طفلان زینب(س) سیفی اردبیلی ای سرور و مولا حسین بند دل زهرا حسین اکبر ئولوب تک قالموسان جان یا حسین جان یا حسین ایثاره رخصت وئر منه اوغلانلاریم قربان سنه من زینبم غم خَسته سی پاک عشقوین دل بسته سی درده گتوردی قلبیمی مقتلده کی هَل مِن سسی یانسون گوروم دنیا بئله قویدی سنی تنها حسین عشقون ازل پیمان گونی پی ریزی قرآن گونی عهد ائتمیشم قربان وئرم جانانیمه قربان گونی طومار پیمانه ووروب زینب باجون امضا حسین سالما شرار غم دله ساقه سولا باخما بئله قارداشلارون قانه باتوب یالقوز دوشوبسن مشگله گتدیم ، باجون اوغلانلارون قیل عازم دعوا حسین عشقون سعادتدور منه هجرون مصیبتدور منه قربانلاری تئز سال یولا فرصت غنیمتدور منه قوی عشقیمه ایثاریمه احسن دئسون زهرا حسین پیمانیمون پابندیَم فرمانِ حقّه بندیَم فاخر اولوب ایثاریمه عفو ائت منی شرمندیَم قورتار خجالتدن منی ای نفسِ کَرَّمنا حسین سیارۀ بختیم باتوب دشمنلریم کامه چاتوب اوغلان نه لازمدور منه اکبر عبا ایچره یاتوب هاردا اولا مینلر اوغول بیر اکبر لیلا حسین دیدار یاره نائلم درمان عشقه مایلم قیترمه بو قربانلاری من درگهونده سائلم آل برگِ سبزِ زینبی فرض ائت گل حمرا حسین مشتاق محنت دور دلیم خمدور بلالردن بئلیم آز تحفه می چوخ فرض ائله شرمنده ام بوشدور الیم قیل ذره پرور لطفیوی بو زینبه اعطا حسین رحم ائت بو زار و مضطره سالما تَمَنّاسین یره چاتماز ایکی اوغلوم منیم بیر شیر خواره اصغره قربانیوه قربانلیقا لایق دیلر اما حسین حاصل شه کرب و بلا قربانلاری سالدی یولا گلدی ئولوم میدانینه بیر جوت کبوتر قول قولا قوشلار قاناتلاندی اوچا ائتدی دعا آقا حسین سرعتله سیر ائتدی زمان قوزاندی صوت الامان سولدوردی زینب گوللرین تیرِ جفای کوفیان ئولدوک دائی امداده گل صوتین ائدوب اصغا حسین آچدی حسین همّت پرین تیهولره اولدی قرین گتدی خیامه زینبون جاندان دوشن آهولرین یکسر حرملردن گوگه قالخوب صدای واحسین آل عبای خون جگر گیسو پریشان دیده تر خیمه سراده زینبه بو مطلبی وئردی خبر پرپر گتوردی گوللرین بی یاور و یارا حسین گلدی اوغوللارون آدی زینب ئوزین سندرمادی یالواردیلار چخ خیمه دن اصلا یریندن دورمادی گورسون دئدی قوی زینبی صبر و غمه دریا حسین من پیروم اوتادیمه زهرا کیمی استادیمه رهبر حضورینده چتین ایوای دیم اولادیمه مین وای اوغول دان خوشدی من بیر یول دئسم مولا حسین ـــــــــــــــــــ مرثیه و روضه برای این متن ، در متن بعدی از مرحوم انور اردبیلی

