❁﷽❁ #شب_پنجم #سینه_زنی_فارسی_ترکی #حضرت_عبدالله_بن_الحسن_ع #سبک:به تماشابیا ای پسر فاطمه... یا امام زمان شیعه ده احساسه باخ... ┈••✾••🏴✾🏴••✾••┈ #بنــــــدفارسی:👇 یازده سـاله نوجــوانــم و یــاورت کن قبولم عمو ، شوم علی اصغرت اِرباً اِربا شــوم مثـــل علی اکبــرت ای شه سر جدا سر و جانم فدا ای عمو جان(۴) تا شنیدم صدای هَل من الناصرت جای بابا شدم یاور و همسنــگرت طاقتم شد تمام ای امام هُمــــام ای عمو جان(۴) عبــد پاک خدا ، تو یادگار حسن نوگــل پرپر باغ و بهــــار حسن زاده مجتبی یار دین خدا یابن زهرا(۴) آخرین یاورم ای اَشجع الناس من دست تو زنده کرده داغ عباس من ای گل پرپرم بهترین یاورم یابن زهرا(۴) ┈••✾••🏴✾🏴••✾••┈ #بنــــــدترکی:👇 گلمیشم ای عمو ، تا یتیـــشم دادیوه سنی تک قویمارام گلمیشم امدادیوه مجتبـایم سنه جانفدایم سنه ای عمو جان(۴) صبریم الدن گدیب دوره وی دشمن آلیب یارالی پیــکرون دشـــمن الینـــده قالیب اللهیـــــم یــار اولار دشمنون خوار اولار ای عمو جان(۴) قول ، سپر ایلرم تا سنه اوخ دَیمِیَه عمــه مین قامتیـن یاره لرون اَیمِیَه تا وارام قویمـــارام اوخ یولون باغلارام ای عمو جان(۴) ┈••✾••🏴✾🏴••✾••┈ ✍رقیه سعیدی(کیمیا) #محرم1402 #شب_پنجم_محرم #حضرت_عبدالله_بن_الحسن_علیه_السلام

🏴شهادت عبدالله بن الحسن(علیه السلام)🏴 ✍مرحوم بیضای اردبیلی . کمک آخر نفسده شاهه گلدی ویروب یوز غیرت عبداللهه گلدی . چیخوب تل اوسته گوردی آیری عالم او عالمدن اولوب احوالی برهم عموسین گوردی ناگه قانه منضم ذبیح آسا او قربانگاهه گلدی . شهادت جامینی آلدی الینه قولین ویردی او صمصامین دمینه ایدوب پرواز فردوس برینه زوالی حال گویا ماهه گلدی . امامین غملری اولدی زیاده گتوردی انبیانی آه و داده شقی جلاد یوز قویدی عناده ملائکده فغان و آهه گلدی . یتوب فرمان صانع ای ملائک بونوعی امتحان ویرموبدی سالک حسیندور کونیله ماکانه مالک فقط بیر سجده سی اللهه گلدی . چیخوب بیر سینیه اول شمر غدار که اول سینِیدی دائم مسکن یار ایاقدا چکمه الده تیغ خونخوار او دمده انبیا فریاده گلدی گوروب بو سری بیضا یاتما مطلق اودور مداح طاهر خلق ایدوب حق ایدر شاه بیتیده والله قمر شق بو ابیاتین رضا لِلّهه گلدی . #محرم1402 #شب_پنجم_محرم #حضرت_عبدالله_‌بن_الحسن لینک کانال👇 http://eitaa.com/torkiy ---•••🏴🏴🏴◇•••--- @torkiy

