#خروج_امام_حسین_از_مکه خروج از مکه و خبر شهادت حضرت مسلم (ع) . شهاب پور اهری .. کعبه دن آیریلوب گیدور، سرور کربلا حسین دشت عراقه یول سالوب عزّت نینوا حسین ماملکیندن ال اوزوب باشدان آتوبدی جمله سین روز الستون عهدینه، چونکه دیوب بلا حسین .. عازم اولوب او دشتیده بیر بویوک امتحان وئره ایلیه ربِّ اعظمه، وار یوخونی فدا حسین الده دوتوبدی نقد جان بذل ائلیه حبیبینه هم اؤزی هم کومکلری خالص و بی ریا حسین .. ائتدی سوار مرکبه بیر بیر حریم عصمتی اولدى بنات شاه دین مستحق دعا حسین عترت و آل اطهره، یثربیدی اگر وطن لاجرم ایندی ترک ائدور بو یئری برملا حسین .. جبر زمانه قویمادی قالسون حسین مدینه ده مرغ قطا کیمی اولور ایندی بودم جدا حسین آگه ائدور او شاه دین مقصدین اهل بیتینه هاردا وصال یارینه نائل اولار کی تا حسین .. تاپشوروری حرملره ما وقعی او شاه دین صبر ائلیون مصائبه، سیزده اولون رضا حسین طى منازل ایلیور یوللاری غملی کاروان نور دو چشم مصطفی، عهده ائدور وفا حسین .. اولدی زروده منزلی مأمن سبط مصطفى اوردا کی بیر مسافری گوردی او مقتدا حسین بولدی که کوفه اهلیدور عازم اولوب زیارته سویلدی کوفه وضعینی قیل منه برملا حسین .. عرض ائلدی او کوفه لى من نئجه ایلیوم بیان جانه گتوردی مُسلمی امت بی حیا حسین آخر الامر ائتدیلر مسلمی کوفیان شهید پیکرینی قناریه ووردولار اشقیا حسین .. توکدی عذاره گوزیاشین آهی جهانی داغلادی اولدی بو غمده خونجگر محنته مبتلا حسین گتدیله مُسلمون قیزین ائتدی او شه ملاطفت رمزیله ائتدی اول قیزی بو غمه آشنا حسین .. آلدی اونی قوجاقینه ناز ائلیوب اؤپوب گوزون اؤز قیزی تک خدیجیه حرمت ائدوب بجا حسین سسلدی بس منیم بابام هاردا یوباندی گلمدی یا که یتیمه بیر قیزام، دهرده بینوا حسین .. یاندی شرار فرقته، هر ایکیسی ملشدیلر باتدیلا بحر محنته دوتدی گنه عزا حسین سویلدی اول یتیمیه، بیر بئله گلمه شیونه سنده منه عزیزه سن، یوخ سوزه ریب و لا حسین .. قوخما سنونده نازیوی من چکرم رقیه تک امر محالیدور سنه، ائتمیه اعتنا حسین کرب و بلاده یا حسین اولدی گورن ملاطفت؟ خیمیه اوت ووران زمان، وار ائدن ادّعا حسین؟ .. #خروج_از_مکه