صحبت های تکان دهنده ی دختر بچه ی عراقی خطاب به زائران ابی عبدالله ...💔 «حواست باشه وقتی میای کربلا خودتو بپوشون و با حجاب بیا، حسین (علیه السلام) تو رو با آرایش نمیخواد...»‼️ انقدر نشر بدید تا همه زائران ببینن👏

#اربعین عازم اولدی کربلایه کاروانیم یا حسین قبریوین قربانی اولسون خسته جانیم یا حسین‌ قورتاروب قیدِ اسارت شامیده ویرانه دن عترتون آزاد اولوبدی غصّه لی کاشانه دن آلمیشام غارت اساسین دشمنِ بیگانه دن یوخدی امّا کارواندا نوحه خوانیم یا حسین گلمیشم شامه گلنده بیر گوزل دلداریلن اوچ یاشیندا غرق ماتم دیده سی خونباریلن نیلیوب گور سرنوشتی زینبِ بی یاریلن قالمیوب شرحین دیَه م تاب و توانیم یا حسین عالمه ظلمِ یزیدی شامیدن پخش ایلدیم منطقیلن توسنِ ننگِ قُواسین پیلدیم قولاریم باغلی نهایتده بیلورسن نیلدیم اولدی حاصل انتقامِ جاودانیم یا حسین آلمیشام چوخ یئرده روحیّه بالون سجّادیدن دوشموشم مخصوصاً هاردا قدرتِ فریادیدن سس دیوب قورخماکسیلمز شیرِ مادر زادیدن چوخ موَکّد بو عزیزِ مهربانیم یا حسین مجلسِ شومِ یزیده سالمیشوخ غوغا دیوم ائتمیشوخ باهم حقیقت نادمی رسوا دیوم تا بیلوبدور حق بیزیمدور مردمِ دنیا دیوم اولدی آخرده محقّق آرمانیم یا حسین ظاهرِ ویرانه با اینکه بیزه زندانیدی باطنی غیب عالمینده گوشه یِ رضوانیدی چون مداوِم باشیمیزده سایه یِ قرآنیدی سخت اولوب با اینکه اوردا امتحانیم یا حسین گلمیشم شاماتیدن ایندی سنون مهمانووم قبریوین اوسته حسینیم گورنجه گریانووم زینبی دیندیر یولی اولسا اگر قربانووم ساکت اولسون قلبیده سوزِ نهانیم یا حسین من گیدنده کربلادن اولمادی امکان حسین جبریلن گوردون آپاردی فرقه یِ عدوان حسین قال دیدوم گونلر قباقینده باجون قربان حسین آخدی رخساره فقط اشکِ روانیم یا حسین ___ #محرم1402 #اربعین #حضرت_زینب_سلام_الله_علیها

اربعین، زبانحال حضرت زینب(س)🏴🏴 🎼سبک: عم اوغلی چوخ گول سارالار ***** گلوب زینب اربعینووه گورنه باغریقان قارداش (۲)بار دولانوب بس کوفه و شامی قامتی کمان قارداش (۲)بار *** بالالارون آلدیلار حسین دور مزارون آغوشه باجوندا ایستور مزاروندن اخذ ائده حسین توشه مزاریوه زینبون قربان بس ندندی شش گوشه هایاندا یاتمیش علی اکبر ای مزاری قان قارداش * هایاندادی صود اَمر بالون آختارور رباب آغلور باخور قارداش بوینی چیگنینده غصّه قلبینی داغلور بالاسینین قانلی قنداقین گه آچور گهی باغلور ربابیوه قالدی اصغردن غملی بیر نشان قارداش * گئدنده شامه یارالارون باغلیانمدیم قارداش جنازون اوسته دویونجا بیر آغلیانمدیم قارداش توکولدی دشمن خیامه یاس ساخلیانمدیم قارداش آلموشدی تاب وتوانیمی قمچیلر اینان قارداش * قولی باغلی چوخ دولانموشام بس کی خستییم نینیم اوشاقلیقمدان سنه حسین قلبی بستییم نینیم ئولوبدی قارداشلاریم ایندی دلشکستییم نینیم گلوبدی کاخ ستمگری خطبه سی یخان قارداش ** ئولونجه باشیمدن آچمارام مونسیمدی بو قارم ملالیم چوخدی بوسینمده واردی بیر عمیق یارم روقیّوندن چوخ خجالتم اولمادی حسین چارم خرابه ده قانلی باشیوی ئوپدی وئردی جان قارداش **** بابا بابا سسلدی قیزون جان بَسر اولوب یاتدی خرابه ده یومدی گوزلرین ماه منظرون باتدی یارالی باشون قوجاقینده زینبووی آغلاتدی اوجالدی ناگه خرابه دن ناله و فغان قارداش **** خرابه ده دفن ائدوب باجون ماه پاره سین قارداش دور ائیله سن ایندی بو ایشین راه چاره سین قارداش رقیّووین ایندی نیله سین گوشواره سین قارداش آلوب بو نسگیل قرارینی جسمیدن توان قارداش #محرم1402 #اربعین #حضرت_زینب_سلام_الله_علیها لینک کانال👇 http://eitaa.com/torkiy ---•••◇🏴🏴◇•••--- @torkiy