🍂عبدالله ابن حسن علیه السلام🍂 سلام بر یادگار حسن مجتبی علیه السلام عشقیمده ائتمیشم عموم عباسه اقتدا اما بو یولدا من هارا عباس عموم هارا عشقین یولوندا گر چه کسیلدی منیم قولوم وئردی عموم ایکی قولونی باشینی فدا کاش هر ایکی قولوم کسلیدی عموم کیمی قالدی بیر ال نه خیری که تک الده یوخ صدا گویا که من قنادی سینان بیر کبوترم شهپر چالیر که جانینی غمدن ائده رها قاسم گئدنده رزمه منه فرصت اولمادی سالدیم اله بهانه ائدم دئینیمی ادا بیر آز اگر چه راه وفاده یوبانمیشام اما نمازعشقیم هله اولمیوب قضا صبریم فنایه گئتدی گورنده که اهل کین دورت سمتیدن امام زمانه ورور یارا عشقین یولوندا قول ندی مین جان اولا اگر بذل ائیلرم که بلکه نگاریم رضا اولا جنّاته ویرمه رم عمومون من کنارینی هیچ بیرمکاندا یوخدی بو امنیت و صفا مدهوش ائدیب گوزل باخیشی بیلمدیم هاچان تصدیق ائدیب شهادتیمی شاه کربلا #محرم1402 #شب_پنجم_محرم #حضرت_عبدالله_‌بن_الحسن لینک کانال👇 http://eitaa.com/torkiy ---•••◇🏴🏴🏴◇•••--- @torkiy

🏴نوحه ی طفلان حضرت زینب(سلام الله علیها)🏴 🎶سبک:: ای شمع حرمخانه... شعراز کربلایی ودود آذرین خلخال ای کان سخا قارداش ؛ دریای وفا قارداش آماج بلا قارداش ؛ شاه شهدا قارداش غم چکمه یالقوز سان ای جان زینب اولسون قربان سنه طفلان زینب یاحسین یاحسین مظلوم حسین جان۴ الدن گیدوب اعوانون ای فاطمه نون جانی دشمن ایلیوب یالقوز آیینه ی قرآنی اوغلانلاریمی گتدیم اولسون سنه قربانی تا دینیله قرآنه اولسونلا فدا قارداش غم چکمه یالقوز سان ای جان زینب اولسون قربان سنه طفلان زینب یاحسین یاحسین مظلوم حسین جان۴ سن مظهر یزدانسان ای زینت هر منبر اولده فدا اولدی قرآنه علی اکبر ظلمیله ایچر قارداش سویرینه قان اصغر ایلر سنه بوعدوان هرنوعی جفا قارداش غم چکمه یالقوز سان ای جان زینب اولسون قربان سنه طفلان زینب یاحسین یاحسین مظلوم حسین جان۴ پژمرده اولوب حالون ای فاطمه نون یاسی بوچولده عدو حتی پامال ایدوب احساسی شرمنده ایدر دشمن کان کرم عباسی نهر اوسته باتار قانه چون مشک ولوا قارداش غم چکمه یالقوز سان ای جان زینب اولسون قربان سنه طفلان زینب یاحسین یاحسین مظلوم حسین جان۴ سندن صورا کین اهلی تاراج ایدر آمالی اخیامه ویرالار اود وحشت دوتار اطفالی غارت اولار اخیامون پوزولار باجوون حالی داغیلالا بیابانه ناموس خدا قارداش غم چکمه یالقوز سان ای جان زینب اولسون قربان سنه طفلان زینب یاحسین یاحسین مظلوم حسین جان۴ ۱۴۰۳.۰۴.۲۰ ✍اشعار کربلایی ودود آذرین خلخال #محرم_۱۴۰۳ #شب_پنجم_محرم #طفلان_حضرت_زینب_سلام_الله_علیها

