شهادت حضرت امام هادی( ع ) (سبک:یافاطمه من عقدهٔ دل وانکردم ) آغلار گوزوم صاحب زمان آغلار امام هادیه معناده اهل آسمان آغلار امام هادیه ایوای آقام وای(2) عمریم مین ایلده اولسا من گلّم نوایه هر ایل رجبده آغلارام سبط الرضایه غربت ولایتده آقام دوشدی بلایه الاندا چشم قدسیان آغلار امام هادیه ایوای آقام وای(2) اولدی او حضرت ظلمیدن قلبی شکسته مسموم اولوب یومدی گوزون محزون و خسته باشین امام عسکری آلدی دیز اوسته دلده بالاسی الامان آغلار امام هادیه ایوای آقام وای(2) اسما ِٕ حُسنا اوندا وار هم جاه بی حد آدی علی اوغلی حسن بابا محمد افسوس اولا ویران اولوب اول عالی گنبد گئتسه اورا هر کاروان آغلار امام هادیه ایوای آقام وای(2) قوپدی امام هادینین عصرینده طوفان قبر حسینی ائیلدی کفر اهلی ویران گئت کربلایه ای قلم اولدی ئورک قان یاز کربلاده انس و جان آغلار امام هادیه ایوای آقام وای(2) گر یانماسیدی خیمه لر دشت بلاده یانمازدی آل مصطفی نار جفاده دوتمازدی شیعه قلبینی غم سامراده تخریب اولان قبره باخان آغلار امام هادیه ایوای آقام وای(2) ** ✍حاج ولی الله کلامی #شهادت_امام_هادی_علیه_السلام

‍ ( شهادت امام هادی(ع)) بو گون جدّینه ملحق شه بوالحسن اولدی دونوب سامره غرق ملال و محن اولدی گوزل شهرتی هادی ، دل و جانی تقی دور علیدور آدی امّا ، ملقّب به نقی دور اونون حقّینی انکار ایدن قوم شقی دور اونا گاه جفای نهان ، گه علن اولدی دولوب سگّیزه سینّی ، گیدوب الدن آتاسی قضا اگنینه بیچدی ، غم و غصّه لباسی اونون باشلانوب اوندا ، هامی درد و بلاسی غم اطرافینی آلدی ، غمه مرتهن اولدی خم درد و بلاده ، غمین رنگه بولاشدی دولوب کاسه ی قلبی ، غم و دردیله داشدی اله سیل مصائب ، آشوب باش دن آچدی که بیر باشی هزاران ملال و محن اولدی او شاهه متوکّل ، جفاسین علن ایتدی اولا قویمادی راحت ، غریق محن ایتدی آییردی وطنیندن ، جلای وطن ایتدی وطن مالکی جبراً جلای وطن اولدی وطندن آیراندا او شاهی نلر اولدی او آیریلدی غمیله ، حرمخانه سی دولدی دوشوب وحشته باغ ، حیا گللری سولدی ئوزی قالدی نه حاله ، دیمه بیر بولن اولدی قالاردی وطنینده ، گر اولسیدی امانی مگر قویدولا راحت ، او مولای جهانی ایله سالدی فشاره اونی دشمن جانی داخی سیر جهاندان ، شه ممتحن اولدی چکوب گه متوکّل ، اونی بزم شرابه شراب ائتدی تعارف ، شه عرش جنابه اوخوتدی گهی اشعار ، او معنای کتابه او اشعارده ناصح ، شه موتمن اولدی بویوردی اولاری که ، سالوبلار اله فرصت توکوبلر نچه قانلار ، به عنوان ریاست ئوبن گونده بوللر ، ایدوبلر نه جنایت ایشیتدی دیمه نادم ، او روح فتن اولدی بیان ائتدی دوباره او شومه شه ابرار غروریله یاتانلار ، اولار قبریده بیدار ایدر جمعی نی طعمه ، گهی مور و گهی مار بو صحبتده هراسان ، او شوم زمن اولدی اوتوز بش ائل ئوز عمرون ، قوتاردی شه خوبان ایدوب ظلمیله مظلوم اونی دشمن نادان یانوب زهریله قلبی ف غریبانه ویروب جان اب و جدّینه تابع ، او وجه الحسن اولدی دوشوب اوغلی امام حسن سوز و گدازه گوزل طرزیله ایلوبدی تشییع جنازه نمازین ئوزی قیلدی ، فدا ایله نمازه همی دفنه مباشر ، امام حسن اولدی ولی جدّی لب عطشان ، غریب ئولدی وطن سیز قالوب پیکری باشسیز ، باشی گیتدی بدن سیز یارالی گون ائوینده ، دوشوب جسمی کفن سیز او چولده خس و خاشاک ، او جسمه کفن اولدی گلوب زینبی تاپسون ، او رنجور وفانی گوروب مقتلی رنگین ، ایدوب قرمیزی قانی دوتوب عطر حسینی ، او صحرای بلانی همین عطر او سمته ، یولون دوندرن اولدی خانم گوردی حسیندن ، نه آثار و نشان وار چوخور یرده ولی چوخ سنیق تیر و سنان وار بولوب داشلارین آتدا ، گل عطر فشان وار او عطریله حسینی ، ئوزون گوسترن اولدی قلیج اوخلاری بیر بیر ، کنار ائتدی او خسته حسینی یوزی اوسته ، تاپوب قلبی شکسته الین آتدی چووردی ، اونی آرخاسی اوسته یوزه گوز یاشی جاری ، چو درّ عدن اولدی دیدی هانسی یارالی ، یارالی سنه بنزر وجودینده یارالار ، گل سوسنه بنزر دولوب گل یارائیله ، گوزل گولشنه بنزر غجب مقتل عشقون ، صفالی چمن اولدی گوزل طینتی نور ، بهشتیله سرشته اولان سلم ازل طرح ، اولان شرح نوشته دونوب سن یخیلان یر ، گلستان بهشته ایدن بو چولی جنّت بو زیبا بدن اولدی بو قدری یارا واردور ، بو صد پاره تنونده اوپم صاف یرون یوخ بو زیبا بدنونده گیدوب غارته مندن آلان پیرهنونده یارالاردان آخان قان سنه پیرهن اولدی یقین ئوزلری تائب ، ایدوبلر سنه نصرت کتابوندا ایدوبسن ، بیله نوحه کتابت ایدوبدور قلمونده ، کتابتده قیامت دوزون ئوزلری سالدی ، گوزل بو سخن اولدی #استادطالبی #روضه

