﷽ #شرح_هجران #ترکی باقر آلعبایم غملی دوران گورموشم کربلا دشتینده بیر دهشتلی طوفان گورموشم بیراوشاقیدیم کی گوردوم حق و باطل جنگینی نیزه لر شمشیرلر سسلیردی قان قان گورموشم بیر طرف اهریمنیدی حقی ایستیردی ییخا بیر طرفده جلوه حقی نمایان گورموشم پرده پرده سان وئیریر ذهنیمده عاشورا گونی هی دوشر یاده نقدری ظلمه عنوان گورموشم بیعت اوسته سو یولوی باغلاندی یاندی سینه لر من کیمی اهل حرم قالمیشدی عطشان گورموشم سو یوخیدی صود امر یاندیردی قلب عالمی بو مصیبتده اناسین زار و نالان گورموشم دین حق اوسته بیر عده عاشیق عاشورا گونی ائیله دی اوز عشقینی دونیایه اعلان گورموشم بیر به بیر رزمه گئدوردی ذات حق عاشقلری شور وشوقیله ائدوری خصمی حیران گورمیشم قانلی میدانه گئدنلردن سلامت گلمه دی خیمه لربوش قالدی دیلده داغ هجران گورموشم بیر جنازه خیمیه گلدی عبادن خلعتی حق مناسینده کسیلدی تشنه قربان گورموشم بیر بیابان قان توکن لشگر ائدوردی هلهله روبرو اولموشدی حزب کفر و ایمان گورموشم بیر غریبین دوره سین آلمیشدی قانلی نیزه لر بیر یارالی سینه اولموشدی گلستان گورموشم ذوالجناحین شیحه سی وئردی شهاتدن خبر گلدی بی صاحب خیامه دیده گریان گورمیشم اولمادی اذنیم گئدیم گوداله عاشورا گونی خیمه لردن اوج ائدوری عرشه افغان گورموشم زینب عمم گه قاچوردی مقتله گه خیمیه گون دوتولموشدی اسیردی قاره طوفان گورمیشم خیمه نی غارت ائیدوردی باش کسنلر یکسره خیمه لر تک عمه مین قلبینده سوزان گورمیشم صفحه صفحه پیکر قران داغیلمیشدی چوله بیر بیابان قانیله اولموشدی الوان گورموشم قتگاهین جلوه سی چیخماز یادیمدان هیچ زمان بیر طبق گول ظلمیله اولموشدی خندان گورموشم نیزه اوسته یاره لی باشلار بیزه همراهیدی بیر یارالی باش اوخوردی یولدا قران گورموشم جانه دویدوم شامه جک آلچاق اوجا یوللاردا من ناقه اوسته ظلم و اندوه فراوان گورموشم تا نفس وار خاطیرمده سیر ائدیر شامین یولی باشیمه قمچی دگیب خار مغیلان گورموشم بیر اوشاقیدیم ولی دیلده غمیم موج ائیلور یادیمه دوشدوقجا هر قدری غم جان گورموشم ✨✨✨✨✨✨✨ #شهادت_امام_باقر_علیه_السلام