🟢 #آخرین‌_سفره‌_افطاره‌_قوناقم ـــــــ آخرین سفرهٔ افطاره قوناقم بوگجه صبحه‌جک یاتمارام آللهیم اویاقم بوگجه یغیشور سفرهٔ احسانون الیم بوشدی منیم ولے رحمان آدووا چوخ ئوره‌گیم خوشدی منیم خط چکرسن بوگجه جرم و گوناهیم پوزولار دفتروندن منیم اعمال سیاهیم پوزولار شب قدرونده مباهات ائله‌دیم صبحه کیمی مین بیر آدونله مناجات ائله‌دیم صبحه کیمی آحییَه ساخلادیم الله، که الیمدن دوتاسان صبحه جک آغلادیم الله، که الیمدن دوتاسان آندی ویرّم سنی آللّٰهلیقووین خاطیرینه او زمانی کی دَیَر کون و مکان بیربیرینه خوفیدن کُلّ خلایق چاغیرار داده سنی سسلنر آتش سوزانووه یاندیرما منی عفو ائله، یالوارورام درگهووه من بو سیاق راضی اولما که چالام اودلار ایچینده ال ایاق ماه غفران قوتارور، حسرتی قلبیمده قالور بو خبر عارف اولان بنده‌لری درده سالور گرچه شوّال آیینون بایرامی مایلدی بیزه رمضان آیریلیقی زَهر هَلاهلدی بیزه گرچه بایرام یتیشوب چهره‌می خندان ائدرم یغیلان سُفرووه افسوس فراوان ائدرم عشقیله قوزا سماواته طرف دست نیاز (فیضی) هر بندهٔ شایسته دیلیجن بئله یاز بارالٰها بیزی طاهایه گوره عفو ایله حضرت امّ‌ابیهایه گوره عفو ایله ذات پاکونده اولان فضله گوره عفو ایله اوجا قامتلی ابالفضله گوره عفو ایله ✍رحیم_فیضی_اردبیلی #وداع_با_ماه_مبارک_رمضان ┅┅❅🍃🌺🍃❅┅┅ـ