طفلان حضرت زینب (ع) فرهاد فکری اردبیلی ساغالمیاندی ای خدا اورک یاراسی زینبون بویاندی قانه هر ایکی گوزل بالاسی زینبون خبرویروبله دورخانم اوگل جنازه لرگلور دوشوب قباقه قارداشون بوغمده دیده ترگلور یانورشرارمحنته خیامه خون جگرگلور گلورتسلی ویرمگه غم آشناسی زینبون ایدوب تحمل بلا اوباوفاداریخمادی نه وای دیوب نه آغلیوب حصارصبری یخمادی اوتوردی خیمه گاهیده دوروب قباقه چیخمادی جهانیانی حیرته سالوب حیاسی زینبون دئدی قباقه چیخمادیم حسینه منت اولماسین وفالی قارداشیم گرک غریق محنت اولماسین گوزومه دوشسه گوزلری باخوب خجالت اولماسین بوغمده عرشه چیخماسون گرک نواسی زینبون گورنمرم حسینمیمون دونوبدی قانه گوزیاشی بلا چولونده دوغرانوب ستمله یارویولداشی اورکده چوخ یاراسی وار ئولوبدی اوغلی قارداشی حسین سیز عالمه دئدی یوخ اعتناسی زینبون حسینی گورجگین دوروب ایاقه عرض ایدوب اخا گوروم بو حالیلن سنی بیلورسن اولمارام رضا اماندی اولما ناگران سنه بو گوزلریم فدا سنی گورنده دل غمین گیدور قواسی زینبون شهید اولوب یتیشدیلر لقای حی داوره چاتوب مرامه دوشدیلر یوز اوسته قانلی سنگره بو فخریدور قوشولدیلار یارالی اوغلون اکبره فدادی اکبر اوغلوا ایکی فداسی زینبون نه اگلشوب عزا دوتوب نه باش آچوب نه آغلارام نه غصه دن عذاریمه سرشگ چشمی باغلارام ئولونجه اکبر اوغلوا جهاندا سینه داغلارام دوشر جهاندا دیللره بودور وفاسی زینبون #سبک_دل_شب_ایلیوب_سفر

🩸زبانحال حضرت زینب(س)-خرابه🩸 بوخرابه گوشه سینده باغریقان ئولدی رقیه گئتدی زهرایه گجیله میهمان  ئولدی  رقیه بوگجه ویرانسراده بیرگوزل مَه پاره  ئولدی اکبرین دوتدی سراغین ائتمدیم بیرچاره ئولدی من خجل قالدیم اوقیزدان تاپمادیم گوشواره ئولدی غملراوستن غم گلوبدور بیکران ،ئولدی رقیه کثرت غمدن اولوبدورکاسهء صبری لبالب سوندی آخرشمع عمری بوقرانلوقدا دلشب آشنایوخدورقالوبدور اللری قوینوندا زینب قوی دیوم بو شامیانه  شامیان ئولدی رقیه مهوشی رنگی دولاندی گل سیاقی اولدی سولقون صورتی بیرآیه بنزر هالهء  غملرده دوتقون یات دئدیم آرام جانیم سنده یورقون منده یورقون بوبلالی عمه سیندن ناگران  ئولدی  رقیم  آغ کفن یوخدورسوزوم یوخ واردی اَگنینده قراسی یاسلیا آخرکفندور گیدیگی  قاره  لباسی دینجلوب یاتدی مارالیم دای ائشیتمزدیل یاراسی شامون اهلیندن گلیلی بیگمان ئولدی رقیه شمر دون غیظیله وردی بوقزا یولاردا سیلی بیلمدی آخر یتیمون حی داوردور کفیلی گئتدی زهراتک مزاره قولّاری رخساری نیلی قمچی آثارین آپاردی ارمغان ئولدی رقیه ✨اَللّهُمَّ عَجِّل لِوَلیِّکَ الفَرَج✨

