بیا بلبل بُهو هر شو دوبیتی که شیرینی هِناته دوس دارم تو وا دنگت ناله آو میکنی خاو بیا دَنگی بَکو دِ غم دِرارم هَنی چَش وِ رَتم تا که بیایی مه هم چی پاسبو هر شو بیارم تونی خاو ئو تونی عشق خیالم منه مجنون خیالی جز تو نارم پَلامارم تونی تو ای هِنارس هِنام کو ای همه کس، لادِرارم #حسین_عزیزی_بیرانوند 🌺🍃🌺🍃 @tazhgahe

🌹🌱🌹🌱 @tazhgahe

دوبیتی لَکی ✍:حسین عزیزی وَ دو چیمت تو همرازی ارینم وَ زلفیلت بژن سازی ارینم اگر ئی چیمِ مردم هم بکویی یَسَه عُمده سما بازی ارینم #دکلمه_بداهه #حسین_عزیزی_بیرانوند 🌺🍃🌺🍃 @tazhgahe

✍:حسین عزیزی دوبیتی لُری دِ پرتالِ وَرِم شادی دیاره که چَش پُر دِ اَسر تا صو بیاره مِرو داره دلم وا آسمونیا گِه لِی میکه، سر آسوده ناره 🔥 پرتال:لباس کهنه مِرو:جنگ گِه لِی:شکایت 🌹🌱🌹🌱 #دوبیتی_لری #شعر_لری_ناب #فی_البداهه #لرستانیها 🌺🍃🌺🍃 @tazhgahe