🏴زبانحال عبدالله ابن حسن (علیه السّلام)🏴 🎶سبک : زینبم جان اوسته.. گلمیشم امدادوه من ای غریب کربلا بو کمکسیز جانوه عبدالهین جانی فدا گلشن حریته سن باغبان من بیر گلم سن ایکی دنیایه سلطانسان سنه من سائلم گج یتیشدیم عفو ائله قویمور دی عمم تزگلم دوشمدیم من قارداشیم قاسمله حیف اولسون یولا یوخدی یانونده اگر اکبرله قاسم غم یه بو قدر بو رحمیسیز عدوانه ینصرنی دئمه قوی مقابیلده دوروم اوخلار ساچیلسین سینمه راضی یم قاسم کیمی جسمیم ایاق آلتدا قالا اذن ویرسون حمله ور اولام بوسایسیز دشمنه واهمم یوخ آند اولا روح بلند اصغره ننگیدی من ئولممیش دشمن سنی تنها گوره اورگنوب درس وفا سندن یتیم مجتبی گرچه سینیم آزدی اما معرفت دریاسی یم گلشن مهرو وفا ده مجتبانون یاسی یم بو بلا دشتینده عمم زینبین عباسی یم اذن وئرسون بیر بیر سالام بو قومی تپراقا دوروی ظلم و جفائیله آلیب اهل فتن یوخ سنی بو قورخولی چولده حمایت ایلین گلدی جانین جانوه قربان ائده پور حسین ایلمه احساس غربت ساغدی عبدالله آقا اولدوروبلر بیر به بیر انصاروی قوم لعین قالموسان سن بین لشگر ده آقا مثل نگین غربتون دوندردی قلبی قانه ای سلطان دین ماسوانین وار یری بو غمده قلبی اوتلانا ✍افلاکیان خاکی #محرم_۱۴۰۳ #شب_پنجم_محرم #حضرت_عبدالله_ابن_حسن #کانال_باب_الحوائج http://eitaa.com/torkiy

🍂حضرت عبدالله بن الحسن(علیه السّلام) 🍂 -(قانه باتان جسمیوه جانیم فدا) ۰ قانه باتان جسمیوه جانیم فدا نوگل مولا حسن مجتبی قانه باتیپسان قرآن یولوندا گچدین جانیندان ویردین قولوندا عرض سلام ائیله گل حیدره قانه باتان زادة پیغمبره قانه باتیپسان قرآن یولوندا گچدین جانیندان ویردین قولوندا عبدالله ای مولا حسندن نشان مولانی گوردون اولدورور کوفیان تاپدین حسینی ، قانینده غلطان سسلندین اوندا ، ای وای حسین جان آغلار سنین حالیوه صاحب زمان کرب وبلاده دولانار باغری قان مهدی توکنده ، قان یاش گوزوندن یاد ائیلر اوندا ، شیرین سوزوندن من سنین احوالیوه چوخ آغلارام تشنه قالان لب لره اولسون سلام قانین آخاندا ، دشت بلایه ناله اوجالدی ، ارض وسمایه سسلندین اوندا عمو فریاده گل دوشدی قولوم وای عموجان داده گل جسمیندن آخدی قان قتلگاهه چوخ اولدی مشکل بو غصّه شاهه ای قاسم بن الحسنین قارداشی ای قاریشان قانینه گوزده یاشی ائتدین حسینه ، سن جانی قربان چوخ دردیمیز وار ، سن ائیله درمان دوتدی ولایی اتگیندن سنین یاد ائیله دی قانه باتان حالتین سن بیل حسینین غمدیده جانی لطف ائت برات کرب وبلانی ✍شاعر: سید ناصر ولائی زنجانی 🎶سبک ای باشی سر نیزه ده معراج ائدن... #محرم_۱۴۰۳ #شب_پنجم_محرم #حضرت_عبدالله_ابن_حسن #کانال_باب_الحوائج http://eitaa.com/torkiy

