#اربعین #کربلایی_سعید_سلطانی

❣﷽❣ 🏴سینه_زنی_امام_حسن_ع #ترکی 🎼سبک: ای منی آواره قویان اباالفضل_اباالفضل آچ گوزیوی یاتما بئله حسنجان-حسنجان زینبی آغلاتما بئله حسنجان_حسنجان من چکه بولمم بلوسن فراقون گه یغیسان گه آچوسان ایاقون وجهی ندور پارچالانوب دوداقون خون دله باتما بئله حسن جان آچ گوزیوی یاتما بئله حسنجان زینبی آغلاتما بئله حسنجان کیم سنی بو حاله سالوب عزیزیم گل کیمی رنگون سارالوب عزیزیم قاسمون افسرده قالوب عزیزیم گوزدن اونی آتما بئله حسنجان آچ گوزیوی یاتما بئله حسنجان زینبی آغلاتما بئله حسنجان ای یوزی گون گویده سنه آی آغلار فاطمه معناده دیر وای آغلار زینبون افلاکه سالار های آغلار آی کیمی گل باتما بئله حسنجان آچ گوزیوی یاتما بئله حسنجان زینبی آغلاتما بئله حسنجان وقت اذان اولدی دوروب اذان وئر گلدی حسین قلبینه بیرتوان وئر قاتلوی قارداشوا نشان وئر اشگیمه قان قاتما بئله حسنجان آچ گوزیوی یاتما بئله حسنجان زینبی آغلاتما بئله حسنجان یوخدی آنام دل یاراسین بتورسون قوی دیوم عباس ئوزینی یتورسون ام بنینی بو ائوه گتورسون هی گوزون ایسلاتما بئله حسنجان آچ گوزیوی یاتما بئله حسنجان زینبی آغلاتما بئله حسنجان ✍استادکلامی زنجانی ┈

🎼سبک نوحه فوق👆👆 ✍بقلم استاد کلامی زنجانی 🎤#بانوای_حاج_علی_سیفی_افشار

🏴نوحه اربعین . . ✍ اثر مرحوم استاد حاج داود بیدق داری میانه ای .. شاعر و ذاکر اهلبیت سلام الله علیها 🎼سبک:نوایی نوایی . کربلا کربلا آدیوه جان فدا گلدی مهمان سنه دختر مرتضی . آغلور ارض وسما دلدن ایلر نوا کربلا کربلا کربلا کربلا . . اربعینه گلوب زینب دلغمین زلفی آغ قدّی خم درد و آهه قرین سسلنور ئولمه دیم قالمیشام چوخ چتین نیمه جانم حسین هجریوه مبتلا . . کهنه دنیا قانا قاتدی گوز یاشمی وئردی عالم غمین آلدی قارداشمی کوفه ظلمینده من یارمشام باشمی گلمیشم محضره قلبی قان باش یارا . . من یانان آتشه یاندی پروانه ده وئردی شیرین جانین عشق جانانه ده قالدی خیردا قیزون کنج ویرانه ده گوردی نوراللهی تاپدی راه بقا . . من لباس غمی سویمادیم یاحسین آغلاماقدان سنه دویمادیم یاحسین عفو ائله قبریوه قویمادیم یاحسین جبریله زینبون اولدی سندن جدا . . اونداکی قارَه وی باشیمه باغلادیم سینه می آتشِ عشقیوه داغلادیم یاتمادیم صبحه تک هر گجه آغلادیم سویلدیم قبریوه یاحسین من فدا . . گردشِ چرخ دون سن ئولندن صورا قهرمان زینبی چکدی هاردان هارا گلمیشم شامیدن قول یارا باش یارا سالدی دیلدن منی قمچی لر برملا . 🙏🏼 ملتمس دعا _______________

🎼سبک نوحه فوق👆👆 ✍بقلم زنده یاد استاد حاح داود بیدق داری 🎤#بانوای_حاج_علی_سیفی_افشار

