انلمح والعيون اتطوفه احچيها ابصعوبه الگلب محروگ الأميره اتصير اسيره هاي متلوگ مو بس بشوارع دخلت ابسوگ ياهو اليجي يسأل زينب بت علي هاي ام خدر المعدل شو متغيره هواي كل ساعه هضمه هالزمن يراويني يوميه ادخلي وطن يبچيني ■◇■◇■◇■◇■◇■◇■ هالزمن طبعه الغدر يهضم ابدورانه ياوسف بت فاطمه اگبال ابن مرجانه الشامت اوياها حچه وچني اسمع آنه ايگلها وينه كافلچ گطعوا ذرعانه ظل ايشيل بيده راس الحسين ويضربه ابعصاته على الشفتين وزينب ويه اخوها العين بالعين ابهالحاله فك عينه وأهتز راس عباس شيردله چفينه وأخته ابين ارجاس ابچي دمه هاي المحن تخليني يوميه ادخلي وطن يبچيني ■◇■◇■◇■◇■◇■◇■ هذا موقف ياخلگ يجرح ابتعبيره چم عشيره طالبت حركتها الغيره طلعوا كل الحرم مشن كلمن ديره بس بنات ام الحسن ظلن ابهالحيره محد طالب ابذني السبيات ابحال الذله ياوسفه العزيزات عدهن بس عليل وبين شمات محد فزع الهن والشامت حچه وصاح چا وينه كافلهن مايدري الخدر راح حيرة بنات ام الحسن تأذيني يوميه ادخلي وطن يبچيني ■◇■◇■◇■◇■◇■◇■ ويه خطوات الظعن واصلت خطواتي والجرح يتبع جرح وأشكثر عثراتي الشام قصه مؤلمه فجرت آهاتي چم هضيمه اتجرعت بت علي مولاتي اهل الشام وادم موش اجاويد ابذبح حسين عدهم اعلنوا عيد والنسوان حنه امخليه بالإيد صعدوا منازلهم ظلوا حجر يرمون وتصدح هلاهلهم وابزينب يسبون اتگلهم وسف عيد انعلن على حسيني يوميه ادخلي وطن يبچيني 🏴🏴🏴🏴🏴🏴🏴🏴

اسم القصيده : يجرحني فركاك اسم الشاعر : #فاضل_مقدم اسم الرادود : #محمد_الجنامي المناسبه : عزاء ليالي العشرة الثالثة من شهر محرم الحرام 1443 المكان : حسينية الحاج عبد الزهره الفرطوسي | العراق - ميسان  - حي القاهرة 🏴🏴🏴🏴🏴🏴🏴🏴🏴 جرحــني فرگاك ما اگـدر انـساك انت اعله رمحك وانه امشي ويّاك _ عيني ما فارگت عيـنك راسك ويه الضعن دار مو مهم شلوني خويه جرحك انت شلون صار راس تلــهب نار اشـوفك تبچي لهــموم الزغـار نحــرك ايــترجم سـوالف و انـه مـا املك قــرار شمر سـمعني بچيت ، دفعني ثگــيله ايــده لمن صـــفعني مــا ظل الي حـيل يكــسرني الليـل احچي ويه جرحك وانه امشي وياك _ جـبت هذا الدرب انـعي من النياحه ما امل شـلون اشيل الطاح مني وانه بچفوفي حبل المثلي والعباس اخــوها بالعرب مـا تنسأل وانه كل ساعه ويـجيني شامت و نار اشتعل سألني عنّك سمعته ونّك العـذر قبلته يخويه مـنّك تتـراجـف اعـضاي ما شـاربه الماي و عطشان المحك وانه امشي وياك الليل زارع خوف بيّه لو شمس مغرب تغيب طولي بالقافله يگــصر لا تــشوفه عيون ذيــب يطيب جرح الحبل لاچن حچي الشامت مايطيب وياي انـت وليــش گلبي عايــش بحالة غريب احــن واتـاني اون و اعاني إلذِبَح أخوتي