شهادت امام حسن (ع) زبانحال جناب زینب کبری (س) یازمشدی قضا زهر جفانی سنه قارداش باشلاندی بلاسی باشمون وای منه قارداش قارداش باجون ئولسون نیه بو حاله قالوبسان حالون پوزولوبدور بیله گل تک سارالوبسان بو حالیله بیر اود بو دل و جانه سالوبسان رنگون دولانوب دوندی ندن سو سنه قارداش باک ایلمیوب جعدۀ ملعونه خدادن مسموم ایلیوبدور او سنی زهر جفادن تقدیر اولونوب روز ازل امر قضادن صبر ایلیه سن هم ستم دشمنه قارداش نه زهردی ایلوبدی سنه بیر بیله تأثیر قلبون آلشوبدور ویروب احوالیوه تغییر بو امر قضادندی قَدر ایتمدی تقصیر دست ستمیله یتوروبدور سنه قارداش عالمده هانی سنکیمی بیر بیکس و مظلوم بو غم ایلیوبدور هامی عالملری مغموم اوز محرمی ظلمیله اونی ایلیه مسموم گلسه یری وار اهل جهان شیونه قارداش ایستردی سنه ال تاپا تزویریله دشمن سعی ایلیوب ال تاپدى یتوب مقصده ایمن بیر باد مخالف له خزان اولدی بو گلشن مشکل بیله آفت یته بیر گلشنه قارداش سن بیر گولیدون گوللر ایچنده بوچمنده نه ایله گل آچدون نه یوزون گلدی وطنده زر تک اریدون بوتۀ اندوه و محنده تأثیر ایلین چوخ بو غموندی منه قارداش هیهات آچا گل بیرده گلستانی ، جهانون سولدوردی سنون تک گلینی باد خزانون وای زینبه ، تأثیرینه باخ زهر جفانون آخدوردی گوزون یاشنی پیراهنه قارداش وای حالیمه بوندانصورا ایوای منه قارداش سنسیز داخی ساق قالمیام عالمده ئولم کاش تا واردی حیاتیم توکرم عارضه قانیاش یوزدنده آخار خون جگر دامنه قارداش زینبدی ازل گوندن اولان غملر آناسی یاندی آنا هجرینده گیدوب الدن آتاسی چوخدور بو بلالی باشمون درد و بلاسی گلدوقجه بلا صبر ایدرم من گینه قارداش دلدن آلور آرامینی بیر قصّۀ جانسوز آی ایل یتر اتمامه گیچر هر شب و هر روز صحرای بلاده بو حسینیم قالو یالقوز مقتول اولاجاق زادۀ ذی الجوشنه قارداش (( ذوقی)) سنی تأیید ایلیوب خالق عالم آغلار گوزیله ساخلا بو شاهنشهه ماتم

🏴نوحه امام حسن مجتبی (ع) 🎼سبک : یا امام زمان شیعه ده احساسه باخ... ویر  خبر زینبیم   داده  حسینم  گله لبلریمدن  آخان زهریلی قانی سیله جگریم     یاندی گل  قلبیم    اوتلاندی   گل یاحسین جان (۴) ئولورم   آی   باجی  داده  حسینی  چاغیر جگریم  دوغرانوب   اولدی  مصیبت  آغیر بیش یاشیندان  باجی باشیوه  غملر یاغیر جگریم     یاندی گل قلبیم    اوتلاندی   گل یاحسین جان (۴) آنامز     یوخ     باجی    ای   آناما      نایبه صبر    ایله    آغلاما  صبره   اولان   قایمه سنه    قربان   اولوم  عاقله  سن    عالمه جگریم     یاندی گل قلبیم    اوتلاندی   گل یاحسین جان (۴) گیت خبر  ویر باجی ئولدی حسن یاحسین باد محنت اسوب صولدی چمن یاحسین غسل  قیل سن اوزون  ایله کفن یاحسین جگریم     یاندی گل قلبیم    اوتلاندی   گل یاحسین جان (۴) قوی حسینیم    گله   باشلیا  تا   یاسیمی گوگلوم  ایستور گورم  قهرمان عباسیمی دی  آتان جان  ویرور  یاسه گله  قاسمی دی حسینیم    گله    باشلیا    تا  یاسیمی جگریم     یاندی گل قلبیم    اوتلاندی   گل یاحسین جان (۴) زهر دشمن   منیم   یاندوروب   اکبادیمی اوجادیب   گویلره   غصه لی    فریادیمی جعده   ایتدی   یتیم    ظلمیله    اولادیمی جگریم     یاندی گل قلبیم    اوتلاندی   گل یاحسین جان (۴) أسه  صرصر  يلی گلشنه تئز ؛ گل  صولار زهر    ایدیبدر   اثر   طاقتیم    الدن    آلار عدنیده   فاطمه     باشینه    قاره     سالار جگریم     یاندی گل قلبیم    اوتلاندی   گل یاحسین جان (۴) بالامی گیت  گتیر  قویما گیلان  آغلاسین قویما  هجران  غمی سینه سینی داغلاسین دی  حسینیم  اونی اوغلی کیمی ساخلاسین جگریم     یاندی گل قلبیم    اوتلاندی   گل یاحسین جان (۴) امام_حسن_(ع)

