ورود به شام دروازه ساعات مرحوم حسینی سعدی زمان ای صبا زهرایه دی دور قبردن شاماته گل الده بیر معجر گوتور دروازه ساعاته گل زینبین دور و برین نامحرمان شام آلوب کیم دیر خورشید عصمت پرده دن عاری قالوب ابر تک مه صورته قانه باتان زلفین سالوب آی جمالین گور بولوتدا سیر تشبیهاته گل ظاهرا الله الین مغلول ایدوب اهل دمشق باطنا توحیده آیت گوسترور اثبات عشق هیئت تسلیمی آل الله ایدوب اولده مشق حجةالله محضرینده کشف معلوماته گل شوریله نی تک نوا ایلور خواتین حجاز پرده پرده موسیقی سازنده لر ایلوله ساز الده دف ایلوب مخالف اهلبیتون پیشواز هاشمیه قیزلارین گور ناله سین اسکاته گل نینوا دشتنده بیر اود یاندروب اهل عراق شامده سوزی سالوب پوزقون قطاره احتراق سبط طاهایه اولوبدور نیزه اعدا براق جدینون معراجینه تطبیق و تحقیقاته گل قاب قوسینه گیدوب مصداق والنجم و هوا سروالشمس ایلوب اوادناده تسخیر هوا نیزه باشندا ایدوب طی حجابات هوا اوخ یرین گور طاق ابرو اوسته تاویلاته گل دولدوروب شامی جلالیله جلال اللهه باخ دلده ارنی تالی موسی گور آل اللهه باخ کشف ایدن لن نکته سین نور جمال اللهه باخ قان دوتان مرآت حقده منظر لمعاته گل باشلیوب قرآن ناطق نیزه ده کهف آیه سین ناله سین مستور قیلسون اهلبیت بیکسین چوخ سوور سن اوغلوون خوش لحنیله قرآن سسین رَتِّلِ القُرآن ترتیلاده تقریراته گل مرکز تنزیل و وحی ایستر ایده شانین ثبوت گه اوخور اعجاز له قرآن گهی ایلور سکوت گوسترور گویا منم مرآت حی لایموت لایموت المومنون آیاتنه اثباته گل مظهر حق حق سوزین ناحقلره ایلور جفا سفیانیان عترتون آغلور یانور گورسنده بو احوالی یان اولماقا همناله بو نسوان مسبیاته گل ایلیوب چیده یزید بیحیا بزم شراب ایلسون آل اللهین قانه دونن قلبین کباب باغلانوب زنجیره کل عالمه مالک رقاب تسلیت زین العباده ویرماقا شاماته گل نطقدن سالسا لسان اللهی چوب خیزران زینبون وار فکرتی اجدادینی ویرسون نشان خارجی آد قویسالار آل عبایه شامیان جور دیوانخانه سینده سنده توضیحاته گل جده جان اوغلون حسینی زینبه ورم قسم قویما سون امیدیمی باب کرامتدن کسم شوقمندم قبرینه محتاج علمم بیکسم مرکز علمه دیسون قبریمده تحصیلاته گل #شام_بلا #ورود_به_شام #اسارت #حضرت_زینب_سلام_الله_علیها #کانال_باب_الحوائج http://eitaa.com/torkiy

