زبانحال حضرت امام کاظم علیه السلام حاج داود #بیدق_داری (داور ) زندانی ام دور از وطن ، یا قاضی الحاجات یوخدور بو زندانه گلن ، یا قاضی الحاجات صبر ایلدیم اون بیر ایلی، دوشدوم توانادن تاریک محبسده قالوب ، دویدوم بو دنیادن قورتار بو یورقون بنده نی ، غملی قضایادن اولدی مناجاتیم عَلَن ، یا قاضی الحاجات . . دؤزدوم بلالرده اؤزون ، آگاهیسن یارب زنجیریله هم نالَه یم ، هر روز و یا هر شب یوخدور سپهر بختیده ، نَه ماه و نَه کوکب چخمور بو یورقون جان نَدَن ، یا قاضی الحاجات عشقونله هر عارف چاتار ، چون اوج اعلایه چوخدور بو معناده دوشن ، عشقیله غوغایه سن قیل نظر لطفیله بو ، دلده تمنّایه آل جانیمی ای ذوالمنن ، یا قاضی الحاجات باب الحوائج شهرتیم ، امّا گرفتارم زندان یوروبدی جانیمی ، ایللردی بیمارم ایسته حضوره ای خدا ، مشتاق دیدارم سن سن فقط داده یِئتن ، یا قاضی الحاجات کیمدور الهی جان وئره ، زنجیر ایاقینده من تک بوکولسون قامتی ، تاریک اطاقینده یوخدور قالان من تک قوجا ، زندان بوجاقینده نه وار گلن نه وار گئدن ، یا قاضی الحاجات چوخ مایلم معصومه نین ، دیدارینه یارب هجران یِئلی اسدی ثمر ، گُلزارینه یارب سن بیر نظر قیل هجروین ، بیمارینه یارب دلخسته یم یورقون بدن ، یا قاضی الحاجات من بیر غریبم دویموشام ، جانیمدن ای جانان نالَه م اوجالمور سینَه دن ، بسکه یوروب زندان مشتاقم الان ئولمگه ، لطف ایله ای سبحان سن سن بو اسراری بیلن ، یا قاضی الحاجات #سبک_ویرانه_ده_نازلو_بالام #سبک_ای_غنچه_نیلوفریم #زندانی_ام_دور_از_وطن_یا_قاضی_الحاجات

زبانحال حضرت زینب (س) در بالین حضرت امیرالمومنین علیه السلام . . #سبک_ویرانه_ده_نازلو_بالام . . مرحوم حاج قدرت اله نادری . . شمشیری زهر آلود ائدن قاتل نه بیدیندور آچ گوزلرون قربانیوم بابا منی دیندور . . محرابیده قانه باتان ای گلشنی تالان قویما عراق ایچره قالام من بیکس و نالان گلمیش سنون پابوسیوه بو زینب گریان نالان اولان مهمانیوم بابا منی دیندور . . پایانه یتدی اول گجه وقتی ایشیقلاندی شمشیر ظلمیلن اودم باشون قلجلاندی مسجدده سن منزلده من مومنلر اوتلاندی مبهوت اولوب حیرانیوم بابا منی دیندور . . آتدی جفا داشین فلک من خانه بر باده قتل الامیرالمومنین سس سالدی دنیاده شیون ایدوب باش آچماقا من اولدوم آماده ایندی بلا گردانیوم بابا منی دیندور . . گل راضی اولما زینبون چوخ دل دونیم اولسون کلک قضا یازمیش اگر حسرت منیم اولسون عباسیوه رحم ایت گیلن قویما یتیم اولسون سن شمع من پروانووم بابا منی دیندور . . چوخ ناروادور صورتون قانه خضاب اولسون یوخدور وفا بو کوفه ده کوفه خراب اولسون اولما رضا چوخ زینبون قلبی کباب اولسون آواره سرگردانیوم بابا منی دیندور . . قالدیم غریب و بی وطن من زار و دلخسته آلدیم یارالی باشیوی بابا دیزیم اوسته باشون یاراسین باغلارام آهسته آهسته بادرد بیدرمانیوم بابا منی دیندور

┄━═✿♡﷽♡✿═━┄ ➖➖➖➖➖ گلدی محرم یا حسین صاحب زمان آغلار #ورود_محرم_میرزایی_زنجانی ➖➖➖➖➖ ورود ماه محرم #سبک_ویرانه_ده_نازلو_بالام میرزایی زنجان.. .. گلدی محرم یا حسین صاحب زمان آغلار باخدوقجا قاره پرچمه زهرا آنان آغلار .. .. .. .. .. نصب اولدی قانلو کوینگون ای عالمین جانی کرب و بلاده گنبدون اوسته آخور قانی علت اودور عاشقلرون وار گوزده طوفانی قاره گیوب پیر و جوان ایلر فغان آغلار .. .. .. .. .. قانی گلوب عاشقلرین جوشه محرمدور او قانلو میدان یا حسین گوزده مجسّمدور هیئتدی دسته هر طرف یا قاره پرچمدور سینه ویران زنجیر وران هر نوحه خوان آغلار .. .. .. .. .. اعلان ایدور ماه عزا ارکان دین گریان دنیاده غوغا باشلانوب عرش برین گریان گوگده ملکلر نوحه گر روح الامین گریان اسدیگجه یللر هر طرف کون و مکان آغلار .. .. .. .. .. بیزدن سلام اولسون حسین عباس سرداره اوز جانینی قربان ویرن قولسوز علمداره یاس ساخلاروق عبّاسیوه بیز گیمشوک قاره بو قاره پرچملر اولوب اوندان نشان آغلار .. .. .. .. .. بیر دسته سسلر یا حسین شهزاده اکبر وای .