#زنجیرزنی #امام_رضا #ترکی #کانال_ترکی_مجمع_الذاکرین

✅روضه رحلت رسول اکرم(ص) ✅گریز به قتلگاه (پیغمبرین قاپسی دویولدی خانم زهرا گلدی قاپی دالینا کیمسن؟ بیر عربم اوزاخ یولدان گلمیشم پیغمبرین زیارتینه خانم بیوردی گیت صورا گلرسن بابام دانشمیر دا منیده دانشدیرمیر بیر آز زمان صورا قاپی دویولدی من فی الباب همان عربم گلمیشم پیغمبرین زیارتینه خانم آغلادی بیوردی مگر دیمدیم بابام دانشمیر گیت صورا گلرسن بار سوم قاپنی دوینده پیغمبر گوزلرین آچدی قیزیم قوی گلسین ایوه بالا. بابا جان مگر کیمدی؟ آقا بیوردی هر قاپنی دویمز هر قاپیدان اجازه آلماز بو سنین قاپوین حرمتیدی. باباجان کیمدی؟ اورگیم اسدی نه غملی صداسی وار پیغمبر آغلادی دیدی قیزیم دده نی بالادان آیراندی بو قابض الارواحیدی . وارد بیت رسول الله اولدی الی اورک باشندا پیغمبره سلام عرض اله دی امام زمان آقا پیغمبر گوزلرین آچدی بیوردی قیزیم چاغور بالالاریم گلسین ) حسن صاقندا حسین صولدا باشی اوسته علی ایاق طرفده بتولین اوجالدی افغانی حسین اَلین گَتیروب قویدی سینه سی اوست ه گَتوردی درده همان حال شاه مردانی دیدی گوتور الیوی سینه سین آغیرلاتما اوغول حسین گوروسن جدّیوین چخور جانی ویرنده جان بو حسین یاعلی اولیدون کاش گورِیدون اورداکی اوضاعی قانلی میدانی آغوردی شمرون ایاقی و یا حسینون اَلی نه نوع شرح ایلیوم بو ملال عظمانی عزیز فاطمه نون شمر چخدی سینه سینه یارالی سینه سینون باخمادی آخار قانی امام گوزلرین آچدی بویوردی ای ظالم چخوب بو سینیه تیترَتمه عرش رحمانی یارالیم اُلورم بی مروّت اینجیتمه سوسوز بو چولده گَل اُلدورمه بو لب عطشانی شمر ظالم الکی خنجرین آلدی الینه حوریلر جنت آرا زفلرین آلدی الینه فاطمه یومدی گوزون معجرین آلدی الینه (قبل از آنیکه او ظالم یارالی باشین بدنینن آیرا زینبین الین کسدی) آفرین سسلدی ابلیس او دنی کینه سینه عشقیده ویردی بها عاشق دیرینه سینه باجینون قانی آخور قارداشینون سینه سینه قان دگول بو توکولور کرببلانین یرینه فاطمه ویردیگی صودی قاریشیر بیر بیرینه

رضه رحلت رسول اکرم (ص) گریز به قتلگاه بانوای:زنده یاد حاج محمدباقر منصوری

🏴احوالات امام حسن مجتبی(علیه السلام)خطاب به خواهرش زینب(سلام الله علیها)🏴 ✍اثرطبع؛؛کربلایی ودود آذرین خلخال 🎶سبک:اصغریم ای شیرین زبانیم... زینبیم یار و غمگساریم غملیدی دلده کی سرودیم جعده بیر ظلم ایدوبدی تزگل اود دوتوب خرمن وجودیم دور باجی غم چاقیمدا فریادیمه گل اود دوتوب یاندی جگریم دادیمه گل باجی یاندیم ... اولولاندیم۴ طشته باخ لخته لخته قاندی باشوه قاره باغلا زینب پارچالاندی جگر دایانما گل من زاره آغلا زینب گلشن عمریمی خزان ویردی باجی دشمنین کینه سی منی یوردی باجی باجی یاندیم ... اولولاندیم۴ ایش باجی گور هارا یتیشدی من غریب اولدیم اوز ایویمده محرمیم اولدی خصم جانیم ظلمیله سولدیم اوز ایویمده غم سوزین سویلمه حسین قارداشیما بیلمسین تا نلر گلوبدی باشیما باجی یاندیم ... اولولاندیم۴ حالیمی گورسه غیرتیندن اوزگه حاله قالار ابالفضل بیلسه کیم قاتلیمدی زینب انتقامین آلار ابالفضل سویله اود خیمیه ظلّامه سالماسین غیرتین دشت کربلایه ساخلاسین باجی یاندیم ... اولولاندیم۴ ۱۴۰۳.۰۶.۱۰ #شهادت_امام_حسن_مجتبی_علیه_السلام #هفتم_صفر #بیست_هشتم_صفر #کانال_باب_الحوائج

نوحه شهادت امام حسن علیه السلام 😭😭طشته باخ لخته لخته قاندی •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ

▪️نوحه شهادت حضرت امام رضا علیه السلام 🎼سبک: قان یاغدی کربلاده .... با نوای>>>علی حیدرزاده <<< الله سراسر   عالم باتدی غم و عزایه ماتم دوتوبلار الله دلبند     مرتضایه مسموم ائدوبدی مأمون چون حضرت رضانی زهرا گلوب نوایه یاندوردی ماسوانی ظلم ائتدی دست کینه آغلادی مصطفانی دشمن خیانت ائتدی اول حجت خدایه 2بار زهر جفا سالوبدی مظلوم امامی دیلدن رنگی سارالدی صولدی حالی پوزولدی بیردن چخدی ستم سرادن گئتدی توانی الدن آغلاتدی عرش فرشی طاها گلوب نوایه 2بار بو قوم کینه ائتدی بغض نهانی ظاهر پیغمبر اوغلی اولسون پیغمبره مجاور اوغلی جوادی سسلور اولسون باش اوسته حاضر گویده ملکلر آغلور بوحال غم فزایه 2بار جنتده قلب زهرا یانسا اگر بجا دور یاندورسا کائناتی بو نسگلی سزادور بی حد جنایت ائتمیش دشمن مگر روادور دنیاده اهل بیتون باشی دوشوب بلایه 2بار گلمز نجه بو شیعه غملرده آه و زاره آخماز نجه جوادین گوز یاشی گل عذاره آغلار آتا غمینده    قلبی  چکر  شراره قالموش ئورکده اللر سس دوشدی نه سمایه 2بار ئولدوردولر امامی سس دوشدی بو جهانه گل تک صولوب جمالی زهرا گلوب فغانه ظلمیله  اولدی مسموم پيغمبر ه. نشانه جنتده حیدر آغلار بو ظلم اشقیایه 2بار عرض ایلرم آقاجان ای شاهکار خلقت «مهدی» آدینلا مولا تاپدی جهاندا عزت لطف ایله دوت الیندن ای صاحب کرامت درمان ائله رضا جان هر درد بی دوایه 2بار ملتمس دعا ✍بقلم حاج مهدی ملکی زنجانی

در مدح حضرت امام رضا (علیه السلام)   آغام آغام آغام آغام امام رضا بو جمعیدن سنه سلام امام رضا    فدا اولوم سنون آقا جلالیوه نصیبیم اولموری گلم مزاریوه هاچان اولور دوشه گوزوم رواقیوه آغام آغام آغام آغام امام رضا   بو جمعیدن سنه سلام امام رضا او درگهه گلن گلر حوائجه تمام دردینه اولار معالجه حریمیوه گلن چاتار نتایجه آغام آغام آغام آغام امام رضا   بو جمعیدن سنه سلام امام رضا صفا ویرر اورک لره رضا آدی غریبه کسلره دوا رضا آدی تمام دردلره شفا رضا آدی آغام آغام آغام آغام امام رضا   بو جمعیدن سنه سلام امام رضا طبیب سن دوا سنون الونده دی مریض لره شفا سنون الونده دی دیوله کربلا سنون الونده دی آغام آغام آغام آغام امام رضا   بو جمعیدن سنه سلام امام رضا سنی قسم کرامت و جلالتون بو نصف شبده کسمه سن  عنایتون چتین گئجمده لطف ایله شفاعتون آغام آغام آغام آغام امام رضا   بو جمعیدن سنه سلام امام رضا او قبره دوشمه سه بو « صادقی » گوزی شعله چکیب چیخار اورکده کی کوزی گجه گونوز اولار همیشه بو سوزی آغام آغام آغام آغام امام رضا آغام آغام آغام آغام امام رضا بو جمعیدن سنه سلام امام رضا

🏴شهادت امام حسن (علیه السلام)🏴 . 🎶سبک_ویرانه_ده_نازلو_بالام.... .. ✍مرحوم نادری میانجی .. ای مجتبایه جسم و جان یاتما اویان زینب زهرا الوبدور ناتوان یاتما اویان زینب .. .. .. .. تجدید اولوب فصل عزا ای بزم غم آرا دوغراندی دل یاندی جگر گلمز آنام زهرا دور قارداشون جان اوسته دور ای زینب کبرا یوخ حالیمه من تک یانان یاتما اویان زینب .. .. .. .. دوشدی بلایه گور باشیم ای باشیمون تاجی یاندوم منه ایله علاج ای مهربان باجی دور توک عذاره گوز یاشون ای غملر آماجی ای بخت و اقبالی یاتان یاتما اویان زینب .. .. .. .. دور گور سموم زهردن غم کاسه سی دولدی باد خزان أسدی گنه گل غنچه لر سولدی گیچدی چراغ فاطمه قاسم یتیم اولدی قلبیم اولوبدور لخته قان یاتما اویان زینب .. .. .. .. ئوز محرمیمدور سینه مه سنگ جفا آتدی گور اشعثین نادان قزی عقباسنی ساتدی رحم ایتمیوب سو ظرفنه زهر ستم قاتدی یاندوم باجی دور سنده یان یاتما اویان زینب .. .. .. .. جان اوستیم ناز ایلمه آچ گوزلرون قربان دور سن حسینه ویر خبر ای زینب نالان جان تاپشورور سویله حسن ای شاه مظلومان ای خیمه سی تالان اولان یاتما اویان زینب .. .. .. .. قارداشلارا ایله خبر ، خوار اولماسین یاسیم تیز ویر خبر گلسین باجی ؛ غیرتلی عباسیم بیدار ایله گورسون منی ؛ بیکس بالام قاسیم قوی باشلانا شور و فغان ؛ یاتما اویان زینب .. .. .. .. کلثومی گیت بیدار ایله ؛ ای باجی سن تیز گل عباسی ایله باخبر ؛ ای یاسمن تیز گل دی کربلا سردارینه ئولدى حسن تیز گل جسمیم آلیشدى الامان ؛ یاتما اویان زینب .. .. .. .. گوردی اویانمور زینبی، غم جامه سین سویدی دوشدی حرارتدن حسن ، چون جاندن دویدی خم اولدی زینبله حسن بیر یوز یوزه قویدی آهسته سسلندی امان یاتما اویان زینب .. .. .. .. بیر قطره گوز یاشی دوشوب، زینب اولوب بیدار حول اولدی بیچاره باجی بیلمور ندور اسرار فرمایش ایتدى مجتبا، دور ای منه غمخوار مهمانوم ای باغری قان یاتما اویان زینب .. .. .. .. عرض ایتدی قربان جانوه ، ای نوگل حیدر رنگون کبود اولموش ندن ای سبط پیغمبر علّت ندور آواره سن هم جسم و جان تیترر چوخ سسلوسن روح روان، یاتما اویان زینب .. .. .. .. یاز (نادری) زهر ستم یاندوردی زهرانی ملک نجفده آغلادوب اول شیر یزدانی ئولدى حسن غمگین ایدوب چون آل طاهانی غم شرحنی ایله بیان ، یاتما اویان زینب #حسنیه ✏️مرحوم استاد حاج قدرت الله نادری میانه ای

