بهار عمروم دونوب اوغلوم آلتی آیدا فصل خزانه سنه آغ کوینک گیندیردیم شاهیمه ویردیم عاشقانه سوسوز جیران مثلی سینمده آیرلوب گیدون وعدگاهه فرات آخدی چولره ساری سن سوا باخدون یانه یانه بالام لای لای گلوم لای لای علی لای لای علی لای لای ننه قربان گل قوجاقیمه بوش قالوب سینه ام آغلورام من گئجه دن خیمه کنارینده عالمون قلبین داغلورام من گزیرم بیر خالی گهواره ترپدم تا بوش گاهواری اولوب آخشام قانلی قنداقی هی آچورام هی باغلورام من بالام لای لای گلوم لای لای علی لای لای علی لای لای چرخ بی عار الیوب گوندوزومی لیلیه تار ائلر ایچره نجه گور مادریوی خار ایله دی گون کی باتدی گتیروب خیمه ده سو پایلادلار ایچمیردیم بالا جانی بی بین اسرار ایله دی صود گلیبدی ولی یوخدی امنی تئز گل اوغول گور نجه صود ننون جسمینی آزار ایله دی وقای این حنجر کوچیک با سه شعبه شد نامرتب یه تیر اینقدر کشته داد بابا من رباب و تو عمه زینب یه تیرانداز آرزوهایی که دل من باشش رو برده از اون بدتر خنده ایه که حرمله رو لبهاش آورده زدن داره آخه شش ماهه حجم تیر بیشتر از گلوشه یه قطره آب یه کاری کرده حنجر تشنه ات زیرو رو شد

بهار عمروم دونوب اوغلوم آلتی آیدا فصل خزانه سنه آغ کوینک گیندیردیم شاهیمه ویردیم عاشقانه سوسوز جیران مثلی سینمده آیرلوب گیدون وعدگاهه فرات آخدی چولره ساری سن سوا باخدون یانه یانه بالام لای لای گلوم لای لای علی لای لای علی لای لای ننه قربان گل قوجاقیمه بوش قالوب سینه ام آغلورام من گئجه دن خیمه کنارینده عالمون قلبین داغلورام من گزیرم بیر خالی گهواره ترپدم تا بوش گاهواری اولوب آخشام قانلی قنداقی هی آچورام هی باغلورام من بالام لای لای گلوم لای لای علی لای لای علی لای لای چرخ بی عار الیوب گوندوزومی لیلیه تار ائلر ایچره نجه گور مادریوی خار ایله دی گون کی باتدی گتیروب خیمه ده سو پایلادلار ایچمیردیم بالا جانی بی بین اسرار ایله دی صود گلیبدی ولی یوخدی امنی تئز گل اوغول گور نجه صود ننون جسمینی آزار ایله دی وقای این حنجر کوچیک با سه شعبه شد نامرتب یه تیر اینقدر کشته داد بابا من رباب و تو عمه زینب یه تیرانداز آرزوهایی که دل من باشش رو برده از اون بدتر خنده ایه که حرمله رو لبهاش آورده زدن داره آخه شش ماهه حجم تیر بیشتر از گلوشه یه قطره آب یه کاری کرده حنجر تشنه ات زیرو رو شد

از اسب افتادن امام حسین ع و شهادت آن بزرگوار با مقدّمه قتلگاه بو مجلسی ملائکِ نُه کشور آختارور فیض آلماقا تمامِ ملائکلر آختارور شاهِ شهیده مرثیه خوان جَبرئیلدور کُرسیّ عرشی روضه ایچون منبر آختارور بیر سس گلور قولاقیمه آرامیمی آلور گویا آتا اوغول ایتوروب سسلر آختارور بیت الحزن مجاوری یعقوبدور مگر مصرِ بلاده یوسفِ گُل پیکر آختارور یا بیر جوان سسی ایشیدوب شاهِ کربلا آت گزدورور او چولده علی اکبر آختارور ظاهر بودور اوز اوغلونی آختارموری حسین ایتمیش بهانه اکبری ، پیغمبر آختارور اطرافِ رزمگاهی گزر حرمله مگر تیر و کمان الینده علی اصغر آختارور ایتمیش حسین اوز بدنین اوخلارا نشان اوجِ وصاله اوچماقا بال و پر آختارور آتدان دوشنده خیملره قاچدی ذوالجناح گویا غریب صاحیبینه یاور آختارور شیهه چکوب دییردی گَلون ای غریبیلر میداندا بیر یارالینی مین کافر آختارور ناگه نه گوردولر دولانور خیمه نی باجی قارداش گوزونی باغلاماقا معجر آختارور زینب او دمده قارداشین آختارماقا گلوب گوردی کی قارداشی سورونور خواهر آختارور گاهی دونور بقیعه طرف سسلنور آنا گَل کربلایه اوغلون ئولور مادر آختارور کیمدور ویره بو حالیمی عبّاسیمه خبر بیکس حسین تشنه ئولور ساغر آختارور ناگه نه گوردی شمر گوزون قان دوتوب گلور امّا الی بلینده گزر خنجر آختارور خنجر قویاندا گوردی گوزین چوخ دولاندیریر سسلندی یاحسین کیمی بو گوزلر آختارور؟ فرمایش ایتدی منتظرم صون نفسده من زهرانی بیر گوزوم بیریده حیدر آختارور گاهی یرور گهی دایانور صاق صولا باخور خلوتگهِ حسینی پوزا پیکر آختارور باخمیب یارالیدی او دنی چیخدی صَدرینه کسسون باشین نه طرزیله پشتِ سر آختارور زینب نه گوردی باش کسیلیب تیتروری بدن بولدی یقین تازه کسیلمیش سر آختارور تا امّته شفاعت ایده شاهِ کربلا قانلی باشی الینده گزر محشر آختارور ایتدی سبیل گوز یاشینی سلسبیل تک گویا (دخیل) محشر اوچون گوهر آختارور. #دخیل_مراغه_ای