زینب هرایه گلدی کرب و بلایه گلدی شاماتیدن عزالی دشت منایه گلدی من زینبم حسین جان همدم اولان بلایه عشقونده ای حبیبیم دوزدوم غم و جفایه باشون طبخده گوردوم آهیم چیخوب سمایه هجرونده گیدی قاره زینب عزایه گلدی من زینبم حسین جان خوار ایلیدیم او شامی تلخ ایلدیم یزیدین جشن و سرور و کامی بی پرده سوز دانیشدیم اغلاتدی خاص و عامی سس گلدی مردم ایچره حیدر  دوباره گلدی من زینبم حسین جان محزون و دل غمینم کرب   و  بلایه گلدیم    زوار     اربعینم باخ حالیمه یارالی بی یار و بی معینم دور کاروان زینب دشت بلایه گلدی من زینبم حسین جان هجرونده یانمیشام من خار اوسته پا پیاده چوللرده قاچمیشام من دور بیر ایاقه قارداش والله قوجالمیشام من سندن صورا نه غملر آل عبایه گلدی من زینبم حسین جان قدیم دونوب کمانه رحم  ایتمدی  پیمبر  اولادینه  زمانه غملر دوتوبدی قلب غمخواریوی نشانه تنها و بی کسم من زینب نوایه گلدی من زینبم حسین جان حفظ ایلیدیم نقابی اصغر غمی سالوبدی دیلدن خانم ربابی اصغر سوسوز یاتوبدی گوندر اونا سن آبی شش ماهه نون آناسی صحن و سرایه گلدی ویرانه ده رقیه تپراقدا یاتدی قارداش زهرا کیمی یارالی آی مثلی باتدی قارداش باشون طبخده گوردی دیداره چاتدی قارداش ویرانه گوشه سینده چوخ آه و وایه گلدی هاردا یاتوب ابوالفضل اول منبع کرامت زینبدن آلسا پرچم سقای با سخاوت تیز گل هرایه عباس یوخ دیزلریمده طاقت پرچم الینده زینب بزم صفایه گلدی    قرخ گوندی قاره گیدی بو یاسیوه سکینه ایت بیر نظر ابوالفضل محزون و دلغمینه اولدی  بو  غربت  ایچره  زوار اربعینه بوینوندا قاره واردی بو غم فضایه گلدی بو ماتمونده مولا ارض و سما قان آغلور زهرا گلوب هرایه هردم سنی سراغلور عشقونده یازدی نوحه فرجی سینه داغلور آدون گلنده  مولا  اللر  دعایه  گلدی ✍شعر: مجید فرجی #محرم1402 #اربعین #حضرت_زینب_سلام_الله_علیها

🎤حاج امین مقدم ✅جوشی من ایرانم و توعراقی ویژه اربعین حسینی(علیه السلام) #اربعین 💯پیشنهاددانلود💯