#شهادت_حضرت_امام_حسن_مجتبی_علیه_السلام جگریم زَهر جَفائیله منیم یاندی باجی گوزون آچ بیرجه اویان لبلریم اوُدلاندی باجی قیل نظر اِی باجی بو قانه دونن گُوز یاشیما دور خبر اِیله گیلن، کانِ وَفا قارداشیما هامی اوُلاد  علی جمع اولا آخِر باشیما موسمِ وَصل گیچوب موقع هجراندی باجی بو نئجه زَهر دور آخر منی بو حاله سالوب طاقت و صَبریمی بو زَهر جفا اَلدن آلوب آچ گوزون باخ یوزومه گور نِجه گُل  تک سارالوب بُولموسن حالیمی سن، جسمیم اَلولاندی باجی باجی زینب گُوزون آچ دیدهء گریانیمی گور آه و فریادیمی، بو ناله و اَفغانیمی گور سارالان رَنگیمه باخ حالِ پریشانیمی گور سرّی وار گُوزلریم آخِر بِئله گریاندی باجی اِئله اِیلوبدی اَثر اِی باجی بو زَهر منه سارالوب سُولدی یوزوم دوندی سُولان یاسَمنّه گُوئیا فصلِ خَزان دور یتیشوب بیر چمنه گُل کیمی لَبلریم آخِر اِئله خَنداندی باجی نیلمیشدیم باجی من جَعدیه مَسموم اِیلدی منی مَسموم اِیلیوب سیزلری مَغموم اِیلدی کیمی بو چرخِ دَنی من کیمی مَظلوم اِیلدی اَهل دِیل اوُلسا منیم حالیمه حِیراندی باجی بیله تحریر اِیلیوب لُوحهَ باجی کِلکِ قَضا بولورم ئولدوره جاقدور منی بو زَهرِ جَفا وِئر خبر دوره می آلسُونلا هامی آلِ عَبا قارداشون بیر نئچه ساعت سنه مِهماندی باجی اِئله مدهوش اِیلیوب دور منی اوُل جِلوهء یار تاپارام اِی باجی بو زَهریله من وَصلِ نِگار آلِ طاها بولورم درد و مَلالیم دَه یانار مَقصدیم لِیک منیم مَحضر جاناندی باجی محنتیمده یِئری وار باجی جگر داغلیه سن جان وِئرن وَقتیده سن گوزلریمی باغلیه سن دَگولم راضی ولی باشه ووروب آغلیه سن نِسگلیم گر چه سنه مُوجبِ اَفغاندی باجی صَبر قیل تُوکمه بو غم دَه باجی جان گُوز یاشیوی یُولما زلفون، بو مُصیبت ده سن آچما باشیوی آغلا او وَقته گُوررسن بو حسین قارداشیوی قتلگاه اِیچره که اوز قانینه غَلطاندی باجی راهِ حقّ ده باجی یِتمیش اِیکی قربان وِئره جاق هم اوزی جُمله هواداری سوسوز جان وِئره جاق سُو دیوب قاتلی چون سُو یِرینه قان وِئره جاق یانماز اَحوالی نه، سانماز ئولور عَطشاندی باجی قُوملار اوُسته قالاجاقدی باجی عُریان بَدنی کربلانین خَس و خاشاکی اوُلور چون کَفَنی بیر نفر اوُلماز اونون غُسل وِئروب دَفن اِئدنی اَهلِ کُوفه گُوره سن آدی مُسلمان دی باجی #عاصی یاز نوحه مُدام آغلا اِمام حَسنه هم بو دنیاده هم عُقباده وِیره لّر حَسنه باطناً اوُزلری بو نوحه دَه دَم وِئردی سَنه جگریم زَهر جَفائیله منیم یاندی باجی التماس دعای فرج #شادروان_عاصی_رحمة_الله_علیه