‍ شام غریبان امام حسین (ع) سبک اصغریم ای شیرین زبانیم ای منیم نور هر دو عینم دئمه یوخدور بالا معینیم دوتماقا شام غریبان آناوام گلموشم حسینیم ای دوشن باشی پیگریندن آرالی وای منه سن یارالی من یارالی یارالی نور عینیم وای حسینیم وای حسینیم وای آچ گوزون اغیاره باخما خولی بی آره باخما باشوی قوی سینم اوسته یاره ای مسماره باخما بولمدی خولی قدریوی بلّم اوزوم یوز گوزنّن قانی کلی سلّم اوزوم یارالی نور عینیم وای حسینیم وای حسینیم وای منزلون دور گور هارادی اوغول بو نه ماجرادی وای منه کاش گورمییدیم داش دگوب آنّون یارادی یاروی گوردیم سینمی داغلیارام بیر الیم قاخسا یاروی باغلیارام یارالی نور عینیم وای حسینیم وای حسینیم وای آچ گوزون باخ منه اوغلوم گلمیشم شیونه اوغلوم قاپوموز اودّا یاناندا قولی وئردیم سنه اوغلوم گلرم کوفیه آنان فاطمه ام درگهی ظلمیلن یانان فاطمه ام یارالی نور عینیم وای حسینیم وای حسینیم وای سبک اصغریم ای شیرین زبانیم الاحقر عبداللهی ✍

شام غریبان امام حسین (ع) – تنور خولی عيال خولي گوز آچدي گوره نه غوغادي باخوب نه گوردي كه مطبخده حشر بر پادي تنوريدن گورجك نوريدي تلالو ايدور ديدي خدا بو حقيقتدي يا كه رويادي بو خولينون ايويدور بوردا وا حسين سسي وار بو محترم كيشي لر كيمدي نه قضايادي نه سسدي بو كه ديولر دورون گلور طاها داليجا نوحيدي ادم مسيح و موسادي شعيب و خضر و سليماندي يونس داوود خليل و يوشع و شمعون ذبيح و يحيادي هاموسي قاره گيوب باش آچوقدي سينه زنان تنوري دور ليوبلر عجب تماشادي نه گوردوم اوندا بلند اولدي طرقوا صوتي تمام ايدون ديديلر موقع تسلي دي چيخون قباقنا ايندي اوغول آناسي گلور حسين عزاسيدي بو سر پرستي زهرادي گلوب اوتوردي تنوره اوزاتدي بير اليني اشاره اهلينه بو سوز گوزل بير ايمادي ديوله بير قولي قاخموردي ظلم ثانيدن بير اللي گوتدي او باشي اوجالدي فريادي ديدي حسين گوزون آچ كام آلوم نگاهوندان خبر ويروم سنه اوز قانلي قتلگاهوندان او چولده من واريديم چشم خونفشان واريدي غريبه منظره لر واضح و عيان واريدي يانان چادردا نماز اوسته زينبي گوردوم نه ديزده طاقتي نه قلبيده توان واريدي سرير نازيده صبح ايلين بالالاريوا گیجه نه بستر راحت نه خانمان واريدي گوزوم فراتده دوشدي آخوردي اوز باشينا شريعه ده نه موكل نه پاسبان واريدي ديديم گيدوم گينه گودال قتلگاهه طرف اگر چه اوردادا مين محنت گران واريدي كسوك بوغازيوي اوپدوم اوجادان آغلاماديم كمينده چون الي خنجرده ساربان واريدي غريبه شام غريبان غريبه مجلسيدي ديمه نه بير باش آچان نه بير آغليان واريدي من اوخشاما ديمديم چونكه سينون اوستونده بير اوچ ياشيندا گوزي ياشلي نوحه خوان واريدي آيون ايشقي دوشنده رقيوين يوزونه گوزومدن اولدي روان قلبيده نه قان واريدي بيله خيال ايليديم ثاني كربلايه گلوب يوزونده من كيمي چون سيلي دن نشان واريدي کسیلسون اللری شمرون ، ایوی خراب اولسون گوروم که من کیمی قلبی یانوب کباب اولسون * مرحوم حاج رحیم منزوی اردبیلی

🌺یاحسین ع 🌺 ائتدی فرشته لر نوا آغلادی ارض کربلا ایلدی جبرئیل صدا قتل الحسین بکربلا بو سوزی ایستدیم یازام قلبیمه دوشدی واهمه موقع عصر تنگ دور یوم بلای فاطمه گون دوتولوب هوا دونوب اهل جهان سراسیمه قاره یئل اسدی یاغدی قان گلدی زمین تلاطمه جنبشه دوشدی بحرلر وحشته دوشدی ماسوا غارت اولوب حسابسیز طوق طلا آپاردیلار آلت گوشواره و سلسله پا آپاردیلار عنبر و مشگ و زعفران عطر صفا آپاردیلار پرده شال و ترمه و برد و قبا آپاردیلار فرش و اثاث و زیبدن خالی اولوب حرمسرا راوی دئیور او وقت اوزوم درک ائلدیم بو قصه نی بیر قیز اوشاقیدور قاچور شعله دوتوبدی دامنی من دالیسیجا سالدیم آت سوندورم اودلی خرمنی اللری سینه ده سلام ایلدی گورجگین منی وورما دئدی آتاسیزام من سنی ایلرم دعا گر تانیسون نجف چولین سن منه ایندی ور نشان اوردا یاتوب بابام علی مشکلون عقده سین آچان من گئدورم شکایته ظلم عدودن الامان دشمن الینده قالمیشوق گل بابا داده بو زمان گور نئجه دوشموش عترتون اودلارا وا مصیبتا شعر از تاج الشعرا استاد یحیوی