نی زنی بی کلام #نی

نی زنی بی کلام #نی

نی زنی بی کلام دشتی #نی

نوای اربعین (سبک : حسین یارالاریوا قربان) دوشوبدی باشه غم هواسی قورولدی اربعین عزاسی اوجالدی شیعه نین نواسی حسین یارالاریوه قربان اسیر بالالاریوه قربان غبار غم قونوب غم اوسته گلوبدی زینب علقم اوسته یازوبلا قاره پرچم اوسته حسین یارالاریوه قربان اسیر بالالاریوه قربان چمنده یاسمن دیئردی کجاوه دن دوشن دیئردی او توپراقی ئوپن دیئردی حسین یارالاریوه قربان اسیر بالالاریوه قربان سیزیلداشیردی داغدا داشلار نوا ائدردیلر آغاشلار دیئردی نیزه لرده باشلار حسین یارالاریوه قربان اسیر بالالاریوه قربان ربابی گوردولر ملردی عذاره گوز یاشین الردی ووراردی باشه سسلنردی حسین یارالاریوه قربان اسیر بالالاریوه قربان چاتاندا قبر شاه دینه دولوبدی گوز ، یانوبدی سینه دیوب یانا یانا سکینه حسین یارالاریوه قربان اسیر بالالاریوه قربان چیخوب سپهر غمده کوکب گوروبدی قان جوشور لبالب ئور کلنوب دیئردی زینب حسین یارالاریوه قربان اسیر بالالاریوه قربان سریّه گوز یاشین آخاردی عذار قاسمه باخاردی نواسی عالمی یاخاردی حسین یارالاریوه قربان اسیر بالالاریوه قربان روان اولوبدی غصه سیلی باتاردی برجِ غم سهیلی بو نوعی سسلنردی لیلی حسین یارالاریوه قربان اسیر بالالاریوه قربان اولوب یزید الیندن آزاد ائدن خزان عشقی آباد یانا یانا دیئردی سجاد حسین یارالاریوه قربان اسیر بالالاریوه قربان حسین آدی دوادی درده دیئر بو آدی شیعه لرده گئجه زمانی هم سحرده حسین یارالاریوه قربان اسیر بالالاریوه قربان دئنن مریض عشق اوتانما دوا گلوبدی گل یوبانما حسینی سسله غمده یانما حسین یارالاریوه قربان اسیر بالالاریوه قربان (( مصیّبی )) دوزر فراقه کی بلکه یول سالا عراقه دیئر چاتاندا اول رواقه حسین یارالاریوه قربان اسیر بالالاریوه قربان ✍محمدعلی مصیبی تبریزی #محرم1402 #اربعین ✨اَللّهُمَّ عَجِّل لِوَلیِّکَ الفَرَج✨

السلام علیک یااباعبدالله الحسین علیه السلام ✅اربعین و زبانحال زائرای پیاده سبک : قدم قدم با یه علم... فدا اولوم بو عزته-منیـده کربـلاده قوش جماعته داریخموشام بو فرقته-چاغیر بو اربعین گلیم زیارته حسین   حسین   حسین    حسین عزیز جان مصطفی حسین حسین عنــایــت  ایلــه   بیــزلــره ئوزون برات کربلا   حسین حسین گوزومده واردی قانلی یاش-غمون ائدوبدی قلبیمی نه گور خَراش گـدا لـرون دوشـور یـولا-گلـولـر اربعینـوه  یـاواش  یـاواش حسین   حسین   حسین    حسین عزیز جان مصطفی حسین حسین عنــایــت  ایلــه   بیــزلــره ئوزون برات کربلا   حسین حسین واریمـدی دیلـده آرزو -گلَـم مـزاروی گـورَم پیـاده من دویـونجـا آغلیام سنه-ئولـم  قـالام  آقـا او کربلاده من حسین   حسین   حسین    حسین عزیز جان مصطفی حسین حسین عنــایــت  ایلــه   بیــزلــره ئوزون برات کربلا   حسین حسین پیاده گلمگیـن اینان-تمـام دردلـره دوادی یا حسین مزاریوی گورَن دیور-بهشت اِله بو کربلادی یا حسین حسین   حسین   حسین    حسین عزیز جان مصطفی حسین حسین عنــایــت  ایلــه   بیــزلــره ئوزون برات کربلا   حسین حسین #محرم1402 #اربعین

