🌴 توسل به حضرت اباالفضل (ع)  🌴 هر دَردون اولسا سَسله صدقیله یا اباالفضل تا  ایلَه سون  مُداوا  مشکل گشا  اباالفضل عالم  ائدر  تَوسُّل  بو ماه   بی بدیله خوان کرم آچوبدور هر سائله دخیله کافیدی بیر نگاهی  اِفلیجه یا عَلیله باب مرادی آچسون وئرسون شفا اباالفضل حق نوری جلوه گردور دست کرم نمادن اون یدی منصب آلموش درگاه کبریادن چوخ گورسنوب عطایا بو معدن سخادن هِچ سائلی بوش اَللی سالماز یولا اباالفضل عباسون اَللری تک عالمده  اَل تاپیلماز سِرّ  کَرامتیندن یوزدن  بیری  آچیلماز اهل قلم نَه قَدری یازسا گِنه  یازیلماز هر نظم و نثریدندور چوخ ماورا اباالفضل بالینینه  گلنده  اوغلی ئولن  سلیمان سَسلندی باتماباتما صبر ایله ماه تابان سنسیز بوچولده قالدی اولدوزلاریم پریشان سیندی بِلیم آماندور دور یا اَخا اباالفضل اکبر غمینده اولدوم من قلبیدن پریشان قارداش غمی چتیندی مین مرتبه اوغولدان گوردوم سنی بو حالدا اکبر چیخوب یادیمنان آرخام ، ائلیم ، امیدیم  ای باوفا اباالفضل آچ گوزلرون دانیشدیر  ای جان من حسینی دشمنلر ایچره باری تک قویما سن حسینی دیندیر یامان گونونده اوغلی ئولن حسینی قالدی  اَلیم  بِلیمده  یوخ آشنا  اباالفضل گوز یاشینی ائدر چوخ (نادر) غمونده جاری هر درده  توش اولاندا  عباسیدور شعاری اَللر  گَزن  اَلوندن  واردور  چوخ  انتظاری بو  رو سِیه  غلامه   سن سن آقا اباالفضل 🌲🌲🌲🌲🌲🌲🌲🌲

روضه حضرت علی اصغر(ع) گل ای ربابی قوجالدان جوان بالا سوزدور دیدیم جوانلقون اولدی یالان بالا اوخ دیمسیدی بیر گونی سنده جوانیدون اکبر کیمی جوانلارا آرام جانیدون دوزدور فلک که یاغی توکرمیش یاغ اوستونه داغلی گورنده داغی چکرمیش داغ اوستونه من حاضرم بالا غمونده اوزریک کیمی یانام ایکاش دوغمییدی منی بی نوا آنام من حاضرم فلک منی گویدن یره یخا بیر یول امیشدیرم سنی جان سینه دن چخا نازلی بالا شیرین بالا دل آچمیان بالا ایوده ایمکلیب یریب قاچمیان بالا آتما منی گل اولسان اگر باغبانیوم چولرده آلتی آیدی سنون ناگرانیوم گلسن اگر بهاره کیمین منتظر قالوم بیرده بهار فصلی سنون عطریوی آلوم یا ماه سن ستاره ئوزوم کهکشان نشین صبحه کیمی اوغول یتیروم عرشه شورو شین گوزدن گوروردوم حسنوه گوز دیمسین علی سعی ایلدیم که قلبیوه سوز دیمسین علی قلبون گوزتلیوب ننه هی دوزدی نازیوه سوز دیمبسه دیدی ولی اوخ بوغازیوه گوردوم نه بیر ایمکلمگون نه شیرین دیلون قربان دیمیشدیم ایلده کسم چخمادی ایلون نی تک سزلدادیخجا نوادن یورولمارام هجرونده کور اولونجا عزادن یورولمارام گونلر ایوینده ایلشرم سایه گورمرم قلبیمده گیزلین عشقیمی دنیایه ویرمرم عشقیم حسیندی آدینی قلبیمده یازمشام محو اولمویاندی لوح سنوبرده قازمشام عمون بولور که آغلاماقم عاشقانه دی عشقیم حسینه دی سنون آدون بهانه دی از بس جوان بیر عورتم اوغلوم مقیدم خلقین یانیندا عشقیمی مشکلدی فاش ایدم قورخوم بودور خیال ایدلر همسریم ئولوبڱ شاهیم ئولوب امیدیم ئولوب یاور ئولوب ظاهرده دوزدی الدن علی همسریم گئدیب باطنده گوزلریم ایشقی رهبریم گئدیب لایق ده اولماسام بالا والله حسینچیم همسردن اوتری آغلامرام سروریم گئدیب خلقین یانیندا آدیوی قیلام بهانه من فکر ایلسونلر الدن علی اصغریم گئدیب یاریم گلوب خیالیمه اغیاری گورمورم فکر ایلیرم چوخ آغلامشام گوزلریم گئدیب خلوت اولاندا مجلس حسین وای دی عادتیم هی اوخشارام که ماه ملک منظریم گئدیب لیلا گلنده گیزلدرم گاهواروی گورسه دیر طوی ایلمیوب اکبریم گئدیب عباس آناسی دیده گلنده چوخ آغلورام اوخشار دیرکه شیر وفا پروریم گئدیب ام البنینیدن سنه خاطر خجالتم اصغر سو ایستیب دیر شیر نریم گئدیب واردور یری باباندا ایده بو گلایه نی سنده سو اولمویوب سوا سر لشکریم گئدیب گلسه عموندا یوزونه هیچ من باخانمارام حتما اودا سو اوسته دیر الریم گئدیب والله منیم یوخومدی گناهیم بو باره دن سو اولمیوب دوشوم گوریوب جوهریم گئدیب