‍ ‍ ‍ ‍ ‍ #دعاهای_مجالس وعده میزانشاءالله کربلااولا بین الحرمین اخرمجلس اللرو قووزا گوه بش دفعه سسله الهی یاالله الهی یاالله الهی  یاالله الهی یاالله الهی  یاالله خدایا به احترام دلسوخته زینب اللری که  که درگاهیوه بلند اولوب  ناامیدومایوس سینه لره قیترمه بارالهاامین دیین دیلری گرفتاربلا ایلمه کربلانی گورمه مش اسیرخاک المه تمامی دردی اولانلارین حاجتی اولانلارین التماس دعا ایلین لرین بوقاپیدا مقضی المرام ایله التماس دعاایلیری به احترام دل سوخته رباب شب شام غریبان رقیه نین اوباباوای ناله سینه خاطر خدایاتمام مریضلره شفاء وره مریضیلره شفاء ورمینن خانواده لرین خوشحال اله الله بومحرمی بیزلراخرین محرم قرارورمه الهی اولین روزماه محرم بواق سقللرجوانار عزادار ارباب بی کفن اولوبلارخدایابو عزاداریلره عالی درجه ده قبول ایله بودنیاده امام حسین اقانین زیارتین واودنیاده شفاعتینن بهرمنده ایله بیردنه دعاایلیوم اوجا امین دیه الله امام زمانین ظهورینده تعجیل ایله شب جمعه دی الهم لعجل ولیک الفرج 2 التماس دعاایلیینلرین مریضلری وار خانواده لرین التماس دعاایلدی  الله به احترام باالحوائج ابوالفضل بومریض ده شفاکرامت ایله خدایا بومریض شفاء ورمگین اونن صحیح  سلامت  قیتمین خانواده لری خوشحال ایله شهادت دررکاب حضرت ولیعصر اقاامام زمانین رکابنده بیزلره نصیب و روزی ایله   مسئولین دلسوزنظام مقدس جمهوری اسلامی راسینده مقام عظمای ولایت الله  ابوالفضله خاطر یرین گوون بلیاتینن حفظ ایله بوحسینیه دن اسیر خاک اولاناره روحین   اربابا قوناق ایله اولنرمیزن روحیین بو مجلسین ثوابینن فیض  واصل ایله اموات میزین روحین شاد ایله دوباره التماس دعاایلدیلر خدایا دردی اولان وار حاجتی اولان وار خدایا سنی اندورم او بیمار مصلحتی کربلا  امام سجاد اقانین اوبوینون رنجیره آیریلاندا اربابین ایاخلارن باقلاددیلار امام سجاد اقانین قولارین باقلادیلار اقابیرباخدی اوی یخیلانار ایاقیمی باقلییسیز من کی اچان دیرم نقدرساقده رقیه قویب قاچان دیرم خدایا به احترام امام سجاد اقا تمام مریضلره شفاءکرامت ایله امواتمیزن روح شادارواح طیئبه شهداامام شهداوشهداکربلا اموات این جمع رحمه الله من یقرافاتحه مع صلوات دعای اخر مجلس مداح ( استاد طالبی )

۞﷽۞ ۞﷽۞ 🟢شعرشماره ۳۹ زبانحال امام حسن(ع)به حضرت زینب س گـل داده یاندی لبلـریم زینب دوغراندی بـوجگرلـریم زینب زهـر جفا سـالـدی منی دیلدن دورایله چاره خواهریم زینب تیز گل هـرایـه آغلاما باجی اشگین عذاره باغلاما باجی دور ای آنام زهـرایـه نـائـبـه دوز بـو غمیمده هـر مصائبه آفـت یتوب عـمـروم بهارینه گـل بیر ائداخ بـاهـم مصاحبه ظلمونده جـعـده ایلیوب طغیان جـنـتـده زهـرا اولـدی پـریـشـان بوکوزه دن جرعه سوایچدیم من آغزیمنان آخدی لخته لخته قان بـو محنـتیـمده سـیـنـه داغلاما گـوزیـاشـیوی رخـسـاره باغلاما یوخدور آنـام زهـرا دیـه ایـوای هجـریمـده بـاشـه قـاره باغلاما احـوالـیـمی دِ شـاه عـطشـانـه دیـداره گلسون چـوخ یانا یانه بـو صون نفسده عطرینی آلیم تسکین اولا بـو خسته لی جانه این شعر به درخواست مداح گرانقدر برادرعزیزم جناب کربلایی یوسف خدمتی نوشته شده است به تاریخ ۱۳۹۹/۷/۲۹مطابق با ماه صفرالمظفر ❇️التماس دعا 📝علی جعفری(عاجز تبریزی) #شهادت_امام_حسن_مجتبی #۲۸_صفر #صفر ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