#شهادت_حضرت_امام_حسن_مجتبی_علیه_السلام زِینَب چُو حالِ سَخت حَسن را نَظارِه کَرد دامَن زِ اَشگ و خُونِ جِگر پُر سِتارِه کَرد آمَد حُسین و کَرد چُو از حالِ او سُوال آن جا که کُوزه بُود بِه آن سُو اِشارِه کَرد گُفتَند دَردِ خُود زِ چِه دَرمان نمی کنی فَرمُود مَرگ را بِه چِه بایِست چارِه کَرد؟ می خواست رُوزِه واکُنَد از آب کُوزِه لِیک یارَب چِه آب بُود که کارِ شرارِه کَرد پیدا بُوَد که با جِگر او چِه کَردِه اَست زَهرِی که رَخنِه دَر جِگرِ سنگ خارِه کَرد دِل رَشحِه رَشحِه داشت زِ زَخمِ زَبان وَلی تَزوِیرِ هَمسَرَش جِگرَش پارِه پارِه کرد جَعدِه به پاسِ مَرحَمَتِ بی حِساب او دَر حَقِ حَضرتَش سِتمِ بی شُمارِه کَرد بارانِ تِیر بَر تَن و تابُوتِ او بِرِیخت تا آن زَنِ سَوارِه بِه مَرکَب اِشارِه کَرد دَر رُوضهء بَقیع چُو شد دَفن پِیکَرَش آن خاکِ پاک را هَمِه دارالزّیارِه کَرد یا مُجتبی بِه حالِ #مؤید نِگاه کُن کَز چِشمِ دِل بِه قَبرِ غَریبَت نَظارِه کرد #زنده_یاد_مؤید_خراسانی_رحمة_الله_علیه

فاطمه قوروب مجلس عزا هم باباسینه هم بالاسینه آغلیور اوره کدن ائدور نوا هم باباسینه هم بالاسینه * صاحب عزا اولدی فاطمه باشینه ایکی قاره باغلیار گه دییر بابا گه دییر بالا سینه سین بو ماتمده داغلیار گه مدینه ده گه بقیعیده اِبن و اَب فراقینده آغلیار باش آچوق وورار سینه برملا هم باباسینه هم بالاسینه گلستانیدن گئتدی باغبان بضعة النّبی اولدی باغریقان گلشنینده سولدی گوزل گولی بلبل اولدی بو غمده نغمه خوان بوکدی قامت و قدّینی الم اولدی چون ایکی غصّه همزمان فاطمه ديور من سیزه فدا هم باباسینه هم بالاسینه **** یئر گوی آغلیور چون دوباره دن بیست و هشت ماه صفر اولوب مصطفا بو گون رحلت ایلیوب هر ایکی جهان دیده تر اولوب مجتبا ایچوب کوزه دن سویی زهر جعده دن خونجگر اولوب فاطمه سالوب باشینه قرا هم باباسینه هم بالاسینه ...**** حضرت پیمبر بو امّته تاپشیروبدی قرآن و عترتین ایرمی اوچ ایلین اجرینه باخون ایستیوبدی عترت مودّتین آز زمانیده فاطمه چکوب بوزمانه نین چوخلی محنتین قاره پوش اولوب ارض هم سما هم آتاسینه هم بالاسینه ** فاطمه گلر آه و شیونه عرض ائدر شه انس جان بابا گه دییر اوغولسوز ئولن بابا گه دییر منه مهربان بابا امّتین یولوندا دوزن غمه، غصه دن اولان با غریقان بابا آغلیار بو ماتمده ماسوا هم باباسینه هم بالاسینه ..

