#پندیات_ترکی #در فراق مادر #ابوالفضل عباسی معروفان 🥀▪️🍃🥀▪️🍃🥀▪️🍃 الله ننم ئولدی ائویمون سؤندی چراغی گئتدی ئوزی صد حیف اولا بوش قالدی اتاقی عطری گلور اما گزورم یوخدی سراغی آثارینی گؤررم آنامین گؤز قاباقیندا گؤزیاشی توکوب آغلیارام بوش اتاقیندا آخر نغسی صاق صولونا بیر نظر ائتدی یومدی گؤزونی دار فنادن حذر ائتدی رخت سفرین باغلادی غملی سفر ائتدی قلبیم غم آلور من باخورام هر یئره الله دیداریمیزی قویدی فلک محشره الله بیر ذره ئورکده آنامین مهری کم اولماز عالمده ننه محنتی تک آیری غم اولماز دنیا منه یولداش اولا والله ننم اولماز هردم که گؤرردیم اونی روحیه تاپاردیم آخر ننه می حسرتیلن قبره آپاردیم تاب ائتمز آنا دردینه والله اوجا داغلار غمدن اریوب سیل سرشکین یوزه باغلار حقدور ئولوم اما ننه ئولسه اوغول آغلار شوقیله دییردی منه لایلای بالا لایلای آغلار گوزولن سسلورم ایندی ننم ایوای قاره گییرم جامه وصلت سویارام من فکر ایلمیون ذکر و نوادن دویارام م سولموش یوزومی قبرینه هر دم قویارام من اول لحظه ده احساس ائدرم دوردی دانیشدی کوسموشدی گؤروب گؤزیاشیمی منله باریشدی هر کس که الینده آنا تک نعمتی واردی نه چهره سی آشفته دی نه محنتی واردی هم شهرتی هم شوکتی هم عزتی واردی چون وار آناسی فصل خزان دا اونا یازدی هر گون ننه نین ئوپسه ایاقین گئنه آزدی #ارسالی_محمد_حسینی @tarhimkhaniy

‍ ‍ ‌🌑🍀🥀🌱﹏🌴 🍀🥀🌱 🥀🌱       ﷽ #پندیات_ترکی #در_چهلم_یا_سالگرد_پدر_یا_مادر #مجلس_ختم_ترحیم_پدر_یا_مادر #با_جای_گزینی_اسامی #ترکی #بجای ((ننه)) آتا هم گفته میشود قرخ گوندی ننه نار مصیابتیده یاننام قرخ گوندی ننه اللری قوینوندا دولاننام گؤزیاشلی گلوب غملی اتاقینده دایاننام خوش گونلری خوش خاطره نی یادیمه ساللام خالی اتاقیندان آناجان عطروی آللام قرخ گوندی ننه گللروی گؤزدن آتوبسان قرخ گوندی ننه تپراقین آلتیندا یاتوبسان ای عمریمون آیینه سی آی مثلی باتوبسان آغلار گؤزوم اولسون یومولان گوزلره قربان سن قبرده یات من دولانیم دیده سی گریان قرخ گوندی بو ائو غملی عزاخانیه بنذر هر گوشه سی قهریله اوچان لانیه بنذر سن سیز ائویمیز منزل ویرانیه بنذر راحت بیلوسن خسته گؤزوم بیر گجه یاتماز افسوس الیم دای ننه دامانوه چاتماز قربانین اولوم مادر نیکو و خجسته بو مدتی ائتدیم سپری قلبی شکسته گه ائوده قالیب گاهی گلوب قبروین اوسته هجرینده قوشوب اوخشاما ایوای دئمیشم من گه ناله ائدیب گه سنه لایلای دئمیشم من بیلمم نجه بو غصیه تاب ایله میشم من هجرانوی مین جلد کتاب ایله میشم من گؤزیاشیمی قبر اوسته گلاب ایله میشم من قبرون داشینا سیل سرشکیم بئله یازدی یوز ئیل سنه خدمت ایله سیدیم گئنه آزدی 🎧#استاد_حاج_پیرزاده🎤      #پیشنهاد_دانلود👌      #التماس دعای فرج      ‍ ـ@tarhim_khaniy