‍ شهادت امام جوادعلیه السلام یاران قورولوب بزم عزا عرش خداده آثار محن ظاهر اولوب ارض و سماده مهدی آقامیز آغلیور ئوز جدی جواده بوغمده گرک سینه سینی داغلیا شیعه قاره گیینه،باشه ویروب،آغلیاشیعه ذی القعدآیینون آخری بیز قاره گیینوک گوزیاشی توکوب گرد غم و یاسه بورونوک قسمت اولا گر قبری,یوزی اوسته سورونوک بو غمده یانان سینه ی پر سوز رضادی بو غمکدیه بانی غریب الغربادی ای شیعه ی اثنا عشر ای ملت ایران همت الیون حفظ اولونا عترت و قرآن نعمتدی بیزیم مملکته شاه خراسان بوگونده ولی قلبینی غم تیری بولوبدی گوزیاشی توکون شاهیمیزون اوغلی ئولوبدی هرکس که اولوبدور غمی دنیاده زیاده اولسون متوسل بو گجه باب مراده ویرسون قسم اول پادشهی اوغلی جواده صدق دلیله کیم اولا بو بزمیده حاضر البته وئرر حاجتینی اوغلونا خاطر من بنده ی شرمنده ی خلاق جلیلم بوشدور بو الیم سائلم و ابن سبیلم بودرگهه بیرعمریدی منتله دخیلم نه شاعرم و نوحه گر ونوحه سرایم من عاشق شوریده سر ابن رضایم گر حضرت جانان منه لطف ایلیه رخصت مدحین یازارام دفتره در حد بضاعت وار معتبر اخباریده مشهور روایت من نظمه چکوم حظ ائده عشاق حسینی ایلوبدی روایت بو سوزی شیخ کلینی اولاد نبی عالم عالمدی مسلم هر تک تکی اولموش بلی سر اللهه محرم یحیادی دیوربوخبری زاده ی اکثم بیرگون من ئوزوم,زائریدیم قبر رسوله مشغول طوافیدیم ئوزوم قبر رسوله ناگاه گوزوم گوردی او دم ابن رضانی مشغول طوافیدی او مصداق معانی حیران ائلمیشدی حرکاتی عرفانی من ماتیدیم اوشهده اولان عزت وجاهه گیتدیم قاباقا عرض سلام ائتدیم او شاهه چوخ رٲفتیله رد سلام ائتدی اومولا عرض ایلدیم ای نابغه ی حکمت وتقوا سندن نچه مطلب سوروشوم اینجیمه اصلا باخدی منه حکمتله او والای خدابین من یاخشی بیلوردوم اوسوالات جوابین القصه نچه مساله من ایلدیم عنوان فی الفور جوابین بویوروب قویمادی نقصان گوردوم ئوزومی مور او مولانی سلیمان عرض ائتدیم آقا سنده اولان حکمته احسن سن تک آقا, عالم بجرن نهضته احسن ای معدن لطف وکرم و علم وفضیلت فخر ایلیه جک سن کیمی مولایه شریعت وارآیری سوالیم منه مانعدی خجالت بو مساله ده ماتم و حیرانم ئوزومده واللهی غرض یوخدی منیم صونکی سوزومده لبخند ویروب ائتدی بیان اول شه حق بین ای عالم گم کرده ره مذهب و آیین ویرم دیمه میش مساله نین فوری جوابین قویما اوره گونده قا لاچوخ درد و ملالون یحیی بیلورم شرح امامتدی سوالون حیرتده قالیب عرض ائلدیم ای شه خوبان اللهه قسم حق و حقیقت بویورورسان کیمدور دئ گوروم... مداحی استاد طالبی #شهادت_امام_جواد_علیه_السلام ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

🍂شهادت امام جواد(علیه السلام)🍂 ✍ابراهیم پور خوئی آغلا قان ای بصریم نور دل زهرایه گل گلزار رضا و نوه ی موسایه عالمی ترک ائلدی گئتدی قوناق طاهایه شیعه لر قاره گیئوب آدی گزور دیللرده ننه سی فاطمه تک ئولدی جوان اللرده زهر وئردی اؤز عیالی اونی ائتدی مسموم مثل جعده ائلیوب قلب جهانی مغموم قدسیان اهلی دیله گلدی دئدی وا مظلوم سنکیمی جان وئرن اولموبدی بو دنیاده آقا بو غمه گلدی خانم فاطمه فریاده آقا نجه که آتدیلا دامدان یره مسلم آقانی نجه که آخدی باشیندان یره اول پاک قانی آتدیلار حضرتی اول شکل یره چخدی جانی قالوب اوچ گون بدنی گون قاباقیندا آقانین دیین اولمادی آقا هاردادی بس آغلیانین؟ جان فدا اولسون حسینه شه گلگون کفنه بدنی گتدی اونون مقتله بیر غملی ننه دئدی ای اوغلی ئولن فاطمه قرباندی سنه هانی‌بس‌باشون‌اوغول‌جسمیوه‌چوخ‌یاره‌دگوب بو یارالی بدنون فاطمه نین قدّین اگوب بو بلا دشتیده اصحاب هامیسی قانه باتوب علی اکبر بیلورم مقصد و منظوره چاتوب آلتی آیلیق علی اصغر دئ گوروم هاردا یاتوب او ربابین گوزونون یاشینی القانه قاتوب محسنه‌یولداش‌اولوب‌اؤز‌ ننه‌سین‌داشین‌آتوب توخیان پیرهنیم یوخدی سنون اگنونده گویون اولدوزلاری تک چوخدی یارا جسمونده شبنمون مثلی سوزور قان بو کسیک حلقونده ویردیلار کوفه لیلر بو بدنه چوخ یاره بو همان قاندی یاخیلدی دریلن دیواره شاعر✍لاادری #شهادت_امام_جواد_علیه_السلام ✨اَللّهُمَّ عَجِّل لِوَلیِّکَ الفَرَج✨