🏴حضرت امام حسن مجتبی علیه السلام ✍مرتضی اسکندری ( ساعد) سبک بانوای:حاج غلامعلی امامی دور یاتما زینب آی   بختی قاره اودلاندی   سینم گل ایله چاره          فتنه لردن   داخی    جانه     گلدیم          آند    اولا     مرتضایه      دینجلدیم جان حسن جان حسن جان حسن جان(٢) دور سسله گلسون مظلوم حسینی محبوب       ر خلاقِ          عالمینی گویلوم   چوخ ایستور  نور دو عینی     مهمانم        ایندی         پروردگاره          جعده   مسموم   ایدوب   مجتبانی         قاره پوش      ایله دی      ماسوانی جان حسن جان حسن جان حسن جان(٢) آچ گوزلرون    ای   کانون رحمت قوی مجتبانون     باشینه   منت دور سسله گلسون دریای غیرت تاپشور     حسینی   اول نامداره         جان سنون  زینبیم  جان   حسینون          قویما تک   قالسون   نور   دوعینون جان حسن جان حسن جان حسن جان(٢) قربانون    اولّام  ای  دلشکسته آچ گوزلرون   ای بانوی    خسته دور باشیمی آل دیزلرون اوسته   اکبادیم    اولوبدور      پاره پاره            لبلریمده    باجی   لخته قان   وار           گورسه منی    بالالاریم     قورخار جان حسن جان حسن جان حسن جان(٢) گوز یاشیمی خون ِ قلبه  قاتما گوزدن   منِ بی    نوانی    آتما جانیم چیخونجا صبرایله  یاتما قوی جان  ویریم   آسوده نگاره            گر  چه   زهرادن    یادگارم    من          درد     بی   درمانه    دچارم   من جان حسن جان حسن جان حسن جان(٢) دل    ویرموشم   پیمان      السته من نیله مشدیم    جعده ی پسته بیر کوزه قویموشدی باشیم اوسته بیر   جرعه ایچدیم   یاندیم   شراره             ئوز عیالیم    منه    اولدی    قاتل           کوزیه    توکدی    زهر     هلاهل جان حسن جان حسن جان حسن جان(٢) ای     مجتبانون    آرام  جانی عرشه ا  وجالتما   آه و فغانی سال یاده زینب  کرب و بلانی یردن   اوجالسا   عرشه شراره         اودلاسا   قوم کین    خیمه گاهی         سن اولارسان    قیزلارون  پناهی جان حسن جان حسن جان حسن جان(٢)

🖊️«با قلم زنده یاد استاد غمکش» نوحه زبانحال حضرت زینب (س) در شهادت حضرت امام حسن (ع) 🍂🍂 سولان رخساریوه قربان باجون زینب حسن قارداش آخور گل لبلروندن قان بو نصف شب حسن قارداش منیم تاج سریم قارداش سولان نیلوفریم قارداش حسن جانم، حسن جانم 🍂🍂🍂 ائدردون هر گئجه گوندوز عبادت سن خداونده سنی بیر بی وفا عورت ائدوب مسموم او شرمنده ئدور چاره غم و هجره ئولونجه آغلارام منده اویان ای سروریم قارداش بلاکش رهبریم قارداش حسن جانم، حسن جانم 🍂🍂🍂 بو غملی ماجرا هاردان وئروب یوز دربدر اولام سولان گل صورته باخدیم جهاندا سن كيمون سولام بهارین ابری تک قارداش جانیمده واردی جان دولام قان آغلار گوزلریم قارداش بلاکش رهبریم قارداش حسن جانم، حسن جانم 🍂🍂🍂 سسون آلدیم زمانی که دندیم قامت كمان اولدوم چکنده سن نفس قارداش سنون تک نیمه جان اولدوم گوزون يومدون بو دنیاده او دور کی باغريقان اولدوم آدوندی از بریم قارداش بلاکش رهبریم قارداش حسن جانم، حسن جانم 🍂🍂🍂 بو حسرت با خماقون گوردوم دوتوب اوت قلبیم اودلاندی شرار آه سینوندن دگوب اوت سینم اودلاندی ندور باعث ندور علت دود اقلارون قیزیل قاندی سینیبدی شهپریم قارداش بلاکش رهبریم قارداش حسن جانم، حسن جانم 🍂🍂🍂 گلوب احوالیوی گورسه بالون عبد الله و قاسم غضبدن تیتریر حتما ابوالفضل اشجع الناسيم بويور من نيليوم اوندا قلینجون چکسه عباسیم منیم ای یاوریم قارداش بلاکش رهبریم قارداش حسن جانم، حسن جانم 🍂🍂🍂 منه قسمتدی دنیاده سالام باشه قرا معجر ائویمی یخدی چرخ دون جماعت اولدی کین پرور عزادار اولدی معناده آنام زهرا آتام حیدر نشان حیدریم قارداش بلاکش رهبریم قارداش حسن جانم، حسن جانم 🍂🍂🍂 دوشوبدی تنگه ظلمتدن سنون نطق گهر بارون جهانی آغلادار قارداش یانیقلی غمملی گفتارون بابام پیغمبره اوخشار گوزل گفتار و رخسارون شفيع محشریم قارداش بلاکش رهبریم قارداش حسن جانم، حسن جانم