🏴شعر ترکی اربعین🏴 آچگوزون ای خسته بدن باجووام گلمیشم  ای باشی دالدان کسیلن باجووام گلمیشم  گلشن عشقونده سولوب سارالان زینبم  بیرگونون عرضینده حسین قوجالان زینبم  جانینی مین حسرتیلن غم آلان زینبم  ای شه بی غسل و کفن باجووام گلمیشم   رسمیدی سوغات گتورر باجی قارداشینه  بیرجه گمانیم گلوری گوزیمون یاشینه  اشکیله مرهم سالارام اوره گون باشینه  دور ایدیرم عزم وطن باجووام گلمیشم  باز هوای وطنم وطنم آرزوست  جد حسین و حسنم حسنم آرزوست  یثرب و بیت الحزنم حزنم آرزوست  عزتی یغمایه گیدن باجووام گلمیشم  نیزه باشیندا واریدی منه همدم باشون  قمچی دگن وقته باخوب منه هردم باشون  گوردی نقدر اینجیمیشم یمیشم غم باشون  قولاریمی کسدی رسن باجووام گلمیشم تیز خبر ایت اکبره ای یارالار خسته سی  غملی سفردن قیدوب بو جفا بسته سی  باغلادا اوز عمه سینه تازا گل دسته سی  قالمیا قلبیمده محن باجووام گلمیشم  .  کوفه ده گوردوم داش آتور سنه قوم دنی  دوزمدی قلبیم کی گورم قانا باتمیش سنی  محمله ووردوم باشیمی آپاروب قان منی  یاندی او احوالی گورن باجووام گلمیشم  قلبیمه دگدی باشیوون باشاباش یاره سی  باشیمی یاردیم غمیمی آلا باش یاره سی  یاندیراجاق قبریده ده منی داش یاره سی  اولمادی آننوندان اوپن باجووام گلمیشم  قالمیشام حیران وطنه نجه سنسیز گیدیم  گللری سولموش چمنه نجه سنسیز گیدیم  من نه دیوم هر گلنه نجه سنسیز گیدیم  گوزلوری یول اهل وطن باجووام گلمیشم  جانیمی قارداش بیلوسن غم آلوب شامیده  بیر گولوم آخرده سولوب سارالوب شامیده  چکمه رقیه آدینی او قالوب شامیده  بیرده یولون گوزلمه سن باجووام گلمیشم  سوگلوم اللرده اولوب سینمی داغلادیم  معجرینی باشدان آچوب گوزونه باغلادیم  چولقادیم اوز کوینگینه بدنین آغلادیم  اولمادی بیر آیری کفن باجووام گلمیشم  گرچه کریمی قوجالیق آلوب آراموی  معصیتیله ویریسن باشا ایاموی  گرآقاوین دفترینه یازالار ناموی  وار سنه سرمشق سخن باجووام گلمیشم  ✍میرزا حسین کریمی مراغه ای #اربعین #حضرت_زینب_سلام_الله_علیها

نوحه در موردزیارت اربعین و استغاثه به حضرت ولیعصر (عج) ✍محمدرضامحمدی(ناعم) سبک چو گیسوی تو من _عجب محشر یاراتدون ایا صاحب زمان امت سالوب یول کربلایه حسینیم وای سسی یردن اوجالمیش نه سمایه غم اهلی دل غمیندی غمیله همنشیندی ندور علت سوروشسون دیللر اربعیندی گیدورشیعه لر_ویره سس سسه_دیه عطشان حسین جان هامی سسلنر_دییر دیده تر_سنه قربان حسین جان       بیر عده من کیمی حسرتده قالدی یابن الزهرا چمنده گل کیمی سولدی سارالدی یابن الزهرا آچیلدی باب رحمت گوروندی کوی جنت چوخی گیتدی آقاجان منه اولمادی قسمت گینه گورمدیم_حسین مرقدین_دوتوب جانیم شراره آقا الامان_اوره ک اولدی قان_نظر قیل حال زاره             گلور بیر کارواندا شامیدن کرب وبلایه خانیم زینب گلور شش گوشه قبره آه و وایه گلور زینب پریشان سفیرکوی جانان رقیه یوخ یانیندا توکور گوزیاشی هر آن دیور یاحسین_گلورزینبون_توکور گوزیاش غمیندی اویان دلبریم_وفالی باجون_سفیر اربعیندی #اربعین #امام_زمان_عج_الله لینک کانال👇 http://eitaa.com/torkiy ---•••◇🏴🏴🏴◇•••--- @torkiy

