بیر وجودی که اولوبدور باعث بود و نبود اِیچمَسه بیر جرعه سَندن، سنده وار آیا نه سود جلوه لندی سنده تا عکس لب دریای جود بیر یانار اود سالدی جانه قُلزم ذَخار عشق اوچ گیجه گوندوزدی که سو یولارون اهل جفا باغلیوب اخیامه عرشه قوزانوب داد و نوا من سو اِیچسم گور شه عطشان اولار مندن رضا لازمه مندن رضا اولسون شَه بی یار عشق باغلادی سو یولارون تا لشکر کینه شعار اولدی خیردا قیزلارا مخیمده محشر آشکار گور روادور سو اِیچم من قیزلار اِئتسین آه و زار آز قالور یانسون سوسوزدان یکسره گلزار عشق موج ویردوقجا دوشور طفل لب عطشان یادیمه جلوه لندوقجا گوزومده اود سالور اکبادیمه سَسلیور اِیندی آناسی تِز یِتیش فریادیمه اصغریم یاندی سوسوزدان، هارداسان سردار عشق گر #عتیقا اِیسته سَن که، شافع روز جزا... روز محشر شافع اولسون نوحه یاز اِیله نوا عمریوی بیهوده قویما اولسون عالمده فنا قالمیوب قالماز بو عالمده به جز آثار عشق #طهمورثی_عتیق امام حسین (ع) در بالین برادر مرحوم منزوی اردبیلی او قانلی گوزلریوی آچموسان نیه قارداش بلالی قارداشیوا ائتموسن ملالیوی فاش عیان ایله منه دردون بولوم منِ خسته عقابیدن یره دوشدون اگر یوزی اوسته دیله گلوب اوزون آگاه ایله بو سرّه منی گوروم کیم آرخاوون اوستونده دوندروبدی سنی بدنون آرخاسی اوسته و یا ترابه دوشوب او وقته علّتی یوخ توپراقه یوزون بلشوب یقین اولور منه بیر آندا رم یینده سمند یره دوشنده ایاقون اولوب رکابیده بند یقین بو ماه جمالون که توپراقا بورونوب نچه قدم قوری یرده او گل یوزون سورونوب هامی بولور بونی سن معدن شجاعت سن گوز آچموسان یوزیمه اولمیا خجالت سن یقین سوسوزلارین حالین گلنده گورموشدون منیم رقیّه بالاما سو قولی ویرمیشدون جنازن اوستونه تک گلمیشم قانا بویانام اوتانما گوزلرون آچ گلمیوب رقیّه بالام جواب حضرت ابوالفضل العباس (ع) عرض ای تدی حسین چوخدی سوزوم حیفدی اما سوز پاره لنر بو یارالی لبلر الینده سیل گوزلریمی قوی دانیشاق گوز گوزه قارداش نه حاله قالوب گور بو گوزوم لشگر الینده یوخ آیری غمیم خیمه لروندن نگرانم قطع اولدی امیدیم کسیلن اللر الینده بیر منظره گوردوم من اوزوم خیمه ده قارداش یاندیم نجه که عود یانار مجمر النده ئولسمده بو نسگل اورگیمدن چخا هیهات قالمیشدی ربابون یاخاسی اصغر الینده هر زمان دوشسه گل یاسه گؤزوم  آغلیار حضرت عباسه گؤزوم  قره کؤینک گییرم  یا اباالفضل دییرم    گول کیمی پرپر ائدوب دشمن اونی  دوغریوب ظلمیله اهریمن اونی  او چیخاتماز منی یاددان بیلورم  نئجه یاددان چیخادیم بس من اونی    قره کؤینک گییرم - یا اباالفضل دییرم (۲)    باغبان بلبله اورگتدی گل یاسین آدین  منه ¬اورگتدی¬آنام¬اُول ¬شرف¬النّاسین آدین  من اوشاقلیقدان حسین نوکری¬ام  وئرمرم عالمه عباسین آدین    قره کؤینَک گییرم - یا اباالفضل دییرم (۲)    مشک و هم پرچم سقایه قسم  باجی¬سی زینبِ کبرایه قسم  نَقَدَر عمریم اولا یاس دوتارام  عصمت حضرت زهرایه قسم    قره کؤینَک گییرم - یا اباالفضل دییرم (۲)    کیم ابالفضل آقانی یاده سالوب  او گؤزل آدی دیوب مطلب آلوب  آند اولا قوللارینون حرمتینه  کیم اونا نوکر اولوبدور اوجالوب    قره کؤینَک گییرم - یا اباالفضل دییرم (۲)    سَرو تک قامتی رعنادی اونون  سینه¬سی سینه¬ی سینادی اونون  گونده باخسا اونا دویماز گونوزی  آی کیمی چون یوزی زیبادی اونون    قره کؤینَک گییرم - یا اباالفضل دییرم (۲)    قبر معطورینی گؤردوم من اوزوم  چوخلی باخدیم ولی دویمادی گؤزوم  او گؤزل قبری دوشنده یادیما  قالموری قلبیده بیر ذرّه دؤزوم    قئره کؤینَک گییرم - یا اباالفضل دییرم (۲) گوز تیکوبدور سنه قارداش دم خنجرده باشیم تز یتیش دادیمه قویما قالا اللرده باشیم دیمورم قارداشووام عرصه‌ده سرلشکروم یا الیمده عَلمیم واردی علم پروروم منده‌گر سلطنت عالَم اولا نوکروم خاکبوس اولمیوب اولماز در دیگرده باشیم سن بیلورسن سنه قارداش دئمدیم ئوز باشیما امر زهرادی که زحمت ویرورم قارداشما گل ایاقوندان ئوپوم قوی الون السیز باشما اولا تا آخر عمرینده نظر کرده باشیم گرچه ذبح اولماقا باشیم قاباقوندا تَلَسر خنجر قاتل اسنده اودا شوقنیدن اسر وار نه جلّادیده جرأت نَه‌دَه خنجرده کسر باخما السیزدی چتین ال وئره نامرده باشیم ای ابالفضل لباسین دئیشوب آل یزید جمع ایدوب‌سفرهٔ احسانیله‌باشینه مرید (منزوی)حق‌دانیشاندا ائلیور حمله شدید گوی چوگان تعدّی اولوب اللرده باشیم مرحوم منزوی اردبیلی دئمورم نهر فرات اوسته نه طوفان اولدی