🏴زبانحال عبدالله ابن حسن (علیه السّلام)🏴 🎶سبک: یا فاطمه من عقده دل وانکردم دوشدی گوزوم تا قانلی میدانه عموجان غم خیمده گتدی منی جانه عمو جان ای شاه عطشان جانم عمو جان(۲) ای شاه دین دشمن ایچینده تک قالوبسان آرامیمی بو غصه لی دلدن آلوبسان ینصرنی صوتین فرشیدن عرشه سالوبسان گتدی بوسس دنیانی افغانه عمو جان دونموشدی قلبون القانا اکبر غمینده سولدی یوزون گل تک علی اصغر غمینده سیندی بلون عباس نام آور غمینده گوزیاشلارون جاریدی دامانه عموجان دل داغلی سان سن ؛چونکه انصارون ئولوبدی اکبر کیمی یارو هواداران ئولوبدی عباس تک غیرتلی سردارون ئولوبدی باتمیش کمکلرون بتون قانه عمو جان سن لنگر عرش و زمین و نه فلک سن سن شهریار جن و انسان و ملک سن شاه سان ولی یوخدی سپاهون بی کمک سن سالدی غمون اوت قلب سوزانه عموجان گوردوم سنی دشمن ایچینده تاکی تنها توکدوم گوزومون یاشی یوزده اولدی دریا ائتدی کمکسیزلیک غمی قلبیمده غوغا قاچدیم خیمدن سمت میدانه عموجان دوتدی الیکی خیمده عمم الیمدن عرشه نوا گئتدی بوداغلانمیش دلیمدن گوردوم فقط من قالمیشام زنده ائلیمدن گلدیم دوشم منده بوطوفانه عموجان اصغر ئولوبدی دای منه دنیا نه لازم قالسام اولام نالان گرک یاسینده دائم ایلر مذمت مجتبی؛ اوغلون مداوم گر وئرمسم بو جانی جانانه عموجان ای چوللری ویلان گزن اهل و عیالی قلب جهانی یاندیران سوز ملالی من پیش مرگ اولام سنه اصغر مثالی قرباندی نوکر چونکه سلطانه عمو جان اصغر سیز عبدالاهه زنداندی بودنیا جان علی اکبر سن ای دلبند زهرا ایله شهادت نامه می سن ایندی امضا آدیم یازیلسین ذیل پیمانه عمو جان بیردا نه بد عادتدی ای شاه لب عطشان کرب وبلاده یوخ مگر هیچ بیر مسلمان منده علی اصغرکیمی یاندیم سوسوزدان وئرموله سو لب تشنه مهمانه عموجان ✍خاکی #محرم_۱۴۰۳ #شب_پنجم_محرم #حضرت_عبدالله_ابن_حسن #کانال_باب_الحوائج http://eitaa.com/torkiy

🏴حضرت عبدالله ابن حسن علیه السلام🏴 🎶سبک:این روزا حال هوای خونمون خیلی عجیبه‌‌..... #بهمن_عظیمی 〰️〰️〰️〰️〰️〰️ اونکه توو دریای خون افتاده و تنهاست عَمومه من اگه اینجا بمونم می‌میرم کارم تمومه جز عمو جونم دلم توو دنیا دلداری نداره عمه می‌بینی عمو رو که دیگه یاری نداره ببین عمه از تشنگی رفته عمو از حال بذار بِرَم به سمت اون گودال ببین چقد زیاده دشمن جونِ بابام ببین عمو چشماش و دیگه بست بذار بِرَم پیشش تا فرصت هست دلِ منِ یتیمو نشکن بدون اون نمی‌تونم / عمو جونم عمو جونم 〰️〰️〰️〰️〰️〰️ اومدم اینجا نَگه دشمن حسین یاری نداره پیش تو می‌مونم از این آسمون سنگم بِباره اومدم تا نائب بابام باشم توو قتلگاهت اومدم مثل علمدار دستمو بِدَم به راهت عمو جونم خودت که می‌دونی دلم غوغاست اگه بابامَم بود اینو می‌خواست منم مث قاسم فداشم عمو جونم برای تو مُردن چه شیرینه تموم افتخار من اینه منم شهید کربلاشم توو آغوشِ تو می‌مونم / عمو جونم عمو جونم #محرم_۱۴۰۳ #شب_پنجم_محرم #حضرت_عبدالله_ابن_حسن #کانال_باب_الحوائج http://eitaa.com/torkiy