عرض ارادتی خدمت امام رئوف حضرت ثامن الحجج علیه السلام وبا استعانت از شاهکار مرحوم حسینی سعدی زمان (با آهنگی زیبا و شور انگیز زینتِ طوس ، اَبالحسن شَمسِ شموس ، اَبالحسن عشقیوه ، مُبتَلایم سائلِ ، بینوایم کَرَم قیل ، جانِ زهرا اَلی بوش ، بیر گَدایم لُطفووه ایتمیشم ، همیشه عادت شَه ایدَر غُلامه چونکی عنایت گویلومه ، دوشوبدی، شوقِ زیارت قبروندن اوتری گوگلوم اَسور مثل برگ بید بیر سائلم قاپوندا سیَه روی و مو سفید ویرّم قسم جوان بالاوا ایتمه ناامید قیل مُفتخر عنایتیوه یا ابا الحسن السُّلطان ، ابا الحسن وَجهِ خُدا ، نورِ جَلی کانِ کَرَم ، مِثلِ علی بَرتر از ، هر بَیانسان عزّتِ ، شیعیانسان اولموسان ، بِیله مشهور امامِ ، مهرَبانسان نَظر قیل، گَدایه ، ای گُلِ رضوان سُفره ی ، لُطفووه ، قیل منی مهمان جانِ نا قابلیم ، آدیوا قربان سن مظهر جمالِ خدای عَطوف سن کَشّافِ هَمّ و غَمّ و کُروب و لُهوف سن معروف سن بو اِسمه امامِ رَئوف سن جانلار فدا عطوفتیوه یا ابا الحسن السُّلطان ، ابا الحسن جلوه گَرِ ، خاتَمِ عشق بَحرِ سَخا ، حاتَمِ عشق مُعینَ الضُّعَفاسن غَریبَ الغُرَباسن همیشه ، زائرون وار کی حَجِ ، فُقَراسن قلبیمی ، قان ایدوب ، تیرِ فَراقون دوتور خسته دیلیم گینه سُراغون نولور بیرده منی اِیْله قوناقون ای جود و بخشش و کَرَم و فضل معدنی اوغلون جواد جانینه ویرّم قسم سنی بیرده قوناق چاقور او گوزل قبریوه منی مشمول قیل کرامتیوه یا ابا الحسن السُّلطان ، ابا الحسن ای گول آدی ، قلبه جَلا یارِ دلِ ، اَهلِ ولا عالَمه ، ای شَهنشاه درگَهون ، حَقّه درگاه اَلیمدن ، دوتماسِیدیز اولاردیم ، منده گُمراه مُریدم ، مُریدِ ، راهِ ولایت دامَنون ، دوتموشام ، تاپام جَلالت عُمرومون ،کاش اولا ، خَتمی ، شهادت جدّون اوزی بیله بویوروبدی مُفَضَّله قرآندی اصل مدرکی، روشندی مسئله واللهی قبریدن دوراجاقدی گوله گوله قائل اولان ولایتیوه یا ابا الحسن السُّلطان ، ابا الحسن #امام_رضا_علیه_السلام #ثامن_الحجج التماس دعای فرج الاحقر مهدی عبادی