۞﷽۞ ۞﷽ زبانحال خضرت زینب س به امام حسن(ع) 🎵درسبک : قاره پرچملر اسنده 📝شعر شماره ۳۷ آچ گوزون یاتما حسن جان آی کیمـی باتمـا حسن جان زیـنـبـون آتـمـا بـیـلـه ایوای حسن ایوای ایوای حسن ایوای صبریمی قارداش غم آلدی قـلـبـیـمـی آلامـه سـالـدی حـالـیـوه یـانّنـام ایلـه ایوای حسن ایوای ایوای حسن ایوای سـاغـر صبریـم جـالانـدی قلبیمین دور باشی یاندی گوزیاشیم دوندی سیله ایوای حسن ایوای ایوای حسن ایوای چالما قـارداش ال ایـاقـون چوخ گراندور بـو فـراقـون آغـلارام بـو نـسـگـلـه ایوای حسن ایوای ایوای حسن ایوای کیم سنی بـوحالـه سالدی طاقــت و آرامـیـن آلـدی بنزوسن سولموش گُله ایوای حسن ایوای ایوای حسن ایوای یوخ آنان یـاره ن بیتورسون دردیـوه درمـان گـتـورسـون قوی دیوم عباس گَله ایوای حسن ایوای ایوای حسن ایوی ای گُـلِ یـاسـیـم حسـن جان آغـلـوری قاسیـم حسن جان گویلونی دور آل الَـه ایوای حسن ایوای ایوای حسن ایوای غـمـلـرون یـادایلـر عـاجـز دیـلـدن آدون سسلرعاجـز قبریوی ویـرسن صلـه ایوای حسن ایوای ایوای حسن ایوای این شعر به درخواست مداح گرانقدربرادرعزیزم جناب کربلایی حسین صمدی نوشته شده درتاریخ ۱۴۰۳/۶/۱۹ مطابقه با۲۶صفرالمظفر ❇️التماس دعا 📝علی جعفری(عاجز تبریزی) #شهادت_امام_حسن_مجتبی #۲۸_صفر #صفر ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

شهادت امام حسن (ع) زبانحال جناب زینب کبری (س) یازمشدی قضا زهر جفانی سنه قارداش باشلاندی بلاسی باشمون وای منه قارداش قارداش باجون ئولسون نیه بو حاله قالوبسان حالون پوزولوبدور بیله گل تک سارالوبسان بو حالیله بیر اود بو دل و جانه سالوبسان رنگون دولانوب دوندی ندن سو سنه قارداش باک ایلمیوب جعدۀ ملعونه خدادن مسموم ایلیوبدور او سنی زهر جفادن تقدیر اولونوب روز ازل امر قضادن صبر ایلیه سن هم ستم دشمنه قارداش نه زهردی ایلوبدی سنه بیر بیله تأثیر قلبون آلشوبدور ویروب احوالیوه تغییر بو امر قضادندی قَدر ایتمدی تقصیر دست ستمیله یتوروبدور سنه قارداش عالمده هانی سنکیمی بیر بیکس و مظلوم بو غم ایلیوبدور هامی عالملری مغموم اوز محرمی ظلمیله اونی ایلیه مسموم گلسه یری وار اهل جهان شیونه قارداش ایستردی سنه ال تاپا تزویریله دشمن سعی ایلیوب ال تاپدى یتوب مقصده ایمن بیر باد مخالف له خزان اولدی بو گلشن مشکل بیله آفت یته بیر گلشنه قارداش سن بیر گولیدون گوللر ایچنده بوچمنده نه ایله گل آچدون نه یوزون گلدی وطنده زر تک اریدون بوتۀ اندوه و محنده تأثیر ایلین چوخ بو غموندی منه قارداش هیهات آچا گل بیرده گلستانی ، جهانون سولدوردی سنون تک گلینی باد خزانون وای زینبه ، تأثیرینه باخ زهر جفانون آخدوردی گوزون یاشنی پیراهنه قارداش وای حالیمه بوندانصورا ایوای منه قارداش سنسیز داخی ساق قالمیام عالمده ئولم کاش تا واردی حیاتیم توکرم عارضه قانیاش یوزدنده آخار خون جگر دامنه قارداش زینبدی ازل گوندن اولان غملر آناسی یاندی آنا هجرینده گیدوب الدن آتاسی چوخدور بو بلالی باشمون درد و بلاسی گلدوقجه بلا صبر ایدرم من گینه قارداش دلدن آلور آرامینی بیر قصّۀ جانسوز آی ایل یتر اتمامه گیچر هر شب و هر روز صحرای بلاده بو حسینیم قالو یالقوز مقتول اولاجاق زادۀ ذی الجوشنه قارداش (( ذوقی)) سنی تأیید ایلیوب خالق عالم آغلار گوزیله ساخلا بو شاهنشهه ماتم