🏴شهادت حضرت رقیه(س ) نوحه جدید🏴 🎼سبک: ای کربلانین سودامر جیرانی اصغر... ✍بقلم حاج عباسعلی دهقان(صاحب) اوچ یاشدا وای الده ئولن لایلای رقیه بومعجریم اولدی کفن لایلای. رقیه ایوای حسینین دلبری ئوپدون اوقانلی لبلری ایوای رقیه لایلای رقیه (2) ویران سرا اولدی وطن لایلای رقیه یاندیردی بودردومحن لایلای رقیه اولموب سنه یاندیم کفن لایلای رقیه ایوای قیزیم الده ئولن لایلای رقیه غم غصه قلبیمدن داشی آلدون قوجاقه سن باشی ایوای رقیه لایلای رقیه عَمَّنن ائتمه سن گله لایلای بالام یات اولدی ایاقون آبله لایلای بالام یات سیلی یری ئوزده نشان سن قبره گئتدون زهرایه سن ایله گله لایلای بالام یات یادائتمه زجرکافری نازلی قیزیم یات جسمینده قمچی یرلری نازلی قیزیم یات ایوای رقیه لایلای رقیه گوردون آتاوین باشینی قان آغلادون سن گوزیاشینی چوخلی عذاره باغلادون سن آلدون قوجاقه دردل سن ائتدون اونلان یاندون ئورکدن سینه غمدن داغلادون سن اشکون روان ائتدون بالا تسلیم جان ائتدون بالا ایوای رقیه لایلای رقیه صاحبله سیفی عرض ائدور قوی بیرده منت اوخوردا قبره میهمان گل ایله دعوت بوجمعیله بیرده گلاخ بیز شام شومه قبرین زیارت ایلویاخ کان کرامت قبرین دولانوخ باشینا اذنی ویراخ گوزیاشینا لایلای رقیه. ایوای رقیه(۲) ___________ #محرم_۱۴۰۳ #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

درد دل بی بی رقیه( س) با سر مبارک اباعبدالله(ع) دخت   یزیدی  خوار  ائدیب  دختر   شاه  کربلا گلدی   خرابیه   آلوب    دورینی     آل  مصطفی احسن  و  حبذا   دیدی  اول قیزا دخت مرتضی سسلدی  ای  گوزل   بالا   نطقووه  مرحبا   اولا وقر   یزیدی  سیندیران   همتووه   بی بون  فدا بیر گیجه  اول عزیزه   قیز  ایلدی نی کیمین نوا سسلدی گل  هایانداسان  دیدیمه  یاره لی  بابا کاخیده   رخت  خوابیدن   دوردی  یزید بی حیا سسلدی کیمدی  آغلیان خوابیمی  برهم ایلیین لیل کئچوبدی نصفدن کیمدی حسینی سسلیین عرض  ائلیوبله   یا امیر   دخت حسیندی آغلیور ایستیور  ئوز  باباسینی   قلب   جهانی   داغلیور هئ دئیور  هارداسان  بابا اشکین عذاره باغلیور شاه  پلید امر ایدوب  اشکینی  قانه  دوندروون یاره لی باشی نصف شب یاره لی یاره گوندرون امر  یزیده   نصف   شب   ایلدی   اشقیا   عمل بیر طبق  اوسته  شه  باشین گتدیله  فرقه دغل گوردی او باشی هراسیر سینیه قویدی فوری ال وئردیله   بیر به بیر سلام  اول  باشا آل بوتراب زینب   با حیا    او دم    قاچدی  قباقه با شتاب سسلدی ای  اسیرلر گلدی حسین  فغان ائدون ابر کیمین  عذارووزه گوز یاشوزی  روان ائدون معجروز آلتدا سعی ائدون اول باشی سیزنهان ائدون سعی ائلیون  کی چاتماسین  نازلی  رقیمه  خبر آند اولا اکبره، قیزیم گورسه او باشی جان وئرر دوردی   رقیه  سسلدی   من   چاتارام مرامیمه باده  ی صلی  توکدیلر  بو گیجه  عشق جامیمه عطر    گل   محمدی  گلدی   منیم     مشامیمه دردیمه   بو گیجه   منیم  فکر ائدورم دوا گلوب قلبیم   ایشیقدی آی  بی بی  منزلیمه بابا گلوب اول   قدر    ایلدی   نوا    یارینی  تاپدی  مه لقا سسلدی  باشون  آی بابا  منزلیمه  وئروب صفا صورا  او یاره لی باشی جان کیمی باسدی باغرینا سسلدی آی بابا   آدون   دائم  اولوبدی  ازبریم اصغری گوگلوم ایستیور هاردا   قالوب  برادریم مهمانا   گونره   میزبان   یاخجی   بزر  اطاقینی گر   آتا    اولسا   میزبان    بنتی   ئوپر   ایاقینی من کیمی خوردا   قیز ئوپر   آلنینی  یا دوداقینی آلنووی یا دوداقووی من نئجه بوس ائدوم عیان آلنووی داش  ئوپوب سوسوز لبلری چوب خیزران واردی بو یئرده بیر سوزووم شیعه لر ایلیون فغان گر منه   لطف  ائده  بو گون حی غفور و لامکان نالیه   بی گمان    گلر    اهل   زمین   و  آسمان قالخیزوب    آستینینی  ایتدی بو نوعیلن خطاب سسلدی  باخ گوزل  بابا اللریمی کسوب طناب بحر   ملالدن    بابا    ساحله    من   چاتانمورم صبح  آچیلاندا   مه   باتار ماه  کیمین  باتانمورم هامی یاتور بی بیم کیمین منده گئجه یاتانمورم بالش   ائدنمورم   بابا  قوللاریمی  یاتان   زمان باشیمی قویجاقین وئرور قمچی یاراسی تازه قان نور   جمال   سرمدون    انور ائدوب   خرابه نی شامیده   گور   اولوب   هارا غملی رقیه مسکنی بسدی بو  قدری غم  منه گیتسون اگر آپار منی نیلی عذاری هر گیجه قوملارین اوسته قویمیشام زندگیدن   بو   سنّیده   فاطمه  مثلی دویمیشام حشره کیمین  خلوصیله  شاه شهیده  اول مرید یحیوی  مثلی  ایله  سن  لوحیده  شعر نو  پدید منزوی تک جهانیدن سنده گیدرسن ای((نوید)) دار    بقاده   انوری  گورسون   اگر اوپ  اللرین چون کی حسین چوخ  ایستیور نوکر پاک و اطهرین ** ✍نوید اسال اردبیلی #محرم_۱۴۰۳ #ورود_به_شام #خرابه_شام #حضرت_رقیه_سلام_الله_علیها