کربلا آماده اول پیشوازینه اربعینه قهرمان زینب گلیر شوق وصلیله اورکده حسرتی قامتی غمدن کمان زینب گلیر کربلا ای بحر، غم کوی بلا سنده دور آب بقا، خاک شفا ترک ائدیب شامی پیمبر عترتی یولدادور باشدا هوای نینوا دلشکسته زینب کبری گلور بیکفن قارداشینه دوتسون عزا دیلده اهی گوزده نم باشدا قرا نار هجرانه یانان زینب گلیر کاروان حقه اولموش رهنما سید سجاد امام عالمین دیلده یاهو گوزده اشک حسرتی گه دئیور ایوای بابا مظلوم حسین زینب اما بیر آنا مثلی دیور آغلاما قارداشیمه ای نورعین طی ائدیرمنزل به منزل یوللاری نی کیمی ائلیور فغان زینب گلیر زینب علیا گلیر دیلده فغان تا وئره زینت حسینون یاسینه نهر علقمده دیه دردین سوا آغلیا قولسوز یاتان عباسینه چوخ سوزی وار دیر گلایه ائتماقا قتلگاهه کربلا صحراسینه اولمیوب امکان دویونجا اغلاسین سینه سوزان باغریقان زینب گلیر کربلا اغیاره دی گتسین اوزاق زینب علیا گلیر باش یولماقا قلبی قاندور دردینی اظهار ائدیب عالم امکانه طوفان سالماقا گوزده نم وار الده بیر سو کاسه سی حقی وار بیله پریشان اولماقا بیلمدی بیر کس نه لر چکدی خانیم سینه ده دردی نهان زینب گلیر کربلا لیلا گلیر باشدا قرا تا دوتا ماتم علی اکبره شیرخوارین آختاریر بیکس رباب بیر بشیک آماده ائیله اصغره قاسمین سسلیر سریه یوخ ولی سس وئرن بو دلشکسته مادره دولدوروب اندوه ومحنت عالمی با خ یولا دردی نهان زینب گلیر کربلا سنده نه عالمدیر مگر قان یاغیرگوزدن محرم دیرمگر زینبین داغ دان آغیر بیر دردی وار گوزیاشی بو درده مرهم دیرمگر دردینی ایستیر دییه قارداشینه آیری کس بو سره محرم دیرمگر نه گلیب دیر باشینه شاماتیده ائتماقا بیر بیر بیان زینب گلیر کربلا زینب چکیر آه اوستن اه آختاریر سندن سوسوز قارداشینی قتلگاهی یاد ائدیر دیلده نوا ابر نیسان تک توکور گوزیاشینی روز عاشورا مگر یاتدان چیخار قدینی اگدی آغارتدی باشینی قالمیب جسیمنده تاب و طاقتی سینه سی آتشفشان زینب گلیر کربلا اعزاز ائله مهمان لاری خسته دور درد وبلادن جانلاری زینبین قدی اولوب گرچه کمان سیندیریب ناحق اولان فرمانلاری زنده ائتدی شاه دینین مکتبین خوار ائدیب دیر زاده ی سفیانلاری حیدر و زهرا قیزی کنز حیا شامیده پرچم ووران زینب گلیر ✍هوشمند #اربعین #حضرت_زینب_سلام_الله_علیها