سسلرم آهسته دلدن کربلا یا کربلا کشتی صبریم سینوب ای ناخدای کربلا کربلا آدی گلن وقته گیدر دلدن توان چشمه ی چشمیم اولور خطّ عذاریمدن روان جلوه ایلر گنبد و صحن ابوالفضل جوان نصب ایدوب اوردا لوا صاحب لوای کربلا ای اولان هر دردمندین دردینه آدی دوا تربت قبر شریفی عالمه خاک شِفا بو مرضدن جانه گلدیم قبریوه جانیم فدا دردمندم آختارور دردیم دوای کربلا آرزوی کربلا الدن آلوب آرامیمی امر ایله عباسیوه لطفیله ویرسون کامیمی دفتر زوّار دربارونده یازسون نامیمی نه گوزل یردور او یر ای من فدای کربلا مرحوم انور

‍ شهادت امام جعفرصادق علیه السلام گریز به قتلگاه گینه عالمده خدا بیر غم اعظم گورونور غم دوتوب عالمی آثار محرّم گورونور پرده پرده اوجالوب عرشه گینه گرد ملال باخورام یرده اولوبدور هامی پژمرده خیال مرد و زن پیر و جوان جمله توکر اشک زلال که بو عالمده گینه اوزگه بیر عالم گورونور دوتولوب خلق الهی گینه چون ابر بهار توکوری عارضه گوزیاشلارینی خرد و کبار مثل باران اولوری گوزیاشی رخساره نثار آه و زار ایتماقا مخلوق مصمّم گورونور هر طرفدن گلوری آه و فغان زمزمه سی دولدوروب عالم امکانی گینه ناله سسی گورورم هر کیمی وار آغلاماقا چوخ هوسی اهل اسلامیده یارب غم اعظم گورونور بولمورم سرّی ندور خلق بیله اشک توکر بارالها دهه ی ماه محرّمدی مگر غملنوبدور او غم اعظمیله جنّ و بشر هامی مستغرق بحر غم اکرم گورونور تازه دن تازه لنوب ماتم شاه شهدا واردی سرّی چکیلوب کوچه و بازاره قرا اولوب هر یرده او مولایه عزاخانه به پا کربلا وضعی نظرلرده مجسّم گورونور او شهه یتدی بو آیدا نه قدر ظلم و ستم اکبر و قاسم و عبّاسیدن ال چکدی اودم دوزدی جان و دلیله هر غمه اول شاه امم گوردی جان ویرماقا اعوانی مسلّم گورونور جان ویروب بیر به بیر انصاریله اعوانی سوسوز اوخلانوب گاهی علی اصغر عطشانی سوسوز الی اوستونده چخوب اصغرینون جانی سوسوز گوردی شاه شهدا ظلم دمادم گورونور قالمیوب کیمسه داخی اولسون او مولایه معین گوردولر یالقوز او مولانی اودم لشکر کین خنجر الده یتوب اول سروه تا شمر لعین شاه لب تشنه گوروب قتلی مصمّم گورونور خنجرین قویدی اونون حلقینه اول شمر دنی یتیروب قتله سوسوز کینیله تا نور حقی تیتردی یرلر اودم، دوتدی محن ماخلقی زینب اول وقته گوروب عالمی برهم گورونور خیمه دن چخدی باجی قتلگهه ایتدی نگاه دوشدی تشویشه، قاچوب رنگی، اودم چکدی بیر آه هر یانا باخدی او بیچاره گوروب یوخدی پناه نه انیس وار نه مونس و نه محرم گورونور ماهرا بات بو مصیبتده غمه لیل و نهار آغلا گوزیاشینی ایت شاه شهیدانه نثار تازه لندی مه غم آغلاماقا گلدی بهار اودی سرّی که هامی دیده سی پر نَم گورونو مداحی استاد طالبی