کهنه پیرهن که گیدون خیمه دن گلنده قارداش کیم سویوب اونی آپاردی؟ قالمیوب بدنده قارداش عمروون چراغی سوندی، ظلمت ایچره دالدالاندوم صبحه تک یانان چادردا هجرون آتشینده یاندیم دست بوسوه باغشلا تز گلمندوم یوباندوم بیلمدوم گرک گلیدوم ساربان گلنده قارداش... خوش دگل ویرم عریضه، بیر به بیر اورک ملالین قارداشی ئولنلر آغلار، زینبون ایشتسه حالین هانسی باجنون زمانه من کیمین پوزوب جلالین؟ هانسی باجنی دوگوبلر قارداشی ئولنده قارداش؟ هر قدر بیز اهل بیته، ظلم ایدوبله دویمیوبلار آل خبر گور هانسی قزدور، ورمیوبلا سویمیوبلار یاندیرار منی بو نسگل، آغلیاندا قویموبلار ئولمسم سنه ئولونجه آغلارام وطنده قارداش. مرحوم انور اردبیلی (ره) التماس دعا 😭😭😭😭🖤🖤🖤🖤

‍ احوالات قتلگاه 😭😭😭🖤🖤 آخدی سوچوللره باخدی اورگی یاندی حسین شرف وشوکتینه شأنینه عالم قربان قان دولان گوزلرینه چشمه زمزم قربان سنه رحم ایلمدی دشمن قرآن یارالی بیر ایچیم سو سنه قحط اولدی لب عطشان یارالی تشنه جان ویردون اوگون جان یارالی جان یارالی ملکوت اهلی سنون حالیوه گریاندی حسین نیلمیشدون بووجودین بئله دوغراندی حسین قانلی مقتلده سنون سوز وگدازون نیمیش تشنه حلقومیده کی راز ونیازین نیمیش اوچوخور یرده اوحالیله نمازون نیمیش نقدر آیه قرآنه سنون وار هوسون گه تنور ایچره تلاوتده دی یورقون نفسون

احوالات قتلگاه 😭😭😭🖤🖤 آخدی سوچوللره باخدی اورگی یاندی حسین 🎤با نوای مصطفی داداشی

سلام اولسون تالانمیش خیمه گاهه سلام اولسون اوقولسوز سرسپاهه آدی سقا ئوزی عطشان حسین جان 😭😭😭😭 سلام اولسون اواوخلانمیش بالایه ربابی غصه سی سالدی بلایه سلام اولسون جوان مه لقایه قویوب لیلانی سرگردان حسین جان 😭😭😭😭 سلام اولسون اوطفل شیرخواره اولوب سینون اوطفله گاهواره یوزی قونداقی حلقی پاره پاره سولان بیرغنچه دی خندان حسین جان 😭😭😭😭 سلام اولسون اوجسم زخمداره سلام اولسون اوقلب داغداره یاروب اوچ پر لی پیکان ائتدی یاره اولار گوزیاشیمیز آلقان حسین جان 🖤🖤🖤🖤

آی یارالی سلطانیم وروبدیلار سنی چوخ قارداش سوکوبدی قلبیوی اوخ قارداش سسیو سس ورن یوخ قارداش ای بدنی صدپاره قالوبدی زینبین آواره گئدبدی غارته گهواره رباب اولوبدی بختی قاره یارلی آقام ای وای یارلی آقام ای وای دربدرم ای قارداش گزربونیسگیلین دیللرده قالوبدی کویگون اللرده روقین آغلیور چوللرده یارلی آقام ای وای یارلی آقام ای وای دربدرم ای قارداش همیشه یاره باغلار زینب سنه الونجن آغلار زینب غمونده سینه داغلار زینب یارلی آقام ای وای یارلی آقام ای وای دربدرم ای قارداش منه بوبیرمصیبت بسدی چیخاندا سینووه شمر اسدی سوسوز باشیوی دالدان کسدی فاطمنین ریحانی اولوبدی پیکرین اوراغی نه باش قالوب نده بارماقی گوروم سینایدین آت دیرناغی امان از دل زینب امان از دل زینب دربدرم ای قارداش دورایله بوسوزه بیرچاره گلین گورک سالا گوشواره نکی اولا غولاغی یاره هاردادی داماد الله گوره عروسی گل تک سولدی الیندکی حنا قان اولدی گوزه صحابقن تک دولدی امان از دل زینب

شام غریبان در کربلا  🏴🌷🏴🌷🏴🌷🏴 گلمیشوخ ای شیعه‌لر شام غریبانه بیز ویرماقا باش ساقلیقی زینب نالانه بیز بوگجه بیز گلمیشوخ نوحه ایداخ آغلیاخ آغلیوب اول سروره سینه‌میزی داغلیاخ تشنه‌ اؤلـن سروره جمله عزا ساخلیاخ شیونیله گلمیشوخ جمله شبستانه بیر   چون باتوب اؤز قانینه اکبر شیرین زبان حلقین علی‌اصغری اوخلیوب اول کوفیان بی‌گنه اولموش شهید چون او ایکی باغریقان باعث اودور گلمیشوخ ناله و افغانه بیز   آغلاروق اول سرورین نازلی علمدارینه جملـۀ اصحــابینه یــاور و انصــارینه حیف اولا عباسین اول قامت و قوللارینه یئتسه اَل عرض ایلروخ سرور مردانه بیز   یئــرده قالـوب پیکـر شاه زمین و زَمَن نیزیه گئچمیش باشی قانی آخور نیزه‌دن کیمسَنَه یوخ ایلیه غسل و حنوط و کفن دوشمیـاق آغلار نئجه کوه و بیابانه بیز   زینب و کلثوم اولوب خصمه اسیر و فگار هر بیری بیر محنته بوگئجه اولموش دچار سیّــد سجّــاددَه نالــه ایـــدر زار زار سس ویراق اول بیکسه ایمدی یانا یانه بیز   نازلی سکینه اولوب بوگئجه‌ زار و ملول ظلمیله سیلی ووروب شمر شریر و جهول تتریری بو ظلمیدن عرش، خدای رسول آغلوروق اول بی‌کس و حالی پریشانه بیز   آغلیـون ای شیعه‌لر کرب و بلا شاهینه باخمـادیلار زینبـون اود یـارادان آهینه ظلمیله اود ووردیلار خیمه و خرگاهینه کـاش یانیـدوخ تمـام آتـش سـوزانه بیز 

