💐میلاد امام حسن عسکری(علیه السلام)💐 🎼به سبک(دنیا دنیا...).... مژده مژده _ دِل و دلبر گلیبدی برجِ عشقه _ مَهِ انور گلیبدی گوزلر آیدین _ سویونیب غملی دللر جانِ زهرا _ گُلِ حیدر گلیبدی قویدی قدم جهانه تا حَسَن العسکری گویده ملائک دئدی یا حَسَن العسکری فاطمه نون مفخَری تَوَلُّدون مبارک یا حسن العسکری تَوَلُّدون مبارک فاطمه نون _ بالاسی گلدی یاران چاره سیزلر _ چاراسی گلدی یاران صاحب زمان+ دان آلین عیدِیانه چون مهدی نون _ آتاسی گلدی یاران شادلیق ائدور عرشیان چرخِ فلک شاد اولیب سالدی اوزریک پَری حور و ملک شاد اولیب فاطمه نون مفخَری تَولُّدون مبارک یا حَسَن العسکری تَوَلُّدون مبارک به به الله _ هادِیَ پای وئریبدی پای نه پایدی _ ائله بیل آی وئریبدی لمعه لمعه _ نورِ حق وار یوزونده خالق بونی _ حیدره تای وئریبدی عالمه سرور گلیب حیدره بنزر گلیب بندِ دِلِ فاطمه سویملی دلبر گلیب فاطمه نون مفخَری تَوَلُّدون مبارک یا حَسَن العسکری تَوَلُّدون مبارک دنیا دنیا _ شرف و عزَّتی وار به به به به _ نه گوزل طلعتی وار عالم قربان _ صورتینده خالینا حیدر کیمی _ یوزونون هیبتی وار صولتینه مرحَبا حشمَتینه مرحَبا فاطمه تک مهریلن رافتینه مرحَبا فاطمه نون مفخَری تَوَلُّدون مبارک یا حَسَن العسکری تَوَلُّدون مبارک جمعه ۲۸ آذر ۱۳۹۹ ساعت ۲۳:۲۰ نوشته شده توسط یوسف اکبری ✍شاعر: ابراهیم تون خوش قلم #ولادت_امام_حسن_عسکری_علیه_السلام لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

تسلیت تسلیت خانواده محترم استاد فکری

مناجات امام حسین (ع) اول هفته به لب نام حسین آمده است سرصبح تا که به شب نام حسین آمده است افتخار همه این است گدایش هستیم می کنیم عرض ادب نام حسین آمده است ✍️ محمود_یوسفی_مشهد #السلام‌علیک‌یااباعبدالله✋ اَلسَّلامُ عَلَى الْحُسَیْنِ وَعَلى عَلِىِّ بْنِ الْحُسَیْنِ وَعَلى اَوْلادِ الْحُسَیْنِ وَعَلى اَصْحابِ الْحُسَیْنِ #روزتون‌با‌برکت✨

آرزوی زیارت واردی باشیمدا یا حسین هوای بین الحرمین سالار بهشتی یادیمه صفای بین الحرمین گورمه میشم بهشتی من منزلتین ایشیتمیشم یوخدی بهشته حاجتیم کرب و بلایه گیتمیشم من که بهشت آقاسینا عرض ارادت ایتمیشم کمدی مگر بهشتیدن ؟ صفای بین الحرمین وار ایکی جلوه لی مکان عالم بی قرینه ده بین بقیع و مرقد ختم رسل مدینده بیرده بهشت کربلا نقشی قالوبدی سینه ده گورملیدی نمای دل گشای بین الحرمین اول ایکی باصفا حرم شهری ایدوب پر عطر و بو بیر آلتی گوشه قبر شه ، قبر وزیر روبرو عرش اوزی آلتی گوشه دی ایلر او قبری آرزو عرشی ایدوبدی منجلی جلای بین الحرمین صحنه باخاندا جلوه باقیه ایلرم سلام مشکی گورنده تشنه لب ساقیه ایلرم سلام خیمه یانیندا محمل و ناقیه ایلرم سلام زنگ شتردی کوچیده نوای بین الحرمین تله چیخاندا آغلادیم ناله منه رویه دی رهبر کاروان دیدی بو تل زینبیه دی ناله سسی گلور اودا زمزمه رقیّه دی آختارور آشیانه سین همای بین الحرمین دقتون اولسا گورسنور خیمه لرین یانان یری شارع صاحب الزمان اصغرین اوخلانان یری شبه پیمبر اکبرین پیکری دوغرانان یری صحنه ی خاطراتیدی نمای بین الحرمین جلوه ی مسجد الحرام اوردادی باخ صفا ایله محرم محرمان عشق اوردا ایدله هروله یاده سالار صلابت کعبه نی وقت نافله صوت اذان مغرب و عشای بین الحرمین *** ✍حاج ولی الله کلامی زنجانی #کربلا #امام_حسین_علیه_السلام