🏴نوحه امام حسن مجتبی (ع) 🎼سبک : یا امام زمان شیعه ده احساسه باخ... ویر  خبر زینبیم   داده  حسینم  گله لبلریمدن  آخان زهریلی قانی سیله جگریم     یاندی گل  قلبیم    اوتلاندی   گل یاحسین جان (۴) ئولورم   آی   باجی  داده  حسینی  چاغیر جگریم  دوغرانوب   اولدی  مصیبت  آغیر بیش یاشیندان  باجی باشیوه  غملر یاغیر جگریم     یاندی گل قلبیم    اوتلاندی   گل یاحسین جان (۴) آنامز     یوخ     باجی    ای   آناما      نایبه صبر    ایله    آغلاما  صبره   اولان   قایمه سنه    قربان   اولوم  عاقله  سن    عالمه جگریم     یاندی گل قلبیم    اوتلاندی   گل یاحسین جان (۴) گیت خبر  ویر باجی ئولدی حسن یاحسین باد محنت اسوب صولدی چمن یاحسین غسل  قیل سن اوزون  ایله کفن یاحسین جگریم     یاندی گل قلبیم    اوتلاندی   گل یاحسین جان (۴) قوی حسینیم    گله   باشلیا  تا   یاسیمی گوگلوم  ایستور گورم  قهرمان عباسیمی دی  آتان جان  ویرور  یاسه گله  قاسمی دی حسینیم    گله    باشلیا    تا  یاسیمی جگریم     یاندی گل قلبیم    اوتلاندی   گل یاحسین جان (۴) زهر دشمن   منیم   یاندوروب   اکبادیمی اوجادیب   گویلره   غصه لی    فریادیمی جعده   ایتدی   یتیم    ظلمیله    اولادیمی جگریم     یاندی گل قلبیم    اوتلاندی   گل یاحسین جان (۴) أسه  صرصر  يلی گلشنه تئز ؛ گل  صولار زهر    ایدیبدر   اثر   طاقتیم    الدن    آلار عدنیده   فاطمه     باشینه    قاره     سالار جگریم     یاندی گل قلبیم    اوتلاندی   گل یاحسین جان (۴) بالامی گیت  گتیر  قویما گیلان  آغلاسین قویما  هجران  غمی سینه سینی داغلاسین دی  حسینیم  اونی اوغلی کیمی ساخلاسین جگریم     یاندی گل قلبیم    اوتلاندی   گل یاحسین جان (۴) امام_حسن_(ع)

#شهادت_حضرت_امام_حسن_مجتبی_علیه_السلام جگریم زَهر جَفائیله منیم یاندی باجی گوزون آچ بیرجه اویان لبلریم اوُدلاندی باجی قیل نظر اِی باجی بو قانه دونن گُوز یاشیما دور خبر اِیله گیلن، کانِ وَفا قارداشیما هامی اوُلاد  علی جمع اولا آخِر باشیما موسمِ وَصل گیچوب موقع هجراندی باجی بو نئجه زَهر دور آخر منی بو حاله سالوب طاقت و صَبریمی بو زَهر جفا اَلدن آلوب آچ گوزون باخ یوزومه گور نِجه گُل  تک سارالوب بُولموسن حالیمی سن، جسمیم اَلولاندی باجی باجی زینب گُوزون آچ دیدهء گریانیمی گور آه و فریادیمی، بو ناله و اَفغانیمی گور سارالان رَنگیمه باخ حالِ پریشانیمی گور سرّی وار گُوزلریم آخِر بِئله گریاندی باجی اِئله اِیلوبدی اَثر اِی باجی بو زَهر منه سارالوب سُولدی یوزوم دوندی سُولان یاسَمنّه گُوئیا فصلِ خَزان دور یتیشوب بیر چمنه گُل کیمی لَبلریم آخِر اِئله خَنداندی باجی نیلمیشدیم باجی من جَعدیه مَسموم اِیلدی منی مَسموم اِیلیوب سیزلری مَغموم اِیلدی کیمی بو چرخِ دَنی من کیمی مَظلوم اِیلدی اَهل دِیل اوُلسا منیم حالیمه حِیراندی باجی بیله تحریر اِیلیوب لُوحهَ باجی کِلکِ قَضا بولورم ئولدوره جاقدور منی بو زَهرِ جَفا وِئر خبر دوره می آلسُونلا هامی آلِ عَبا قارداشون بیر نئچه ساعت سنه مِهماندی باجی اِئله مدهوش اِیلیوب دور منی اوُل جِلوهء یار تاپارام اِی باجی بو زَهریله من وَصلِ نِگار آلِ طاها بولورم درد و مَلالیم دَه یانار مَقصدیم لِیک منیم مَحضر جاناندی باجی محنتیمده یِئری وار باجی جگر داغلیه سن جان وِئرن وَقتیده سن گوزلریمی باغلیه سن دَگولم راضی ولی باشه ووروب آغلیه سن نِسگلیم گر چه سنه مُوجبِ اَفغاندی باجی صَبر قیل تُوکمه بو غم دَه باجی جان گُوز یاشیوی یُولما زلفون، بو مُصیبت ده سن آچما باشیوی آغلا او وَقته گُوررسن بو حسین قارداشیوی قتلگاه اِیچره که اوز قانینه غَلطاندی باجی راهِ حقّ ده باجی یِتمیش اِیکی قربان وِئره جاق هم اوزی جُمله هواداری سوسوز جان وِئره جاق سُو دیوب قاتلی چون سُو یِرینه قان وِئره جاق یانماز اَحوالی نه، سانماز ئولور عَطشاندی باجی قُوملار اوُسته قالاجاقدی باجی عُریان بَدنی کربلانین خَس و خاشاکی اوُلور چون کَفَنی بیر نفر اوُلماز اونون غُسل وِئروب دَفن اِئدنی اَهلِ کُوفه گُوره سن آدی مُسلمان دی باجی #عاصی یاز نوحه مُدام آغلا اِمام حَسنه هم بو دنیاده هم عُقباده وِیره لّر حَسنه باطناً اوُزلری بو نوحه دَه دَم وِئردی سَنه جگریم زَهر جَفائیله منیم یاندی باجی التماس دعای فرج #شادروان_عاصی_رحمة_الله_علیه