✅  شام غريبان حضرت اباعبدالله الحسين علیه السلام نوحه شام غریبان یاندیم آنا یا زهرا گل شام غریبانه عباس عوضی باش چک بو جمع پریشانه گل گور نجه عالمدی سرگشته و حیرانم قلبیم آلیشیر والله خیمم کیمی سوزانم من بو گجه بو باشسیز اخیامه نگهبانم نیلیم کسیلوب چاره غملر گتیروب جانه گؤرسن آنا اخیامی قلبین آلیشار والله غارت اولوب اسبابی آرامین آلار والله بو محفله باش چکسن باشیم اوجالار والله قربان ائدرم جانیم من سن کیمی مهمانه بو نصفی یانان خیمه غمخانه ماتمدی درد و غم و اندوهین اسبابی فراهمدی بزم محنین مجلس گردانی رقیمدی شوره گتیرور هر دم نسوانی بو دردانه حسرتلن آلور گاهی غم دیزلرین آغوشه گه غش ائدور آشفته قان رگده گلور جوشه سسلور باباوای آغلور هردم که گلور هوشه شمع رخ دلبرده کول اولدی بو پروانه قارداشلاریمی آلدی بو چرخ فلک مندن آه اوسته چکیب آهی غمدن یانارام دلدن عطرون آلیرام هر دم بو خوردا شیرن دیلدن بنذور سنه سیماسی اوخشو گؤزی مرجانه تا آی گؤزونی یومدی عاشورده گون چخدی گون شاخدی بلا یاغدی زینب ائوینی یخدی قارداشلاریمون دردی داغلی ئورگیم سخدی صبر ایستورم اللهدان درد و غم هجرانه ✍معروفان اهری

شام غریبان #منزل_مبارک ... . . ✔️ مرحوم ذلیل تبریزی . ای دل شکسته منزل مبارک یاتما کول اوسته منزل مبارک . چوخدان چکردیم من اشتیاقون درده گتوردی درد فراقون اولسون مبارک تازه اطاقون ای زار و خسته منزل مبارک . دنیانی ویرّم اشکیله سیله عاشق اولانلار یاتمازلا بیله دور بیر آناوا خوشگلدون ایله نعشین قم اوسته منزل مبارک . دشت بلادن من گلدیم الان اولموشدی میدان قانیله الوان گوردوم کسیبله باشون دالیدان ای بالی بسته منزل مبارک . تالانه گیتدی جمله اساسین غربتده آخر خوار اولدی یاسین کیم کسدی باشون سویدی لباسین سالدی یوز اوسته منزل مبارک . #شام_غریبان #تنور_خولی #ای_دل_شکسته_منزل_مبارک #ذلیل_تبریزی #شام _غریبان_ امام_ حسین#

شام غریبان ➖➖➖➖➖➖ ای نور عینیم/جان حسینیم کول اوسته باشیوی کیم قویوبدی ای حسینیم دور اوزوم بو گویلووی آلیم سینم اوسته باشووی آلیم عارضون/ کول دوتوب/ چوخدی درد و نسگلیم قوی بو آغ /زلفوله /قانلی کوللری سیلیم وای حسین وای حسین ای عزیز فاطمه دور ای بلالی/جان یارالی ائلوندن دوشموسن نور دیدم سن آرالی عالمی گوزوندن آتمیسان سن تنور ایچینده یاتمیسان باشیوی من قویاردیم اوغول گُل اوستونه ایندی امّا قویوب خولی بو کُل اوستونه من ناتوانم/باغریقانم منه خوشگلدون ایت ای عزیزیم میهمانم تیر غمله سینه دلمیشم قتلگهدن ایندی گلمیشم وضع گو دالی من هامّیسین گورنمدیم اللرون ساربان کسدی من دوزنمدیم #محرم #شام_غریبان التماس دعای فرج الاحقر مهدی عبادی ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

کوچ از قتلگاه   ای گل بدنی مخزن اولان خاره یارالی کیم جسموه ووردی بو قدر یاره یارالی   بو چولده باشون کسدیله ظلمیله قفادن سینون یاراسی آرتوخ اولوب نجم سمادن اوچ شعبه لی اوخ یاره سی سالدی سنی پادن ای جسمی اولان ظلمیله صدپاره یارالی   سس وئر باجووا رحم ایله بی کسدی حسینیم بو عرصه ده بیر باد جفا اَسدی حسینیم کیم گلدی گجه اللریوی کسدی حسینیم تاپشورّام اونی قادر قهّاره یارالی   ای شمس هدا یتدی بو صحراده زوالون سندنصورا یغمایه گیدوب جاه و جلالون دور بیر نجه گور قول قولا باغلاندی عیالون زنجیر ستم ووردولا بیماره یارالی   مرهم اَله دوشسیدی بو عدوان آراسیندا باغلاردیم اوزوم یاره وی میدان آراسیندا راحت نه یاتوبسان یارالی قان آراسبندا دور گور نه قیامتدی بو بی یاره یارالی   بیر سمتیده اطفال پریشانی وورولّار گه نازلی ربابی گهی لیلانی وورولّار بیر یاندا باجون زینب نالانی وورولّار ایتمز اثر آهیم دل اشراره یارالی   سن شمع وفاسن سنه پروانه دی زینب عشقونده دوشن چوللره دیوانه دی زینب سس ویر آنام اوغلی دیمه بیگانه دی زینب قویما توکه گوزیاشینی رخساره یارالی   ای باشی گچن نیزیه گل جسمی کفن سیز بیر بلبل شوریده دی زینبده چمن سیز گیتسون نجه شامه بو باشی قاره لی سنسیز مشگل تاپا فرصت گَله دیداره یارالی   بو عرصه ده مین تیر غم آماجیدی زینب هر غمده دوزن صبرلی بیر باجیدی زینب بیر ساترین افسوس اولا محتاجبدی زینب کشف اولمیا تا صورتی اغیاره یارالی   نورون ایلیوبدی بو یری جلوگه طور زینبده گلوب ظاهره موساده اولان شور ارنی دیوری سویلمه لَنْ ای منه منظور سس ویر من محزون و دل افکاره یارالی   وار گل بدنونده نَقَدَر یاره حسینیم بو نسگل ایدر قلبیمی چوخ یاره حسینیم دوتموشدون اوروج گلمدون افطاره حسینیم زهرایه قوناق گیتمیسن افطاره یارالی   آرام آلان ای تربتینون عطری چمندن لطف ایله شها کسمه گلن لطفووی مندن ایستر حسنی قبریوی وار خواهشی سندن قاتسون اوزون ایستر اودا زوّاره یارالی  