روضه اربعین😭😭 #اربعین

اربعين حسيني ✍🏾 ابوالفضل عباسی معروفان اهری ( معروف ) 🏴نوحه اربعین🏴 🎼سبک .... لایلای گؤزومون نوری ... _____ دور همسفرین گلدی ای همسفر زینب بو دشت غم افزایه دوشدی گذر زینب عالمین سلطانی لایلای حسینیم قبروین قربانی لایلای حسینیم __ غم یورقونیام قارداش آشفته و دلخسته سن لیلی باجون مجنون باخ عاشق سرمسته دردیم گؤتوروب گلدیم ششگوشه مزار اوسته شهپرلریم اودلاندی ای بال و پر زینب دور اخا قبریدن نالاندی زینب ششگوشه قبروه مهماندی زینب __ بو قطره ی بی جاندان دریایه سلام اولسون دردانه و دلبند زهرایه سلام اولسون سینونده یاتان طفل زیبایه سلام اولسون راحت یاتون ای دوتقون شمس و قمر زینب ئولمدیم قبریوه گلدیم یارالی دور منی پیشواز ائت زهرا مارالی _ بو محنت عظمایه هم آتش و آب آغلار احوال شهیدانه هر قلبی کباب آغلار هم لیلی بی اکبر هم خسته رباب آغلار هجرونده روان اولدی اشک بصر زینب آغلارام سینه می داغلارام قارداش سینه وین یاره سین باغلارام قارداش _____ بو چؤللری آواره گزدیم نگران گلدیم پیراهنوی آلدیم اللرده نشان گلدیم دردانه قیزون وئردی ویرانه ده جان گلدیم بار غم و محنتدن سیندی کمر زینب شعله عشقوه آلیشدیر منی یورقونام خستیم دانشدیر منی ___ سایسیزدی منیم دردیم هرغم دله بیر اوخدی سس ویر منه آی قارداش قلبیمده سؤزوم چوخدی اهل حرمون گلدی ایستکلی قیزون یوخدی ویرانه ده دفن اولدی گنج و گهر زینب گلمدی #اربعین #حضرت_زینب_سلام_الله_علیها لینک کانال👇 http://eitaa.com/torkiy ---•••◇🏴🏴🏴◇•••--- @torkiy

#حدیث_نور #امام_حسین علیه‌السلام #اربعین #کربلا ✨زائر حسین علیه‌السلام به درجاتی می‌رسد که شهید نمی‌رسد!✨ 🔻 امام صادق علیه‌السلام: عن أَبی عَبْدِ اللَّه‏: ... فَیَنْصَرِفُ وَ مَا عَلَیْهِ ذَنْبٌ وَ قَدْ رُفِعَ لَهُ مِنَ الدَّرَجَاتِ مَا لَا یَنَالُهُ الْمُتَشَحِّطُ بِدَمِهِ فِی سَبِیلِ اللَّه‏. 🏴 زائر حسین علیه‌السلام هنگام بازگشت از زیارت، هیچ گناهی ندارد، و درجاتش چنان بالا رفته که کسى که به خاطر خدا در خون خویش غلتیده نیز به آن نمى‌‏رسد. 📓 کامل الزیارات، صفحه ۲۷۹

نوحه اربعین سبک: آره برم سرم بره 🖍بقلم احقرالمادحین مهدی شفائی حسین ایاقه دور -باخ گورنجه قوجالمیشام چمنده گول کیمی-خزان وروب سارالمیشام حسین حسین حسین-حسین حسین حسین حسین(2) غم زمانه دن- اولوبدی قددی خم باجون گلوب زیارته-الینده بیرعلم باجون دور ایله پیشواز-گلوبدی زائرون حسین ئورکلری یارا-باشیندا بیر حرم باجون حسین حسین حسین... 🖤🖤🖤🖤🖤 آلیشماقی غمه -منه ننمدی ئورگدن باشون جداده دی یاتوبدی بوردا بیربدن ائشیدمیشم سنی- بوکوبله بوریایه بس اجاره وئر حسین -ائدیم دوباره دن کفن حسین حسین حسین.... 🖤🖤🖤🖤🖤🖤 گلوبدی زینبون -باشیندا قاره آی حسین یانیمدا ائللرون-ئورکده یاره آی حسین نجور دیوم سنه-بوغملی ماجرانی من ئولنده اولمادی-رقیه چاره آی حسین حسین حسین حسین..... 🖤🖤🖤🖤🖤 گلوبدی عترتون-ئورکلرینده قان حسین قوجالدی من کیمی- بوغمده هرجوان حسین قالوب دمشقیده- رقیه نازلی دخترون قوجاتدی زینبی-گلوبدی نیمه جان حسین حسین حسین حسین.... 🖤🖤🖤🖤🖤🖤 بوقاره جامه می-امکانی یوخدی من سویام دویسون اگر اخا-امکانی یوخدی من دویام قرخ گوندی قارداشیم-رخساریووه داریخمیشام ئورکده حسرتیم- پوزقون مزاره یوز قویام حسین حسین حسین.... همان باجون حسین- الینده بیرعلم گلوب هلالی قددی وار ئورکده غصه غم گلوب غمیم آشوب داشیب- بونسگیله یانور باجون رقیه گلمدی- خجالتم که کم گلوب حسین حسین حسین.... 🖤🖤🖤🖤🖤🖤 پوزولدی عترتون - داغلیدی آشیانه سی گلوبله تک تکی- ئورکده واربهانه سی بورحمسیز قوشون وروبلا چوخ حرملرون نشاندی رددی وار- قولوندا تازیانه سی #اربعین