#شهادت_حضرت_امام_حسن_مجتبی_علیه_السلام زِینَب چُو حالِ سَخت حَسن را نَظارِه کَرد دامَن زِ اَشگ و خُونِ جِگر پُر سِتارِه کَرد آمَد حُسین و کَرد چُو از حالِ او سُوال آن جا که کُوزه بُود بِه آن سُو اِشارِه کَرد گُفتَند دَردِ خُود زِ چِه دَرمان نمی کنی فَرمُود مَرگ را بِه چِه بایِست چارِه کَرد؟ می خواست رُوزِه واکُنَد از آب کُوزِه لِیک یارَب چِه آب بُود که کارِ شرارِه کَرد پیدا بُوَد که با جِگر او چِه کَردِه اَست زَهرِی که رَخنِه دَر جِگرِ سنگ خارِه کَرد دِل رَشحِه رَشحِه داشت زِ زَخمِ زَبان وَلی تَزوِیرِ هَمسَرَش جِگرَش پارِه پارِه کرد جَعدِه به پاسِ مَرحَمَتِ بی حِساب او دَر حَقِ حَضرتَش سِتمِ بی شُمارِه کَرد بارانِ تِیر بَر تَن و تابُوتِ او بِرِیخت تا آن زَنِ سَوارِه بِه مَرکَب اِشارِه کَرد دَر رُوضهء بَقیع چُو شد دَفن پِیکَرَش آن خاکِ پاک را هَمِه دارالزّیارِه کَرد یا مُجتبی بِه حالِ #مؤید نِگاه کُن کَز چِشمِ دِل بِه قَبرِ غَریبَت نَظارِه کرد #زنده_یاد_مؤید_خراسانی_رحمة_الله_علیه

فاطمه قوروب مجلس عزا هم باباسینه هم بالاسینه آغلیور اوره کدن ائدور نوا هم باباسینه هم بالاسینه * صاحب عزا اولدی فاطمه باشینه ایکی قاره باغلیار گه دییر بابا گه دییر بالا سینه سین بو ماتمده داغلیار گه مدینه ده گه بقیعیده اِبن و اَب فراقینده آغلیار باش آچوق وورار سینه برملا هم باباسینه هم بالاسینه گلستانیدن گئتدی باغبان بضعة النّبی اولدی باغریقان گلشنینده سولدی گوزل گولی بلبل اولدی بو غمده نغمه خوان بوکدی قامت و قدّینی الم اولدی چون ایکی غصّه همزمان فاطمه ديور من سیزه فدا هم باباسینه هم بالاسینه **** یئر گوی آغلیور چون دوباره دن بیست و هشت ماه صفر اولوب مصطفا بو گون رحلت ایلیوب هر ایکی جهان دیده تر اولوب مجتبا ایچوب کوزه دن سویی زهر جعده دن خونجگر اولوب فاطمه سالوب باشینه قرا هم باباسینه هم بالاسینه ...**** حضرت پیمبر بو امّته تاپشیروبدی قرآن و عترتین ایرمی اوچ ایلین اجرینه باخون ایستیوبدی عترت مودّتین آز زمانیده فاطمه چکوب بوزمانه نین چوخلی محنتین قاره پوش اولوب ارض هم سما هم آتاسینه هم بالاسینه ** فاطمه گلر آه و شیونه عرض ائدر شه انس جان بابا گه دییر اوغولسوز ئولن بابا گه دییر منه مهربان بابا امّتین یولوندا دوزن غمه، غصه دن اولان با غریقان بابا آغلیار بو ماتمده ماسوا هم باباسینه هم بالاسینه ..