دعای اخر .مجلس با زبان تركی بارالها نظر رحمتی بیزدن کسمه باشمزدان توکولن نعمتی بیزدن کسمه بار الها بیزی تیر غمه آماج ائلمه عشق سائللرینی هئچ کسه محتاج ائلمه ای خدا مهدی زهرایه بیزی یار ایله بو عزاداری حسینی قبرینه زوّار ایله ای خدا سینه زن عاشقلری بیمار ائلمه هئچ زمان شیعه نی نامرده گرفتار ائلمه ای خدا قفل غضب وُرما عنایت درینه ثبت ائله آدیمیزی فاطمه نین دفترینه دلده کی حاجتی حضّاری روا ایله خدا هر کیمین دردی اگر واردی دوا ایله خدا بارالها گئجه لر محرم راز ایله بیزی آچ عبادت قاپوسین اهل نماز ایله بیزی ای خدا حالیمیزی حالت عرفانی ائله نور قرآن یله بو دللری نورانی ائله نا امید ایلمه یارب سنی زهرای بتول چک قلم معصیته توبه میزی ایله قبول جان چخان وقته خدایا بیزه امداد ایله قبرین اول گجه سی روحمیزی شادایله بیزدن اوز حجتوی راضی ایله یا الله آرادا خانم فاطمنی قاضی ایله یا الله یتیم ایمانیمیزی اهل ولا پایسینه بیزی محشر گونی جمع ایله آقام حسین سایه سینه ای خدا حالیمیزه مرحمتون شامل ایله دانش دینه بیزه عالم ایله عامل ایله 🤲🤲🤲🤲🤲🤲🤲 (التماس دعا) https://eitaa.com/turki_nohemajma

اهنگ " شد خزان گلشن آشنایى باز هم آتش به جان زد جدایى نوحه حضرت ابوالفضل (ع) ✍️ شاعر علیرضا علوی زنجانی ✍️ گل دوشوب قولاری علمدارین یخیلیب. میداندا. سپهدارین گل داخی تنهایم. دادرسیم یوخدی قالمیشام آواره جسمیم حسین اوخدی قانه باتوبدی نوکرین ای شاه اوخ دگوب آنوم یاردی والله کربوبلاده باتدی بو گون ماه زینب ایشیت سه دیلده چکر آه گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی محشر اولوب. حسین. بو صحراده فاطمه. آغلیور. گل سن داده سسلوری آنان زهرا هاردا حسین گلسون گوزدن آخان قانی گلسین حسین سیلسون تز گل حسین جان اوخ سینه داغلور باشدا یارامی فاطمه باغلور بیر حالا قالدیم قارداش اماندی مشگ و علم. ده حالیمه آغلور گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی یخیب لار شیروی آتدان قارداش اوخ دگوب گوزومدن. امان قارداش سیندی باشیم تز گل. دگدی عمود آهن گوزلوری قیزلارین. سو یولی وای بر من تز گل حسین جان قانه بویاندیم دیل یاراسیندان بو چولده یاندیم فاطمه. گلدی. باشیمن. اوسته خالدی مشگیم والله. اوتاندیم گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی جواب امام حسین دور گلدیم. هرایه. جان ابوالفضل گلمیشم. نوایه جان ابوالفضل آرخام ایلیم قارداش دور کمگیم یوخدی سیندی بیلیم قارداش ال چالانیم چوخدی دورمی دشمن آلدی ابوالفضل سینمی تنگه سالدی ابوالفضل آچ گوزیوی باخ یالقوز حسینه قارداشون تنها قالدی ابوالفضل اهل بیتین هواداری اهل عشقین علمداری آغلا رام عباسه عطر گل یاسه یاتدی علم الله گلمیشم احساسه گوزلرین قربانیم. من قارداش ای دوشن قولاری تندن قارداش یولووی گوزلیور خیمده قیزلاریم دور گیدک اخیامه. آغلیور قیزلاریم دین حق اوسته قانه باتیب سان عالی مقامه سنده چاتوب سان قارداشیوی سن گوزدن آتوب سان دشمن ایچینده قولسوز یاتوب سان دور ابوالفضل. جان ابوالفضل ای یل آزاده یاتما بو صحراده آچ گوزیوی عباس. گلمیشم امداده ✍️ شاعر علیرضا علوی زنجانی ✍️ ۱۴٠۱/۵/۱۶ روز تاسوعا