🏝 کربلایه گئدن 🏝 ای گئدن کرب وبلایه منیده یادووَه سال عمل ائت رسم وفایه منیده یادووَه سال یولی بینُ الحَرمینه سالاجاقسان بیلورم نظر ائت مروَه صفایه منیده یادووَه سال دئمه که گنبد عباسه گوزوم دوشدی او دَم باخوسان هاشمی آیه منیده یادووَه سال صدقیلن آغلا علمداریدن آل اِذن دُخول زائر اولسون شهدایه منیده یادووَه سال بِله سانما بو زیارت هامیا قسمت اولار سالوب الله سنه سایه منیده یادووَه سال آستانیندن ئوپن وقتی حسینون دِئ آقا ائت کرم بو فقرایه ، منیده یادووَه سال پایِ پادَه اوخیان وقتی زیارت نامه اکبری سَسله هَرایه منیده یادووَه سال اصغرین وار هَوسی زائرینون لایلاینا لای لایون گلسه نوایه منیده یادووَه سال بوینی چگنینده دایان اوغلی ئولَن بیر نَنَه تَک نوحه دِئ خوردا هُمایه منیده یادووَه سال مَقتل شاه شهیدانه طرف چوخ گِئتمه باخ اوزاقدان او مِنایه مَنیده یادووَه سال اورا بیر یردی که اوردا باش آچار خَتم رُسل گَلر عَرش اهلی بُکایه ،منیده یادووَه سال اوردا بَند دل زهرانی قِیروب کافر اَلی باخ او مَعناده عزایه منیده یادووَه سال چوخ دایانما ایکی اَل سینووُن اوستونده قَیت آچ دیلی ذکر و دُعایه منیده یادووَه سال بیر گونی تُپراقین آلتیندا دِیرسَن (نادر) ای گئدن کرب و بلایه منیده یادووَه سال 🏴🌴🏴🌴🏴🌴🏴🌴 #اربعین #زائر_کربلا ✨اَللّهُمَّ عَجِّل لِوَلیِّکَ الفَرَج✨

اربعین زبانحال حضرت رباب(س) - دور ای آقامون سینه سی اوسته یاتان عطشان آغوشیمه گل سود امراوغلوم سنه قربان "گلدیم سنه لای لای دییم ناله ایدم ایوای دییم بولمم سنه لای لای دیوم یاسس چکوم ایوای دیوم" بوناله سی افلاکه چخان بیکس آناندی شاماته گیدندن بالا سندن نگراندی شرمنده دی افسرده دی باغری دولی قاندی آل گولونی جان اوسته دی بوحالی پریشان ایستر بالالار اولسون آنا سینه سی بستر آغوشینه گلجاق آنادان فوری سود ایستر گل سینمه اصغر منه اوز عشقوی گوستر سود ایسته سودوم اولماسا گربذل ایدرم جان یاخشی آنالار ایچره منه ویرمسن عزت لیلا ایله اولدوخ بالا هم صحبت ومحنت یانام ولی سندن چکردم حشرجه خجلت سینمده سودوم اولمادی امدون سولی پیکان خوش حالوه دفن اولدون اوغول عرش خداده یاتدون یارالی سینه ء شاه شهداده هیهات اولا مثلی بویرین ارض وسماده خلق ایلیوب اشرف بویری خالق منان آهوبالاسین اوچی  ایرآنا سندان آردینجا ملر آهوال اوزمز بلاسندان صیاد ویران حلقوه بیکان یاراسندان آهوکیمی یانام ملرم ایلرم افغان هریرده سوگورم سوسوز احوالوه یانام یانام خم آلامیده مین رنگه بویانام ناچار اگر ایچسم بالا روحونن اوتانام چخماز نظریمنن کی یانوردون سوسوزوندان ویردی باشوی نیزیه تا فرقهء گمراه گوردوقجا باشون چکدیم اوغول نالهء جانکاه حقدن بالا ایستردیم ایده عمرومی کوتاه چارم یوخ اجل لطفونی کسمشدی آنانان بیرتک نه سنون فرقتون آرامومی آلدی سرنیزده باشون منی چولدن چوله سالدی بیر نازلی بالامدا بلا ویرانه ده قالدی حسرتله رقیم قوری یر اوسته ویروب جان یوردی باجوی دردوغم ورنج خرابه بختیم کیمی گیتدی دل ویرانه ده خوابه عمه ن سارالان صورتینی قویدی ترابه دفن ایلدی روحین دل ویرانه ده گریان  دردون دیمه بیگانیه عرض ایله نگاره بو باب الحوایجدی ایدر دردیوه چاره یاز مطلعی آخرده (پرندا) دی دوباره آغامون سینه سی اوسته یاتان عطشان ✍حاج محمد پرندا #اربعین #حضرت_رباب_سلام_الله_علیها #حضرت_علی_اصغر_علیه_السلام ✨اَللّهُمَّ عَجِّل لِوَلیِّکَ الفَرَج✨