زینت طوس اَبالحسن

عرض ارادتی خدمت امام حسن مجتبی علیه السلام (مناسب برای آهنگهای مختلف) ای زَهرِ کینه قلبین ، سوزان ایدن حسن جان زهرایه جَنَّت ایچره ، مهمان گیدن حسن جان کانِ کَرم حسن جان ای بی حرم حسن جان دردین کیشی ایوینده ، سویلَر وفالی یاره غَمخوار اولار عیالی ، اِیلَر او درده چاره سالدی وفاسیز عورت ، درده سنی دوباره نامَحرم اولدی مَحرم ، بولمَم نَدن حسن جان اصحابِ بی وفاچوخ ، ایتدی سنی اذیّت واردار ایدوبله صُلحه ، چَکدون نه چوخ مصیبت خنجر جراحتیندن ، جسمونده وار علامت ایتدی هَره جَسارت ، بیر گوشه دن حسن جان قبره گیدنده نَعشون ،گلمیشدی دوزدی چوخلار کیم بیر امام جسمین ، آخر بو نوعی یوخلار؟ گویا او پیکروندن ، چخموردی بعضی اوخلار گیتدی مزاره آخر ، قانلی بدن حسن جان مظلوم اولان سنون تَک ، واردور جهاندا آیا؟ بِش ، آلتی سینّیدِیدون ، حَشرون اولوبدی برپا سن اوندا جان ویریبسن ، گوردون یخیلدی زهرا دوشدون اودور اَیاقدان ، سن غُصّه دن حسن جان بیر تنگ کوچه افسوس ، تنگ اولدی رهگذاره بیر اَل گیدیب هوایه ، رَدّی دوشوب عُذاره دردین آپاردی گیزلین ، آخر آنان مَزاره توپراقه قان سوزوبدی ، گوشواره دن حسن جان ثانی یارالی بیر گول ، توپراقلار اوسته سَردی بیر گول یوزونده اَکدی ، بیر قانلی گولده دَردی بیر سیلی دَیدی اَمّا ، صاقی صولی گووَردی بِیْله سولان گُلُستان ، یوخ گورسه دن حسن جان شیعه سنه حسن جان ، آخر حرم دوزه لدَر شایسته بیر ضریحی ، چوخ محترم دوزه لدَر چون سن کریمیدون بیر ، بابِ کَرم دوزه لدَر دوشمَز یادا گورنده ، باغِ عَدَن حسن جان خونِ دیلون آخیبدی ، آخر دوداقلاروندان ظُلمیله آیری دوشدون ، مظلوم اوشاقلاروندان آلدیم خبر مزارون ، وضعین قوناقلاروندان پوزقوندی نه گَلن وار ، نه وار گیدن حسن جان #امام_حسن_مجتبی_علیه_السلام التماس دعای فرج الاحقر مهدی عبادی