مناجات با امام زمان(عج) آقا سنه منتظردی دیده جهان سنی گوزلوری تمام شیعیان هامی منتظرلرین قالوب گوزی اوگلن یولوندا زار و ناگران حسرتینده قان اولوب، گوز یاشیم گوزه آقا فرقتونده جمعه لر، یولارا گوزوم باخار یابن فاطمه آقا آقا دیمیرم ظهوره وصله لایقم دیمیرم که رهرو حقایقم بو قدر خطا و ظلمیلن ولی نه ایدیم او گل جماله عاشقم بیر نولور بو رو سیه، درک ایده وصالیوی قورخورام ئولوب گیدم، گورمویم جمالیوی یابن فاطمه آقا #امام_زمان_عجل_الله #جمعه_های_دلتنگی 🎤اجرای سبک کربلایی سعید سلطانی 👇

#مناجات_امام_زمان 🎤کربلایی سعیدسلطانی

🍂فراق یار وجمعه.....  🎼به سبک : دوباره مرغ روحم دوباره جمعه اومد  از تو خبر نیومد ازهجر روی ماهت صبرهمه سر اومد آقا  دلم  گرفته  از  دست  این زمونه برای دیدن  تو   هِی  می گیره  بهونه یابن الحسن کجایی داد  از   غم   جدایی از آسمون قلبم  بارون اشک  می باره دیگه ز  دوری  تو   صبر و قرار  نداره دلبر من  تو  هستی  توی  دلم  نشستی گِرِه باعشق نازت به قلب من تو بستی یابن الحسن کجایی داد  از  غم   جدایی بذار  که من   گدای   در  خونت  بمونم تا جون دارم همیشه اسم تو رو بخونم آقا  منو   دعا کن  برای  خود  سوا  کن این دل  مضطرم  رو   راهی  کربلا  کن یابن الحسن  کجایی داد  از  غم   جدایی ✍کربلایی_مرتضی_شاهمندی #جمعه_های_دلتنگی

🍂فراق یاروجمعه... 🎤 کربلایی سعید سلطانی

🏴#احولات_اربعین 🏴زبانحال حضرت زینب(س) ▪️سینه زنی 🎼 سبک: گئت قالما علی غم سوروسونن دالا لایلای، لایلای بالا لایلای 🎼سه گاه آذری زینب قوجالیب گلدی حسین قبریوه زوار بی یارو هوادار امر ائت منی پیشواز ایله سون، قولسوز علمدار عباسه سوزوم وار گورسون نئجه ایستکلی سی اولموش گونی قاره وار دیلده شراره دوشمیش قولی باغلی بو دیارو او داره بی مونس و چاره بیر تیر شمادتله دییوب قلبینه یاره بی حدو شماره آرام دیلین الدن آلیب فرقه ی اشرار بی یارو هوادار سیزدن سورا کی خیمه لری ائتدیله غارت افراد جنایت یاندی شرر ظلمیله کانون سیادت اخیام ولایت صحرا لره قوش تک داغلیب قورخولی عترت دیللر دولی حسرت سسلردی قاچان هاردادی غیرتلی علمدار بی یارو هوادار یار اولدی بو عفریته فلک قوم عناده عصیان و جفاده سویدی بیزی اشرار ستم دشت بلاده تاچاتدی مراده آهو کیمی ویلانیدی اطفالون اَراده گلمیشدیله داده سجدده باجون خیمه ده اولموشدی پرستار بی یارو هوا دار گوز یاشیمیزی ظلم الی خون دیله قاتدی حقون سسی باتدی سعد اوغلی گیدوب بستر اجلالیده یاتدی حقون سسی باتدی ____ #اوخشاما آنام اوغلی ایشقلی گون منه سنن سورا قرا گیجه دی بویور گوروم آنام اوغلی یارالارون نئجه دی 😭😭😭😭