روضه غارت بسیار سوزناک😭😭 بانوای کربلایی محمد فکوری #الّلهُـمَّ‌عَجِّــلْ‌لِوَلِیِّکَـــ‌الْفَـــرَج ‍ روضه قتلگاه ایوای باشی دالدان کسیلن قارداشم ایوای ایوای یوزی اوسته یخلان قارداشیم ایوای ایوای بالاسی اوخلانان عطشان قوجاقندا ایوای قالان عریان بدنی گون قاباقندا ایوای داغلان پیکری آتلار ایاقندا (آتلارون نعلین عوض اله دیلر دیدی حسین دوزدی ننم ام المصائب آدلانوب اما منیم مصیبتیم اولاردان باش گلدی کربلاده) اگر باشی ننمین کوچه ده بلالره دوشدی یوزونه سیلی دیوب گوشواره سی یره دوشدی ننمین هاردا گوزی شمر الینده خنجره دوشدی؟ گر جوان ئولدی ننم مقتل بلاسین گورمدی بیز باجی قارداشین هجران ماجراسین گورمدی زینبون شامین حسینون کربلاسین گورمدی یاخجی کی زهرا سینونده اوخ یاراسین گورمدی آهسته الین سالدی یردن اوجالاندردی تا آرخاسی اوسته اول نعشی دولاندردی بیردن دیدی وای قارداش عالملری یاندردی بواوخ ورانون الری دوشسون بیلگینن بواوخ باجوون کاش دییدی اورگینن هانسی اورگین قانی چخبدور ککورگینن

‍ کوچ از قتلگاه بانوای#کربلایی_منوچهر_حسن_زاده ای تشنه بوغازینّان آخان قانی حسینیم مقتلده نماز اوسته چیخان جانی حسینیم ای شاه شهیدان عالم سنه قربان ای سینه سی اوخلاردان اولان یاره حسینیم ای قیزلاری طوفانیده آواره حسینیم ای عترتینین بختی گونی قاره حسینیم گل زینبیوون دردینه قیل چاره حسینیم سن سیز کیم ائدر دردیمه درمانی حسینیم ای شاه شهیدان عالم سنه قربان قارداش اوجا بوی شیر وفاداریم ئولوبدی غوغادی قطاریمده جلوداریم ئولوبدی چاره م کسیلوب چولده سپهداریم ئولوبدی قوللاری اوزون تشنه علمداریم ئولوبدی گؤزلر حرمون ایندیده سقّانی حسینیم ای شاه شهیدان عالم سنه قربان قالدوم نه قرا گونلره بو غملی مناده مخیمده دوشوب اکبریمین نعشی اراده ئولدوردیلر الده بالامی دشت بلاده گول تک داغیلان جسمی قالوب قانلی عباده آرام ائلییوم من نئجه لیلانی حسینیم ای شاه شهیدان عالم سنه قربان گوز یاشلی باخور حجله سینه قاسم ناشاد یخدی ائویمی کیم گوروم اولسون ائوی بر باد قارداش بو نئجه صحنه دى الآن اولور ایجاد یئر اوسته گلین ، نیزه ده بیر یاره لی داماد یوخ هئچ بیرینون صحبته امکانی حسینیم ای شاه شهیدان عالم سنه قربان علیرضا امانی مجد اردبیلی

قابل توجه ذاکرین ومادحین اهلبیت ع روضه شبهای محرم تا ۱۳محرم شب اول، حلول ماه محرم شب دوم، ورود به کربلا شب سوم، جناب حُرّبن ریاحی شب چهارم، حصرت علی اکبرع شب پنجم، جناب حبیب بن مظاهر شب ششم، جناب قاسم بن حسن ع شب هفتم، بسته شدن راه فرات شب هشتم، حضرت علی اصغر ع شب نهم، حضرت ابوالفضل ع شب دهم، شب عاشورا شب یازدهم، شام غریبان شب دوازدهم، کوچ ازقتلگاه شب سیزدهم، ورودبه کوفه روزسیزدهم، دفن شهدا

#ورود به کوفه #(اَهل کوفه گوردیلر بیر کاروان غم گلور) ▪️🍂🍂▪️🍂🍂▪️🍂 اَهل کوفه گوردیلر بیر کاروان غم گلور زینبِ کُبرا حسینه ساخلیوب ماتم گلور زادهء مرجانه دن بیر حُکم اولوب عالم یانوب بو مصیبت ده نه یا لقوز زینبِ کُبری یانوب قلب هاجَر خاطرِ اِنسیّهء حورا یانوب زلفینی سارا یولار هم شیونه مریم گلور بی حیالر اِیتدیلر بیر مجلس عشرت بنا قوردولار اسباب نَردی ظلمی له اَهل جفا حکم ایدوب گلسون گرک بو بزمه آل مُصطفی آه او دَم دن عترتِ پیغمبرِ خاتم گلور باخدی زینب مجلسه گوردی دوروب بیگانه لر شمعه یان دوردی اوزون گورجک یانان پروانه لر سالدی غملی خاطرینه اوزگه بیر غم خانه لر گزلنوب عورت ایچره گوردی نامحرم گلور زادهء مرجانه بو اوضاعی دن آلدی خبر کیم دی بو عورت که عورتلر ایچنده گزلنر دیدیلر بنت علی دور زینبِ خونین جگر سرّی وار گوزیاشی گوزدن صورته هر دَم گلور زینبین آدین ایشیتدی سویلدی گورکیم نِیدوب شکر اولا خلّاق عالم سیزلری رُسوا ایدوب زینبین کلاً قرار و طاقتی اَلدن گیدوب غصّه اُستن غصه پی در پی غم اُستن غم گلور سویلدی لال اول شقی اولاد پیغمبر بیزوُق زُهرۀ زَهرا آنام دور زادهء حیدر بیزوُق جمله اهل کایناته هادی و رهبر بیزوُق باش آچوب حوّا یانیم جا حضرت مریم گلور فانی دور دنیا (ثریا) عمریده یوخ اعتبار چوخ عزیزی عاقبت ناکام ایدوب بو روزگار بو یولی چوخ طی ایدر عالمده هر خرد و کُبار کاروان مرگ بیری آخر بیری اقدم گلور

