ضربت خوردن حضرت علی علیه السلام به سبک تا مشکتو تو آب زدی نمازین اوسته کوفه ده وروبلا یاره حیدره باتوبدی قانه گوزلری نوا دوشوبدی گویلره باتوب قانه مسجد و محراب زینب آغلار آچوب باشین حضرت طاها سینه داغلار قارا پرچم جبرئیل ووردی عرش فرشه حسین آغلار فاطمه باشه قاره باغلار علی جان علی جان 2بار ووروبدی یاره اهل کین عدالت اوسته حیدره شهید اولوبدی مرتضی بو سس دوشوبدی دیللره نماز اوسته حیدرین فرقی پارچالاندی ائدور ناله مجتبی زهرا قلبی قاندی شهید اولدی مرتضی زینب ایلور افغان یتش داده یارسول الله گل اماندی علی جان علی جان 2بار علینی شهر کوفه ده یخوبدی دست کینه لر جنایت ایتدی اشقیاء اولوب عزالی شیعه لر ووروب ضربت ابن ملجم یخدی علینی نماز اوسته ئولدوروب دشمن شاه دینی دوشوب لرزه نه سمایه آغلور پیمبر جنایت ایتدی عدو آغلاتدی حسینی علی جان علی جان 2بار منشق اولوب فرقی دوشوب محرابه بی جان پیکری دشمنلری ظلم ایلیوب آغلاتدیلار پیغمبری صولوب رنگی قانیله حیدر اولدی الوان دوشوب محرابه علی عباس اولدی گریان یوروب درد و غم بو دنیاده مرتضانی باتوب قانه کوفه شهرینده شاه مردان علی جان علی جان 2بار عدالت اوسته جان ویروب امیر مؤمنان علی شهید راه حق اولوب جهاندا امته ولی دیور زینب ای یارالی باش آغلارام من ئولونجه باشه قرا بابا باغلار ام من عدو ظلمی آشکار اولدی بیرده باشدان غمینده بو سینه می سنسیز داغلارام من علی جان علی جان 2بار بنات حیدر آغلاشور گیوبدی قاره قدسیان زینب دیور ای وای بابا غمون منه اولدی گران بابا سنسیز گیتدی ایندی بو ائو صفاسی چخار عرشه زینب کلثومین نواسی فراقینده داغدار اولدوم اهل عالم شهید اولدی باشلانوب مولانین عزاسی علی جان علی جان 2بار ئولدی عدالت گوهری اولدی قیامت کوفه ده عالمده دین دشمنلری ایتدی جنایت کوفه ده علی ئولدی یعنی ئولدی عدل و عدالت غروب ائتدی کوفه ده اول شاه ولایت یازار «مهدی» شانینه نوحه سینه داغلار قبول اولسا نوکره ایلر شه عنایت علی جان علی جان 2بار ملتمس دعا مهدی ملکی #شب_قدر #ضربت_خوردن_حضرت_علی_علیه_السلام

🏴جمع خوانی .ضربت خوردن امیرمومنان علی علیه السلام 🏴 🎶در آهنگ ای صفای قلب زارم.... غم دوتوبدور ماسوانی... آغلادور اهل جهانی سجده گهده قانه غلطان ... چون ائدوبلر مرتضانی گیوب عالم قرا ... ایدور دلدن نوا هامی کون و مکان... اولوب ماتم سرا علی مظلوم علی .... ..... تا یتیشدی سجده گهده . فرق مولایه جراحت راحت اولدوم شکرلله . سویلدی شاه ولایت عذاره آخدی قان ... گیدوب تاب و توان دورانموب سجده دن ... امام انس و جان علی مظلوم علی .... .... قانینه اول دم که باتدی . سجده ده شاه ولایت جبرئیل سسلندی گویده ... سیندی ارکان هدایت گل آغلا حیدره ... امیر خیبره هامی چون آغلوری ... او والا رهبره علی مظلوم علی ...... کوفه نون گیتدی صفاسی ... سرور و درد آشناسی عرشه اوج ایتدی بوغمده ...