مدح وشجاعت حضرت قاسم ابن‌ الحسن نوجوانِ آل هاشم مرد میدان قاسمم مست صهبای وجود شاه مردان قاسمم اَرشد اولادِ علیدن، بیر ایشقلی اخترم پور عشق مجتبایم پور عَمِّ اکبرم عاشق نام حسین و ذره ذره حیدرم کربلایه گلموشم الله بیلور نام آورم باخمیون آز سنّمیله خیردا اصلان قاسمم پرده پرده خاطرات مصطفایه آگهم خاطرات مکّه و غارِ حرایه آگهم کوچه جریانی او پوزقون ماجرایه آگهم قبر مخفیّه علی شیرِخدایه آگهم من عزیز مرتضی اول پور عمران قاسمم لمعه لمعه نورِ حقدن آیه آیه قرآنام شَرحه شَرحه دُرِّ یاقوتم حسینه مرجانام سینه سینه گنجِ عشقم عبد پاک رحمانام ذره ذره بوی چِکَنّن قطره قطره عرفانام ایندی دریایه قاریشمیش موج و طوفان قاسیمم من عزیز مجتبایم محرم اسرار حق سایه¬¬ی وحی و نبوّتدن واریم آثار حق قلبیمه نورِ ولادن پخش اولوب انوار حق کربلایه گلمیشم تا ایلییم پیکار حق اکبرون نعشی عباده باغری القان قاسمم دوزدی دنیادن گِئدوب حیدر امیرالمؤمنین هجر داغ مرتضایه ایندیده یانّام حزین من یتیم مجتبایم اکبریله همنشین درس مشق عشقیمه شاگردیدی روح الامین من اوزوم بو درسیله عباسه دربان قاسمم جان زهرا ای عمو ای سمبل غیرت منه باشیمه منّت قویوب گَل وئرگیله رخصت منه باخ مهیا دور گورورسن عرصه ی خدمت منه خیمه ده قالسام اوتاننام اُلمَسم ذلّت منه مور دربار سلیمانم، سلیمان، قاسمم بیر بئله آمالیله دلده وئرور قاسم قدم هی گِئدور صاق و صولا بیربیر باخور اهل حرم وئرمیری مولا اجازه سسلنور کان کرم قالموشام برزخده مولا قلبیمی دوتموش اَلم من اوزوم درد اهلینه بی نسخه درمان قاسمم ایندی درده دوشموشم عرضیم بودی درمان ائدن بیربئله کفره مقابل ساخلیان برهان ائدن قاسمی جان پیمبر عازم میدان ائدن دین پیغمبر قان ایستیر قاسمی قربان ائدن من پیمبردن نشانه حقّه قربان قاسمم سسلدی اوندا لب عطشان شاه عالم فی المثل اکبره تای دوغرانان حالین نجوردی بی¬بدل هامّونون اسرارینی الله یازوب روز ازل سسلدی والله شیریندی بالدی اَهلا مِن عسل چَکموشم باشه بو عشقی مستِ مستان قاسمم شور عشق و معرفتدن دل دولی هنگامه دی وار الیمده بیر امانت محرمانه نامه دی کاتبی مولا، آتامدی تیر مژگان خامه دی قاسمه مولا زره باشیندکی عمّامه دی من زره پوش دعای حِرز قرآن قاسمم الغرض وئردی اجازه شاه عطشان قاسمه مرکبه میندیردی مولا باخدی گریان قاسمه آغلادی غش ایلدی شاه شهیدان قاسمه بیر الین دوتدی وئروبدی تیغ بُرّان قاسمه سسلدی قهر خدایم کفره، الان، قاسمم تلّیدن آچدی او پور مجتبی