ابزجر ولاني من الكوفه للشام حـــكايـــــة آلام يــرويها صـــبحك وانه امشي وياك _ من الحراســه خويه اتـعب واعـله رمحك انتچي والله ما متـعوده اسمع هالگد اصياح و حچي انتوا روس اعــله الرماح و الــمن اگــعد اشتچي ينســمع كســر الخواطر و ما طلع صوت البچي كتمته صوتي الزعل اخوتي و تمــنّه گلبي بحنيني موتي لا روحـي تموت لا ابچي بصوت و بعيوني ذبحك وانه امشي وياك ___ خــويه ايام و ضــعننه مــن يطــب قصر الألم يزيد اشوفه اگباله راسك بالطشت ينگط شيّم بخيزرانه و يــطگ ثــغرك و الشـفاه تسيل دم يگلّي مســبيه اجــيتي و اسـمع الوالي انـشتم يگلّي شـفتي ابسبي رجعتي ذبحنه اهلچ و بقيــتي انتي ميــته عســـاني و لا شــفتك اني يهظمني فرحك وانه امشي وياك 🏴🏴🏴🏴🏴🏴🏴🏴🏴

اسم القصيدة : فقدك مصيبه اسم الشاعر : #احمد_الذهبي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينة و موكب ام الحسن | الفاو 🏴🏴🏴🏴🏴🏴🏴🏴🏴 رايح يبعد اخوك ... يا هيبه الملوك شيضل بعد لبوك ... فكدك مصيبه عليل ... اخوك ... وايده اعلى خده وراك ... يموت ... من يبقى وحده رايح يبعد اخوك ... رايح يبعد اخوك ■ ■ ■ ■ ■ ■ ■ ■ ■ سهمك ابعيني ... و سيف نحرك حز وريدي من يذبحك خويه دليني ... تيّهتهن ياهو جرحي و ياهو جرحك كلشي من بعدك سواد .. ميت ابعيني الضوه الحسره من طلعت وراك .. مابقه بريتي هوه جروحي اليدورن عليك .. ظلن ابعازة دوه عليك اذا تروح ... ينلجمن الجروح جرح الكلب ينوح ... ايس طبيبه مصاب ... عذاب ... عشته ابمصابك عتاب ... يسيل ... دمعي الشبابك رايح يبعد اخوك ... رايح يبعد اخوك ■ ■ ■ ■ ■ ■ ■ ■ ■ شفتك اكبالي .. يريد ابونه يشيل جسمك و انت طايحه ما كدر يوكف ... انحنه و ناده ليش مني يبني رايح ياعلي شفت الدموع .. ابعين ابوي ابلا بجي جنه من دنك عليك .. عنده وي طولك حجي يكلك الاب من يطيح .. بس عله ابنه ينتجي صاح ابتده اختام ... على العمر سلام من يجي للخيام ... يوصل نحيبه يخوي ... جيوش ... كلها اعلى ابونه وحيد ... غريب ... لمن يجونه رايح يبعد اخوك ... رايح يبعد اخوك ■ ■ ■ ■ ■ ■ ■ ■ ■ تدري يا خويه ... المو اخوته اتشيل حمله شنهو نفعه مو هوه العالي ... نسمه وحده تحني ظهره من تدفعه يبقه مكسور الوحيد .. والاخو احزام الظهر بعد ساعه و ظهر ابوي .. ينكسر يم النهر من يكطعون الجفوف .. وينذبح ضي الكمر من يوكع العضيد ... يتخوصر العجيد والدنيا عالوحيد ... تفتر عجيبه يصيح ... تعال ... ياخويه و ارجع واخوه ... ذبيح ... ماجنه يسمع رايح يبعد اخوك ... رايح يبعد اخوك ■ ■ ■ ■ ■ ■ ■ ■ ■ وانت بالخيمه ... وصله وصله شفت جسمك شالته امك حيره من حيره ... ليله حارت مدري تبجي لو تلمك