❣#سلام_امام_زمانم❣ 🔅 السَّلامُ عَلَيْكَ يَا عَيْنَ اللَّهِ فِي خَلْقِهِ... 🌱سلام بر تو ای چشم بینای پروردگار... که همه عالم در نظر توست و نظر همه عالم به سوی تو.... 📚زیارت امام زمان عجل الله در روزجمعه_مفاتیح الجنان #اللهم‌عجل‌لولیک‌الفرج

#زیارت_عاشورا 🎵زیارت عاشورا صوتی 🔸با نوای دلنشین علی فانی 🌹در ثواب نشر سهیم‌ باشیم🌹

دلتون حتی سرسوزن شکست التماسدعا ی خیلی فراوان دارم...🤲😭 #حضرت_رقیه_سلام_الله_علیها

احوالات اربعین   سنده بیرباشسز بدن قویدوم گئدنده کربلا نه لباسی نه الی نه باش بدنده کربلا هاردادورگوسترمنه ای مهربانیم کربلا قبرینه قربان اولا بوخسته جانیم کربلا   بیربدن که تیریله باشدان باشا مجروحیدی بیربدن که سُمّ اسبیله یره مطروحیدی من قوری بیرجسمیدیم اوقانلو پیکر روحیدی شامه روحیم گئتدی جسمیم قالدی سنده کربلا   کوفیان سالموشدیللاربوچولده بیر عریان بدن بندبندیندن اوزولموش خاکیله یکسان بدن تار زلفیم تک پریشان شانه تک شان شان بدن ایله خندان اولمویوب بیر گل چمنده کربلا   پیکرصدپاره سی قرآن کیمی اوراقیدی طاقتیم اول نازنین جسمی گورنده طاقیدی قبرینی گورمکدن اوتری دیل خزان یاپراقیدی بلکه دیل آرام اولا قبرین گورنده کربلا   بی کفن قویدوم اونی کوچ ایلینده شامه من بیرنفراللهدان اوتری ایلدی آیاکفن؟ یاکفن سیزآلموسان اول پیکری آغوشه سن گورمه سین لر قیزلاری عریان گورنده کربلا  ✍مرحوم حسینی سعدی زمان #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

نوحه و روضه ترکی اربعین حسینی دور یاتما زواریم گلورقارداش ابولفضل یورقون بالالاریم گلور قارداش ابوالفضل قرخ گونون عرضینده باجیم گورنه قوجالیب سوسوزلوقدان بالالاریم سولوب سارالیب معلوم اولان بیر عده سی یولاردا قالیب محرم اسراریم گلور قارداش ابوالفضل چوخلی مصیبته دوزوب کرب و بلاده کوفه و شامی دولانوبیب پای پیاده بیر نظر گوزدن قویموب منی جداده یار وفاداریم گلور قارداش ابوالفضل واردور باشیندا زینبین چوخ ماجراسی باجیمون گلمز شماره درد و بلاسی توخدامیب ئورگینین هله یاراسی قافله سالاریم گلور قارداش ابوالفضل دور پیشواز ائت زینب نالانی قارداش آغوشینه وئر اصغر عطشانی قارداش جانیم اولا زینبمین قربانی قارداش یاتما اویان یاریم گلور قارداش ابوالفضل نهضتی احیا ایلین زینبدی زینب برپا قیامت ایلین زینبدی زینب یزیدی رسوا ایلین زینبدی زینب وفالی دلداریم گلور قارداش ابوالفضل بو کاروانیله گلور حسینین جانی دور یاتما استقبال ایله بو کاروانی وئر زینبین آغوشینه اوخلی قربانی غم گونی غمخواریم گلور قارداش ابوالفضل اصغره لای لای دیئری آغلیری زینب اوغلی ئولن آنالاری داغلیری زینب قرخ گوندی باشینه قرا باغلیری زینب یورقون عزاداریم گلور قارداش ابوالفضل ✍شاعر : استاد قاسم پور #اربعین ✨اَللّهُمَّ عَجِّل لِوَلیِّکَ الفَرَج✨