زبانحال دردانه ی سیّد الشهدا در خرابه ی شام با عمه ی بزرگوارش 🎶سبک:من اومدم دوا بشه / دردم (جدید)... گَتیردی غم منی دیله /عمّه رقیّه وی حلال ایله / عمّه دعا ایله قیزون ئوله / عمّه یورولموشام من منی خرابه زَحمتی / یوردی شمرِ لعین عَداوتی / یوردی شام اهلینون شماتتی / یوردی یورولموشام من یارالییم یارالییم / عمّه من چوخ باشی بلالییم / عمّه 2 یورولموشام من حِصارِ صبری غم یخور/ عمّه سیزیلتیم عرشه گور چیخور/ عمّه دوشاخه بوینومی سیخور / عمّه دوزنمورم من خرابه بو یَتیمیه / بَسدی گُلزاریمه بادِ خَزان / اَسدی باخ گور قولومی ایپ نجه / کَسدی دوزنمورم من قارداش فراقینه دوزوم / یوخدی گَلمور بیری دیلده سوزوم / چوخدی کابوسوم هر گجه سه پَر / اوخدی ایکاش ئولِییدیم غارتده چوخ مَهپاره ده / گیتدی اکبر آلان گوشواره ده / گیتدی عمّه یانیخ گَهواره ده / گیتدی ایکاش ئولِییدیم شِمرِ دَنی قویمور منی / راحت یوزوم ایدیبدی سیلیه / عادت بابام گَلِیدی کاش ئولَن / ساعت گَلِیدی ایکاش گَلسه اگر عشقیمی سان / ویررم بابامی قیزلارا نشان / ویررم گَلسه بابام آسوده جان / ویررم گَلِیدی ایکاش #محرم_۱۴۰۳ #خرابه_شام #شهادت_حضرت_رقیه_سلام_الله_علیها التماس دعای فرج الاحقر مهدی عبادی