شیعه نون داد و نواسی صفای عالمین ... امام مشرقین رسول اکرمه ... وصیّ و نورعین علی مظلوم علی ... ..... حیف اولا یوخ دُخت طاها ... همدم و غمخوار مولا تا علینون یاره لَنمیش ... باشینه قیلسون مُداوا ایدور زینب نوا .... دیور ایوای بابا توکور اشگین یوزه... حسین و مجتیا علی مظلوم علی ... .... بو علی شیر خدادی ... عرش و فرشه مقتدادی مونس و یار یتیمان ... عالمه مشکل گشادی علی شاه وَلا ...علی بَحر سَخا علی بدرالدجا ...علی شمس الضّحا علی مظلوم علی... ..... ساقی کوثر علیدور... عالمه سرور علیدور قهرمانلار قهرمانی ...فاتح خیبر علیدور بودور سردار دین... یَلِ روی زمین اولوبدور خلق آرا ... امیرالمومنین علی مظلوم علی .... سنده (رزّاقی) علینون... ماتمونده گل نوایه ایسته اول شه دَن سنی تا...دعوت ایتسون کربلایه او یرده قیل نوا ... تاپا قلبون صفا اورکده دردوه .... آقام ویرسون دوا علی مظلوم علی ... التماس دعا ... خاک پای عاشقان ولایت ستّار رزّاقی ۱۹ رمضان ۱۴۰۳ #ماه_مبارک_رمضان #شب_قدر #ضربت_خوردن_حضرت_علی_علیه_السلام

زبانحال حضرت زینب (س) سبک : منم باید برم گوز آچ آماندی ای _ رئوف و مهربان بابا غم زمانه دن _ اورگی لخته قان بابا بابا بابا بابا غریب عالم آی بابا بلوط کیمی گوزوم اولوبدی پرنم آی بابا(2) گوزوم باخان زمان _ بو سارالان جمالوه وجودیم اودلانور _ شراره ی ملالوه اورک داش اولسا دا _ یانار بو غملی حالوه باشون قانی اولور _ جمالوه روان بابا بابا بابا بابا غریب عالم آی بابا بلوط کیمی گوزوم اولوبدی پرنم آی بابا(2) خزان یلی اسوب _ بهاریمیز سولوب بابا قرارو صبریمی _ بو محنتون یولوب بابا جانیم چیخیدی کاش _ گوزووه قان دولوب بابا ائدوب سنی فلک ، بلالره نشان بابا (2) بابا بابا بابا غریب عالم آی بابا بلوط کیمی گوزوم اولوبدی پرنم آی بابا (2) فلک منی ائدوب _ غم آشناسی آی بابا نجه اوجالماسین _ اورک نواسی آی بابا ساغالمادی ندیم _ باشون یاراسی آی بابا ملال و غصه دن _ بلیم اولوب کمان بابا بابا بابا غریب عالم آی بابا بلوط کیمی گوزوم اولوبدی پرنم آی بابا (2) بو زاری تک قویوب _ روانه سن هارا بابا بو گئتمگون ویریر _ اورگیمه یارا بابا آتادی تکیه گاه _ آناسیز قیزلارا بابا سسیمه سس وئر ای، سینمی داغلیان بابا بابا بابا غریب عالم آی بابا بلوط کیمی گوزوم اولوبدی پرنم آی بابا (2 ) گوز آچ ائله نظر، گوزومده قان یاشا بابا ائدور حزین سسیم ، اثر داغا داشا بابا تاپانمادیم دوا ، پارچالانان باشا بابا بهار عمرون ای ، جفا ائدن خزان بابا بابا بابا غریب عالم آی بابا بلوط کیمی گوزوم اولوبدی پرنم آی بابا (2) خاکی #ماه_مبارک_رمضان #شب_قدر #ضربت_خوردن_حضرت_علی_علیه_السلام