🏴یادی از امام خمینی رحمة الله علیه🏴 اَلسلام ای مَرجعِ والا مقام اَلسلام ای روحِ نهضت اَلسلام اَلسلام ای انقلابین ریشه سی ای بیزی آزاد ایدن اندیشه سی ای امامِ رَهروانِ کویِ عشق ای اولان فرماندهِ اُردوی عشق ظُلمتی قوغدون وطندن یکسره روح ویردون تازه دن پیکرلره مجلسی مرحوم ، یازمیش بو سوزی خِبره دور ، اَخبارِ نابه چون اوزی بیر خبر آلِ پِیَمبردن یازیب حضرتِ موسی بن جعفردن یازیب قُم دیاریندان یازیر بیر مردِ ناب تا قیام ایلَر ، ایدر بیر انقلاب بو قیامی ، تازه لَر ایمانلاری حَقّه دعوت ایلییَر انسانلاری دورینه جمع ایلییَر بیر عدّه ناس حق یولوندا هیچ بیری اِیتمز هَراس اَسْسَه طوفانِ بلا و دردیلر سَرو تک مُحکم دورار اُول مَردیلر پاره های آهنه بَنذَر اولار دیللری ایمان و تقوادَن دولار با شَهامت ، بیر گوزل فرهَنگیدن هیچ بیری قوخماز جهاد و جنگیدن یوخدی شَکّیم‌ سنسن ای پیرِ مُراد قُم دیاریندان دوران والا نَهاد روح ویردون خسته جانلار دوردولار نَعره ی اللهُ اَکبر ووردولار کوی و بَرزَنده نه چوخ پیر و جَوان حُکمووه خاطر ویریبلر ، باش و جان ملّتِ ایرانه مِنّت قویموسان رَختِ ذِلَّت اَگنیمیزدن سویموسان بیر نفر مأموریدن قورخان بَشر گوردولر تانکا اولوبدی حَمله ور ای اولان شاگردِ درسِ کربلا جبهه نی ایتدون شبیهِ نینوا صادر ایتدون تا کی فِتوایِ جهاد تا کی اَمرون بولدی هر ایل و نژاد نوجوان ، پیر و جوان ، ایتدی قیام دوشمه سین اَمرون یره ، تا ای امام شورِ محشر ، ایتدیلر بر پا ، چوخی باغلادی سَربَندِ یا زهرا ، چوخی جبهه نی دانِشگَهِ ، عشق ایتدیلر رزمگاهه، عارفانه گِیتدیلر بعضی لر دینه گیدوب سَرباز اولوب بعضی لر امّا او گون مُمتاز اولوب باکری ، همّت ، شفیع زاده ، فکور مَرد و مردانه دایاندی چوخ صبور بعضی شاگردون ایدوب عشقی خجل قانه باتدی تا اولا سردارِ دل درس آلیب ، تا عشق مهمانی اولا باش ویره قاسم ، سلیمانی اولا چوخدی شاگردون بو مکتبده ولی اصلی شاگردون اولوب سیّد علی درس آلیبدی مکتَبوندن ، نابِ ناب آخر اولدی ناخدایِ انقلاب بیر بیله فتنه گلوب هر ایل گیدیب بیر بیله یاور امامین تَرک ایدیب بعضی لر مَفتونِ غرب و شَرق اولوب بعضی لر استخر ایچینده غرق اولوب بعضی لر فتنه سالوب دی میهنه ایتدیلر چوخلی خیانت لر سنه بعضینون اولدی ایوی دارِ نِفاق بعضی سین پول توولادی ، یا کی اوشاق لیک رهبر حِکمَتین دریاسی دی انقلابین واقعاً عبّاسیدی فتنه لر خَلقی ووراندا بیر بیره قویمییب دوشسون عَلَم بیر دَم یره زاهدانه گون گیچیردیب هر زمان بو سوزه اِقرار ایدیبدی دشمنان دشمنانِ داخلی و خارجی گوستریبلر کینه های رایِجی لیک سُکّاندارِ کشتی یاتمییب دشمن ، اوز اَهدافینه هیچ چاتمییب ای امامِ نازنین سن غم یِمه صادر اولدی انقلابون عالَمه نیجریه ، سوریه ، غزّه ، یَمن ایندی اولموش جمله سی همچون وطن شیخ زَکزاکی ، شیخ عیسی بیر به بیر هاممیسی راهِ امامیله گیدیر هر قَدر دشمن هجوم آور اولار مؤمنین قلبی یقینیله دولار وار امیدیم انقلابون ای امام عاقبت اِیلَر مَسیرین اِختتِتام وصل اولار تا انقلابِ اَصلیه مؤمنان صاحب زمانی سَسلیه دشمنین تعدادی اولسا هر نه چوخ وعده ی حق چوخ یاخیندی شَکّی یوخ بو سوزی ثبت ایتمیشم منده دیله عاقبت پیروز اولار حقّ ، باطلیه (بیکَس ) و درمانده لر اولسون صَبور آز قالیر گَلسین داخی صبحِ ظهور #رحلت_حضرت_امام_رضوان_الله_تعالی_علیه #امام_خمینی_ره #چهارده_خرداد التماس دعای فرج الاحقر مهدی عبادی لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

🏴عرض ارادتی خدمت بنیانگذار کبیر انقلاب🏴 (ای شه مُلکِ ولا) (ای شهید . استاد مطهری) ای آدی آرامِ جان رهبرِ مُستضعفان زنده دی آدون گینه گوشه ،کَنارِ جهان ای رهبرِ حسینی ، سلام روح الله الخُمینی ، سلام یا مولانا ۴ بهمنی ایتدون بهار اولدی وطن لاله زار میهنه ویردون نجات سیّدِ والاتبار انقلابون تایسیزدی آقا عاشقلرون سایسیزدی آقا صدق و صفا معدنی ظُلمتین ای دشمنی نِهضتون اِحیا ایدوب بو رَضَوی میهنی شُهدا درسین سندن آلوب بو نهضَت سنله زنده قالوب ویرمه سه دشمن اَمان اولماروخ هیچ ناگِران چون بیزی تَک قویمیوب حضرتِ صاحب زمان ان شا الله ، گورَر شیخ و شاب ظهوره وصل اولار انقلاب #رحلت_حضرت_امام_رضوان_الله_تعالی_علیه #امام_خمینی_ره #چهارده_خرداد لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

🎥 آخرین سخنرانی امام خمینی(ره) در جمع مردم #امام_خمینی_ره