جمعه گونی ➖➖➖➖➖➖➖➖➖➖ شَرر آه اوجالار قلبیم اَسَر جمعه گونی گون باتاندا ائلیر غملَر اثر جمعه گونی گوزی یولدا قالانون صبر و قراری آزالار ئولمَگیمنَندن اولار گاهی بَتَر جمعه گونی بیلورَم که نَدن اولموش اورگیم غم یوواسی چون دیوبلَر گَلَه جَک نور بَصر جمعه گونی اَل اَیاقدان دوشرَم گون یورولان وَقتیده من صَحن عالم اِئله بیل سِجنَه دونَر جمعه گونی کونلومین خَسته قوشی اوچماقا آچموش قَنادی منتظردور آچیلا صُبح ظَفَر جمعه گونی اَجَل اوننان قاباقا دوشسَه اگر نیلِیرَم اِئتمه ایراد که جان اولسا بِسَر جمعه گونی (نادرم) عمر بویی جمعه لَری من سانورام انتظاریم بیلورم اولماز هَدَر جمعه گونی #انتظار_فرج