#اربعین #کربلایی_سعید_سلطانی

🍂زبانحال حضرت زینب (سلام الله علیها) در اربعین حسینی🍂 🎼(سبک : تو مشکتو تو آب زدی ) گلوبدی اربعینوه باشی بلالی زینبون حسین حسین دیه دیه گلوب عزالی زینبون سنه گتدیم گور نه قدری نیسگیل یاراسی الیمده خنجر باشیمدا محمل یاراسی منی یخماز بو یارالار اما حسین جان سالوب دیلدن زینبی قارداش دیل یاراسی یارالی حسینیم سوروش بو بی نوا باجون نَدن دویولدی شامیده سینوب قولوم ننم کیمی او جمع ازدحامیده اینانمازدیم اهل بیتون قارداش ویرالار اینانمازدیم نیزه لر اوسته باش ویرالار باجون داشلاندی سنه قارداش آغلیاندا مگر یاسلی آغلیان وقته داش ویرالار یارالی حسینیم اگرچه قارداشین حسین سو بارسینده خار اولوب وفالی قارداشیم کیمی باجوندا شرمسار اولوب اولوب شرمنده یانان قلبین بولدی زینب نَه لر چکمیشدی ابوالفضلیم بولدی زینب رقیه م ئولدی ئوزوم تاپشیردیم مزاره گلینجه مین یول خجالتدن ئولدی زینب یارالی حسینیم منه چاتاندا قانلی باش او قانی سیلمیشم حسین آلینجا قانلی کوینگون ئولوب دیریلمیشم حسین آدین دیلده قلب دنیانی داغلادیم من عذاره گوز یاشیمی قارداش باغلادیم من بو قانلی پیراهنون دشمندن آلاندا ننم دوشدی یادیمه یاندیم آغلادیم من یارالی حسینیم الیکی باشیوه سنون اولار اهانت ایلدی سوروش ربابیدن دئسین ، باجون قیامت ایلدی علی تک خطبه دئدیم شاماتی غم آلدی ائشیددی هر کیم سنون دردین ماتم آلدی یزیدی من خوار ائدنده سسلندی قیزلار اولا احسن کی اَله عمه م پرچم آلدی یارالی حسینیم ** ✍رامین محمد زاده ( پریشان #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

#اربعین #کربلایی_سعید_سلطانی

نوحه اربعین حسینی. زبان حال حضرت زینب(سلام الله علیها سبک#میگذرد کاروان زینبوی یا حسین غملر ایدوبدی حزین کرب و بلایه گلوب تا که دوتا اربعین ای شه عطشان حسین* قبروه قربان حسین آغلیور عالم سنه *عالمه سلطان حسین بی کفن دلبریم یا حسین لاله ی پرپریم یا حسین --- اهریمنون جوریلن  سالدی آراده سنی تشنه شهید ایلدی کرب و بلاده سنی اوخشیور اهل ولا ارض و سماده سنی ماتم جانسوزوه آغلیور اهل زمین ای شه عطشان حسین قبروه قربان حسین آغلیور عالم سنه عالمه سلطان حسین بی کفن دلبریم یا حسین لاله ی پرپریم یا حسین --- آخدی فراتون سوئی داغ داشا هم چوللره دگمدی بیر جرعه سی تشنه اولان  لبلره اولمادی بیر قطره سو تا ویرلر اصغره ایندی باجون سو سپور قبروه چوخ دل غمین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین --- آلما خبر سن اخا غصه لی پروانه دن آچدی سینیق پرلرین غمزده میخانه دن بیر قره معجر قالوب یاره لی ریحانه دن کسدی سنون دشمنون شامیده یورقون سسین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین ✍شعر: اکبر پورآقا #اربعین #حضرت_زینب_سلام_الله_علیها ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