هردومتن بالا بااین سبک👆 #کانال_ترکی_مجمع_الذاکرین

#ورود به کوفه #گوردولر نوک جدادن صوت الرحمان گلور ▪️🥀🍂▪️🥀🍂▪️🥀🍂 گـــوردولر نوک جدادن صوت الرحمان گلور سوره ی کهفی اوخور صوت خوش قران گلور قانلی باش اعجاز ایدوب قـــران تلاوت ایلیور کوفه شهرین غم دوتوب سبط نبی گور نیلیور صوت زیبا ریشه ی اعــــــدای کُفری پیلیور آسمانلاردان یره حور و ملک گریان گلور یوز دوتوب زینب باخوب بیردن سوسوز قارداشینه گه باخوردی کفرین اهلـــــــی اللرینده داشینه وورمیون داش فاطمـــه اوغلی حسینون باشینه چوخ یارالیدور باشی هر یاره دن بیر قان گلور باخدی زینب گوردی الله اوچ یاشیندا قیز باخور باخدوقیجا اشکیلر چون قطره ی باران آخور سسلیور یاندیم ننه هی اشکــــینی قانه یاخور آغلیولار قیزلاری چوخ ناله و افغان گلور اولمادی کرب وبلاده بو بـــــاشا بیر سو ویرن قالدی عریان پیکری ایستی قوم اوسته بی کفن باتدی عالم ماتمه قیزلار اولــــوب غرق محن سبط پیغمبر باشیدور کوفیه مهمان گلور بو همان باشدور که پیغمبـــــر اوپردی لبلرین بو همان باشدور کسوبدور ساربان اول اللرین آت چاپوپلار نعشی اوستونده او نازلی پیکرین قتلگاهه انبیـــــالر باش آچــــوخ نالان گلور رحم ایدون آخر بو باش ریحانه دی پیغمبره مالک یوم جزا عـــــزت ویــرندور محشره بند قلب فاطمه نــــــور دو عینـدور حیدره آغلیاندا خیر نسوان لــــرزیه ارکان گلور من مصیبت دیده یم باری منیم گوگلوم آلون یاسلیم سیز کول یرینــــه باشیمه معجر سالون لا اقل داش وورمیون بیر جه بو حالتده قالون چون سوسوزدور قارداشوم صوت اناالعطشان گلور نهرون اوسته قارداشوم قولسوز یاتوبدور یالقیزام دوغرانوبدور اکبریم تک قالمیشام یولداشسیزام وور میون طعنه داخی بی یاورم قـــارداشسیزام چون رباب اوز اصغریندن بی خبر نالان گلور آنـــــــد ویرم کوفده اول زینبین احوالینه خـــــردا قیزلار یا حسین و یا عمو فریادینه (پوریـــایم ) دردمندم چات بو نوکر دادینه قسمت ایلــــه کربلا کی اربعین یولدان گلور

نوحه راه شام از ناقه افتادن حضرت رقیه (س) الله بوقلب زاری پیکان غم بولوبدی شامین یولی رقیه آواره دی سولوبدی ائللریندن آرالی گزور حسین مارالی قولوندا قمچی ردی ایاقلاری یارالی سه ساله قیز ، گزور یاقیز، آدامسیز یوخ پناهی بو غم کشین ، بلا کشین ، ندور مگر گناهی او خوردا قلبی غمدن دوشوبدی پیچ و تابه الی ئورک باشیندا یوزون قویور ترابه دیور منی خدایا یتور آنام ربابه باتوبدی آی یئتیشدی ستاره نین زوالی قرا گئجه اسیر دیار پر خطردی ائلیندن آشنادن نه وقتدی بی خبردی گهی دوروب ایاقه گهی یئره دوشردی قولی قانادی سئنمیش پرنده نین مثالی امان الله ، آدامسیزلیق، چتیندی هر محندن سه ساله قیز ، قالوب چولده ، دوشوب آیری چمندن قویوبلا چولده آی بابا آنام باجیم ملر منی سالوبلار اوزگه لر کیمی گوزوندن عمه لر منی بو آیدا چخمور از قضا بیر آز ایشیقدا آغلیام ایاقیمون تیکانلارون چکوب جهانی داغلیام آچوب بو کهنه معجری بولوب یارامی باغلیام #الله_بو_قلب_زاری #رقیه ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