🏴°• #واحد #ترکی قارداش سارالان رنگیو قوربان 🎙 حاج مهدی رسولی #محرم #حضرت_رقیه ۰

‍ شام غریبان 🏴 🏴 حسین شمس هدی دیر ذبیحا به قفادیر رئیس شهدادیر حسین پنج تن ایچره گل اهل کسادیر هامو شاهلار حسینین قاپیسینده گدادیر حسین صبح و صفادیر حسین ظهرو زیادیر حسین درده دوادیر حسین باب رجادیر او یر که وطن اتمیش ادی کرب بلادیر عجب حال فنادیر عجب حال فنادیر هامو شیعلرینن سلام اولسون حسینه امام الثقلینه سراج الحرمینه هامو شیعلرینن سلام اولسون حسینه اونون سقفی طلادیر همان گنبد نابدا براورده دعادیر در قبلده موسی سر صحنیده عیسی اونون کفش کنینده دوران حضرت یحیی بوجاقینده دایانمیش ملک عفوا وصفا سوپورر حرمینن یرین طره ی هورا سیلر قبر شریفین توزون مریم وسارا محرملر اولاندا گلر حضرت زهرا حسینین بوقازوندان اوپر سسلر ای وای امام الثقلینه سراج الحرمینه هامو شیعلرینن سلام اولسون حسینه حسین خالیق َزارو .بلایَ دده لبیک اونا حی توانا .ندادت دده لبیک نقیان معظم سماده دده لبیک نبیان معظم سماده دده لبیک علی دوم اهل کساده دده لبیک خانم فاطمه باغ صفاده دده لبیک حسن چهارم آل عباده دده لبیک اوزون گوردون او یتمیش مراده دده لبیک رضیتُ بقضائِک رضا دَ دده لبیک وتسلیم لِاَمرک قضا دَ ددی لبیک حسینین بدنین دَ دِماء دَ دِدی لبیک تعجب دی دیل آشدی بلا دَ دِدی لبیک خلاصه اونا آق دا ، قَرا دَ دِدی لبیک امام الثقلین سراج الحرمین حامی شیعه لرینن سلام اولسون حسین حسین سجده زمانی چیخان جانوَه قربان یاشیل شیشه ده عرشه کِدن قانوا قربان علا صحنه سی دولدی برازنده فَدادن حسین عشق وِلا ده حسین اولدو بلاده حسین دوشدوکی مقتل خراج الدو منا دن دِیَلَ توپراقا کِچَر مغز طلادن او خلوت گه معنا جلالند جلاله دوشوب جلوه ی جانا مصاف او و سمادن حسین غسل طوافو اِدیب خون خدادَن دونوب جامه ی احرام حسین قانو ردا دن حسین دشمنین اوستَه هجوم اِددی جدادن او موسی یه زمانه سلاح اِددی عصادن توزوب اسم یزیدی ردیف دو نو جوادن یخیپ قله ی ظلمی فنا اِددی بنادن یِتیب خلقت احسن اونا خیر بلادن کَلیب کلمه تحسین اونا بیت خدادن دل غار نبیدَن لب کوه حرادن اوجالدو گویه لبیک عروق شهدادن اوتوزلوب که فضاسی دوروب عین اَخادن غنی ایلَدی زینب اونو سعی و صفادن کلیب قِبطه صداسی اونا مرو صفادن امام سقلین... اَلین آتدی دَیانسین عصا دَ دِدی لبیک دیانمیشدی جِدایَه جِدا دَ دِدی لبیک علی اکبری قانلی عبا دَ دِدی لبیک جوان قاسم اَلیندَ حنا دَ دِدی لبیک عروس حجله ی ماتم سرا دَ دِدی لبیک اونا صاحب مَشک و لِوا دَ دِدی لبیک بِشیک دَن اوزون آتدی بالا دَ دِدی لبیک خلاصه اونا آق دا ، قَرا دَ دِدی لبیک حسین سجده زمانی چیخان جانوَه قربان یاشیل شیشه دَ عرشه گِدَن قانو وَ قربان امام الثقلین…♩ الله الله کربلا یَ قان یاغور به غریب اوست نه پیکان یاغور یا حسین بو جمعی نن یک سر سلام اولسون سنه بیزدن که فرزند پیغمبر سلام اولسون سنه مظلوم حسین غریب حسین 👇

