زبانحال حضرت ام البنین سلام ا... علیها
(منم باید برم آره برم سرم بره)
⚫️⚫️⚫️⚫️⚫️⚫️⚫️
جان اوستیم اوغول/سنه دلبستیم اوغول
چوخ اینجیدوب فلک/قلبی شکستیم اوغول
قالموب داخی دوزوم/حسرت باخیر یولا گوزوم
کرب و بلاده من/حیف اولسون اولمادیم اوزوم
دورت اوغلومون غمی/آناوی سالدی غصّیه
ایکاش اوغول صبا/حالیمی بیرسنه دیه
عبّاس آنان ئولور/یتیر اوزون مدینیه
امان امان امان /امان امان امان امان
◾️◾️◾️◾️◾️◾️◾️
اشکیله گوز دولوب/خزان گلوب گولوم سولوب
دیولّه قوللارون/فرات اوسته قلم اولوب
غمدن اوسانموسان/مشک اوخلاناندا یانموسان
آنان ئولیدی کاش/ربابیدن اوتانموسان
رقیّه دن سنی/قوشون خجالت ایلیوب
قولسوز گوروب سنی/نوفل شمادت ایلیوب
دَمیر عمودیله /سنه جسارت ایلیوب
امان امان امان /امان امان امان امان
◾️◾️◾️◾️◾️◾️◾️
ای قامتی رشید/یخدی سنی قوم پلید
ایلوبدی غیرتون/ام البنینی رو سفید
ای با وفا اوغول/وار دیلده چوخ نوا اوغول
شُکر اولسون،اولموسان/حسینیمه فدا اوغول
عطشانیدون ولی/سو وورمادون دوداقیوه
دوشنده توپراقا/زهرا گلوب سراغیوه
بَند اولمییدی کاش/اوزَنگی بیر ایاقیوه
امان امان امان /امان امان امان امان
◾️◾️◾️◾️◾️◾️◾️
اورک نوالیدی/باشدان باشا خیالیدی
هرکیم گلوب دیور/کیچیک قبرون صفالیدی
من(بیکَسم)آقا/دردیمه ایله سن دوا
بوشدور الیم ولی/وار باشدا شوق کربلا
کرب و بلا ددیم/قلبیمه دوشدی وَلوَله
قبرون گورَم گینه /منظور دیل گَله اَله
یوخ حاجتیم فقط/آرزیم بودور آقام گَله
امان امان امان /امان امان امان امان
◾️◾️◾️◾️◾️◾️◾️
#ام_البنین_سلام ا... علیها
التماس دعای فرج
الاحقر مهدی عبادی
@turki_nohemajma
8.3هزار دنبال‌کننده
120 عکس
32 ویدیو
55 فایل
♦السلام علیک یا اباعبدالله الحسین (ع)♦
📌ناب ترین ومتنوع ترین سبک های ترکی
زیر نظر گروه مجمع الذاکرین
@turki_nohemajma
#کانال_ترکی_مجمع_الذاکرین
مدیریت
@khadeemeh110
مشاهده در ایتا