🏴حضرت امام حسن مجتبی علیه السلام ✍مرتضی اسکندری ( ساعد) سبک بانوای:حاج غلامعلی امامی دور یاتما زینب آی   بختی قاره اودلاندی   سینم گل ایله چاره          فتنه لردن   داخی    جانه     گلدیم          آند    اولا     مرتضایه      دینجلدیم جان حسن جان حسن جان حسن جان(٢) دور سسله گلسون مظلوم حسینی محبوب       ر خلاقِ          عالمینی گویلوم   چوخ ایستور  نور دو عینی     مهمانم        ایندی         پروردگاره          جعده   مسموم   ایدوب   مجتبانی         قاره پوش      ایله دی      ماسوانی جان حسن جان حسن جان حسن جان(٢) آچ گوزلرون    ای   کانون رحمت قوی مجتبانون     باشینه   منت دور سسله گلسون دریای غیرت تاپشور     حسینی   اول نامداره         جان سنون  زینبیم  جان   حسینون          قویما تک   قالسون   نور   دوعینون جان حسن جان حسن جان حسن جان(٢) قربانون    اولّام  ای  دلشکسته آچ گوزلرون   ای بانوی    خسته دور باشیمی آل دیزلرون اوسته   اکبادیم    اولوبدور      پاره پاره            لبلریمده    باجی   لخته قان   وار           گورسه منی    بالالاریم     قورخار جان حسن جان حسن جان حسن جان(٢) گوز یاشیمی خون ِ قلبه  قاتما گوزدن   منِ بی    نوانی    آتما جانیم چیخونجا صبرایله  یاتما قوی جان  ویریم   آسوده نگاره            گر  چه   زهرادن    یادگارم    من          درد     بی   درمانه    دچارم   من جان حسن جان حسن جان حسن جان(٢) دل    ویرموشم   پیمان      السته من نیله مشدیم    جعده ی پسته بیر کوزه قویموشدی باشیم اوسته بیر   جرعه ایچدیم   یاندیم   شراره             ئوز عیالیم    منه    اولدی    قاتل           کوزیه    توکدی    زهر     هلاهل جان حسن جان حسن جان حسن جان(٢) ای     مجتبانون    آرام  جانی عرشه ا  وجالتما   آه و فغانی سال یاده زینب  کرب و بلانی یردن   اوجالسا   عرشه شراره         اودلاسا   قوم کین    خیمه گاهی         سن اولارسان    قیزلارون  پناهی جان حسن جان حسن جان حسن جان(٢)

🖊️«با قلم زنده یاد استاد غمکش» نوحه زبانحال حضرت زینب (س) در شهادت حضرت امام حسن (ع) 🍂🍂 سولان رخساریوه قربان باجون زینب حسن قارداش آخور گل لبلروندن قان بو نصف شب حسن قارداش منیم تاج سریم قارداش سولان نیلوفریم قارداش حسن جانم، حسن جانم 🍂🍂🍂 ائدردون هر گئجه گوندوز عبادت سن خداونده سنی بیر بی وفا عورت ائدوب مسموم او شرمنده ئدور چاره غم و هجره ئولونجه آغلارام منده اویان ای سروریم قارداش بلاکش رهبریم قارداش حسن جانم، حسن جانم 🍂🍂🍂 بو غملی ماجرا هاردان وئروب یوز دربدر اولام سولان گل صورته باخدیم جهاندا سن كيمون سولام بهارین ابری تک قارداش جانیمده واردی جان دولام قان آغلار گوزلریم قارداش بلاکش رهبریم قارداش حسن جانم، حسن جانم 🍂🍂🍂 سسون آلدیم زمانی که دندیم قامت كمان اولدوم چکنده سن نفس قارداش سنون تک نیمه جان اولدوم گوزون يومدون بو دنیاده او دور کی باغريقان اولدوم آدوندی از بریم قارداش بلاکش رهبریم قارداش حسن جانم، حسن جانم 🍂🍂🍂 بو حسرت با خماقون گوردوم دوتوب اوت قلبیم اودلاندی شرار آه سینوندن دگوب اوت سینم اودلاندی ندور باعث ندور علت دود اقلارون قیزیل قاندی سینیبدی شهپریم قارداش بلاکش رهبریم قارداش حسن جانم، حسن جانم 🍂🍂🍂 گلوب احوالیوی گورسه بالون عبد الله و قاسم غضبدن تیتریر حتما ابوالفضل اشجع الناسيم بويور من نيليوم اوندا قلینجون چکسه عباسیم منیم ای یاوریم قارداش بلاکش رهبریم قارداش حسن جانم، حسن جانم 🍂🍂🍂 منه قسمتدی دنیاده سالام باشه قرا معجر ائویمی یخدی چرخ دون جماعت اولدی کین پرور عزادار اولدی معناده آنام زهرا آتام حیدر نشان حیدریم قارداش بلاکش رهبریم قارداش حسن جانم، حسن جانم 🍂🍂🍂 دوشوبدی تنگه ظلمتدن سنون نطق گهر بارون جهانی آغلادار قارداش یانیقلی غمملی گفتارون بابام پیغمبره اوخشار گوزل گفتار و رخسارون شفيع محشریم قارداش بلاکش رهبریم قارداش حسن جانم، حسن جانم