زبانحال حر (ره) کریمی مراغه ای . ای نورِ چشمِ مصطفیٰ، التّوبه توبه ای زاده‌یِ خیرُالنّساء، التّوبه توبه . درگاهیوه گلدیم حسین، استغفرالله یا مَن شفیع المذنبین، استغرالله . . حرِّ غریبم رزملرده شهسوارم شاها ریاحی قومینه من افتخارم ایمدی قاپوندا بیر غُلامِ خاکسارم بیچاره‌ام زار و حزین استغفرالله التّوبه توبه (2) . . شاها بو چولده باشیوی سالدیم بلایه ای کاش ازلد‌ن گلمیییدیم کربلایه ائتمه بابان پیغمبره مند‌ن گیلایه یابن الامیرالمومنین استغفرالله التّوبه توبه (2) . . قورخوتدوم اهلِ بیتیوی ائتدیم هراسان باعث منم جمعیتون اولدی پریشان اوز ائتدیگیم اعمالیمد‌ن اولدوم پریشان اوللم خجالتد‌ن یقین استغفرالله التّوبه توبه (2) . . من بیلمه‌دیم مُنجر اولار ایش بو مقامه فکر ائیلدیم تنظیم اولار بیر صلح‌نامه بی‌دین جماعت اولدولار یاغی امامه قالدون بو چولده بی‌مُعین استغفرالله التّوبه توبه (2) . . شاها سنی وئرر‌م قسم خیرالنّسایه جدّون رسوله هم آنان شیرِ خدایه عفو ائت منیم تقصیریمی گئچ مُجتبی‌ٰیه عرض ائیلیر‌م من یا حسین استغفرالله التّوبه توبه (2) . . اولسون شریح‌ین قانیله ساقّالی الوان ائتدی جهاندا دینینی دیناره قربان اویدی اونون فتواسینه بیر عدّه نادان چکدی یوزیوه تیغِ کین استغفرالله التّوبه توبه (2) . . ال دامنوندن چکمر‌م ای شهریاریم یوز قویموشام درگاهیوه وار انتظاریم چوخ چوخ جسارت ائتمیشم وار اعتذاریم ای پیشوایِ مسلمین استغفرالله التّوبه توبه (2) . . نذر ائتمیشم ائتسون منیم حقّیمده احسان الان وئر‌م بو جانیمی عشقونده قربان گل سال یولا قربانیوی ای شاهِ عطشان ائیله منی قربانِ دین استغفرالله التّوبه توبه (2) . . کلاً کریم ‌الطبعسوز، سیز خانواده تقصیری اولسا هر کسین حدد‌ن زیاده نادم قَییتمز دورسا بو بابِ سخاده قَیترمه حرّی دل غمین استغفرالله التّوبه توبه (2)

🎧سلطان الذاکرین استاد سلیم موذن زاده 🎙التوبه توبه @turki_nohemajma #کانال_ترکی_مجمع_الذاکرین

مشکیدن سو توکلدوخجا یره وای رقیه دین آقام لایلای گرک خیال خیمه نی بوساعتیمده بوشلویام رقیه دن اوزاخ گزوب کنار نهری خوشلویام سنه باشیلا بیر علم اونا سرین سو بوشلویام گورنده بوشلی بوشلوسون ئولومدی آرزوائدر (سویی آلوب مشکی گتیرور اوخ دیوب گوزونه قولار بدنده یوخدی دیدی حسین گلیرسن اما قبل از آنی که بو نوکریوه بلش وراسان قارداش بیر سوزوم وار سنه) بو ایکی قولاریمی من مشکیمه ایتدیم سپر اوخ گوزومنن قولاریمنان ایلدی صرف نظر مشکه دیدی سو جالاندی ایویم یخلدی آی قارداش اوت ورار بو بند شعریم آفتابین قلبینه بولمورم اوخ مشکه دیدی یا ربابین قلبینه باب المراد ابوالفضل باب النجات ابوالفضل شرمنده دور یوزوندن آب فرات ابوالفضل ای دست دلرباسی مشکل گشا ابوالفضل دست گره گشایه جانلار فدا ابوالفضل جنازون اوستونه تک گلمیشم قانا بویانام (نقدر سسلدی عباس ئوزومده بالالاریمدا سنه قربان بیر دوداقلارین تکان یسین منی دیندیر دوره ده منه بتر ال چالولار قارداش ) جنازون اوستونه تک گلمیشم قانا بویانام اوتانما گوزلرین آچ گلمیوب رقیه بالام #روضه_حضرت_ابوالفضل #عباسیه

