🥀نوحه سینه اربعین🥀 برگشتم ازشام بلاحسین جان😭😭 📝شاعر موید خراسانی 🎤اجرای سبک خادم اهل بیت کربلایی سعیدسلطانی 🏴@torkiy🏴

🥀اربعین حسینی🥀 🏴@torkiy🏴 📝شاعر: روح الله رمضانی 🎶سبک: یخیلوب عباسیم.... گلدی سنه مهمان زینب اوزاق یولدان ای شاه لب عطشان چیخ پیشوازه سنه باجون قربان باشه یتوب پیمان ویر زینبه سس ای باشسیز جنازه جانم ای حسین جانم جانم حسین جانم جانم حسین جانم جانم حسین جانم قبرون کنارینده زار و پریشانم نالان و گریانم دانش منیله وار دلده چوخ نسکل گلمیشم درد دل ایلیم قبرونده قارداش سنییله گزمیشم هر یانی دشت و بیابانی دیر و کلیسانی من شیونیله یولاردا باشلادیم آه و نوائیله حزن و بکائیله سوز و گدازه خورداجا قیزلاری سولموش اولدوزلاری گتوردوم دوباره کرب و بلایه بیر عده غم پرور باشدا قرا معجر قبرونده گلوبلر آه و نوایه ای آشنا سس وئر آللهه خاطر بو قدی کمانه دونموش آشنایه اولسون جانیم قربان ای قانینه غلطان دالدان کسیلمیش اول تشنه بوغازه 🥀اربعین🥀 🏴@torkiy🏴

🥀اربعین🥀 🏴@torkiy🏴 📝حیدری زنجانی (سوروش قارداش دیوم ویرانه لردن باجون ئولسون نجه گلدیم سفردن) (2) (یارالی قاداشیم سان منیم غم یولداشیم سان) (2) حسین جانم حسین جانم حسین جان ولی گونلر قبا قینده قارالدیم خزان دگدیکجه یاپراق تک سارالدیم آغاردی زلفلریم قارداش قوجالدیم حسینیم اینجمه سن بوخبردن یارالی قارداشیم ... سن ئولدون من اخا بحرانه دوشدوم سیینق کشتی کیمون طوفانه دوشدوم خرابه کوفده زندانه دوشدوم قوتاردیم عاقبت قارداش خطردن یارالی قارداشیم ... گونوزلر یول گیدوب دل داغلیاردیم عزا بزمی قوروب سینه ویراردیم اوشاقلارون یاتردوب آغلیاردیم خبر آل بیر به بیر خونین جگردن یارالی قارداشیم ... خرابه گوشه سینده کامون آلدیم گلینجه کربلایه فکره قالدیم مزاروندن حسینیم عطرون آلدیم ولی شرمندیم من بیر نظردن یارالی قارداشیم ... رقیه ئولدی اوت گلزاره دگدی دوباره یاره اوستن یاره دگدی سارالموش صورتی دیواره دگدی آنام دوشدی یاداچون هردم هردن یارالی قارداشیم ... بالاجا قبرینی قازدیم او یئرده مزاری اوسته چکدیم قاره پرده گورن بیلدی ئولوب آج، گلدی درده او آیریلدی بو یورقون دربدردن یارالی قارداشیم ... 🏴@torkiy🏴