#اربعین #کربلایی_سعید_سلطانی

🌿🌸🍃🌾🌼 🍃🌺🍂 🌿🍂 🍂 🏴کوچ از خرابۀ شام زبانحال حضرت زینب (س) برسرمزار حضرت رقیه (س) ✍حاج اصغر فرشچی ( عدلی تبریزی) 🎼سبک : یخلوب عباسیم ... کاروان یولاّنور قلبیم منیم یانور سجادون اودلانور رقیم لایلای قبریدن دور اویان گیدور بوکاروان کربلایه مهمان رقیم لایلای امان ایدل ایدل ایدل امان بو خرابه یرده اولموسان شهیده عمّن گلوب درده حرم مارالی صورتی ای سپر بالام چکدون نه لر اوشاقی کیم دُؤَر قلبی یارالی منی قویدون گریان گوزون آچ بیراویان قوخما یوخدی ویران ایلدن آرالی باجون آنان آغلور عمّه لر دل داغلور باشا قاره باغلور رقیم لایلای امان ایدل ایدل ایدل امان بالا آغلارگوزون اورک ده کی سوزون سیلی دگن یوزون قوید وم توپراقا غم آزاتدی عمرون شاد اولمادی گویلون ئولوم اولدی میلون گلموشدون جانا قبرون آللوخ آرایه گللوخ درده نوایه گیدسم ده کربلایه گلرم بورا گینه شامه گلرم قضایه باش اگرم مزاره سو سپرم رقیم لایلای امان ایدل ایدل ایدل امان آیرولان گلشندن بلبل گل چمندن دویمادیم من سندن دوزدون فراقه گون کیمی ای باتان اشکین قانه قاتان چوخ گجه آج یاتان دور بیرایاقه نه گوزل بالیدون کاش بالا قالیدون یولا یول سالیدون گیداخ عراقه محشر اولدی برپا سسلرم یا زهرا قویماز سنی تنها رقیم لایلای امان ایدل ایدل ایدل امان ویری قبرون زینت اولاربویرجنّت زایر تاپارعزّت صاحب رضوان دسته دسته ایل لر قبرون طواف ایلر حلّ اولی مشکل لر ای مشکل آچان دوزرم فشاره یالوارمارام خاره گللم من دوباره ایلرم اسکان قارداشیم بالاسی غملی ماجراسی قلبینده یاراسی رقیم لایلای امان ایدل ایدل ایدل امان ____________________

نوحه شهادت حضرت رقیه سلام الله علیها        زبانحال عمه جان هاردا قالوب یورقون آتام قویموری درد و غمی ایندی یاتام         چوخ ویروب یولدا منی شمر دنی        سالموشام زحمته یولاردا سنی 2بار عمه سنسن منیم عالمده بوگون دادرسیم وارسنه زحمتیم عمه نچه کی وار نفسیم چاتموری بیر کسه عمه بیله بحراندا سسیم          چوخ ویروب یولدا منی شمر دنی      سالموشام زحمته یولاردا سنی 2بار عمه زینب منی بو غصه و غم ئولدورجک دردیمی ئولسم ئولننن صورا هامی بیلجک ئولمه میشدن منه اما بابا مهمان گله جک      چوخ ویروب یولدا منی شمر دنی     سالموشام زحمته یولاردا سنی  2بار عمه ویرانه ده من صبح و مسا آغلامشام قاره معجر باشیما من بی بی جان باغلامشام اکبر ه آغلامشام سینه می من داغلامشام      چوخ ویروب یولدا منی شمر دنی      سالموشام زحمته یولاردا سنی 2بار عمه زینب بابامی من یوخودا گوردوم ئوزوم ایندی اونان صورا بیر لحظه منه یوخدی دوزوم بابامی گورسم اگر بیرده اونا چوخدی سوزوم     چوخ ویروب یولدا منی شمر دنی     سالموشام زحمته یولاردا سنی 2بار شامیده عمه منیم دردیمه درمان گله جاق قولی ویردی منه سالار شهیدان گله جاق گلسه اما بیلورم مرده دله جان گله جاق     چوخ ویروب یولدا منی شمر دنی     سالموشام زحمته یولاردا سنی 2بار گوزلریم یولدا قالوبدی بابا مهمان گله جاق هاچان الله گورسن سویگولی جانان گله جاق گورسم اما بابامی روحیه ریحان گله جاق      چوخ ویروب یولدا منی شمر دنی      سالموشام زحمته یولاردا سنی  2بار عمه زینب بابامی گورمک بو دل تلسور گون باتاننان بوگیجه قلب حزین گل تک اسیر گلموری ایندی بابام بیلمورم هالاردا گزیر       چوخ ویروب یولدا منی شمر دنی        سالموشام زحمته یولاردا سنی 2بار هر قیزین گیتسه باباسی سفر عمه مگر گنج ویرانه ده بو رسمیدی گر منزل ایدر هاچان الله گورسن باشه چاتار غملی سفر     چوخ ویروب یولدا منی شمر دنی      سالموشام زحمته یولاردا سنی 2بار گر گیدوبدی سفره شبه پیمبر هانی بس ئولوب اکبر اگر  عباس دلاور هانی بس نوجوان قاسم هانی تشنه لب اصغر هانی بس     چوخ ویروب یولدا منی شمر دنی       سالموشام زحمته یولاردا سنی 2بار آیریلیق دردی منی عمه بو احواله سالوب بابامین گلممگی تاب و توان الدن آلوب گوزلورم من یولونی ایندی گوزوم یولدا قالوب     چوخ ویروب یولدا منی شمر دنی       سالموشام زحمته یولاردا سنی 2بار «مهدیم » عرض ایدرم ای گل گلزار وفا دفتره یازدوم آدین دفتریمه ویردی   صفا لطف ایله نوکر درباریوه قیل لطف عطا           چوخ ویروب یولدا منی شمر دنی       سالموشام زحمته یوللاردا سنی 2بار 🙏🏼ملتمس دعا ✍بقلم حاج مهدی ملکی زنجانی _____