روضه حضرت ابوالفضل (ع) باغلادی کوفه لیلر حضرته چاره یولونی سالدلار تندن اونون صاق قولونی صول قولونی دیدیلر بیچدی عجل داسی گل یاسی گلون آی قاچانلار قیدون یخدیلار عباسی گلون السیز بدنی اهل جفا آلدی آرایه بیر جور باشی سندی ننه سی گلدی عزایه باش کاسه سینون چاتدی سسی خیمه سرایه سوجامینی آتدی یره دیسگیندی سوسوزلار جمع اولدی ربابین باشینا قورخولی قیزلار نیلیم یارب دییر اصغر سوسوزدان ئولمسین اصغرین وای ناله سی یردن گویه قوزانماسین باخدی علقمدن آخان آب روانه آغلادی وای رقیه وای چاغردی یانه یانه آغلادی گریز شعره چاتمشوخ عنایت ایتسه فاطمه گرک ئولونجه آغلیاخ حسینی یاندران غمه حسینچیلر دورون گیداخ کنار نهر علقمه گورک اوقهرمان نجه نگهبان اولدی پرچمه (دوستان از اینجا به بعد میتونن از شهادت حضرت ابوالفضل بخونن) التماس دعا #عباسیه

منیم ای تشنه قربانیم نوحه زبانحال حضرت علی اصغر از زبان امام حسین منیم ای تشنه قربانیم    بالام لای لای گلوم لای لای باشیم تاجی آدیم سانیم بالام لای لای گلوم لای لای2 سودان چیخسا قیزیل ماهی گورن حالین چکر آهی چالیخلار گه دوشر گاهی    سویوا بلکه تاپار راهی آچار آغزین یومار تز تز          هرایه سسلر اللهی دیر قویما چیخا جانیم بالام لای لای گلوم لای لای2 بالخلار شاهی صید اولسا         قویاللار آغزینا سکّه سنی صید ایتدیلر آغزون قیزیل قان اولدی بیرتکّه دوشوب آغ دوشلو گون اوسته بو قدری قرمزی لکّه آچوب سولموش گلستانیم بالام لای لای گلوم لای لای2 اورک ایستر باخا اوغلوم بالخلار جان ویرن وقته ولی صیاد جلادون           اورگی داشدی یا تخته نیجه رحم ایلمور بیلمم        ایله بیرحالت سخته دیمور ناظردی سبحانیم بالام لای لای گلوم لای لای2 ویرر جان تپراق اوستونده     نیجه بسمل کبوتر لر قنادی اولماسا باغلی       چیخاندا جان ویرار شهپر سنون قول باغلی اولماقون منی چوخ شرمسار ایلر یانور قلب پریشانیم بالام لای لای گلوم لای لای2 بیرآهو برّه صید اولسا      آناسی هی ملر دالدان الینده اولماز علاجی      باخار اشکین  الر دالدان گوتورمز گوز بالاسیندان هارا گیتسه گلر دالدان منیم یوخ الده امکانیم بالام لای لای گلوم لای لای2 او کهنه اوچیلار اوغلوم بولر بو رسمی دنیاده یالار ئوز قانینی  آهو      ایدر نفرینی صیاده یالیدون قانیوی سنده گلیدی دستحق داده چاتیدی درده درمانیم بالام لای لای گلوم لای لای2 دیدیم لیلایه صبر ایله     بو نیسگل قلبیمی داغلار طوی ایتسون سن بو گونلرده بالام گهواره ده آغلار ولی اصغر ایاق دوتسا          عروسینده بلین باغلار قاچار پیشوازه جانانیم بالام لای لای گلوم لای لای2