کوچ اسرا-گفتگوی خانم زینب(س) با امام حسین(ع) سوال جواب ‍ کوچ اسرا-گفتگوی خانم زینب(س) با امام حسین(ع) سوال جواب زینب (س) ای لاله کیمی قانه باتان باش باجون ئولسون آچ قانلی گورون باخ منه قارداش باجون ئولسون بیر باشدا کی قارداش اولا بیر بیله جراحت مطبخده کول اوسته یاتار آیا نجه راحت یاتدون نجه مطبخده سن ای شمس امامت ای ماه تمام اوّل شبده نیه باتدون آخر یارالیدون کول ایچینده نجه یاتدون امام(ع) چوخ آغلاما پوزما منیم احوالیمی زینب بو قانلی یوزومدن گوروسن حالیمی زینب ائو صاحبی مهمانه ائدر لطف و کرامت لازمدی یاتاندا یئرینی ایلیه راحت خولی ده ولیکن یوخیدی بسکه لیاقت کول اوسته جگر قانیمی گوز یاشینه قاتدیم قویدوم یوزیمی حسرتیله کوللره یاتدیم زینب (س) مطبخ که حسینجان سنه بیت الحزن اولدی آیا دی گوروم یانیوه هئچ بیر گلن اولدی یا قانلی کولی قانلی یوزوندن سیلن اولدی هئچ صبح آچلینجا گئجه نی یاتمامیشام من بیر لحظه نظردن حرمون آتمامیشام من امام(ع) خولی باجی جان دینینی دنیاسینه ساتدی قویدی منی مطبخده اوزی قصریده یاتدی یاتمیشدیم او حالیله آنام گلدی اویاتدی سسلندی حسین عترتیوی گوزدن آتوبسان پیغمبرون اوغلی نیه مطبخده یاتوبسان زینب (س) نه حالیده گوردون آنامی ای شه خوبان شرح ائت باجووا شادیدی یا حالی پریشان آیا آنامون حالی نجیدی سنه قربان سینمیش قولون آیا یارالی سینه ده گوردون سنله دانیشوب گولدی و یا غمزده گوردون امام(ع) ای مهر و وفاده منه زهرایه برابر زهرا یوزی گولمز نقدر وار بو ستملر پهلوسینه قویموشدی الین زار و مکدر ناراحتیدی چوخ در و دیوار اثریندن اوپدوم یارالی سینه ده مسمار اثریندن زینب (س) گر اولسا جدادن باشیوی اگماقا امکان اگ پاک ائلیوم قانینی ای سرور دوران دشمن نیه گورسون یوزیوی قانله الوان زلفیمله سیلم مه یوزیوی دوشمه خسوفه شاید سنی گورسون تانیسون ملت کوفه امام(ع) سیلمه یوزیمین قانینی ای منبع عصمت بو قاندی منه شاهد و عنوان شفاعت حشره یوزی قانلی گلرم روز قیامت الده یارالی باشیمی عنوان ائدرم من بو قانله چوخ درده درمان ائدرم من زینب (س) سن سن یارالی نی ده کسیک باشلارا رهبر باشوز ائلیوب کوفه نی پر نور و معطر سقا باشی اما آرادا یوخدی برادر چوخ آختاریرام ماه بنی هاشمی قارداش دوزمور ئوره گیم ایستوری قارداشیمی قارداش امام(ع) هئچ کس اونون احوالینی مندن صورا بولمز بیر باش کی او حاله قالا نی ده دورا بولمز قاتل اونی چون گوردی جدایه وورا بولمز قویدی یارالی جسمینی میدان آراسیندا شامه گئدیر اما باشی قلخان آراسیندا زینب (س) قرآن سسیوی کسمه برادر قولاقیمدان حالین بولورم قیزلاریوین اوز سیاقیمدان ایستور اوزین آتسون بو رقیه قوجاقیمدان دوزمور بالا قیزلار داخی یوخ چاره محلی قرآنله وئر عترت اطهاره تسلّی امام(ع) قرآن اوخویاندا وورور اعدا من زاری قرآنله یوخدور بو گروهین سر و کاری سن ناقه ده لای لای دی رقیّم یاتا باری ناراحت اولار قویما جداده منه باخسون دیندیرگوزونون یاشینی سیل قوی سنه باخسون زینب (س) دشمن سنی مظلوم ائلدی کامینه چاتدی بیگانه خیانت اَلین اسلامه اوجاتدی قرآنی شهید ائتدیله قرآن سسی یاتدی تنها بوئیدی دیلده کی مقصودی یزیدین پامال ائده احکامینی قرآن مجیدین امام(ع) ظالم باجی مین ایل یاشاسا کامه چاتانماز هند اوغلی داخی بیر گئجه آسوده یاتانماز قرآنیمون احکامینه خائن اَل آتانماز هر حالیده من حامی قرآن مبینم تفسیر ائلین قانله قرآنی حسینم زینب (س) بیر گونده داغیلدی هامی یاور باشیمیزدان قمچی ووروری ایندی بو لشگر باشیمیزدان هاردیدون او گون آلدیلا معجر باشیمیزدان الله بولوری حاضرم هر گونه عذابه اما دگولم راضی بو جور کشف حجابه امام(ع) سندن باجی جبریله قوشون معجر آلاندا جان اوسته چالوردیم ال ایاق قرمزی قاندا باش سجده ده جان سینه ده قلبیم ضرباندا چوخ سعی ائلدیم تا گلم امداده او ساعت افسوس دیزیمده یوخودی دورماقا طاقت زینب (س) باشون کسیلندن صورا ای مهر ولایت گون باتدی گئجه گلدی دوتوب عالمی ظلمت من خیمده مشغولیدیم اطفاله او ساعت کیم نیمه ی شب یاد ائلیوب یانوه گلدی کیملر دی گوروم شام غریبانوه گلدی امام(ع) سن گئتدون آنام گلدی الینده قره معجر قارداشیم حسن گلدی آتام ساقی کوثر سالدی اوزینی سینه مه حسرتله پیمبر بجدل یتشوب مقصده چاتماقه تلسدی چیخموردی اوزوک دُزمدی بارماقیمی کسدی زینب (س) ایکش نظامات جهان منحل اولیدی نه شمر و نه خولی نه بوگون بجدل اولیدی بارماقوی قطع ایلین اَللر شل اولیدی بیر اَل کی چکردون فقرا باشینه هر آن کیم کسدی بیلکدن اونی زینب سنه قربان امام(ع) قویماز باجی بو قانلاری یئرده ید قدرت بیر گون گلی دنیانی دوتار صوت عدالت ظاهر اولاجاق مهدی موعود امامت نیروی عدالت یخاجاق ظلم بناسین ظالم گوره جاق ظلمتون البته جزاسین