نوحه اربعین حسینی. زبان حال حضرت زینب(سلام الله علیها سبک#میگذرد کاروان زینبوی یا حسین غملر ایدوبدی حزین کرب و بلایه گلوب تا که دوتا اربعین ای شه عطشان حسین* قبروه قربان حسین آغلیور عالم سنه *عالمه سلطان حسین بی کفن دلبریم یا حسین لاله ی پرپریم یا حسین --- اهریمنون جوریلن  سالدی آراده سنی تشنه شهید ایلدی کرب و بلاده سنی اوخشیور اهل ولا ارض و سماده سنی ماتم جانسوزوه آغلیور اهل زمین ای شه عطشان حسین قبروه قربان حسین آغلیور عالم سنه عالمه سلطان حسین بی کفن دلبریم یا حسین لاله ی پرپریم یا حسین --- آخدی فراتون سوئی داغ داشا هم چوللره دگمدی بیر جرعه سی تشنه اولان  لبلره اولمادی بیر قطره سو تا ویرلر اصغره ایندی باجون سو سپور قبروه چوخ دل غمین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین --- آلما خبر سن اخا غصه لی پروانه دن آچدی سینیق پرلرین غمزده میخانه دن بیر قره معجر قالوب یاره لی ریحانه دن کسدی سنون دشمنون شامیده یورقون سسین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین ✍شعر: اکبر پورآقا #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

🍂احوالات اربعین حسینی🍂 (نوحه – جوشی ) 🎼(سبک : سلام ای سلطان ابوالفضل ) سلام ای شاه شهیدان سلام ای قرآنه قربان اویان ای ماه مدینه گلوب زینب اربعینه اویان دل خسته باجون گلدی زائرین اولدی یا حسین جان اَسوب یئللر با صفا باغون ظلمیله سولدی یا حسین جان غم سرنوشتیمدی عشقون سرشتیمدی قبرین بهشتیمدی حسین جان عجب قبرین با صفادی شبیه عرش خدادی مزارین باغ جناندی مطاف کروبیاندی ئوزون قبله ، مدفنون مین لر کعبه دن افضلدی حسین جان دئسم دوزدی قانلی گودالون قبله دن افضلدی حسین جان هجرونده گریانم عشقونده حیرانم بو قبره قربانم حسین جان هانی قارداش سر سپاهون نَه لر اولدی باتدی ماهون هانی قاسم هانی اکبر هایاندا دفن اولدی اصغر ندن شش گوشه بنا اولموش مدفن پاکون آی یارالی گیجه گوندوز سسلیر زینب آی یارالی ، ای وای یارالی عالم سنه قربان آدم سنه قربان خاتم سنه قربان حسین جان اسارتدن بیر خبر آل اهانتدن بیر خبر آل دئنن عباسین قولوندان دیوم من شامین یولوندان قوجاتدی شامین ملالی هم زینبی هم بی کس ربابی بو ویرانه شهریده دوگدی دشمنین آل ترابی هی اوخ آتان گوردوک کامه چاتان گوردوک بختی یاتان گوردوک حسین جان سوروشما دیل یاره سیندن او صحرا آواره سیندن اویان زینبله مقال ائت اولوب شرمنده حلال ائت رقیوندن شرمسارم من شامیده دیلدن دوشدی قالدی بو محنت آل رسولی چوخ یاندیروبدی چوخ درده سالدی اولدوز کیمی باتدی ویرانه ده یاتدی دنیانی آغلاتدی حسین جان **** ✍رامین محمد زاده (پریشان #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy