سس دوشدی که محرابیده بیر باش یارالاندی بو سس اوجالان وقته یاتانلاردا اویاندی ایوای علی وای ناله سی افلاکه دایاندی نه حادثه دور بو نه حکایتدور الهی #کهنموئی

کانال السلام علیک یا صاحب الزمان #زبانحال_وتسلی_دادن_حضرت_زینب_به_حضرت_امام_حسین_در_شهادت_حضرت_علی_علیهما_سلام آغلاما قارداش حسین آغلار تَمام عالم سَنه سَن بُو دنیایه گَلَن گُون دوتدولار ماتَم سَنه سَن بُو دنیایه گَلَن گُوندَه خداوندِ جَلیل اَمر اِیدوب اُولسون سَنه گَهواره جُنبان جَبرئیل حَبسیدَن آزاد اُولوب دور فُطرسِ خَوار و ذَلیل آغلادی اَمّا اُوگُون پِیغمبرِ خاتَم سَنه تازه مُولودَه اُولور لازم دِیلسُون تَهنیت کربلا اُوضاعی ذِکر اُولدی دوتولدی تَعزیت تَهنیت عَرض اِیلدی جِبریل وِیردی تَسلیت آغلادی نُوح و خَلیل و عیسی و آدَم سَنه آغلیاندا سَن آنام زَهرا پَریشان حال اُولار کاسهء چِشمی دولار اَشگیلَه مالامال اُولار عالمِ مَعنادَه جاری گُوزدَن اَشگِ آل اُولار وار دِئیر دائم اُوغول بُو دِلدَه کی نالَم سَنه جان وِیرندَه سَن اُولار زَهرا عُذاره لاطمه خیمه گاهون یاندورار ظلمیله نارِ حاطمه سَسلَرم گَل خیمه لَر یاندی عزیزِ فاطمه سَن فَدای دینِ حقّ سَن مندَه قربانم سَنه بَس نِجه گُورسُون گُوزوم قانیلَه اَلوان اُولموسان سینَن اُوسته گُل آچوب اُوخلار گُلستان اُولموسان گُون کیمی آلاتِ حَرب آتدا دِرخشان اُولموسان بُو سَببدَن مُو پَریشان دیده گِربیانم سَنه بُو جَماعت دوتدولار دنیانی دینی آتدیلار پُر بَها بیر گُوهری اَسکیک بَهایه ساتدیلار چوخ بُیوک بیر ظُلم اِیدوبلَر یِر گُوگی آغلاتدیلار قَتلگاه وندا نه تَک من سینه سُوزانم سَنه یِرلَر آغلار گُویلَر آغلار جِنّ و اِنس اِیلَر نَوا خَنجَر آغلار حَنجَر آغلار قاتل آغلار بَرمَلا حالیوه آغلار گُوز اُولدی پِیکروندَه هر یارا گُوردولَر صاحب عَزایم من عَزادارم سَنه قیمتین هر بیر مَتاعین خبرهء دانا بُولَر هاردا گُوهر قَدرین آیا شِمرِ بی پَروا بُولَر اَرزشِ دُرّی صَدفدَه بَسلین زَهرا بُولَر عشق بازاریندَه من اوّل خَریدارم سَنه اَبلَهِ نادان وِرار دُرّی داشیلَه سندیرار روحِ صاحب دُرّی مُحَنت مَنجَنیقیندَه سیخار چَکمه لی اِیتمز حَیا عَرشِ خدا اُوسته چیخار عَرض اِیدر عَبدِ مُطیعم خالقا هر دَم سَنه #َکهنموئی اُولمیان دین اَهلی سَرگردان اُولار عاشقه دنیادَه هر گُونه چَتین آسان اُولار هر غَمه صَبر اِیله آخر غَم اُوزی حِیران اُولار یادَه سال جَدّون حسینی یُوز وِیرندَه غَم سَنه ✍سید حسین کهنموئی ریاضی_تبریزی #شهادت_حضرت_علی_علیه_السلام