#امام رضایه عرض حال... نام رضا دلیمده خُراسانه گلمیشم بلبل مثالی سیر گلستانه گلمیشم هجرین گتیرمیشیدی منی جانه دَهریده فخر ایلیرم کی مَحضر جانانه گلمیشم گوردوم گلور سَنون قاپوا دردمندیلر منده بو آستانیه درمانه گلمیشم درماندییم چیخیبدی الیم دهریده بوشا رَفع نیازه درگه سُلطانه گلمیشم مَست ایلیوب زبَس مَنی جامِ محَبّتون عشّاقیله بو مَحفل رندانه گلمیشم کیم یوز قویوبدی درگهیوه عزّته چاتوب آگاهسَن کی منده بو عنوانه گلمیشم مرسومیدور بو درگهِ والاده روز و شب حُرمت ایدَلّه هر جوره مهمانه گلمیشم بیر پای لَنگ مور کیمی چوخ تَلاش ایدوب اظهارِ رازه مُلک سلیمانه گلمیشم از بَس صفالیدور بو حَریم مقَدّسون فَرض ایلورم کی روضه ی رضوانه گلمیشم قوش تَک ائوز آشیانینی شوقیله تَرک ایدوب بو آستانه ده دوشَنَم دانه گلمیشم رزّاقی یَم سیزون قاپوزا دوشموشم دَخیل امّیدوار اولوب دَرِ احسانه گلمیشم #التماس دعا # ستار رزّاقی .... ﷽ ✨اَللّهُمَّ عَجِّل لِوَلیِّکَ الفَرَج✨