احوالات حضرت امام سجاد (علیه السلام) حضرت سجاد قرخ ایل شادوخندان اولمادی دردینه جز درد دین بیر اوزگه درمان اولمادی کربلاده کربلانین گوردی عاشورا سینی فاطمه اوغلی حسینین محشر کبراسینی قانه غرق اولموشلاری پر موج قان دریاسینی سانما احساساتی دریا تک خروشان اولمادی بیرطرف قانلار سپیلدی ایتدی گلگون داشلاری بیرطرف جام شهادت نوش ایدوب یولداشلاری بیر طرفده قانینه غلطان دوشوب قارداشلاری ایلدی حسرت اولار تک قانه غلطان اولمادی ایتدی اقبال شهادت دین یولوندا اهل دین چاتدیلار بو فیضه یتمیش بیر نفر مرد آفرین اولدی بیله فیضدن محروم فخر الساجدین چوخ چتین گلدی اونا بو امر آسان اولمادی بیرطرف فیض شهادتدن اولوبدی بی نصیب دردی درد اوسته گلوب نه بیر دوا نه بیر طبیب دور و بر بی شرم دشمن ایل اوزاق قالموش غریب دردینه جز درد دین بیر اوزگه درمان اولمادی چوخ سوَردی توپراقا دین اوسته قانی آخماقی سرخ رو قان ایچره قانین چهر دینه یاخماقی چون چتین گلدی دوروب جنگاهه ساکت باخماقی حیف خستیدی قیامه اوندا امکان اولمادی گوردی دشمنلر نجه قلب بتولی اویدولار قزلاری نه وضعیله غارت گونونده سویدولار چوللره یانمیش چادرلاردان چخوب یوز قویدولار هامّی قاچدی سانما بیر فردی گریزان اولمادی خیمه گاه دین یاناندا دوندی شامه گوندوزی ایستدی بوگیروداری گورمه سین حق بین گوزی امر ایدوب قاچدی هامی قالدی یانار اوددا اوزی عمه سی اوددان چخاتدی اوددا سوزان اولمادی گوردی قان دریاده غرق اولموش یارالی نوحینی سو یانیندا تاپدی دینین کشتی مطروحینی ویرمدی الدن گنه روحیۀ پر روحینی ظاهرا پوزقون ولی باطنده پژمان اولمادی خاک و خونیله هم آغوش اولدی جانبازان دین قالدیلار بی سراو خونین چولده سربازان دین سرفراز اولدی جدالرده سرافرازان دین گوردی بو حالی گنه دل صبری تالان اولمادی گوردی غوغائیله دولموش سرزمین کربلا قتل عامیله اولوب خاموش مطلق برملا هر طرف آچمیش گل سرخ شهادت جابجا سانما سونلار کربلا دینی گلستان اولمادی دور ایدوب هربلبل شوریده بیر گل باشینه هر آنا اوغلون تاپوب ویردی خبر گوزیاشینه هربالا اوخشار آتایه هرباجی قارداشینه نینوا دشتی نواسیزبی نواخوان اولمادی خون طاها وعلی و خون زهرا و حسین رگ لرینده جابجا جاری حسینه نور عین ترک ایدوب قانلو بیابانی امام نشأتین بو حیاتی مرگدن واقعده آسان اولمادی بیر طرفدن دست بسته دل شکسته قلبی پاک بیر طرفدن وار قاباقدا سرنوشت هولناک قرخا دین همره یتیم داغ دیده سینه چاک سانما بو مولا اوزی جزه اسیران اولمادی نه اسارت قید کین قوللاردا گوزده اشگ تر بیر حیات مرگبار و محنت افزا بیر سفر نه سفرآدی سفر باشدان باشا خوف و خطر بو اسارتده اونا امنیت جان اولمادی نه سفر دوشموش یول اوسته چوخ غم آور شهرلر هر طرف اهل جنایات خِفا و جَهرلر طعن بیگانه شماتت لر عتاب و قهرلر روبرو وحشی لر اونلان اولدی انسان اولمادی کوفه شهرین دولدوروب باشدان باشا جوش و خروش روبرو حقی دانان دنیاپرست وخود فروش قول قونادسیز قوش کیمی آل پیمبر سربدوش کیم دیر قلب شریفی غنچه تک قان اولمادی ناقۀ عریان لار اوسته پیکر تبداریله روبرو ایله آییلماز یوخلیَن افکاریله یوخلیَن خلقی اویاتدی آتشین گفتاریله اولمیه بیدار او گون روشن مسلمان اولمادی نقطۀ پرگار ایمان اهل کفره دستگیره شیریدی روباه لر مکریله ایتمیشدی اسیر بسته زنجیر اولا عار ایلمز شیر اوغلی شیر دوزدی زنجیره قولی باغلی پریشان اولمادی ویرمدی روحیه سین الدن امام دادخواه گوردی تهدیدات خصمی خسرو اقلیم جاه دشمنه دشمن لر ایچره ووردی ضربه گاه گاه اوز وقارین ساخلادی پابند خذلان اولمادی مجلس ابن زیاده گیتدی قولدا قید کین قتلینه شمشیر کینه چکسدی جلاد لعین وقرینی سندیرمادی اول حجت روی زمین ذره جه دین اوسته اؤلماقدان هر اسان اولمادی اوتدان الهام آلدی زینب بانوی مهدِ وقار ویردی فرمان دوردی آل الله یریندن بیقرار آلدیلار جلاد الیندن عابدی پوزقون قطار عابدین قتلینده اجرا قانلو فرمان اولمادی کوفه ده دللرده قویدی انقلابی بیر اثر پای تخت آل هنده باغلادی بار سفر وارد اولجاق گوردی نه شامات یکسر شور و شر اؤلدوره روحیه سین بو وضع عنوان اولمادی چوخ چتین گلدی اونا شام جفا هنگامه سی دلخراش اولدی اونون شاماتده برنامه سی باشینه اود یاغدیراندا دوتدی اود عمامه سی قوللاری باغلیدی خاموش ایتسون امکان اولمادی چوخ جفا شام ایچره گوردی فرقۀ بیداددن چوخ شماتتلر ایشیتدی قوم بد بنیاددن بارها قورتولدی شَرِّ قان توکن جلاددن استقامتله دایاندی حالی پژمان اولمادی درد و رنجه آشنا ایتدی اونی بیگانه لر گه یری زندان اولوب گه گوشۀ ویرانه لر شمع تک دورین آلوب پرسوخته پروانه لر ایله هیچ پروانیه شمع شبستان اولمادی شاعر : مرحوم تائب