بی واهمه سُویلدی کور ایلَرَم چپ چپ باخا کیم شاهیمه گلموشم شمره دئیون هر یرده چیخسون راهمه سسلدی الله اکبر یاعلی یافاطمه قلب میدان تیتردی سویلوبدی گردان قاسمم موج یَمدَن یوخ هراسیم من اوزوم دریا دئلَم صفحه¬ی تاریخدن گَلدیم یزید آدین سیلم هاردادی شمر و سنان بیر سوز دئسون منده بیلم اوللارا خوف هراسم وحشتم، عزرائیلم هاردادی شمرو سنان وئرسونله جولان، قاسمم نوجوان آل هاشم عرصه ده جولان وئروب ازرق شامی گلوبدی دورد اوغول قربان وئروب ازرقی حتی ویروبدی عمرونه پایان وئروب دشمن پُرکینه، بی¬دین قتلینه فرمان وئروب سُویلویوب گَلسون مبارز بوشدی میدان، قاسمم ذکر حیدر لبلرینده اول جوانمرد شریف ایستدی میدانه گلسون،مردمیدان، یوخ حریف تک به تک دعواده گوردی قاسم،اعدانی ضعیف قالدی تک دورینده اعدا صف چکوبدی مین ردیف سُویلدی تکلیقدادا من شیر غُرّان قاسمم ناگهان بیرعالم اولدی قوزّانوب گرد و غبار قالدی تپراقلار ائچینده اول زره¬سیز نامِ دار شیری، روبه لر، داشیلا ائتدیلر بیربیر شکار آشدی تلّی شاه عالم دشمن ائتدی الفرار سسلدی تئز گَل عموجان دل پریشان قاسمم گَل بویور سن جان زهرا مفخر خَیرالانام راضی اولدون قاسیمیندن یا ائدوم بیرده قیام آیریلور جان پیکرمدن شاه عالم السلام زاده زهرا گلوبدی سویلدی ای خوش مرام پس نیه اصلا دئمورسن من لب عطشان قاسمم باشیوه اوغلوم نه گلدی داشدی بیر یول پیکرین آتلارین دیرناقی اوغلوم سیندیروبدور شهپَرین پس نیه قدّین اوجالموش گورمویه کاش مادرین پیکرونده وار نشانِ تیر و پیکان خنجرین قارداشیم سسلور ائشیدسن،قانه غلطان، قاسِمم! سویلدی یاسیدی چات دادیمه اُلدوم عمو خُرد اولوبدور استخوانیم یاندی قلبیم یوخدی سو دوشموشم قان حجله¬سونده آلموشام قانلا وضو قویما اعضامی داغتسون حفظ ائله سن آبرو جان دوداغیمدن چیخور باخ ایندی بی جان قاسمم دوبیتی ایله دئلیم آه و نوا قاسمه قوم ظُلَم ائتدی جفا قاسمه سالدیلا آت دیرناقینا پیکرون قانی اولوب الده حنا قاسمه #محرم_۱۴۰۴ #شب_پنجم_محرم #شهادت_حضرت_قاسم_علیه_السلام #کانال_باب_الحوائج https://eitaa.com/torkiy

اولسون گوزل حضوریوه مندن سلام عمو گل باشیم اوسته لطف ائله ای ذولکرام عمو امکان یوخوم دی بیره گلم پای بوسیوه سالدی کمنده قاسمی قوم ظلام عمو اطرافیمی آلیب دی قوشون الده تیغ کین بو یاره جسمه یاره وروللار مدام عمو عشقونده یاره لر منه بالدان شیریندیلر ورسون ورور نقدر بو قوم لئام عمو گل باشیم اوسته ای شه عالم آتام گلیب مقتلده گوزلییور یولوی الده جام عمو مین قاسمین فدا اولا جانی سنه شها عمرون گوروم همیشه اولا مستدام عمو فخر ائیلورم که اکبریوه یولداش اولموشام باشیم قانیلا اولدی اوزوم سرخ فام عمو امکانی اولسا نعشیمی حمل ائیله خیمیه چشم انتظار قالمیا بیکس آنام عمو عالمده بی پناهلیرین سن پناهی سان قربان اولوم کرامتیوه تشنه کام عمو عفو ائیله سسله دیم سنی سالدیم مشقته گلسن تاپار بو زخم فراق التیام عمو #محرم_۱۴۰۴ #شب_پنجم_محرم ✍مدهوش محمد_هوشمند http://eitaa.com/torkiy