مارضت ميت نكول ... كالت وليدي غفه هيه ام والام يخوي ... كتله من العاطفه كلب اليفارك ضناه ... العالم بعينه طفه طور النعي الحزين ... كلب امك الحنين ينبض بجي و ونين ... كلب الغريبه حرام ... تلوع ... ام اعلع ابنها تموت ... وراه ... من كد حزنها رايح يبعد اخوك ... رايح يبعد اخوك ■ ■ ■ ■ ■ ■ ■ ■ ■ كطعوا طولك ... و انت جنك عافيتنه و اغله منها ويلي يا عينك ... ماشفتها اتراب و الدم ضيعنها وينها الفكدت شباب .. خل تواسي فاطمه طاح الاكبر عالتراب .. و صدره بسهام انرمه فوك حر جرح السيوف .. نار كلبه امن الضمه من النزف خذاه ... صوت الجرح صداه مات العطش عساه ... و ايشح نصيبه اصيح ... وراك ... يا خويه تاني يريت ... يخوي ... موتك خذاني رايح يبعد اخوك ... رايح يبعد اخوك 🏴🏴🏴🏴🏴🏴🏴🏴🏴

اسم القصيدة : علمني رحيلك اسم الشاعر : #كرار_حسين_الكربلائي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينة و موكب ام الحسن | الفاو 🏴🏴🏴🏴🏴🏴🏴🏴 علمني رحيلك ... كلشي ماتسوه الحياة ابلا حبيب علمني رحيلك ... الما يعيش اوياك يتسمه غريب °•○°•○°•○°•○°•○°•○°•○ يا ضوه عيوني برحيلك مات بعيوني الضوه يالمدللني بوجودك كلبي من بالفركه انجوه شكر جانت دنيه حلوه نصبح ونمسي سوه و هسه كلشي بعيني ظلمه و ميت بريتي الهوه عايفني غريبه ... يالرحت انت الجرح وانته الطبيب عايفني غريبه ... الما يعيش اوياك يتسمه غريب °•○°•○°•○°•○°•○°•○°•○ امنهد ما سفرت عني وجفن ما لاكه جفن كل فرح ما طاب روحي وعشره عاشرني الحزن يالجنت اغفه اعله ايدك هسه اغفه اعله الحزن ابنيتك افراكك كتلها و متت من كد ما اون صدكني يغالي ... من وداعك ما طفه بكلبي اللهيب صدكني يغالي ... الما يعيش اوياك يتسمه غريب °•○°•○°•○°•○°•○°•○°•○ عفت بيه اشلون حيره شحجي للعنك سأل لاني ميته و لاني عدله يالحنين انطيني حل من رحت بستان عمري وداعة عيونك ذبل اغله انسان بحياتي عافني بغربه و رحل المن احجي جرحي ... كلها غربه وانته مبعد مو قريب المن احجي جرحي ... الما يعيش اوياك يتسمه غريب °•○°•○°•○°•○°•○°•○°•○ الوالد البنته عليله تظلم بعينه السمه رحت و دموعك تكلي وداعة الله فاطمة انتي موتج من غيابي وانه موتي من الضمه كبل ما ودع عيونك ريت بعيوني العمه تعبني انتظارك ... الشيب اخذ روحي كبل وكت المشيب تعبني انتظارك ... الما يعيش اوياك يتسمه غريب °•○°•○°•○°•○°•○°•○°•○ بويه بن حذلم اجاني وكسر كلبي بجيّته واختصرلي و بده بكلمه حسين كطعوا ركبته حسين فوك الرمح راسه حسين رضّوا جثته حسين فوك الرمل عاري و سلبوها عمامته ما زرتك يغالي ... و من بعد سلمت عالشيب الخضيب ما زرتك يغالي ... الما يعيش اوياك يتسمه غريب 🏴🏴🏴🏴🏴🏴🏴🏴🏴