▪️شهادت امام هادی علیه السلام ✍بقلم استاد رحیم شایان 🎼بانوای:#سلیم_نظرآباد_منوچهر_حسن زاده جان گیدیر جانان یولوندا-گل حسن جان باشیم اوسته راهیم قرآن یولوندا- گل حسن جان باشیم اوسته هادی مغمومم اوغلوم-زهریله مسمومم اوغلوم وارث آل عبایم-عاقبت مظلومم اوغلوم -------------------------- ظلم و جور اشقیادن دوءندی قلبیم قانه اوغلوم مرغ روحیم بو قفسدن پر آچوب رضوانه اوغلوم عشقیمین یوخ حد و حصری حضرت جانانه اوغلوم جان چیخور پیمان یولوندا گل حسن جان باشیم اوسته راهی کوی نگارم گل الست عهدی سنوندی گلشن باغ ولانون شربت و شهدی سنوندی افتخار هر دو عالم حضرت مهدی سنوندی جان اولا قربان یولوندا گل حسن جان باشیم اوسته اولمادی بیر کس خبر دار بو اورکده نیسگیلیمدن چوخ چتیندی آیریلام من سن کیمی بیر سیوگیلیمدن زهر کین آرام آلوبدی یانمیشام اوغلوم دلیمدن دوءزموشم یزدان یولوندا-گل حسن جان باشیم اوسته احتضار حالینده یم من گل آنام زهرا ده گلمیش روح اجداد مطهر، حضرت طاها ده گلمیش روح اکبر روح قاسم گل اوغول سقا ده گلمیش عاشقم سبحان یولوندا گل حسن جان باشیم اوسته تشنه جام وصالم تا ایچم جانان الیندن یوسف جان قورتولوبدی چاهیلن زندان الیندن گل شهید اولدی آتان گل کینه عدوان الیندن جان گیدیب ایمان یولوندا گل حسن جان باشیم اوسته هادی مغموم----- وارث ال عبایم----- ✍بقلم استادرحیم شایان

🍁﷽🍁 💚سرود میلاد با سعادت حضرت علی(علیه السلام)💚 🎶در آهنگ : الا ای عاشقان ،،یا ،،، ائدور دل زمزمه گلوب بیر مه جبین اولوب حبل المتین گلوب دنیایه گوز آچدی امیرالمومنین عجب محشر گلوب مه انور گلوب شاخوب گویدن یره نوری‌علی‌حیدر گلوب علی مولا مدد ، علی مولا مدد، علی مولا مدد حیدر، علی حیدر مدد (۲) □□□ شه برج وفا وصی المصطفا ملکلر سسلیور گویده گلوب شیرخدا رسولین یاوری بتولین همسری بیر اَللّی قوزییب حیدر اُو درب خیبری علی مولا مدد ، علی مولا مدد، علی مولا مدد حیدر، علی حیدر مدد(٢) □□□ ابوالرّیحانتین بودور میر حنین ایکی نور دوعینی وار حَسنیلن حُسین یدالله آدی وار گل و گلزاری وار گلستان شجاعتده گوزل عباسی وار علی مولا مدد ، علی مولا مدد، علی مولا مدد حیدر، علی حیدر مدد(٢) □□□ علیدن یادگار الینده ذوالفقار گلر وهابین نسلین ،آقام مهدی قیرار ائدون دلدن دعا گله مهدی آقا وئرر مولا علی شیعه برات کربلا علی مولا مدد ، علی مولا مدد، علی مولا مدد حیدر، علی حیدر مدد(٢) ✍ احمد کاظمی التماس دعا... #ولادت_حضرت_علی_علیه_السلام