عرض ارادتی خدمت امام رئوف حضرت ثامن الحجج علیه السلام وبا استعانت از شاهکار مرحوم حسینی سعدی زمان (با آهنگی زیبا و شور انگیز زینتِ طوس ، اَبالحسن شَمسِ شموس ، اَبالحسن عشقیوه ، مُبتَلایم سائلِ ، بینوایم کَرَم قیل ، جانِ زهرا اَلی بوش ، بیر گَدایم لُطفووه ایتمیشم ، همیشه عادت شَه ایدَر غُلامه چونکی عنایت گویلومه ، دوشوبدی، شوقِ زیارت قبروندن اوتری گوگلوم اَسور مثل برگ بید بیر سائلم قاپوندا سیَه روی و مو سفید ویرّم قسم جوان بالاوا ایتمه ناامید قیل مُفتخر عنایتیوه یا ابا الحسن السُّلطان ، ابا الحسن وَجهِ خُدا ، نورِ جَلی کانِ کَرَم ، مِثلِ علی بَرتر از ، هر بَیانسان عزّتِ ، شیعیانسان اولموسان ، بِیله مشهور امامِ ، مهرَبانسان نَظر قیل، گَدایه ، ای گُلِ رضوان سُفره ی ، لُطفووه ، قیل منی مهمان جانِ نا قابلیم ، آدیوا قربان سن مظهر جمالِ خدای عَطوف سن کَشّافِ هَمّ و غَمّ و کُروب و لُهوف سن معروف سن بو اِسمه امامِ رَئوف سن جانلار فدا عطوفتیوه یا ابا الحسن السُّلطان ، ابا الحسن جلوه گَرِ ، خاتَمِ عشق بَحرِ سَخا ، حاتَمِ عشق مُعینَ الضُّعَفاسن غَریبَ الغُرَباسن همیشه ، زائرون وار کی حَجِ ، فُقَراسن قلبیمی ، قان ایدوب ، تیرِ فَراقون دوتور خسته دیلیم گینه سُراغون نولور بیرده منی اِیْله قوناقون ای جود و بخشش و کَرَم و فضل معدنی اوغلون جواد جانینه ویرّم قسم سنی بیرده قوناق چاقور او گوزل قبریوه منی مشمول قیل کرامتیوه یا ابا الحسن السُّلطان ، ابا الحسن ای گول آدی ، قلبه جَلا یارِ دلِ ، اَهلِ ولا عالَمه ، ای شَهنشاه درگَهون ، حَقّه درگاه اَلیمدن ، دوتماسِیدیز اولاردیم ، منده گُمراه مُریدم ، مُریدِ ، راهِ ولایت دامَنون ، دوتموشام ، تاپام جَلالت عُمرومون ،کاش اولا ، خَتمی ، شهادت جدّون اوزی بیله بویوروبدی مُفَضَّله قرآندی اصل مدرکی، روشندی مسئله واللهی قبریدن دوراجاقدی گوله گوله قائل اولان ولایتیوه یا ابا الحسن السُّلطان ، ابا الحسن #امام_رضا_علیه_السلام #ثامن_الحجج التماس دعای فرج الاحقر مهدی عبادی

زینت طوس اَبالحسن

عرض ارادتی خدمت امام حسن مجتبی علیه السلام (مناسب برای آهنگهای مختلف) ای زَهرِ کینه قلبین ، سوزان ایدن حسن جان زهرایه جَنَّت ایچره ، مهمان گیدن حسن جان کانِ کَرم حسن جان ای بی حرم حسن جان دردین کیشی ایوینده ، سویلَر وفالی یاره غَمخوار اولار عیالی ، اِیلَر او درده چاره سالدی وفاسیز عورت ، درده سنی دوباره نامَحرم اولدی مَحرم ، بولمَم نَدن حسن جان اصحابِ بی وفاچوخ ، ایتدی سنی اذیّت واردار ایدوبله صُلحه ، چَکدون نه چوخ مصیبت خنجر جراحتیندن ، جسمونده وار علامت ایتدی هَره جَسارت ، بیر گوشه دن حسن جان قبره گیدنده نَعشون ،گلمیشدی دوزدی چوخلار کیم بیر امام جسمین ، آخر بو نوعی یوخلار؟ گویا او پیکروندن ، چخموردی بعضی اوخلار گیتدی مزاره آخر ، قانلی بدن حسن جان مظلوم اولان سنون تَک ، واردور جهاندا آیا؟ بِش ، آلتی سینّیدِیدون ، حَشرون اولوبدی برپا سن اوندا جان ویریبسن ، گوردون یخیلدی زهرا دوشدون اودور اَیاقدان ، سن غُصّه دن حسن جان بیر تنگ کوچه افسوس ، تنگ اولدی رهگذاره بیر اَل گیدیب هوایه ، رَدّی دوشوب عُذاره دردین آپاردی گیزلین ، آخر آنان مَزاره توپراقه قان سوزوبدی ، گوشواره دن حسن جان ثانی یارالی بیر گول ، توپراقلار اوسته سَردی بیر گول یوزونده اَکدی ، بیر قانلی گولده دَردی بیر سیلی دَیدی اَمّا ، صاقی صولی گووَردی بِیْله سولان گُلُستان ، یوخ گورسه دن حسن جان شیعه سنه حسن جان ، آخر حرم دوزه لدَر شایسته بیر ضریحی ، چوخ محترم دوزه لدَر چون سن کریمیدون بیر ، بابِ کَرم دوزه لدَر دوشمَز یادا گورنده ، باغِ عَدَن حسن جان خونِ دیلون آخیبدی ، آخر دوداقلاروندان ظُلمیله آیری دوشدون ، مظلوم اوشاقلاروندان آلدیم خبر مزارون ، وضعین قوناقلاروندان پوزقوندی نه گَلن وار ، نه وار گیدن حسن جان #امام_حسن_مجتبی_علیه_السلام التماس دعای فرج الاحقر مهدی عبادی

ای زهر کینه قلبین سوزان ایدن حسن جان