🎼سبک نوحه فوق👆👆 🎤#بانوای_حاج_علی_سیفی_افشار

اوغولسوزون غمینی اوغلی ئولموین بوله بولمز همیشه آغلار اوغلسوز ننه دیوب گوله بولمز بیری ئوله باجیسی عمه سی اگرچه چوخ اوخشار ننه نین اوخشاماسیندا ولی بیر آیری اثر وار هر آه و داد و نوا اوخشاما حساب اولا بولمز هر اوغلون اوخشویان عورت خانم رباب اولا بولمز سوزوب نه سن تک سن ای بختیمین سهیلی گیدورسن بالا الیوی باغلامشیدوم یقین گلیلی گیدورسن دیور راوی گیده بولمیدی حضرت خیمیه ساری اوجا بوی بیر خانم تل اوسته سسلور یا اخا گوردوم حسین گل خیمیه قربانیوی چولده دولاندورما گویه سن قان سپن وقته گولوردی اشقیا گوردوم آناسیندان اوتانما اوغلونون اصلا آدین دوتماز او گوندن که گلین گلدی ربابی با حیا گوردوم دیدی زینب منه شرمنده لیک ویرمه سنی عاشقلره فرمانده کل قوا گوردوم ننه مین یاره سین فضیله اسما باغلیانمیدی ولی سن باغلادون زهرا بویوردی مرحبا گوردوم بابامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارون یوردون جان دیوردی مجتبی گوردوم توکوم من گوز یاشی سن اصغرین قانلی بوغازون یو دیدی حسین اجازه ویر فقط بیر یول رباب او قانلی قونداقی گورسون (ربابه قانلی قنداقی گتیردیلر بولمورم ننه بالانی نجور اوخشادی ) منیم پرپر گلوم لای لای ، نوالی بلبلوم لای لای ننه سیندن دویان لای لای ، اوخا دردین دین لای لای (ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ ) سن دوش قاباقا باجی بو بیر امر ثوابه لازمدی تسلی ویریله ایندی ربابه قلبیمده منیم واردی سوزوم اول قلبی کبابه دور منله گیدک گویلون آلاق دردی آزالسون هر درده دوزوب دایره صبریده قالسون (زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان ) قربان گوزوه آغلاما یاندرما ربابی اشک غم و ماتمله بویاندرما ربابی سن بیل ننوین حقی اوتاندرما ربابی (دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا) قوچون یاراشیقی وار من ولی قوزی ویردیم ولیک سن آقاسان اوزگه بو نثاره گولر آقا اجاره ویرسن اگر منده باشیوه دولانوم #اوغولسوزون_غمینی

♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma حضرت علی اصغرع

🏴#شهادت_امام_رضا_علیه_السلام 🏴#نوحه_ترکی 🎤مداح :حاج مهدی رسولی ▪️▪️▪️▪️▪️▪️▪️▪️ ای بیزیم مملکتین شاهی رضا ای بیزیم مملکتین شاهی رضا آسمان شرفین ماهی رضا ای خراسان گوزلی هامی ایران گوزلی فاطمه یوسف سن شاه مردان گوزلی آقا بیز ایلده سلام گلروخ ادبیله او مقامه گلروخ یعنی پابوس امام گلروخ قویما دیلدا قالا بو آه رضا آسمان شرفین ماه امام رضا ای خراسان گوزلی هامی ایران گوزلی فاطمه یوسف سن شاه مردان گوزلی ای وران مرکز ایرانه علم سائلوخ بیز ولی سن کان کرم

🏴#شهادت_امام_رضا_علیه_السلام 🏴#ترکی 🎤مداح :حاج مهدی رسولی

بوغازین اوچ شعبه اوخ کسیب اوزن لای لای بو ماتینه ال قانی آخیب سوزن لای لای خیمه لرده سالمیشام های تشنه لب دیلسیز بالام وای آی ربابین آلتی آیلیخ اوخلانان قربانی لای لای وای علی لای لای علی لای لای وای بوغازین اوچ شعبه اوخ کسیب اوزن لای لای بو ماتینه ال قانی آخیب سوزن لای لای خیمه لرده سالمیشام های تشنه لب دیلسیز بالام وای آی ربابین آلتی آیلیخ اوخلانان قربانی لای لای وای علی لای لای علی لای لای وای

🏴#شب_هفتم_محرم 🏴#سینه_زنی 🏴#زنجیرزنی 🏴#ترکی @majmaozakerine #کانال_نوحه_مجمع_الذاکرین