 احوالات جناب عبدالله ابن حسن (علیه السلام) و رفتن ایشان به قتلگاه برای کمک به ابا عبدالله الحسین (علیه السّلام) یخلدی چون یره آتدان شهید راه الاه اوجالدی گوگلره یردن صدای یا الله ویروب ظهوره اوز عشقین او عشق قربانی ایدوبدی سلسلۀ عشقی عشقدن آگاه گهی دونردی صاقا شدّت حرارتدن ویرردی یاره سی زحمت صولا دونردی گاه یارالاریندان آخوب چشمه تک قزل قانی او خون پاکله نقش اولدی یرده بسم الله بدن یارالی هوا ایسّیسی اوزی خسته او ایسّی قوملارین اوسته چکردی دلدن آه دیردی وار گوره سن بیر نفر ولا اهلی اولا بو بی کس و بی یار و بی پناهه پناه ویره منه بیر ایچیم سو که لبلریم یاندی ساراتدی پیکریمی سوزش عطش چون کاه گوروبکه یوخ سسینه سَس ویرن او حالتده یوزین دوتوب گوگه عرض ایتدی اول الهی گواه پیمبر اوغلونا یوخ بیر نفر کمکلیق ایدن که اُلدورر منی لب تشنه فرقۀ گمراه سنون یولوندا رضا ویرمیشم قضایه بو گون اوزیمدن اَل گوتوروب اولموشام فنا فی الله ویروب او وقتده سعد اوغلی لشگره فرمان حسینون امری اوزون چکدی ایلیون کوتاه یریندن اوینادی آتلی پیاده هر یاندان گَلوب طلاطمه دریا کیمی او چولده سپاه قویوبلا اوستنه رُخ خضم دون پیل افکن قالوبدی ششدر حیرتده مات شاهنشاه قلج چکن اوخ آتان داش وُران عَصا گوتورن قاریشدی بیر بیرینه شیره اَل تاپوب روباه دیردیلر که وُرون اُلدورون توکون قانین گَرک بو قانیله زینت تاپا بو میدانگاه ایشیتدیلر بو سوزی خیمه لرده عورتلر فغان و شیونیله دولدی خیمه و خرگاه اولوب او وقتده بو هایُهویدن آگاه امام حسن بالاسی شاهزاده عبدالله دوروب اَیاقه یریندن ایتوردی اوز اوزینی طلوع ایدوب افق خیمه دن او دم چون ماه عمو دیه دیه یوز قویدی قتلگاهه طرف گوزونده قانلو یاشی دلده نالۀ جانکاه کَسوب قباقنی اول دمده عمّه سی زینب او طفله ایستدی مانع اولا او عُلیا جاه اَیاقلارین یره وُردی توکوب گوزیندن یاش اوزینی زینب اَلیندن قوتاردی باشلادی راه مشرّف اولدی حضور امامه سرعتیله کمال حسرتیله اول شَهه ایدردی نگاه گوروب کمین ایلیوب اَبهَر اِبن کَعبِ دَنی بودور خیالی یخا دین ایوین او بخت سیاه دیدی شَل اولسون اَلون ای خبیثه نون اوغلی عَمومی اولدوروسن یوخدی بو عَمومده گناه ویروب او خُرده اَلین هولدن