زبانحال حضرت رقیه سلام الله علیها درخرابه شام 🍂 یارالیام یارالیام عمه😭😭 •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ ↻http://eitaa.com/torkiy

🍂نوحه دل تنگی حضرت رقیه به سیدالشهدا🍂 ✍به قلم کربلایی صابر ثمودی 🎶سبک نزدیک به آهنگ به سوی تو به شوق روی تو به طرف کوی تو 🏴🏴🏴 ای عالمه مولا شهید عاشورا هایانداسان بابا یوبانما تئز گل باشیمدا وار غوغا غمیم اولوب دریا شه ملک سیما یوبانما تئز گل غملریم دریا  گَل ای گُل زهرا خراب اولا دنیا منی غمه سالدی قیزون ملر قالدی یوبانما تئز گل 🏴🏴🏴 ای عالمه دلبر سلاله ی حیدر قالیب قیزون مضطر یوبانما تئز گل هایاندادی اصغر ،گله علی اکبر شبیه پیغمبر یوبانما تئز گل غملریم دریا گَل ای گُل زهرا خراب اولا دنیا منی غمه سالدی قیزون ملر قالدی یوبانما تئز گل 🏴🏴🏴 ای کان رحمت، اورکده وار حسرت تاپام بابا فرصت سنیله باهم خرابه منزیلده اولا اگر قسمت بابا ائداخ صحبت سنیله باهم غملریم دریا گَل ای گُل زهرا خراب اولا دنیا منی غمه سالدی قیزون ملر قالدی یوبانما تئز گل 🏴🏴🏴 ای شاه عطشان.سنه ئوزوم قربان قیزون قالیب نالان یونانما تئز گل یانور دل سوزان ایشیم اولوب افغان هراییمه الان یوبانما تئز گل غملریم دریا گَل ای گل زهرا خراب اولا دنیا منی غمه سالدی قیزون ملر قالدی پویانما تئز گل 🏴🏴🏴 #محرم_۱۴۰۳ #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

زبانحال حضرت رقیه سلام الله علیها درخرابه شام 🍂 یوبانما تئزگل بابا😭😭 •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ ↻http://eitaa.com/torkiy

زمینه | خوش گلمیسن بابا مداح : کربلایی مهدی محرمی مراسم شب سوم محرم الحرام دوشنبه ۱۸ تیر ۱۴۰۳ | ۲ محرم‌الحرام ۱۴۴۶ #خرابه_شام #شهادت_حضرت_رقیه_سلام_الله_علیها

🏴زبانحال حضرت رقیه علیها السلام با رأس خونین پدر😭 ( با آهنگی جدید و بسیار دلنشین) خوش گَلموسن بابا قربان اولوم سنه بو نصف شبده چوخ لطف ایتموسن منه شیریندی شَهدِ وَصل خوشدی ایچَم بابا پِشوازیوه گَرک جاندان گیچَم بابا سن هارا ویرانه هارا ، یارالی یارالی خرابه میز تاپوب صفا ، یارالی یارالی سنه قیزون اولا فدا ، یارالی یارالی بیله گَلماقون ووروب اُود دیله، ایوای ایوای دورا بولمورم منی عَفو ایله ، ایوای ایوای یارالی بابا ۴ قانلی بوغازیوین پاک اولمییب قانی باشیله گَلموسن پَس پِیکَرون هانی؟ آننوندا داش یری چوخدان اولوب نشان سویله دوداقیوه کیم وُوردی خیزران؟ دوداقلارون پارچالانوب ،ئولِییدیم ،ئولِییدیم کول یوزووه پَرده سالوب ، ئولِییدیم ،ئولِییدیم دشمن سنی مندن آلوب،ئولِییدیم ،ئولِییدیم دردون منه بابا گَله ، ایوای ایوای گَل یارالی اوزون دیله ، ایوای ایوای مَنکی شَمادته یوخدور هیچ عادَتیم شامین اوشاقلاری سَسلور منی یَتیم مین زَحمتیله من سالدیم اَله سنی یا قال بابا وَ یا بوردان آپار منی اوشاق مَگر چولده یاتار، یورولدوم ، یورولدوم منی خرابه دن قوتار ، یورولدوم ، یورولدوم ناله لَریم عرشه چاتار ، یورولدوم ، یورولدوم بو قَدَر بلایه نجه دوزوم ، ایوای ایوای گوروسن نجه گووَریب یوزوم، ایوای ایوای من ناله ایلورم نِچّه دَلیلی وار باخ بیر یوزومده گور آثارِ سیلی وار عُریان دَوَه بابا یخدی رقیّه نی ایستوردی ئولدوره زَجرِ دنی منی زَجریله بو حَرمله دن ، قورخورام ، قورخورام شمر و سَنان ، هَلهَله دن ،قورخورام ، قورخورام هرگجه بیر مَسئله دن ،قورخورام ، قورخورام بابا گوشواره می آلدیلار ، ایوای ایوای منی آت قاباغینا سالدیلار ، ایوای ایوای #محرم_۱۴۰۳ #خرابه_شام #شهادت_حضرت_رقیه_سلام_الله_علیها