ای زهر کینه قلبین سوزان ایدن حسن جان

سلام و عرض ادب خدمت حضرت ثامن الائمه علیه السلام ای ایدن جَنّت خراسانی سلام ا‌ولسون سنه دوندَرن فِردوسه ایرانی سلام اولسون سنه بیزدن سلام اولسون سنه رضا رضا ، رضا رضا ، امام رضا وَصفیوه عاجزدی دیل ای زاده ی فَخر الاَنام سن شَهنشاهِ دوعالَم منه سنه کمتر غُلام سینه ده دَستِ اَدب ،بوردان سنه ویررم سلام شامل ایت لُطفه نَواخوانی سلام اولسون سنه نوکرِ درگاهیوا ، شَهلر غلام و بَنده دی کیم پناهَنده اولا درباریوا ، ایمَنده دی هر ایکی عالَم آقا ، چَشمِ اُمیدیم سنده دی نا اُمید ایتمه باجون جانی سلام اولسون سنه دامَنون چوخلار دوتوب ای معنیِ حَبلُ المَتین هر نجه سائل گَلوب ، حفظ ایتموسن حِیثییَتین کیم سنی دوز سَسله سه ، حتماً آلار اوز حاجَتین عالَم ایچره ای کَرَم کانی سلام اولسون سنه شَهپَرین فَرش ایلیوب فوجِ ملائک صَحنیوه دسته دسته اَنبیا هر گوندی سالک صَحنیوه عالَمی دوتسا بلا ، گَلمز مَهالک صَحنیوه ای ضَعیفانین نگهبانی ، سلام اولسون سنه کیم گلوب پابوسیوه سندن عطا ایستیر آقا وار نچه بیماریمیز درده دوا ایستیر آقا بعضی زَوّارون ولی کرب و بلا ایستیر آقا اِیلَمه مأیوس مهمانی ، سلام اولسون سنه چوخ جواندان والِدینی ناگراندی سیّدی هِی چَکور ناله ، ایشی آه و فَغاندی سیّدی اَللریندن دوت اوزون آخر اَماندی سیّدی رَحم قیل سن بیل بالان جانی سلام اولسون سنه هر سینیق بیر قلب اولا ، نِی تک نواسی سنده دی غُصّه لر محزون ایدن ، دیللر صفاسی سنده دی ( بیکَس ) و درماندییم ، دردیم دواسی سنده دی آشِکارا یاکی پنهانی ، سلام اولسون سنه #ای-ایدن-جنت-خراسانی-سلام-اولسون-سنه #امام_رضا_علیه_السلام #ثامن_الحجج التماس دعای فرج الاحقر مهدی عبادی

ای ایدن جنّت خراسانی سلام اولسون سنه

عرض ارادتی خدمت امام رضا علیه السلام (با آهنگی جدید و شور انگیز) ای شاهِ ماسِوا ، علی موسی الرضا بو بَسدی اولموشام ، درگَهونده گدا پَرونده م سیاهیدی بو سوزده صادقم آقا ، بو سوزده صادقم آقا هر نجه نالایق اولام من سنه عاشقم آقا، من سنه عاشقم آقا رو سیاهم یابنَ زهرا ، عزّتیم سن سن رضا دهریده ، شأنیم ، وقاریم ، شوکتیم سن سن رضا یا رضا مولا رضا مولا رضا مولا رضا ای دریایِ کَرَم ، آدیوی سَسلرم اَربابیمسان منیم ، من سنه نوکرم فخریم دور کی نوکرم سنکیمی بیر شَهنشَهه ، سنکیمی بیر شَهنشَهه آنداولا معصومیه من گیتمرم آیری درگهه ، گیتمرم آیری درگهه قووما درگهدن منی ای جلوه ی ذاتِ صمد سایه ی لُطفونده مولا دالدالاننام تا اَبد یا رضا مولا رضا مولا رضا مولا رضا خَلٌاقِ عالمین ، ای گوزل آیتی ایرانین اَهلینین ، ای وَلی نِعمتی بو آسِتانِ رَحمتین بیر عُمرودور قوناغیوخ ، بیر عُمرودور قوناغیوخ فاطمه اوغلی سُفره وین شُکر اولا ریزه خواریوخ ، شُکر اولا ریزه خواریوخ زائرون سندن آلار ، لطفیله مولا توشه سین ویرمه رم مینلَر بهشته قبریوین بیر گوشه سین یا رضا مولا رضا مولا رضا مولا رضا رَحمَتوندن سنون ، عالَم شَرمنده دی وار دیلده دردیمیز ، چاره سی سنده دی رئوفِ آل مصطفی گَدالَرین گویلونی آل ، گَدالَرین گویلونی آل پابوسیوه سَسله صورا کرب و بلایه یولا سال ، کرب و بلایه یولا سال (اولموشام مُدّتدی قبروندن حسین دور آغلارام ئولمه سم گَلَّلم اورکده وار بو منظور آغلارام) یا رضا مولا رضا مولا رضا مولا رضا #ای-شاه-ماسوا #امام_رضا_علیه_السلام #ثامن_الحجج التماس دعای فرج الاحقر مهدی عبادی