قلج دمینه قلنجی چون او زنازاده اَندیروب ناگاه قلم اولوب قولی عبّاس عموسنین قولی تک تمام عالم او طفلون گوزونده اولدی تباه نه چکموسن دیدی بولدوم عمو بو حالیمدن دوشنده قوللّارون ای خسرو فلک درگاه اوزینی سالدی حسینون یارالی سینه سینه یتشدی عین مرامه اَله گلوب دلخواه دیردی دور عمو جان سمت خیمه گاهه گیداق تیکوبدی گوز یولوا بانوان عصمت جاه گوزتلوری یولوی خیمه ده بیبیم زینب بیبیمی قویما قالا منتظر سنی الله وُروبلا حلقینه بیر اوخ او طفل معصومین علیّ اصغر شهزادیه اولوب همراه نفس کسیلدی سَسی باتدی گوزلری آخدی بویوردی اَشهَدُ اَن لا اِلهَ اِلّا الله «سهیلی» ایلمه غم مُفلس محافِلسن اَلینده واردی حسین آدی تک آغور تنخواه ✍ شاعر : مرحوم سهیلی .. یا اَرحَمَ الرّاحِمین #محرم_۱۴۰۴ #شب_پنجم_محرم #حضرت_عبدالله_ابن_حسن http://eitaa.com/torkiy

احوالات شاهزاده قاسم بن الحسن (ع) حاج_حیدر_خوندل ای جوان زخمداریم گَلمیشم آچ گوزلرون مجتبادن یادگاریم گَلمیشم آچ گوزلرون ابر خون آتدا جمالون ماه تک تابنده دی گُل بو اعضای لطیفوندن اوغول شرمنده دی مهر و مَه بو طلعتِ زیبایه کمتر بنده دی ای گون اوزلوم گُلعُذاریم گَلمیشم آچ گوزلرون ظاهر اولدی اهل کفرین کینه ی دیرینه سی گُل کیمی سولدون اودور ای رشک گُلشن سینه سی گوزلریم نوری، حسن قارداشیمون آئینه سی یوخ دیزیمده اختیاریم گَلمیشم آچ گوزلرون سندن آیریلدیم اوغول بیر آز زمان اجباریدن جسمیوه دَگدی بو سانسیز یاره لر اشراریدن سالدون ای سرو روان امّا منی رفتاریدن وار گوزیمده جویباریم گَلمیشم آچ گوزلرون دوزدی پیکانی گُل آنلار محنته آماده لر قورتارار قید علایقدن اوزون آزاده لر یاتماز امّا توپراق اوستونده اوغول شهزاده لر ای وفالی جان نثاریم گَلمیشم آچ گوزلرون ای گُلِ گُلزارِ زهرا گُل یوزوندن شرمسار مین گُلستانه وورار طعنه بو جسم زخمدار هر یاران بیر گُلدی، بو سو تک آخان قان جویبار رشک گُلشندور کناریم گَلمیشم آچ گوزلرون ای او یِتمیش بیر نفردن بیر سوسوز یورقون قتیل سیزلره تک تک بو دنیا گورمیوب مثل و عَدیل لیک بو ایفای عهده ای فداکارِ جمیل وار هزاران افتخاریم گَلمیشم آچ گوزلرون ابر نیسان تک دولوب خرگاهیده گوزلر اوغول گورمَسون عالمده بو حالی گوروم گوزلر اوغول دور گیداخ بی کس آنان آغلار، یولون گوزلر اوغول خیمه ده وار انتظاریم گَلمیشم آچ گوزلرون سَن کیمی هانسی شهیدین منظر زیباسی وار هانسی بیر سروین سنون تک قامت رعناسی وار نرگسین هاردا بیله بیر نرگس شهلاسی وار ای گُل ناز بهاریم گَلمیشم آچ گوزلرون #محرم_۱۴۰۴ #شب_پنجم_محرم #حضرت_عبدالله_ابن_حسن http://eitaa.com/torkiy