حالا اومدی

🍂زبانحال حضرت رقیه سلام الله علیها با سر مطهر پدر🍂 (حالا اومدی، حالا که دیگه رقیه....) خوشگلدین بابا سالموسان رقیّه وی یاده عجب ، خوشگلدین بابا دیلده کی مقصدیوه ، یتوب اوزون، دینجَلدون بابا عَموم عبّاس و علی اکبر هانی ، تَک گَلدون بابا بابا باخ یتیمه قیزین کیم وورار بِیْله سیلی یوزونه دیور عَمّه م اوخشور یوزومی آناوین یوزونه واویلا یارالی یارالی ،یارالی ، یارالی ، یارالی ، بابام وای سَسلَردیم سنی گوروم هیچ قیزین ، آلیشماسین ، من تَک دامنی چوخ ووروبدور باشیما ، قمچیسینی ، بو شِمرِ دَنی منه لطفون آزالیب ، دشمن اودور ، چوخ دویدی منی یارالی باشون گَلدی دیداره جسمون یارالی هایانادا؟ گَلییدون منه دشمنیم یولدا سیلی ووراندا واویلا یارالی یارالی ،یارالی ، یارالی ، یارالی، بابام وای باخ دیل دردینه حالیمی سن بوله سن ، باخ یوزومون ، رنگِ زَردینه رَحم ایله بابا نولور یتیمه وین، آهِ سَردینه قال رقّیه وی اوزون عمّه میلن، تاپشیر قبرینه بابا باخ ایله درد و غملر الیندن قیزون اولدی خسته یاتاردیم سینَنده یریم ایندی توپراقلار اوسته واویلا یارالی یارالی ،یارالی ، یارالی ، یارالی، بابام وای ۲ التماس دعای فرج الاحقر مهدی عبادی #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