احوالات غسل دادن حضرت فاطمه زهــرا سلام الله علیها وقت او وقت اُولدی علی، حافظ دین مدنی مغسلون اوستونه قویدی یارالی فاطمه‌نی گجه‌نون عالمی غسل ایلیه یورقون بدنی تا کفن پوش اولا آئینه قرآن زهــــرا بوردا بیر نکته‌ی باریک وار ای اهل شعور یازا بیلسم هامی عالم ائلیر شیون و شور آنانون غسلونا جام اَلده اوشاقلار سُو داشور اِئدوب آهولرینی گور نجه گریان زهـــرا دیل گلر گلمز اُودم گلدی دیله شاه حجاز دئدی مجنونینه دوزدور کی ائدر لیلا ناز ولی سن ناز ائلمه، آچ گوزون ای معدن راز باغریمی قان ائلیور محنت هجران زهـــرا بـو گجـه کاش منیمده چاتا پیک اَجلیــم نجه آیا سنی من غسل اِئله‌ییم آی گوزلیم آنـد اولا یاره‌لری پهلولروه تیترور اَلیــــم هر زماندان چتین اولموش منه الآن زهــرا قاف عشق اوسته باتوبسان قانا عنقا مَثَلی اوزولوب شاه ولانون بو گجه اَلدن اَلی یاتما آچ گوزلروی گور نه آدامسیزدی علی آیریلیق دردی اِئدوب حیدری نالان زهـــرا دئنن ای ماه اُولوب یاسمنی هاردا یوزون کیم ویروبدور سنی آیا بویانوب قانه گوزون گیزلدیم قوی یوزوی زینبیم ئولدوردی ئُوزون گُورمیه سیلی یرین اُول مه تابان، زهـــرا نجه ساکت اُوتوروب یاریمه یاس ساخلامیوم نجه هجرونده سنون اشکی یوزه باغلامیوم نجه دیل داغلامیوم من، نجه قان آغلامیوم بورئیوب مغسلی سینوندن آخان قان زهرا یری واردور سسیمه سس قوشا اهل ملکوت بو گجه گیزلین اولان غصّه‌لرون اُولدی ثبوت ایندی بیلدیمکی دوتاردون نیه بیر اَللی قنوت مرتضی قمچی دگن قوللارا قربان زهــرا دئمورم اَگنوه سن رخت حیـاتی گئیه‌سن یا سُولان گُلشنیـمی بیـرده بـهار ایلیه‌سن گوگلوم ایستور منه بیر یولدا عم‌اوغلی دئیه‌سن وئره جـان عاشقه تا نغمه جـانان زهـــرا «قاسمی» گوهر نفسه بو قدر وئرمه بـها قویسا هرکس آدینی شاعـر شـاه شهـدا گرک اوّل ئوزونون روحِ حسینی‌سی اولا ائلیـه تـا اونـا اَلـطافینـی ارزان زهــــرا ✍منکلام:کربلایی بهزاد قاسمی اردبیلی #شهادت_حضرت_زهرا_سلام_الله_علیها #فاطمیه

ائدیب وقف حسین اول طبع بکری حسینیدی دیلینده ورد و ذکری یازوب بیر عمر نوحه شعر جانسوز چاتوپ اربابینه استاد فکری سلیم ایله یاراتمیش شاهکارلار حسینیتده قالمیش یادگارلار طلایی حنجره عالی مراثی مجالسدن چیخوب شانلی نوارلار ✍رحیم شایان ارومیه ✨اَللّهُمَّ عَجِّل لِوَلیِّکَ الفَرَج✨