🎼سبک نوحه فوق👆👆 ✍بقلم استاد حاج مهدی ملکی زنجانی 🎤#بانوای_حاج_علی_سیفی_افشار

بسمه تعالی. گلدی حسین شامه گیدن کاروان هامی لاری خسته دیلر باغریقان گلدیم حسین وای دیم من سنه لای لای دیم ....... شامیده غوغا الیوب گلمیشم کوینگوی قاردش حسین آلمیشم قبرون اوسته گتوروب سالمیشم سسله علی اکبر ی ویرسون اذان گلدیم حسین وای دیم من سنه لای لای دیم ........ باغلامیشام باشه حسین قاروی قویمادیلار باغلاماقا یاروی اوخلادیلار ظلمیله شش ماهوی هاردادی شش ماهوی سن ویر نشان گلدیم حسین وای دیم من سنه لای لای دیم ......... گلدی رباب آختاروری اصغرین دی بالامون باغلامیشام اللرین باغلامادیم اوخلا دین حنجرین نیلییرم حلقی اگر ویرسه قان گلدیم حسین وای دیم من سنه لای لای دیم .......... عف ایله سن زینبی شاه جنان بیلمیورم من نیجه ایلوم بیان غصه وغم باغریمی ایلوبدی قان شامیده ایستکلی بالون ویردی جان گلدیم حسین وای دیم من سنه لای لای دیم شعر از یعقوب رشتبر آلیله در حال نوشتن است ادامه دارد وبدون ویرایش است

