هدایت شده از شعر آئینی حکمتانه
بسم الله الرحمن الرحیم
فاطمه گئتمه پریشاندی علی
شمع تک اود دوتوب اودلاندی علی
هله ترک ائتمه منی
پوزما بو انجمنی
فاطمه یا فاطمه
فاطمه گئتمه هله آتما منی
آیریلیق ماتمینه قاتما منی
دلبریم صبر ائله آغلاتما منی
غصه لردن ئورگی قاندی علی
صبر ائله گئتمه گولوم
قیل دعا منده ئُولوم
فاطمه یا فاطمه
فاطمه دشمن اوتاندیردی منی
کیم سنی ویردی خانیم ویردی منی
قاپیمیون یانماقی یاندیردی منی
قاپی اودلاندی ولی یاندی علی
نئجه دیواره باخیم
قانلی مسماره باخیم
فاطمه یا فاطمه
فاطمه دردی علیدن خبر آل
غنچه پرپردی علیدن خبر آل
کیم گولی دردی علیدن خبر آل
باغبان گل بی جاندی علی
نوگولوم قانه باتوب
محسنیم کامه چاتوب
فاطمه یا فاطمه
ای خدا آگه ایله طاهانی
ایستورم قبره قویام دریانی
بیر نفر یوخدی آلا زهرانی
تک قالوب سینه سی سوزاندی علی
گؤر نه تک قالدی علی
بی کمک قالدی علی
فاطمه یا فاطمه
فاطمه غم بورودی دنیانی
مرتضی سؤیلدی بو عنوانی
قورخورام عمروم اولا طولانی
ای شهادت سنه قرباندی علی
ای اجل دادیمه چات
بسدی فریادیمه چات
فاطمه یا فاطمه
فاطمه باشه قرا باغلامیشام
اوتوروب ایوده عزا ساخلامیشام
هی دیوب زینب آنا آغلامیشام
گئجه گوندوز سنه گریاندی علی
آغلارام گوللریوه
غملی بلبللریوه
فاطمه یا فاطمه
#نهاوند_7_9_1403
#شعر‌آئینی‌حکمتانه‌دیار‌تاریخ‌وتمدن‌ایران
@shereaenihekmatane