زبانحال حضرت رسول الله (ص) به حضرت علی (ع) در دفن حضرت زهرا (س) سبک: دولانور علی قیزی مقتلی 🏴🏴🏴🏴🏴🏴 دل شب نه ولوله سالموسان دل دهر فانیه یا علی یورولان همانی گتورموسن عجب آشیانیه یا علی بلوسن نه مدت اولار اونون چکور انتظارینی بو گوزوم الون اوسته ساخلاما ویر منه محن فراقنه یوخ دوزوم سارالان جمالنه بیر باخوم بالامی مزاره قویوم اوزوم اوز الیمله گوهر عصمتی یتوروم خزانیه یا علی بو هما عفیفه دی خلقتاً مثلی یوخیدی عفافده که شعاع عصمتی گون کیمی گورنوردی صورت صافده بو گلی امانتی مصطفی سنه ویردی لیل زفافده سنی باغبان ایلدیم اوزوم گل جاودانیه یا علی سن امین مطلق عم اوغلی جان بو منیم امانتمون یوزی بو سنان قولی بو قابور قاسی بو یارالی سینه سی بو گوزی دیمز علتین منه فاطمه سن اوزون بیان ایله بو سوزی نه گناهون اوسته دچار اولوب بیله زندگانیه یا علی زحمات امتی من قبول ایلدیم ایگرمی اوچ ایل تمام دم واپسین دیمدوم مگر بو قزیمدی واجب الاحترام دفعات تاپشورا تاپشورا نیه بس شهیده گلوب بالام ال آچوب نه علته اشقیا بیله نازدانیه یا علی نیه قویدون آخر حریموه سالا یول او فرقه ناکسی نیه قویدون ال تاپا قهریله آچا خصم باب مقدسی نیه تز هراینه گلمدون اوجالاندا فاطمه نون سسی نیه قویدون اللری قنفذون گیده تازیانیه یا علی نه روا مداریده تنگ اولا فلکی ایشقلی ستاریه نه روادی گلشن زندگی اولا غم محلی هزاریه نه روا ملک لر اوپن قاپی یانا ظلم الیله شراریه دم در چوخ ایستدیگیم قزی یخا آستانیه یا علی یخلاندا قارداشی اولمادی چاغورا هراینه قارداشین چاغوراندا فضه نی دادینه یوزه تو کدی غصه لی گوز یاشین نه من اولدوم آغلیا آغلیا دیزیم اوسته باری آلام باشین نه خدیجه اولدی فغانیله گله صحن خانیه یا علی سن اوزون که صحنه قدم قویوب ایلدون مشاهده بر ملا یخلوب نه حالیله فاطمه بالا وای دیور ایلیور نوا یتشوب خزان سارالوبدی گل توکولوبدی غنچه سی توپراقا نچه غم ترانه لی بلبلی دل آچوب ترانیه یا علی گوزی یاشلی قورخلی قزلاری آناجان ، ایدردی خطاب اونا نه واریدی دورماقا طاقتی نه واریدی حالت خواب اونا یوخیدی باشندا عباسی تز ایلدون عبانی نقاب اونا باش آچوخ دوام ایده بلمدون قالا آن و ثانیه یا علی بیر عباده چوخ خوش اولار اگر ایده سن تهیه سن ایندیدن گله سن دمشقه یزید دون ایلینده ظلم لرین علن ویره سن عبانی او بزمده سالا باشه زینب پرمحن آناسندان آرتوق اسیر او قز اولا جاق زمانیه یا علی ✍مرحوم انور #شهادت_حضرت_زهرا_سلام_الله_علیها #فاطمیه

✅نماهنگ | رمز انتقام قاسم سلیمانی - نوحه حماسی حاج محمود کریمی [حاج محمود کریمی]

#شاهکاری از زنده یاد استاد فرهاد فکری اردبیلی ___________________

‍ زبانحال حضرت زینب (س) در شهادت حضرت زهرا (س) معزی اردبیلی جوانلیقیندا ای فلک قوجالدی مهربان ننم یخلدی آستانیه قابورقاسی سینان ننم گئجه لر آنا سنه آغلارام گونوزی یانوب سینه داغلارام 🖤🖤🖤🖤🖤🖤🖤🖤 قاپی یاناندا شعله سی دگوب قزاردار آهنی وجوده یاتسا یاندیرار بو غصه آغلادار منی نه حاله بیلمورم سالوب او منظره او سینه نی نجه دوزوب فشارینه شهیدۀ زمان ننم دیدیم که فضه بس هاچان بو قلبیمیز صفا تاپار دیدی طبیبلر گلر یارالاری دوا تاپار دیدیم نَنَم ئولر؟دیدی بو تزلیگه شفا تاپار اولوبدی ثانی قاتلی ئولوبدی تیز جوان ننم اولوب حسینیلن حسن گیجه یاریسی قول بویون دیدیم ننم دیوبدی آز قولوزی قوینوزا قویون اورکده گیتدی آرزیسی گورنمدی اوغول طویون آپاردی قبره حسرتین مریض و ناتوان نه نم دیورم هر دم اشکیمی گوزیمده من دایاندیریم ائوین بویوک قیزی منم ائویمه گوز دولاندیریم گونون باتان چاقی دیم دوروم چراغی یاندیریم بو سوزی تاپشروب منه اوزی ویرنده جان ننم قباله اوسته روحینون قوشی سالیندی دوستاقا یخیلدی ضرب سیلیدن طلاسی دوشدی توپراقا یوزون گورنده اوخشادیم خزان زمانی یاپراقا بالالاریندان آیریلوب گوزینده پارچا قان ننم حسینی نازیلن ننم گتوردی ای فلک بارا آچاندا جانمازینی بو قلبیمی ایدوب یارا دولومسینیب دیوب منه باجی ننم گیدوب هارا نجه دیوم حسبنیمه ئولوبدی باغریقان ننم عنادی اوسته سن کیمی او قنفذ دغا دوروب الینده تازیانه سی بساط کینه سین قوروب شفیعۀ قیامتون قولون ووروبدی سیندروب ئورک دوگوندی غش ایدوب عزیزۀ جهان ننه ✨اَللّهُمَّ عَجِّل لِوَلیِّکَ الفَرَج✨ ______________ #شهادت_حضرت_زهرا_سلام_الله_علیها #فاطمیه