🎼سبک نوحه فوق👆👆 ✍بقلم استاد حاج یعقوب رشتبر 🎤#بانوای_حاج_علی_سیفی_افشار

متن مداحی سنی زیبا یارادان داوره عشق اولسون حسین   سنی زیبا یارادان داوره عشق اولسون حسین !♬ ذات پاکونده اولان گوهره عشق اولسون حسین !♬ سنی عرشه آپاران شهپره عشق اولسون حسین سن کیمی اهل وفا رهبره عشق اولسون حسین !♬ یا حسین ذکر ایلین دللره عشق اولسون حسین آند اولا قزلاروین دلده کی نسگللرینه زینبون کرب وبلاده داغلیان ئللرینه !♬ اکبرین گوزلرینه قاسمیوین تللرینه اوجا بوی قارداشیوین مشکی دوتان اللرینه !♬ دینی سن حفظ ایلدون یکسره عشق اولسون حسین !♬ عاشقه فرق ایلمز کعبه وبتخانه ودیر هاردا یار اولسا اورا قبله دی عشاقه، نه غیر !♬ شوذب وحنظله وجندب وحرّیله بریر !♬ شهدا شیخی حبیب بن مظاهر له زهیر مسلم عوسجه وعامره عشق اولسون حسین !♬ شب عاشوریده عشاقه تکان ویردون سن جنتی خیمیه گَتدون هیجان ویردون سن قوزادون بارماقوی معجز عیان ویردون سن !♬ اولارا جنتی بارماقدا نشان ویردون سن !♬ بارماقوندان گورونن کوثره عشق اولسون حسین هامی باخدی مگر عباس نوشتیمدی منیم سن اولان یر دیدی کعبمدی کنشتمدی منیم !♬ جنتیم نازلی رقیوندی سرشتیمدی منیم اکبرین بیرجه قلم قاشی بهشتیمدی منیم !♬ نیلورم جنتی من اکبره عشق اولسون حسین قویمادون عشقده کم رطب و لا یابسدن سبقت آلدون عجبا سابع وهم سادسدن ! کیمیا مثلی آیردون زر نابی مسدن !♬ بزه دون گلشن عشقی وهب وعابسدن باغبانه چمنه گللره عشق اولسون حسین فقط اون یدی گونیدی که طوی ایتمشدی وهب آناسی همسری یاننده اوپاکیزه نسب شهداده واریدی آدی اونون یا للعجب !♬ بلدی که دعوت اولوب قلبی تاپوب شور وطرب ایستدی رزمه گیدوب قان ویره عشق اولسون حسین !♬ بسکه عورت اوزی شرکتدی هامی نیک وبده تازه دامادی اودور همسری قویموردی گیده ایستموردی هله بو تزلقا چون ترکین ایده هی دیوردی داخی اوندانصورا دنیاده نئده ! یالواریردی اوملک منظره عشق اولسون حسین وهبون همسری رخصت دیمه راحت ویردی دیدی تازه گلینم یوز اونا رقت ویردی !♬ نوعروس آغلادی هی گوز یاشی شدت ویردی تا حسین شخصا اونا قول شفاعت ویردی ! وهبه سویلدی گت بالمره عشق اولسون حسین دیدی هجرانه داخی صبر ایدرم یوخدی سوزوم !♬ گت حسینه کمک ایت منده، غمه چوخدی دوزوم ابر نیسان کیمی قوی آغلیا هجرونده گوزوم !♬ حشریده فاطمیه منده کنیز اولّام اوزوم بله تازه گلینه، همسره عشق اولسون حسین !♬ اذن آلوب گتدی وهب قالدی آناسی حرمی بیر سفارش ایلیوب زینبه ده بیش وکمی !♬ نوعروسیم سنون امیدیوه قالدی نه غمی اگر ئولسم گنه لیلادن آیرما نه نمی !♬ گوزلریندن آخان اشگ تره عشق اولسون حسین چوخ رشادتله گلوب لشگریله جنگ ایلدی عرصه نی آل یزیده او جوان تنگ ایلدی !♬ او قدر قیردی عمر سعیدیده دلتنگ ایلدی نَفَسین تازه لیه، خیمیه آهنگ ایلدی !♬ گلدی بیریولدا آناسین گوره عشق اولسون حسین قییدوب خیمیه یورقون یارالی پیکری قان قولبویون اولدی آناسیله او پاکیزه جوان حین صحبتده ایدوب مادرینه بیله بیان وهبوندن دی گوروم ایندی رضاسن آناجان؟ بیر بله شیرزنه مادره عشق اولسون حسین دیدی فرصت اله دوشمز بله مهمان اولاسان !♬ عمریده لذّت اودور همره جانان اولاسان بوحسین چوخ آقادی گت که شتابان اولاسان !♬ من سنی یولّامشام اکبره قربان اولاسان !♬ تازه دن ووردی ئوزون لشگره عشق اولسون ____________________

