شیعهلر داده گلون ناله و افغان گونودی
ایلیون بیعت حسینیله که پیمان گونودی
مکتب عشقمیزون واردی حسین تک آقاسی
دینی احیا ائلدی نهضت عاشوراسی
ایکی عالمده اودی شیعهلرون مولاسی
ویردی مایملکنی قرآنا قربان گونودی
آلاروخ بیر اله قرآنی سلاحی بیر اله
قویمیون اجنبی رخنه ایده بنیانمیزه
قویمیون صدمه یته مکتب قرآنمیزه
آرمان شهدآء و رهِ عرفانمیزه
یارادون شور و حماسه همین الان گونودی
مدعی فکر ایلمه شیعهلر اغفال اولاجاق
راه حقدن چکوب ال همره دجّال اولاجاق
هر نه طرح ایلمیسوز جملهسی ابطال اولاجاق
ویروب حق وعدهسینی باطله بطلان گونودی
کیمدی بیگانه اهانت ایده اربابمیزه
یا تعدّی و تعرّض ایده احبابمیزه
دین و قرآنمیزه مسجد و محرابمیزه
بولسون عالم که بو گون حجّت و برهان گونودی
آرمان و هدفی شیعهلرون پاکیدی پاک
مکتب عشقیدی عشّاقینه معیار و ملاک
حقّه لبیک دِیَن اجنبیدن ایتمز باک
اوجالان گویلره فریاد مسلمان گونودی
بولون آگاه اولون ای قوم زبون فرقه شر
ایلسوز شیر قوی پنجهایله جنگ اگر
کاخ ظلم و ستموزدن بولوسوز قالماز اثر
شیعهنون صولتی وار غیرت و وجدان گونودی
کیمه بئل باغلامسوز تخم نفاقی اکنه
روبه پیر و دغلبازیله پیمان شکنه
بنذیسوز مذبلهده کرکس و زاغ و زغنه
قان ایچنلر نه بولر جان ندی جانان گونودی
بیز حسین عاشقیوخ عالمه اعلان ایدروخ
کج باخا کیم بو قرا پرچمه اعلان ایدروخ
سالمیون شیعهنی سوز و غمه اعلان ایدروخ
ملجا و رهبریمیز گر ویره فرمان گونودی
(راشدا) دهریده قرآنیدی چون عینالحیات
رهنمادی بشره منبع خیر و برکات
سنده ویر چنگ توسل تاپاسان راه نجات
سسله داده شهِ مردانی قیل عنوان گونودی
#راشد_سیس
قربان بیرامی
https://eitaa.com/tablighatsabestar
منم عبد بیادّعا یاحسین
قاپوندا گدایم گدا یاحسین
او گوندن که اولدوم سنون نوکرون
هر آن ایتدیم حمد و ثنا یاحسین
مریضم او پاک عشقیوین خستهسی
اولوب عاشق مبتلا یاحسین
منه گوشهی چشمیله باخماقون
بسیمدور ایدر اکتفا یاحسین
باغشلا الیم بوش یوزوم قارهدی
گنهکارم و بینوا یاحسین
ایکی عالمه بیر توکون ویرمرم
گر اولسون جهانی فنا یاحسین
قاپوندان منی ناامید ایلمه
امیدِ دلِ ماسوا یاحسین
دوشوب معصیتدن اشاقه باشیم
واریم چوخلی جرم و خطا یاحسین
اسیرم گرفتار نفسم، گلوب
ینه ایلورم التجا یاحسین
گمانیم گلور تکجه گوز یاشیمه
ایدم ناله صبح و مسا یاحسین
بیر عمری آقا درگهون دویموشم
اولام تا که حاجت روا یاحسین
نه حاجت حبیبیم منیم اوزگهدن
واریمدی سنون تک آقا یاحسین
یوخومدور لیاقت اولام نوکرون
ایدور اُمّی عاشق ندا یاحسین
قاپوندا غلامم سنه نوکرم
ایدر سائله شاه عطا یاحسین
هر عاشق دویوب درگه پاکیوی
اولوب عشقیوه آشنا یاحسین
الیمدن اگر دوتماسان نیلرم
کیمیم واردی سندن صورا یاحسین
اوزولسه اگر دامنوندن الیم
هارام وار گیدیم من هارا یاحسین
بیری درگهوندن اولا ناامید
اولارسان مگر سن رضا یاحسین
دوشوب تنگه سینهم چتین لحظهدی
اماندی قیل عهده وفا یاحسین
شب اوّل قبر چات دادیمه
قرانلیق یره ویر ضیاء یاحسین
نصیب ایله اوز بیتیوی(راشده)
اولوب وردی کرب و بلا یاحسین
#راشد_سیس
قربان بیرامی
راز و نیاز
پیشواز از ماه رمضان
یارب قاپیوا دیدهی گریانیله گلدیم
نار غمه یاندیم دل سوزانیله گلدیم
هانسی قاپینی چالدیم اولوب خوار قیتدیم
نومید اولوب هربابیدن افغانیله گلدیم
بولدوم که هامی بندهلرین دعوت ایدوبسن
منده قوشولوب زمرهی پاکانیله گلدیم