🏴اربعین حسینی🏴 ـ 🍂زبانحال حضرت زینب سلام الله علیها🍂 🏴@torkiy🏴 شاعر: ✍🏾 حاج حسین غفاری اردبیلی یا حسین قیزلاری گتیردیم شامیدن کربلایه قارداش گلمیشوک باشدا قاره معجر قبرون اوسته عزایه قارداش عاشقم باشیمه قرا باغلاماقا قبرووین تپراقین ئوپوب آغلاماقا سوسوز شاهیم حسینیم وای گوزل ماهیم حسینیم وای یول بویی چوخ سوز اولدی قارداش قمچیدن گل آچوب بدنلر سن کیمی دفن اولوب کفنسیز قمچیلر آلتدا جان وئرنلر گللریم سولدیلار علاجیم اولمادی ساچلارین یولدیلار علاجیم اولمادی سوسوز شاهیم حسینیم وای گوزل ماهیم حسینیم وای هئچ دئمور زینبون حسینجان لیلی دلکبابی دیندیر زینبه باخماسوندا باخما دلشکسته ربابی دیندیر اصغرین دوشلوگین سریب تربتووه هی دیور عاشقم آقا غیرتووه سوسوز شاهیم حسینیم وای گوزل ماهیم حسینیم وای باشیمه کول توکن جماعت بیلمدی گوهر اصیلم قمچیلر آلتدا دیدی زینب یا ابوالفضل سنه دخیلم اوخشیور قوللاریم گوزل نیلوفره ایستورم گل ویرم هدیه اصغره سوسوز شاهیم حسینیم وای گوزل ماهیم حسینیم وای تیر غم آچدی پر هوادا قلبیمی پارچا پارچا بولدی گورجگین باشووی طبقده نازدانه رقیم ئولدی معجره پیکرین بوکوب کفن ائلدیم گوئیا ئوز ننمی من دفن ائلدیم سوسوز شاهیم حسینیم وای گوزل ماهیم حسینیم وای یول بویی محمل اوسته هر گون ترمه عشقیمی توخوردوم طاقتون کاش اولیدی قارداش نوحه غارتی اوخوردوم دشمنون وحشی لیک یولوندان دونمدی خیمه لر یاندی سوندی قلبیم سونمدی سوسوز شاهیم حسینیم وای گوزل ماهیم حسینیم وای آختارور غملی نو عروسیم بختینون قانلی حجله گاهین گه توکور گوز یاشین گوزیندن گه تیکور گویلره نگاهین دور ئوزون سینه ده مکان ویر قیزووا قاسمین قبرینی نشان ویر قیزووا سوسوز شاهیم حسینیم وای گوزل ماهیم حسینیم وای قوی توکوم اشکیمی گوزیمدن گوز یاشی زینت عزادی قارداشیم تشنه دوغرانوبدی آغلاماق دردیمه دوادی تربتون باشدی کیمیادن یا حسین دویمارام خاک کربلادن یا حسین سوسوز شاهیم حسینیم وای گوزل ماهیم حسینیم وای 🥀اربعین🥀 🏴@torkiy🏴

🏴اربعین🏴 🍂 سوال و جواب🍂 🏴@torkiy🏴 📝کلامی زنجانی 💔زبانحال امام حسین علیه السلام💔 شیرین زبانیم آغلاما گوزل نشانیم آغلاما یخل مزاریم اوستونه عزیز جانیم آغلاما سینم مدالیسان بالا باشی بلالیسان بالا باشوندا کیم قرا گوره بلر عزالیسان بالا مگر کیم اینجیدوب سنی نیه یارالیسان بالا سن آغلیاندا جوش ایدور غم نهانیم آغلاما قزیم گلایه باشلاما گلوم شکایت ایلمه دانشما سیلی صحبتین بیله حکایت ایلمه سنی قوجاقلیانمورام منی خجالت ایلمه الیمی ساربان کسوب آخوبدی قانیم آغلاما قزیم یانیمدا اولمادون او غملی گون فغانیله که اهل کینه باغلادی گوزیمی لخته قانیله دالونجا ذبح اولان باشیم گلوردی کاروانیله رضای حقّدور منیم بو امتحانیم آغلاما غریب بالا یتیم بالا رقیه دن دانش منه سسون ائشیتسون اکبریم صد آفرین دئسون سنه نه حاله قالدی باشیمی باجون آلاندا دامنه نلر دئدی قوناقینه او میزبانیم آغلاما گرکدی عاشق اولسا کیم قزیم لباس غم گیه دیمه رقیّه هاردادی گله سنیله نالیه گیدوبدی اصغری تاپا دویونجا لای لای دیه گلایه بسدی باشوه ئوزوم دولانیم آغلاما *** ﷽🍁 🏴@torkiy🏴 ✨اَللّهُمَّ عَجِّل لِوَلیِّکَ الفَرَج✨💫