🎼سبک نوحه فوق👆👆 🎤#بانوای_حاج_علی_سیفی_افشار

🏴 اربعین 🏴 ✍شاعر؛ علی عبدی🏴 دور قبریدن ایاقه غم آشناسی قارداش بو غملی کاروانین وار ماجراسی قارداش شکر اِیلرم خدایه چاتدوق بو کربلایه قسمت اولوب بو قبری بیرده آلاق آرایه بیز باش آچاق بو چولده باهم گلک نوایه چون ایستورم گورونسون محمل یاراسی قارداش 🏴🏴🏴🏴🏴 چون باشمین یاراسین گورسن منیم برادر بیلّن بو چولده زینب سنله اولوب برابر هئچ قارداشا بو قدری اولماز وفالی خواهر قوی عالمه بیلونسون زینب وفاسی قارداش 🏴🏴🏴🏴🏴 بیز آیولاندا بوردان الله بیلور نه اولدی چوخلارتوکون باشیندان پیکرلر اوسته یولدی بعضیلر آغلاماقدان گل تک سارالدی سولدی قوزاندی آسمانه قیزلار نواسی قارداش 🏴🏴🏴🏴🏴 گوزیاشلی اَهلبیتون آیریلدی کربلادن دلدن بیزی سالوردی بیر ایستی اود هوادن اَمّا خبر یوخیدی نه آب و نه غذادن تحلیل اولوردی کم کم قیزلار قواسی قارداش 🏴🏴🏴🏴🏴 بو کاروانه قارداش آد خارجی قویوبلار بیز کوفیه چاتاندا مردم اولوب خبردار بیلدیم بو کاروانین باشینده غُضه ، غم وار پیشوازه چیخدی کوفه اَهلی اساسی قارداش 🏴🏴🏴🏴🏴 بیر عدّه داش آتوردی بیر عدّه اَل چالوردی قیزلار اوتاندوقوندان باشین یئره سالوردی هر محنت و بلانی جانه اولار آلوردی گیتمیشدی کوفه اَهلین یوزدن حیاسی قارداش 🏴🏴🏴🏴🏴 منزل به منزل اولدوق شامه طرف روانه گاهی گونوز گئدوب یول گاهی گئدوب شبانه هرگون او یولدا آلدوق مین نوع بلانی جانه مین نوع خطرده قالدی قیزلار بقاسی قارداش 🏴🏴🏴🏴🏴 شامین یولوندا قارداش گوزیاشی قانه قاتدوق بیرگون سوسوز،یارالی،یورقون اوشامه چاتدوق هنگام استراحت ویرانسراده یاتدوق خوش گلمیّوب رقیه ن آب و هواسی قارداش 🏴🏴🏴🏴🏴 هر دم دوتوردی چونکه ویرانه ده بهانه قلبینده غملی اوتلار هر دم چکوب زبانه باشین سالوب اشاقه آغلوردی یانه یانه چوخ آغلادوردی گویا قمچی یاراسی قارداش 🏴🏴🏴🏴🏴 تکرار ائدیردی شیرین دل دلده بو کلامی عمه هاچان گوره جم من مهربان بابامی تز گلسه بیزده فورا ترک اِیلروک بو شامی قالموشدی او بالانین سنده حواسی قارداش 🏴🏴🏴🏴🏴 امّا اِئلیکی باشین قارداش قوجاقه آلدی شیرین دلین نواسی ویرانه ده اوجالدی دوندی عقیده سیندن اوردا همیشه قالدی مقبول او نازنینون اولدی دعاسی قارداش 🏴🏴🏴🏴🏴 قاره کفن اولوبدی قسمت او دلکبابه ئوز اَللریمله قویدوم گل پیکرین ترابه ویرانسراده گوزلر گیتدی همیشه خوابه غم اولدی ابتدا و هم انتهاسی قارداش 🏴🏴🏴🏴🏴 گورموشدی چوخ بلالر بو شهر پر بلادن بو علته او شاید دویموشدی کربلادن صبر و تحمّل هر دم ایستوردی کبریادن شایدّه سالدی دلدن زجرین جفاسی قارداش 🏴🏴🏴🏴🏴 کرب و بلایه ای کاش منله بالان گلیدی قبر اوسته اَیلشیدی بیر آزجا دینجلیدی ئولسیدیده اَقلا بوردا بالان ئولیدی غربتده قالمییدی او آی پاراسی قارداش 🏴🏴🏴🏴🏴 سن بیل رقیه جانی دیندیر منی برادر صبریم یتوشدی باشه هاردا کسولموش اَللر قوی سینم اوسته قارداش اوللاری بار دیگر وار سینمون بیلورسن چوخ مبتلاسی قارداش 🏴🏴🏴🏴🏴 چوخ آلتی ای بالاوی قویما سیننده قالسون بیر آزجادا ربابین وئرسن قوجاقه آلسون بو آلتی آی بالانی ئوز دوشلرینه سالسون قرخ گوندی وای بالام وای سسلور آناسی قارداش 🏴🏴🏴🏴🏴 گر غصه می اشیتسه داغلار منیلن آغلار مندن بتر او داغلار واللهی سینه داغلار قیش فصلی آق گیونمز حرمت عزایه ساخلار تا حشره تک کسولمز ایوای صداسی قارداش

🎼سبک نوحه فوق👆👆 ✍بقلم کربلایی علی عبدی زنجانی 🎤#بانوای_حاج_علی_سیفی_افشار

🎼سبک نوحه فوق👆👆 ✍بقلم کربلایی علی عبدی زنجانی 🎤#بانوای_حاج_علی_سیفی_افشار

🎼سبک نوحه فوق👆👆 ✍بقلم کربلایی علی عبدی زنجانی 🎤#بانوای_حاج_علی_سیفی_افشار