ای شاهِ ماسِوا

عرض ادبی خدمت حضرت علی بن موسی الرضا علیه السلام دیمورم کی زائرون اولموشام بورا من زیارته گلمیشم اَلی بوش یوزی قَره بیر قولام قاپیوا عنایته گلمیشم سیزه فرقی یوخدی اوزاخ یاخین رَویشوز همیشه کَرَمدی بَس گَتیرَن منی بورا یا رضا بولوسن کی عشقیدی نه هَوَس منه سیزدن اوزگه سی سیّدی تاپیلار مگر اولا دادرس غم و غُصّه لر منی چوخ یوروب اودی من شکایته گلمیشم قاپوزا بیر عُمرودی سیّدی سیخیلوب قازانمیشام آبرو بولورم یوخومدی لیاقتیم دایانام ضَریحیوه روبَرو سیزه یوخدی گیزلین اولان سوزوم کی سایام حضوریوه موبَمو بولوسوز منیم هامی دردیمی طَلبِ سعادته گلمیشم قاپی باغلاماخ سیزه نَنگیدور بونی دُشمَنوزده بولور آقا گَلوب اوز دَواسینی تِز آلار اودی روز و شب هامی مُبتلا مین اُمیدیله بورا گلمیشم او کَرَملی اَللریوه فدا بورا کیم گلوب آلوب حاجتین درِ با جَلالته گلمیشم بولورم کی واقفِ سِرّیسَن دیمه میش سوزی بولوسن اوزون ولی خوشدی زائر اولان دیه آقانین حضورینه هر سوزون توتولوب دیلیم دانیشانمورام اَلیوه تیکوبدی گَدا گوزون دیمه میش دوا ایله دردیمه بولوسن نه حاجته گلمیشم منی گَر بهشته آپارسالار سنه کی مُصاحب اولانمارام سن اولان یره گَله بولمه رَم سنه روبَرو اوتورانمارام وار اُمیدیم ای شَهِ ماسِوا سنه عاشقم اودا یانمارام یوزومه دوتوب باجیوین آدین آقا من شفاعته گلمیشم دولاناندا صَحن و رَواقیوی غم و غُصّه دن اولارام رَها ساتاشاندا گُنبَدیوه گوزوم گوزومه او نوری ویرور ضیا بولوسن کی (بیکَس) و مُضطَرم قیل اوزون نَظر ، منه یا رضا باخ اوزون جوان بالاوا گوره آقا من بو نیّته گلمیشم #دیمورم_کی_زائرون_اولموشام #امام_رضا_علیه_السلام #ثامن_الحجج التماس دعای فرج الاحقر مهدی عبادی

عرض ارادتی خدمت سلطان سریر ارتضا حضرت علی بن موسی الرضا علیه آلاف التحیّةِ و الثَّنا ایشیتمیشم امام رضا ، اورکلره صفا ویر ایشیتمیشم امام رضا ، مریضلره شِفا ویر مولا علی موسی الرضا آقا علی موسی الرضا زیارت ایستیرسن اگر ، یاپیش رضا دامنینی ایشیتمیشم امام رضا ، برات کربلا ویرر معصومیه قَسم ویریب ، حاجتیوی آل آقادان چون اونی چوخ سووَر رضا ، حاجتی برمَلا ویرر من بولورم امام رضا ، هیچ کیمی مأیوس ایلمز چاره سی اولمییَن گَلر، چاره سینی رضا ویرر اوزولسه هر یردن اَلون ، یتیر اوزون مشهدینه ایشیتمیشم امام رضا ، چاره سیزه دوا ویرر ایشیتمیشم هر کیم اونی آند ویره جوانینا ایسته دیقین تِز ایسته سین ،چون آقا جابَجا ویرر کیم اولا عاشقِ رضا ، غم گونی افسوس ایلمز ضامن آهودی آقام ، یأسی آلار رَجا ویرر نیازی یوخ یالواراسان ، تا سنه ده رضا باخا اَز بَس آقادی بولورم ، دردی آلار شِفا ویرر رئوفِ آلِ فاطمه گَدانی قووماز قاپیدان سَسله آدین امام رضا ، سائلینه جَزا ویرر دوزدی جهاندا هر غمه ، چاره خدا اَلینده دی خدا نه ایسته سه ویره ، بخاطر رضا ویرر (بیکَس) و دَرمانده لرین ، دردینه درماندی رضا نوکر دوشَنده مُشکله ، حاجتینی آقا ویرر #ایشیتمیشم_امام_رضا #امام_رضا_علیه_السلام #ثامن_الحجج التماس دعای فرج الاحقر مهدی عبادی