🍂زبانحال حضرت رقیه سلام ا... علیها با سر خونین پدر🍂 🎶سبک(منم باید برم)... خدا یه شکر اولا/گینه اورک تاپوب صفا خرابیه گلوب/بابام بوگویلومی آلا بو نصف شب عجب/قیزیوی یا ده سالموسان نچه گونی بابا/ده گوروم هار دا قالموسان منی دوگوب بابا/بوزجروشمر بی حیا بو اوچ یاشینداقیز/نلرچکوب بولورخدا بوشهره گتدیلر/بابامنی ووراوورا «یارالیسان بابا بابا بابا بابا بابا» رقیه وین بابا/اورکده وار دی چوخ غمی بودردومحنتیم/یوروبدی زینب عمه می باخورمنه یانور/آلورباشیمی دامنه یوزومه هی باخور/دیورجوان ئولن ننه آناوابنزیری/کبوداولان یوزوم بابا بوقدری غصیه/دینه نجه دوزوم بابا قرااولوب بودم/گوزومده گوندوزوم بابا چمنده بلبله/هرهانسی گل انیس اولا دوزراوقوش مگر/اوسویدوقی گلی سولا؟ سنیله الفتیم/خدابولورنه پایه ده اودورسنی بابا/گوزتلدیم خرابه ده گذشت ایله منی/دورانمورام ایاقیوه یریوی بولمدیم/اوزوم گلم سراقیوه منی آپاربابا/دوزنمرم فرا قیوه بوعارضیم بابا/جفاوظلمیله سولوب قاچانداچولده من/ایاقیم آبله اولوب سرشکی قانیله/گوزومده شمر دون قاتوب سینه وه نازائدن/گجه خرابه ده یا توب آتاقوجاقیدور/قیزین همیشه مسکنی ولی فلک سالوب/بلا یه بو رقیه نی من آلمشام بابا/بودم قوجاقیمه سنی بلاچولونده من/بلالره دایانمیشام بویوندا، سلسله/بوچوللری دولانمیشام بیر اوچ یاشیندا قیز /بوقدری غصه وبلا بوآیرلیق غمی/بوقدری طعنه و جفا دعا ایله ئولوم/داخی یورولموشام بابا خرابه گوشه سی هارا/بوسویگولون هارا یوزوم کبود اولوب /ایاقلاریم اولوب یارا التماس دعای فرج الاحقر مهدی عبادی #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

✅مکمل خوانی استاد_خلج 🎤 استاد_نوروزی🎤 استاد_کریمی🎤 #کانال_باب_الحوائج http://eitaa.com/torkiy

. دوری از راه انقلاب هرگز غفلت از آیه و کتاب هرگز باید از زینب این سخن آموخت خیمه افتاد ولی حجاب هرگز شاعر ؟ خیمه افتاد #حجاب از سر زینب هرگز #حضرت_زینب

🏴احوالات حضرت رقیه (س)باسربریده🏴 ✍شعراز ؛؛کربلایی آذرین خلخال 🎶سبک :: آواز دشتی گوشه ی دیلمان دِیدی بابا قیزون نالان دی سس ویر غریق ناله و افغان دی سس ویر منی دیندیر غریق اشک و آهم اسیرم بیکسم من بی پناهم فراقونده اورک القاندی بابا رقیون هجروه نالاندی بابا عجب وقته منه مهمان گلوبسن بومرده جیسمه والله جان گلوبسن بوجمع بی پناهی یاد ایدوبسن بو بزم اشک و آهه خوش گلوبسن نیا شمع وجودون بس سونوبدی منی دیندیر اورک قانه دونوبدی دینن کیم چهروی اولوان ایدوبدی سنی کیم قانوه غلطان ایدوبدی گلستانه خزان گویا اسوبدی دینن کیم باشوی دالدان کسوبدی دینن کیم آلدی مندن بو نگاری یتیم ایلوب اوشاقلیقدا بو زاری توکوب هانسی شقی بو خون پاکی سیلوم قوی گوزقاشوندان گرد و خاکی سنه قربان اولا بو سینه چاکون باشون بیردا هایاندا جسم پاکون عجب پیشواز ایدوبلر بو قوناقدان ویروبلار خیزران سولموش دوداقدان منه هجرانی گل سن وصلت ایله خرابه محنتیندن راحت ایله دیور زینب انیس درد و محنت دعاسی مستجاب اولدی اوساعت سونوب شمع رقیه آخدی گوزقاش الیندن تپراقا دوشدی کسیک باش پرآچدی مرغ روحی آسمانه قوناق گیتدی حسینه عاشقانه ادامه دارد ۱۴۰۳.۰۵.۱۱ #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها

#احولات خرابه شام ای خرابه گوشسینده غملری حدن چخان قیز ای ملال و محنتیلن زینبین قلبین سخان قیز خانه ظلم و نفاقی قاره معجرلن یخان قیز عاشقم عشقینده یانام سسلرم ای وای رقیه یاتموسان اسوده خاطر . یاتگلان لای لای رقیه 🖤🖤🖤 سن گوزل بیر اولدوزویدون اسمان غمده باتدون قمچیلر دیدی نه چکدون بو جهانی باشدان اتدون اند اولا زهرایه ای گل سن منی غمدن قوجاتدون محنت و درد و فراقین داغ کیمین سینمده قالدی غملرین بی حد اولوبدور اختیاریم الدن الدی 🖤🖤🖤 بولمورم قالام نه نوعی دهر غم فرساده سن سیز یا رجوعیم یوخ نه نوعی یاتمسان قبرینده من سیز یاندران عمون بو غمدی قبره گیتدین سن کفن سیز نو گل تازه شگفته ظلم الیلن پر پر اولدی تاپمادوم خلعت اولنده خلعتی بیر معجر اولدی 🖤🖤🖤 چخمیوب چخماز یادومدان شبه زهرا جان ویروردی جان دوداقیندن چخوردی عشقینی اعلان ویروردی تازیانه ییرلریندن غسل ایدنده قان ویروردی بی سبب اولدوز مثالی گوگده باتمازدی. رقیم عالمی بیردن گوزوندن بیله اتمازدی رقیم 🖤🖤🖤 تا نفس واردور بدنده بو غم جانسوزه یانام اغلارام یاده دوشنده اشک محنتلن بویانام چوخ بونی رویاده گورم خوابیدن بیردن اویانام سسلنر رویاده عمه سسلرم من جان رقیه گل دوداقیندن اوپوم من جانیوه قربان رقیه 🖤🖤🖤 عشقیمی کاش اوندا بونان عالمه اعلان ویریدیم محنت و دردو فراقه شامیده پایان وریدیم جان ویرن وقته رقیه کاش منده جان وریدیم دینجلیدی خسته جانیم بیر بیله من یانمازیدیم یادمه دوشدوقجا غملر من یانوب اودلانمازیدیم 🖤🖤🖤 بیر گونی الدوم قوجاقه دلبر شیرین زبانی بلکه اظهاره گتیرسین سینده سوز نهانی دردیوی سویله رقیم سویلدیم من عمه جانی اچدی بیر زهرایه بنزر گوزلرین باخدی رقیه یاندوروب بو باخماقیلان عالمی یاخدی رقیه 🖤🖤🖤 سویلدی غملر اورگده گور نجه سد اولدی عمه بولمدیم عمروم جهاندا هیچ نجه رد اولدی عمه اوچ یاشندا جانه دویدوم ظلم بی حد اولدی عمه قوی خزان اولموش چمنده گل کیمین غمدن سولوم من سن دعا ایلهخدادن عمه جان ایسته اولوم من 🖤🖤🖤 سینمی اکبر فراقی گور نجه ویران ایدیبدور اصغرین فقدانی عمه گوزلریم گریان ایدیبدور قلبیمی اما با بامون غصه سی القان ایدیبدور کاش اصغر تک منیمده حنجریمدن اوخ دییدی شاه مظلومان الینده خسته جانیم دینجلیدی 🖤🖤🖤 ایلرم بو حاله غبطه اصغریم قانه باتاندا اوخ بوغازوندان دینده عالمی گوزدن اتاندا یاز وفا گوزلر سوزنده جانی جانانه ساتاندا روزگاری اصغرینده من تک عمه کاسدی اما لا اقل اخر نفسده باغرنا بیر باسدی بابا 🖤🖤🖤 ✍شاعر لاادری #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها

واردور مسافریم اودی یول گوزلورم گله خرابیه ایاق قویانان رقیه هی یانا یانا دییردی عمه بابام منه قول ویریب خرابیه گله واردور مسافریم اودی یول گوزلورم گله ویرانه یرده گون سایرام تابابام گله شامین خانملارینان اونا ایلرم گله گلسه بابام فراق اوتونا بیرده یانمارام ویرانه گوشه سینده پریشان دولانمارام آخروداعیده  ذوالجناحین قاباقین کستی رقیه:دیدی باباآتونان ان یره اورگیم چرپنیر آیرلیقوا دوزنمورم بابا قیزیم:حیدره خاطر پیاده مسجده قاشدی ننم سنده گلدین مندن اوتری قلبیده منلر دوغم بالا سن منیم خردا ننم سن من گرک آتدان انم دیدی بابا بیرده سنی هارداگوروم آی بابا دیدی قیزیم شامیده ویرانیه گلم بالا القصه آرزوسینه چاتدی اونور عین ازبس کی یاندی آغلادی باآه وشوروشین گلدی خرابه منزله اوغلی ئولن حسین گوردی طبقده تا آتا باشین اودلربا ویرانه منزله دیدی خوش گلدین آی بابا شرمنده ایلدی منی بوگلمگین  بابا جان رشتمه دوشوبدی آغیر بیر دوگون بابا ایله دعا بوغصه لی ایوده بوگون بابا تیرغمیلیه بویارلی قلبی بولوم بابا آغوشه یارلی باشیوی آلجاخ ئولوم بابا ایله دعا یاسیم بابا گوزیاشسیز اولماسین هیچ غملی خانواده بئله باشسیز اولماسین هیچ بیر باجی بی بیم کیمی قارداشسیز اولماسین غم قرعه سی اونون آدینا چخدی آی بابا غملر اوقهرمان بی بیمی یخدی آی بابا اوقدر آغلادی یارالی باش بیریانا دوشدی رقیه بیریانا زینب بالانی آلدی قوجاقینه قیزیم دائم قره معجر سالان عمون سنه قربان آرامینی غملر آلان عمون سنه قربان قارداشسیز اوغولسوز قالان عمون سنه قربان دیدی سجادیم بالا دینن یزیده ئولدی رقیه دهریده هیچ گولمسین یوزون غساله گوندر عملریم ئولدورور ئوزون

شکوه عرش کبریا رقیه مجلسینده دی صفای جنت العلا رقیه مجلسینده دی نه درد اولا دوا ائدر بو دختر سه ساله، چون نگاه رحمت خدا رقیه مجلسینده دی 🌷🌷🌷🌷🌷🌷🌷🌷🌷🌿🌿🌿🌿 فقیره گنج پر بها رقیه مجلسینده دی مریضه نسخه ی شفا رقیه مجلسینده دی رقیه دن گل اخذ ائله بیر اربعین زیارتی برات خاک کربلا رقیه مجلسینده دی 🌴🌴🌴🌴🌴🌴🌴🌴🌴🌴🌴🌴🌿 فقط نه شیعه شامل کرامت رقیه دی هامی رهین لطف بی نهایت رقیه دی صفالی بارگاهینی دمشقیده گورن دیر جهانی حیرته سالان جلالت رقیه دی 🌷🌷🌷🌷🌷🌷🌷🌷🌷🌷🌷🌷🌷 غرور شمری سیندیران صلابت رقیه دی نهاد زجره اوت ویران شهامت رقیه دی اوفاطمه تباریده واریدی غیرت علی یزیدی تختدن یخان شجاعت رقیه دی 🌷🌷🌷🌷🌷🌷🌷🌷🌷🌷🌷🌷🌷 گولی خجالت ایلین لطافت رقیه دی چمنی حیرته سالان طراوت رقیه دی دوشوبدی باشیمه گنه هوای جنت دمشق اورکده آرزو فقط زیارت رقیه دی روح الله رمضانی خاکی 🌷🌷🌷🌷🌷🌷🌷🌷🌷🌷 #حضرت_رقیه_سلام_الله_علیها