🥀 آرزوی کربلا🥀 🏴@torkiy🏴 🎶سبک : به یاد قدم های جابر گینه اربعین گلدی آقا - بو قلبیمی غم دَلدی آقا گلوللر هامی کربلایه - پیاده حسین یابن الزهرا قراریم آلوب غم - هامی الده پرچم اسور قلبیم آقا - سنه ساری هردم سالارِ - کرب و بلا 3 سنه عاشقم دلغمینم - گوزی یاشلیم من حزینم گدای درِ زینبم من - فدای رَهِ اربعینم نوا نینواده - صفا کربلاده گلورعاشقانه - هامی پا پیاده سالارِ - کرب و بلا 3 آقا راهیم نینوایه - او وادی ِّ شور و نوایه گلور عاشقان ابوالفضل - حسین سمت کرب و بلایه گلور عطری چون یاس - پُر از عشق و احساس گهی سسلیور دل - حسین گاهی عباس سالارِ - کرب و بلا 3 حسین جان سنه نوکرم من - گدای ِ رَه اکبرم من اگر که قبول ایتسن آقا - غلام علی اصغرم من یوخومدی لیاقت - سنن کان رحمت آقا سندن آلدوم - برات زیارت سالارِ - کرب و بلا هواسینده وار غم رویَّه - گوزل تلّی وار زینبیه هامی گلدی کرب و بلایه- گله بیلمدی حیف رقیه قرارین غم آلدی - باشه قاره سالدی خرابه ده اولدی - گوزی یولدا قالدی سالارِ - کرب و بلا 3 دوشوب قلبی چوخ پیچ و تابه اونا مسکن اولدی خرابه دیوب وای بابا دوشدی دیلدن دیدی زینبون وای ربابه منیم یاریم اولدی - هواداریم اولدی ننم تک یارالی - وفاداریم اولدی سالارِ - کرب و بلا 3 قناری پَر بسته لای لای بالا م قلبی بشکسته لای لای باخان کربلا یوللارینا اولان هجریدن خسته لای لای یات ای نور عصمت - یات ای کان رافت اولوب خسته جانون - ایله استراحت سالارِ - کرب و بلا 3 گوزوم آغلا سن بو عزاده نوا واردی کر بو بلاده دنن « پوریا » لذتی وار خصوصا اولا پا پیاده دیوم یا حسین جان - رئیس شهیدان سنه میهماندور - بو زوار ایران 💔آرزوی_کربلا💔 📝 کلام کربلایی احمد پوریا ﷽🍁 🏴@torkiy🏴 ✨اَللّهُمَّ عَجِّل لِوَلیِّکَ الفَرَج✨💫

🥀اربعین 🥀 🏴@torkiy🏴 ای جنازه سی بیکفن قالان قانلی بسترین مقتله سالان اربعینوه گلدی شامیدن قانلی پرچمون چیگنینه آلان (گلدی قافله. دوشدی ولوله زینبون گلور پیشواز ائله)2 ای کسن الین ساربان حسین حالینه یانان آسمان حسین گرچه ئولمه دیم گلمیشم ولی قوللاری یارا قدکمان حسین (شاه کربلا. یار دلربا گلدی زینبون دلده مین یارا)2 قانلی کوینگون الدن آلمیشام گونه حاله بو غمده قالمیشام ممکن اولسا گر قیل نظر منه گوردیگون دگل چوخ قوجالمیشام (قاره باغلادیم. سینه داغلادیم نار غصه ده . یاندیم آغلادیم)2 📝 داود بیرق داری 🥀🥀🥀🥀🥀🥀🥀🥀🥀🥀 ﷽🍁 🏴@torkiy🏴 ✨اَللّهُمَّ عَجِّل لِوَلیِّکَ الفَرَج✨💫