🍂زبانحال حضرت مسلم بن عقیل علیه السلام🍂 🎶سبک(مدینه نون گیدیب صفاسی)... سالیبلا مسلمی آرایه چاغیرمارام سنی هرایه حسین بو شهر پر بلایه آقا گلمه غریب و بی معین و یارم بلا و محنته دچارم قان ویروری دوداقدا یارم آقا گلمه ازل گونوم خوش اولدی بو کوفیه گلنده ولی بوگون سالیبلار بوشیریوی کمنده ایوای یارالیم من باشی بلالیم من سندن آرالیم من بو شهرین هیچ صفاسی یوخدی به جز غم و جفاسی یوخدی کوفیلرین وفاسی یوخدی آقا گلمه بوردا دیوب نه بیر گولرسن دوزدی بونی اوزون بولرسن گلسن بورا سوسوز ئولرسن آقا گلمه بو بی وفا جماعت عناد اوسته دوراللار خراب اولیدی کوفه قوناقه داش ووراللار ایوای یارالیم من باشی بلالیم من سندن آرالیم من بولود مثالی دولموشام من گُلچین الینده سولموشام من سندن خجالت اولموشام من آقا گلمه بو قان توکن شقی جماعت ازل گون ایلیوبله بیعت بوگون ولی ایدوب خیانت آقا گلمه دارالاماره اوسته آهیم چخار سمایه گلمه بوشهره مولا زینب دوشر بلایه ایوای یارالیم من باشی بلالیم من سندن آرالیم من شهر ایچره(بیکَسم) حسین جان باشدان ایاقه جسمیم القان مسلم گلن یوللاره قربان آقا گلمه گلشن عمر اولوبدی برباد دوروبدی باشیم اوسته جلّاد مسلم نه عجز ایدر نه فریاد آقا گلمه یوخدورسنون یولوندا بو باشیمون بهاسی قیزیم خدیجه اولسون رقیّه وین فداسی ایوای یارالیم من باشی بلالیم من سندن آرالیم من #حضرت_مسلم_علیه_السلام #عرفه #نهم_ذی_الحجه التماس دعای فرج الاحقر مهدی عبادی

گریزی از روضه ی حضرت مسلم بن عقیل علیه السلام به حضرت ابوالفضل علیه السلام (بَدن یارالی ، اوجا بام ، بی حیا جَلّاد یخیلدی بولمورم ا... بولور نه حالتی وار) +++++++++++++ چوخلار اوجا یردن یخیلوب ، لیک جهاندا هیچ کیمسه علمدار کیمی دوشمه دی درده جسمینده هَله جان واریدی ، لحظه ی آخر بَند اولدی رکابه اَیاقی ، گول یوزی یرده واضح دیمورم نولدی او دم فاطمه گَلدی عبّاسی نه حالتده گوروب ، دشتِ خطرده سَسلندی اوغول سینَمه گَل ، من سنه قربان فریاد ایله قارداشیوی گَلسین بورا بیرده عبّاس آلوب فاطمه دن تاکی مِدالین سَسلندی اَخا ، نوکریوی ساخلا نَظرده شیرون یخیلوب توپراقا قارداش ئولورم گَل گَل گور نجه قان پرده چَکیبدی رُخِ زَرده (بداهه) #حضرت_مسلم_علیه_السلام #عرفه #نهم_ذی_الحجه التماس دعای فرج الاحقر مهدی عبادی

🏴زبانحال حضرت مسلم بن عقیل علیه السلام 🏴 🎶سبک(ایران اگر دل تو را شکستند) آقا بوشهر کوفه بی صفادی کوفی لرین ایشی جَفادی ‌بوردا غریبی ئولدوره للر بو شَهرین اهلی بی وفادی حسین حسین عزیزِ زهرا آقا بلا و محنته دچارم غربتده من غریب و زارم تَک قالمیشام دشمن ایچینده صیّاد اَلینده کی شکارم آقا قانیم آخور یارالاریمدان ای دردِ عالَمِینه درمان سَرین سو اولمادی نصیبیم عطشان ئولَم گَرک حسین جان آقا گَلمه بو شَهرِ پُربلایه بَلا سالوب بو شَهره سایه ناز اورگَنوب قیزون رقیّه گَتیرمه سن اونی نوایه آقا جوانلاری قانه بویاللار آنالارین مَلَر قویاللار چوخ باجینین قارداشی اوسته قلبین جفائیله اویاللار آقا باخماز بولار شأنِ امامه بالالارون سالالّا دامه دنیا مالیندان اوتری آخر ووراللا اود آقا خیامه #حضرت_مسلم_علیه_السلام #عرفه #نهم_ذی_الحجه التماس دعای فرج الاحقر مهدی عبادی

▪️زبانحال حضرت مسلم بن عقیل علیه السلام در کوفه 🎼(با آهنگی دلنشین و حُزن اَنگیز) حسین آماندی شهرِ بی ، وفایه گَلمه سالیبلا مسلمی ایله ، بلایه گَلمه وفاسی یوخدی کوفیانون منیم کیمی توکَللّه قانون بولار کی دینی دِرهَمه ، ساتوللا گَلمه اورک قانین سِرِشکیمه ، قاتوللا گَلمه بو کوفه ده قوناقه داش ، آتوللا گَلمه دیارِ درد و غُصّه دی ، دوایه گَلمه ووروبلا داش آخیر قانیم‌، یوزه قاشیمدان من اوز خیالیمی گَرک ، آتام باشیمدان مَلالیمی باخان بولَر ، بو گوز یاشیمدان گِیچَر بو شهریده باشون ، جِدایه گَلمه بو شَهره من اَزل گَلوب ، کی بیعت آلدیم گلیبدی نچّه مین نفر ، بو یرده قالدیم سنه یازیب او نامه نی ، بَلایه سالدیم گذشت ایله دیارِ اِبتلایه گَلمه حَیاتیمین بهاری تِز ، خزانه دوندی بو یرده قامتیم حسین ، کَمانه دوندی قیلینجا بیر نمازیمی ، زمانه دوندی وفا تاپانماسان حسین ، جفایه گَلمه سَفیریوین گوزی گوروب ، عجب جفالَر دیمم کی گورموشم حسین ، نجه بَلالر اَسیر ایده لله قیزلارون ، بو بی حَیالر تَرَحُّم اِیله آلِ مرتضایه گَلمه غَریبه پیشواز ایدیر ، بولار قوناخدان دیشیم سینوبدی قان آخور ، هَله دوداخدان سلام آخریمدی بو ، سنه اوزاخدان اگر چه (بیکَسم) حسین ، عزایه گَلمه #حضرت_مسلم_علیه_السلام #روز_عرفه #نهم_ذی_الحجه التماس دعای فرج ✍الاحقر مهدی عبادی ___________