🌸ازدواج حضرت‌علی (علیه السلام) و حضرت‌زهرا (سلام الله علیها)🌸 🌺🌹🌺🌹🌺🌹 🎶سبک:یارمبارک بادا ان شاءالله مبارک بادا ... خطبهء عقد اوخوری گویده  اوزی  حیّ جلی سَپوری فاطمه نون       باشینا گل یرده علی پخش ائدون نقل و نبات دوداقوزدا           صلوات یار مبارک بادا ان شاءالله مبارک بادا بزییوب عرشینی حق       بو گئجه اوز کوثرینه فاطمه چون گئدوری      دلبرینون محضرینه  ایکی دلبر طویودی      یاس پیمبر طویودی شیعه لر شادلیق ائدون مکه ده حیدر طویودی وار نه شوق   بی قرین ساق دوشی روح الامین یار مبارک بادا ان شاءالله مبارک بادا یازدی تا لوحیده حق        فاطمه نی کفو علی فاطمه قوزادی باش         دلبرینه وئردی  بلی  فاطمه بلی دئین  لحظه ده    مولا سویونوب عرشیده حضرت حق فرشیده طاها سویونوب فاطمه وئردی بلی گولدی زهرایه علی یار مبارک بادا ان شاءالله مبارک بادا ال چالور یرده بشر        دُخت پیمبر طویودی سسلوری گویده ملک     ساقی کوثر طویودی  بو گئجه عرش خدا    مین  نئچه رنگه بویانور مکّه ده چون بو گئجه آی باشینا گون دولانور طوی دوتوب شیر خدا شاد اولوب   خیر الورا یار مبارک بادا ان شاءالله مبارک بادا تا وئروبلر ال اله     ختم نبی      ائتدی دعا دئدی   یارب  بولارا  حشره کیمی وئرمه بلا ساخلا زهرانی دئدی سنده  امانتدی  ، علی گل کیمی ، باخ بونا هر عضوی سلامتدی علی دوت   الیندن  مرتضا اینجیسین اولما رضا یار مبارک بادا ان شاءالله مبارک بادا هر آنا رسیمیدی سالسون یولا اوز دخترینی قارداشی اولسا ائدر   بدرقه   اوز خواهرینی اولمادی قارداشی شیدا بو  نبی اولدوزونون نه  آنا  اولدی  سَپَه  سو  دالسینجا   قئزنون گوزلری   آغلار     قالوب سینه سی داغلار قالوب باخدی هی ساق و صولا حیف آناسیز دوشدی یولا ✍محمدرضاصادقی‌شیدا #ازدواج_حضرت_علی_علیه_السلام_وحضرت_زهرا_سلام_الله_علیها #پیوند_دونور #جشن_عروسی

❤️سرود ازدواج علی علیه السلام وحضرت فاطمه زهرا(سلام الله علیها)❤️ گلدی روز وصلت حیدر و زهرا دولدی شور و شوقیلن سینه طاها حیدر گؤزلدی فاطمه تکدی با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 فاطمه دلدارینه چاتدی یا الله حیدریلن غملرین آتدی یا الله شرقدن رحمت گونی چون طلوع ائتدی آسماندا ماه غم باتدی یا الله     حیدر گؤزلدی فاطمه تکدی      با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 غیر زهرا حیدره همصدا اولماز دردینه زهرا کیمی آشنا اولماز عقد وصلت عرشده برقرار اولدی راز عزت هرکسه بر ملا اولماز      حیدر گؤزلدی فاطمه تکدی       با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 حیدره طاها دئدی گل منه یار اول یا علی دلبندیمه یار و غمخوار اول سن بیلورسن فاطمه قلب طاهادی قویما سئنسون قلبینی چوخ وفادار اول      حیدر گؤزلدی فاطمه تکدی      با هم دیون بو طوی مبارکدی 🌸🌸🌸🌸💚💚💚💚🌸🌸🌸🌸 وئردی زهرانین الین حیدره طاها ائتدی فرمایش قیزیم ای گل زیبا بو عم اوغلون چون منی قویمیوب تنها حیدری هئچ بیر زمان سنده تک قویما       حیدر گؤزلدی فاطمه تکدی      با هم دیون بو طوی مبارکدی 💚💚💚💚🌸🌸🌸🌸💚💚 #ازدواج_حضرت_علی_علیه_السلام_وحضرت_زهرا_سلام_الله_علیها #پیوند_دونور

✨﷽✨ #سرود_ترکی 🌸ازدواج_حضرت_علی_و_حضرت_زهرا_علیهما_السلام🌸 🎶سبک:یارمبارک بادا ان شاءالله مبارک بادا... ─‌┅═‎‌‌‌‌‌‌✧❁🌼❁✧═‎‌‌‌‌‌‌┅─‌ باشلانوب ذیحـجه با پیوند زهرا و علی عالمی روشن اِئدیبدور بو ایکی نور جَلی سَپدی زهراباشینَه ،گؤل،حضرت روح الامین فخرائدؤر بو وصلَتَه مولا امیرالمومنین سسلنوب گؤیدَن مَلَک لر با نوا و زمزمَه جشن زهرا و علی اولسون مبارک عالَمَه (۲ بار) بیرطرفــدَه آیه های نور و کوثر اَیلَشوب بیرطرفده شاه مردان ،میر خیبر ایلشوب خطبهٔ عقدی اوخور ، فخریلَه ختم المرسیلن شاداولوبدور قلب زهرا و امیرالمومنین سسلنــور گؤیدَن مَلَک لر با نوا و زمزمه جشن زهرا و علی اولسون مبارک عالَمَه (۲بار) ✍رقیه سعیدی(کیمیا) ─‌┅═‎‌‌‌‌‌‌✧❁🌼❁✧═‎‌‌‌‌‌‌┅─‌ #ازدواج_حضرت_علی_علیه_السلام_وحضرت_زهرا_سلام_الله_علیها #پیوند_دونور #جشن_عروسی