زبانحال حضرت امام جواد علیه السلام🍁 ✍ حیدری زنجانی الهی غریبم آخور گوزیاشیم دوشوبدی بلایه بلالی باشیم من ئولسم کیم آغلار یانوب سینه داغلار غریبم خدا الولاندی لبلر جگر پارچالاندی وطندن اوزاقم اورک ناگراندی گرفتار و زارم شه بی قرارم منه بیریانان یوخ اودی داغدارم غریبم خدا باشیم اوسته آفت غباری اسیلدی ره چاره بیردن الهی کسیلدی بهاریم خزاندی دلیم اوتدایاندی وطندن کنارم بالام ناگراندی غریبم خدا مدینه یولوندا گوزوم قالدی باری گوروم درده دوشسون منیم تک بویاری جمالیم سارلدی توانیم آزالدی نه بیرکس ایشیتدی سوزوم دیلده قالدی غریبم خدا ✍محمدی #شهادت_امام_جواد_علیه_السلام

شهادت جوادالائمه (ع) و گریز به دفن امام حسین (ع) قلبيم گينه ده محنت اياميله قان دي احواليم  امام جوادين حالينه يان دي دشمن اوز اوينده اوني مسموم ايليوبدي پيشم بو مصيبتده گينه آه و فغان دي قالسين هله قاتل آقانين محرمي اولدي هيچ باخمادي دشمن آقاميز تازه جوان دي تحريك ايليوب معتصم دون او پليدي مسموم ايليوب حضرتي دل مرثيه خوان دي تاثير ايلدي زهر جفا سولدي جمالي اكبادي اولوب پاره  اورك دردي نهان دي فرمايش ايدوب جرعه سو اولسا يانيرام من قاتل ولي بو واقعه ده رقص كنان دي زهرين اثريندن ايليور ناله او حضرت هيچ باخمادي قاتل بو طبيب دل و جان دي ال چالديلا كل چكديلر اول مظلوم امامه سو ويرمديلر ارض و سما گريه كنان دي آخرده قاليب پشت بام اوستينده جنازه گون ايستي سي تاثيرايليوب پيكري يان دي گوردي هامي آچميشدي قاناد نچّه كبوتر زهريله يانان پيكرينه سايه سالان دي سوز چاتدی گریزه ایلیون اشکوزی جاری کیم یاخجی قولاق ویرسه بلی مطلب آلان دی لایوم کیومک؛ شه ابرارحسین جان اوچ گون بدنون ایستی قوم اوستینده تالان دی آخرده گلوب سید سجاد اودشته نعش شهدانی فقط آقا تانیان دی گلدی او چوخوریرده تاپوپ نعش امامی سسلندی بابا حالوه دشمنده یانان دی سن نیلمیشیدون بو دنی لشکره بابا باشدان ایاقا پیکروون نقشه سی قان دی سرو چمن فاطمه قاندا یخلوبسان گلزار جهان بیله غموندن سارالان دی نعشون بوچوخوریرده باشون هاردا قالوبدی اول مطبخ خولیده کول اوستینده یاتان دی القصه حسینون بدنین بوکدی حصیره الاندا اونا حور و ملک فاتحه خوان دی 1⃣لطف ايله حسين زائري بو (آذرين) اولسون بيرعمر غريب جدووه چون سينه ويران دی 2⃣ای حجت حق پرده نی رد ایله یوزوندن هجران غمینه (آذرینون)حالی یامان دی #شهادت_امام_جواد_علیه_السّلام

┄┅✵﷽✵┅┄ #غزل_مرثیه_ترکی #شهادت_امام_جواد_علیه_السلام #سروده_رقیه_سعیدی_کیمیا یارب گینه زهریلن ، یاندی جگر اودلاندی تا ائتدی جفـــا زهری ، قلبه اثر، اودلاندی ازبس کی آغیر غمدی عالمده جوان داغی یاندیردی ئورک باشین ،شب تاسحر اودلاندی یاشمس شموس اوغلی! سَن ماه منوّر سن الله نیه خاطر اُول ، قرص قمــر اودلاندی آخــر بو نَـه عالمــدی ؟ منــزلده غریبـــانه لب تشنه جگریاندی، هم بال وپر اودلاندی یوخ مَحرم اسرارون ،هر ناله کی سَن چکدون یئر ناله چکیب سَنلَن ، گؤی سر به سر اودلاندی یاندیردی عطش داغی، آهیله یانوب سینه آخدی گؤزیوین یاشی،اشک بصر اودلاندی یا اِبن رضا! گرچه سَن داغ جگــر گؤردون ازبس ائلَه دون ناله ، دیوار و در اودلاندی اما یادا سال هردم، آخشام چاغی ،عاشورا توفان بلا قــوپدی،چون خیــمه لر ادلاندی هچ داغ ایکی دنیاده جدّون داغی تک اولماز اکبر باشینین اؤستَه ،قلب پدر ادولاندی تا روزقیامت هم سؤنمَز بواوغول داغی بو ماتم عظــمادن ، روح بشر اودلاندی ┄┅═✼✵𑁍✵✼═┅┄ ✍رقیه سعیدی(کیمیا)