سیلدیم اورک آئینهسینین گرد وملالین
درگاهیوه اخلاصیله،ایمانیله گلدیم
ای عیب لرین اوستونه پرده چکن آلله
آگاهسن اسراره نه عنوانیله گلدیم
نفسیم منی اغفال ائلدی چیخدیم اوزومدن
شرمندهیم قلبیم دولی القانیله گلدیم
گوز تیکمیشم اُول رحمتیوه من یوزی قاره
عفو ایله منی قلب پریشانیله گلدیم
دوتدی گوزومی کبر و حسد جهلیده یاندیم
دوتدوم رمضانی یوزه قرآنیله گلدیم
عمروم بویی دریای جهالتده چالشدیم
غرق اولدی گَمیم موجیلی طوفانیله گلدیم
درگاهیوه ال آچمیشام یاقاضی الحاجات
هرچند الیم بوشدی بونقصانیله گلدیم
خجلت تری آلنیمدا سرافکنده ونادم
یوخ عذر وبهانهم دل ویرانیله گلدیم
یارب منیم افعالیملن ایلمه رفتار
رحمونله مدارا ائله پیمانیله گلدیم
دُوی صدقیله باب کرمی عرض ائله(راشد)
مأیوس ائلمه الدهکی امکانیله گلدیم
#راشد_سیس
قربان بیرامی
مناجات
خداوندا اورکده یاره گلدیم
دِیَم درد و ملالی یاره گلدیم
او قدر جور و جفا ایتدیم یورولدوم
بو دنیاده خطا ایتدیم یورولدوم
باخوب شرم و حیا ایتدیم یورولدوم
قویوب یوز درگهِ غفّاره گلدیم
دل شب گلمشم محزون و نالان
منی نومید ایدوب قووما قاپیندان
پریشان،دیدهگریان و پشیمان
گناهیم چوخدی استغفاره گلدیم
گتیردی باشیمه نفسیم بلایا
منی اغفال ایدوب افعال دنیا
گذشت ایله گنهکارم باغشلا
طبیبا دردیمه قیل چاره گلدیم
اللهی بندهوی سالما نظردن
حساب ایتمه منی بیگانهلردن
سن آگهسن شکسته قلبلردن
دوا ایله دل بیماره گلدیم
اوروجلوقدی خدا ماه ضیافت
بو آیدا ایلدون لطف و عنایت
بو ایل تاپدیم شب قدرون سعادت
قوشولدوم زمرهی اخیاره گلدیم
اوزاقدور رحمتوندن خوار اولام من
اسیر دست هر اغیار اولام من
یوخومدی طاقت اهل نار اولام من
دئیم اسراریمی ستّاره گلدیم
اللهی غرق عصیان و گناهم
منی قووما قاپیندان بیپناهم
گرفتارم دچار سوز و آهم
اولوب درمانده و بیچاره گلدیم
منه لطف ایله ویر توفیق طاعت
ایدوم اخلاصیله یا رب عبادت
اولوم مشمول فیض بو ضیافت
الی بوش ایلمه درباره گلدیم
اللهی(راشدم)محزون و نالان
اَلیم بوشدور یوزوم قاره پریشان
سماط رحمتوندن ایله احسان
توکوب گوز یاشیمی رخساره گلدیم
#راشد_سیس
قربان بیرامی
شعر ترکی (در فراق یاران)
غبار غم ینه ایدل بو گلستانه دوشور
بهار فصلی دولی باغ و بوستانه دوشور
چمنده بلبل اوخور گللرون فراقینده
گلوری نالیه عاشقلرون سیاقینده
قراری یوخ گزوری عشقنون سراقینده
نفس نفس ویروری نغمهدن ترانه دوشور
دوماندی یر،گوی الودی یاغوری گرد ملال
یتوری سمعه سیزیلتی سسیله باد شمال
اود ایچره جسمیلره سو سپور بولود فیالحال
ندندی سونموری اود شوقی آسمانه دوشور
ویروب قضا و قدر ال اله دگل اغراق
چتیندی دلبر و دلداره سوز و درد فراق
گونون باتان چاغیدی تار و تیرهدور آفاق
مگر او فتنه و آشوبدن زمانه دوشور
یانوری هجر اودونا سینهلر کباب اولوری
بهارون ابری کیمی دیدهلر پُرآب اولوری
اورکلری غم آلور ناله بیحساب اولوری
نه ماتم و نه عزادی که جسم و جانه دوشور
شرار غمده یانور خلق سینه سوزاندی
قلوب اهل وطن بو محنده نالاندی
عزای زادهی زهرائیله شهیداندی
آخوری عارضه گوز یاشی دانه دانه دوشور
ویرر او گل که صفا گلستان و گلزاره
بو رسمیدی که دچار ایلیر اونی خاره
فلکون عادتیدی رحم ایتمز ابراره
الینه باد خزانون نجه بهانه دوشور
سالور یولا شهدانی نوائیله امّت
اوخور سرود وداع باشلانور غم فرقت
قیامت عالمی تک دیلده قالموری طاقت
اورک یانور شرری گور نه یانه یانه دوشور
#راشد_سیس