🌹#ولادت_امام_علی 🌹#سرود #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین

مولودی حضرت علی علیه السلام وار بو سؤزه ایمانیم شاهد اول آی الله أشهَدُ أنَّ حَقّاً علی ولیُ الله علی ولی الله      علی ولی الله دل مست می ناب سبوی ازلی‌دی ذکر لب حورای جنان نادَ علی‌دی عالمه سروردی حجّت داوردی نائب پیغمبر حضرت حیدردی یاعلی حیدر حیدر، علی علی حیدر(۲) عید ولایت گلدی شیعه خراماندی ذکر علی یا حیدر گویلره قوزاندی سیّدُنا یاحیدر جان سنه قرباندی جان سنه قرباندی     جان سنه قرباندی شیعه اورگی می دولی پیمانۀ حیدر جنّ و ملک اولموش هامی دیوانۀ حیدر دل حرم حیدر از کرم حیدر عید ولایتدی جام جم حیدر یاعلی حیدر حیدر، علی علی حیدر(۲) @turki_nohemajma #کانال_ترکی_مجمع_الذاکرین

میلادیه حضرت علی (ع) 🌴🌺🌴🌺🌴🌺 #فارسی_ترکی 🎼سبک : 🎤 #بانوای_حاج_علی_سیفی_افشار 🎼 در آواز دشتی . ✍بقلم #استاد_مصیبی_تبریزی . #فارسی . امشب ز عرش – خدا ریزد ستاره دلم شد پاره پاره قلب خلایق – ز شادی بی قراره دلم شد پاره پاره پیک امین پر زد صوت جلی آمد بر فرشیان مژده مولا علی آمد این جشن میلاد – به یاران تهنیت باد ((بگو بادا مبارک)) شاه ولا را – خدا بر شیعیان داد ((بگو بادا مبارک)) مرغ دل امشب – شهپر گرفته از دست ساقی – ساغر گرفته این دل درِ حیدر زند هی در زند ، هی در زند این جشن میلاد – به یاران تهنیت باد ((بگو بادا مبارک)) شاه ولا را – خدا بر شیعیان داد ((بگو بادا مبارک)) . . #ترکی . . مست اولدی شیعه ولایت باده سیندن صفا سجاده سیندن شیعه ال ئوزمز نجف شهزاده سیندن صفا سجاده سیندن شمس الضحی گلدی بَدرُ الدّجی گلدی نخجیر جانانه شیر خدا گلدی میلاد حیدر – دئیون؛اولسون مبارک دئیون؛اولسون مبارک باریتعالی – اونی خلق ایلیوب تک دئیون؛اولسون مبارک مولانین آدی – درده دوادی مشکلده قالسان – مشکل گشادی باش اگمرم بیگانیه گللّم بو داروخانیه میلاد حیدر – دئیون؛اولسون مبارک دئیون؛اولسون مبارک باریتعالی – اونی خلق ایلیوب تک دئیون؛اولسون مبارک 🌴🌺🌴🌺🌴🌺

🌺میلاد باسعادت امام جواد علیه السلام 🎼 سبک: گل من چندین منشین غمگین آچیلیپ گوللر سوینیر دللر غم مولادن به در اولدی تاپوب عرش آذین اولونوب تزیین موسی الرضا پدر اولدی قوتاروب فرقت قلم قدرت وئردی مولایه جوادی علوی غیرت حسنی خصلت پاک و اطهردی نژادی 🌻🌻🌻🌻🌻🌻🌻🌻🌻🌻🌻 صنم زیبا مه روح افزا یثربده گلدی جهانه گلوب او دلبر گل سیمین بر بطحا فخر ایتدی جنانه َبو اوشاق چاغی قویاجاق داغی شیاد دین اولا مرعوب گوزل حلمیله ائدر علمیله یحی بن اکثمی مغلوب 🌼🌼🌼🌼🌼🌼🌼🌼🌼🌼🌼 آتاسی خندان و ثناگویان حمد ایلور رب جلیله بویورور یارب بو مه نخشب دارادی خوی جمیله بو گوزل اللر ائده جاق محشر اوخشار بیر ابر بذله قالاجاق ائللر بو همایونفر صاحبدی هر نوع فضله شه خوباندی مه تاباندی اولماز بخششده نظیری آتایا جاندی کرمه کاندی حاتم درگهده فقیری یم تقوادی تقی دور آدی همچون قرآن مجسم ید بیضاسی ائلیر احیا یوز مینلر عیسی مریم ________ 🌺🌺🌺🌺🌺🌺🌺🌺👏👏

🌹#سرود #میلاد_امام_جوادع #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین